Sunday, December 09, 2007

الاحباط وأنا :)


ابتسامة عريضة كأني هتصور كده بس بتقلب بابتسامة صفرا ده انا بتمرن علشان اواجه الاحباط اللي عندي :)

الاحباط هو سيد الموقف الان ولكن انا برضه ليا اليد العليا ف القرار مين سيد الموقف ف الاخر ان اولا هو بس ممكن يبقى هو سيد الموقف وانا سيده الموقف ونبقى كدا متعادلين بلاش رخامة واستزراف ونخش ف الموضوع

بجد ان امش عارفا الاحباط ده ليه كل شوية يجي كل ما الاقي الدنيا بقت بمبى تتقلب اسود وكاني بقع من فوق السلالم اللي بفضل اطلع عليها كل شوية واقع طرااااخ واقوم وانفض هدومي واغسل ايدي ورجلي من اثر الصدمة واقعد اعيط شوية وبعد كدا افوق ان انا لازم اكمل واطلع ع السلم علشان اكمل من مكان ما وقعت وخلاص وصلت للحتى اللي وقعت منها وهووووب لا مش وقعت طلعت حته كمان ويجي الاحباط يزوقني تاني واقع من ع ارتفاع اعلى وكل ما الارتفاع بقى اعلى الوقعه بقت اشد والوقفه مرة تاني بقت اصعب وان انا اطلع تاني اصعب واصعب واعيط اكتر بس افتكر احلامي اللي هتضيع ديه ذنبها ايه يعني ان اللي حلمت بيبها كل شوية تحبط وتقع فاقوم وانا مكسورة واحاول اطلع تاني بكل جهدي ومازال مسلسل الاحباط وانا مستمر هو يوقعني وانا اطلع بالعافية هو يغظني ويجيلي فجاة انا اغيظة واعمله مفاجاة وحبه فوووووق وحبه تحت وعلشان نعلى ونعلى ونعلى لازم نطاطي نطاطي نطاطي وتبعا بمبدأ قلنا هنبني وادينا بنينا السد العااااالي فانشاء الله انا هطلع من تاني ويا صحابي يا اهلي يا جيراني انا راجع اطلع من تاااااااااااااااااني :)

وان شاء الله لنا اليد العليا ف الفوز مع ماتش الاحباط واصلا ايه اللي عمل الاحباط الفوجائي ده ؟؟؟ جبت درجه وحشه اوي ييعععععععع ف الماتيريال والله ماده بنت ناس كدا مش هكدب و اقول كنت مذاكراها حلو يعني انا كنت عاكه شوية بس مش لدرجه الدرجه ديه يعععععععع ما علينا فان شاء الله لو درجه الكويز بتاعه نفس الماده ديه حلوة فهدي الاحباط ع دماغه لو العكس هحاول اطلع تاني :) يلا ربنا معايا انا بقيت رخمة اوي وكل شوية اكتب عن المذاكره والاحجات الرخمة ديه بس مفيش غيرها شاغل تفكيري اعمل ايه ؟؟؟

14 comments:

saso said...

معلش يا جميلة
ضريبة الهندسة
تتعوض بس ميجيلكيش احباط

مستعجلة ليه
:D
الحياة وردي جوه الكلية وبعدها كمان

ابقي طمنينا علي نتيجة الكويزات بقي

Bahz.Baih said...

