حااالة

كانت مستعدة لعمل اي شئ لارضائة

.

.

.

لكنه لم يلحظ وجودها قط رغم ما تبذله للفت انتاهه

ظلت تبكي كثيرا وظلت حزينة

.

.

ولكنها قررت الا تهتم به ثانيا وتركته وراء ظهرها اصبح مجرد ذكريات تتعلم منها

.

.
ولكنها مازلت تفتقد الحب وتحلم بان ياتي من يقدرها

ظلت متمسكة بالامل

تنتظر

و

تنتظر

وخرجت ف يوم من الايام بكامل اناقتها

حتى ظهر لها من بعييييييييد

اخذت تنظر اليه بشده

لم يكن شبيها لفتى احلامهاولكنها انجذبت اليه كثيرا وبدات تغرورق عيناها وكلما اقترب ارتجف قلبها



اخذت تنظر اليه كلما يقترب نعم انه كما تخيلته هو هو فتى احلامها

ظهر لها قائلا :الالف ميل بيبدأ بخطوة

ابتسمت...ف خجل

ثم قالت:


وماله بنبدأه بخطوة


بس اخيراااا انت جيت يااااااااااااااااا عوومرر
.
.
انتهت


ملحوظة صغيرة : الرسمة بتاعة عمر ديه حقيقية باينه طبعا انا اللي رسماها وده فتى احلامي اصلا اسالوا صحابي عليه اسمه الحقيقي شحيبر -ربنا يسامح اللي اختار الاسم- واسمه الحركي عمر.. ع فكرة ده اصلا لسه متولدش او اتولد وانا ملقتهوش من يجده يتصل ع رقم 01234567891 هتلقوه شبه الصورة كده واللي هيلاقيه ليه مفاجأة

دعوة للفرح هههههههههههه

الاجابات

اه انا افتكرت احطلكوا الاجاابات بتاعة الاسئلة
محدش جاااوب غير عربي علشان كده هو اللي فاز االاول ندعيله دعوتين علشان الثانوية العامة ربنا يا ابني يسهلك ويهديك وتذاكر وتجيب مجموع ابن ناس علشان تخش هندززة وتبقى زميل ف الكفاح

وعلبتين الشامبو والتذكرتين والصورة بتاعة حببنا كلنا هيوصلولك ع بعد بكرة الصبح كده :)

انهي شامبو هو اللي 2 ف 1 ابعت الاجابة ع 6065 وهتكسب علبة شامبو هدية

الاتنين شامبو 2ف1 علشان هما شامبو وبلسم مع بعض

طب عارفين الريس كان جاي ليه ؟
الريس كان جاي الماتش علشان يتفرج ع الاهلي ويشجعه او علشان يشوف برشلونة ع الحقيقة ويسلم ع رونالدينهو يا جماعة رونالدينهو ده اغلى لاعب ف العالم لازم الريس يشوفه برضه او زي ما تشوس قال

.
الخمس اسئلة الاخيرة

ماهي انجازات اللئيث باثتثناء الضلبة الجوية ف حلب اكتوبل ؟

انجازات الريس كتير لا يمكن حصرها ده احنا ف عهده خدنا يجي 3 مرات كاس الامم الافريقية

.

ما هو قيمة ملتب اللئيث باثتثناء المكافات واموال الشعب؟

اما قيمة مرتب الرئيس فطبعا زي اي موظف حكومي واحنا هنا مش عايزين قر ولا حقى وربنا يدي كل واحد ع قد نيته

ايه الكلام الفاضي ده واحنا مالنا كل واحد يخليه ف مرتبه وهجبله مرتبة ومخدة هدية

.

هل اللئيث وظيفة حكومية زي كل الوظايف يعني طلع ع المعاش وياخد علاوات وحجات كده ولا ملوش سن علشان يطلعع ع المعاش؟

سؤال غبي ازاي يطلع معاش الريس كبر مش هيقدر يطلع سلم المعاش فعلشان كده احنا لغينا المعاش بالنسبة ليه

.

بعد 150ثنة الا لبع هيبقى حفيد اللئيث اللي شفناه امبالح ع حجله ف اللئاسة ولا ايه؟

بعد 150سنة الاربع اصلا طبعا مش هيكون ف الحكم علشان امريكا هتكون جت واحتلتنا ومش بعيد يكون يوم القيامة جه :)

.

انا بكتب ليه السين (ث) وليه الراء(لام)وليه عماد متعب امبارح ضيع اجوان كتيييير؟.

اخر حاجة انا بكتب السين ثه والره لام علشان كنت بستهبل

وعماد متعب ضيع اجوان كتيير علشان مكنش عايز يحرج برشلونة ويدخل فيه اجوان شوفتوا

سلااام

برست بلاس ولا هيداندشولدرز

تحددديث:

اللي يخش يجاوب ع الاسئلة مفيش غير عربي بس اللي جاوب ابعتوا الاجابات ع 6065 والاسامي هتنزل ف النشرة بعد عمر طويل وهقول الاجابات الصحيحة ف التعليقات مش هقولها علني لحسن نتقفش ولا حاااجة هههههه عادي بهيس يعني

.

.

برت بلاس ولا هيد اند شولدرز

لا لا ده مش اجابة سؤال ملكة جمال مصر انا سمعت اوشاعة مغرضة بتقول انهم بيسالوهم بتغسلوا شعركم بايه وده اللي ناقص واحنا مالنا ان شالله بيغسلوه بجاز واحنا مالنا وديه اسئلة ثقافية تتسال اصلا وفيه حد بيتفرج ع مسابقات من هذا النوع ؟؟

المقصود بعنوان التدوينة ان البوست 2 ف 1 وانا مش عارفة انهي شامبو هو اللي 2 ف 1 ابعت الاجابة ع 6065 وهتكسب علبة شامبو هدية

:)

طبعا امباارح كان فيه ماااتش جامد جدا باستثناء ان ف اربع اجوان دخلوا كده معرفش ازاي هههههه اكيد حطوهم ف الجون بس كان ماتش حلو اوي كنت حاسة ان انا الاهلي وبرشلونة الكلية من كتر الاجوان اللي جت فيا وف الاهلي اخر جون دخل ف الاهلي كان بتاع ايتو ف اخر دقيقة وانا اخر جون دخل فيا بتاع الكيميا 13 من 20 شفتوا الهنا والسرور مش عارفة طب انا اتدربت والاهلي ادرب يبقى العيب فين العيب ف النظام وسعد زغلول قال مفيش فايدة والجيش بيقولك اتصرف وبمناسبة الجيش شفتوا يا جماعة الريس جه يتفرج ع الماتش والاهلي احرجه ودخل فيه 4 اجوان عارفين امبارح ف الماتش كان مدحت شلبي بيعلق المهم بيقول ان ف ارض الملعب دلوقتي ناس بالملاين والمليارات بفلوس اكتر من ميزانية النادي الاهلي للنشاطات انتوا جايبين الناس تقروا عليهم ولا ايه لا ولما رونالدينهو نزل الراجل ده جاامد والله لعيب فعلا المهم ضحك لعصام عبدالفتاح ومدحت شلبي