بصى بقى يا ستى و ده خلاصه نعبى فى الاستنتاج و الملاحظه مده تسع سنين بحالهم فى هندسه ... شفتى عذاب أكتر من كده ...علشان كده لما أقول هيتفضل سموى بالشرح ليكى يبقى عندى حق و حق الحق ... أن انا جالتلى خنقه من الكليه دى و بعد كده مشتغلتش بيها ... المهم مش هطول عليكى و اتكلم كتير عن ذاتى و تجربتى و خرتى علشان أنت أكيد عارفه أن أهم صفه عندى هى التواضع و بلا فخر انا توصلت للنظريه المهمه اللى ممكن تعالج الأحباط و الأكتئاب و المشاكل السلبيه ... نظريتى بتحض كل التبريرات اللى ممكن تقوليها و اللى مش ممكن ... اللى تعرفيها و اللى متعرفيهاش ... أصل انا و بكل تواضع أمتاز بقوه الملاحظه
بصى يا ستى و صلى على النبى... الأحباط مشكله هيماوانيه من همايون و هو كل ما هو غير محدد زى أنثى ذكر الصعيدى كده و المشكله ليها تأثير بالطاقه العامه اللى ماشيه فى الجو ... فمثلا جو الامتحانات حتى لو معندكيش أمتحانات ممكن جداً يجيبلك أحباط و كمان ىإكتئاب و كذلك عوامل السن و الجنس ... فالبنات تحبط فى مواسم زواج البنات الاخرين .. الولاد يحبطوا من ماتشات الكوره ... عادى ...هتقوليلى طب و يا بهظ الحل أيه؟؟؟
هاها ها .. أستسلمتى و أيقنت بعبقريتى ... أقولك يا ستى ... روحى عندى فى البلوج بوسط أسمه سعيد و انت تلاقى مرادك يا شمعه
-----------------
ملحوظه الكومنت مش غرضه غير رفع روحك المعنويه لأنى انا (انا انا ) مجرب إحباط الكليه و مش غرضه الاعلان خالص... والله والله كمان مره

مـحـمـد مـفـيـد said...

يااااااه يا نوران
الاحباط ده حاله مسيطره علي معظمنا من كل الضغوط اللي بنتعرض لها
بس اهم حاجد منخليش الحاله دي تسيطر علينا
لسه يا نوران
المشوار طويل

NoOR said...

انا كده هازعل ..... حد يجيله احباط من هندسه الكليه الكميله العسل دي

يابنتي خديهم علي قد عقلهم عايزين يدونا درجات وحشه حقهم وماله عايزين يجيبولنا امتحانات تعقد ...عادي احنا ورانا ايه وراهم وراهم لحد ما نتخرج

دي معركه النفس الطوييييييييييييل

شددد جاااااااااااامد
اكتم بقي

NoOR said...

ساسو : ما تضحكيش عالبنيه قال وردي قال

Shreef said...

تقريبا الاحباط ده بئى الشعور السائد عن كتير من الناس بس المشكلة ان احنا لما نقع مينفعش منقمش لان لو مقومناش يبئى موتنا..اكيد الدرجة ديه اثرت على نفسيتك و اتمنى انها تتحسن مع الناتيج التانية..و بعدين انا مش متشائم ولا احجة بس من امتى الحياة و هي لونها بمبي ؟؟

Shreef said...

سلام

عمر بوك ستورز said...

زورونـا تجدون ما يسركم


قااائمـة كبيرة ومتنوعة وشاملة من الكتب الأدجبية والثقافية والتاريخية بأسعار لا تقبـل المنافسـة

تحت سقف واحـد ...

smraa alnil said...

يا سيتي قولي انا ادها وادود

وبعدين الاحباط دة عند الكلمش انتي بس
بس لازم تتغلبي عليها وتقولي انا يا شرة ما يهزك ريح

وربنا معاكي والمرة الجاية لما اجي اجيلك عايزة شوية تفائل

طهقان said...

انت غطسانة فين من زماااان ؟

Unknown said...

ya dmk el te2eel

mesh hatbatali estezraf abadan ?

M.Nassif said...

ذاكر...تنجح
:P
الف لا بأس عليكى
وإن شاء الله الكويز يعوض

marktwain said...

الحل الوحيد للاحباط انك تكوني متأكدة انك اقوى من اي حاجة ح تحصلك و الاخطر على الاحباط انك ماتخديش بالك منه اساسا

ثم انتى في هندسة و اللى الناس كلها مبهورة بيها
كل سنة و انتى طيبة

ذو النون المصري said...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................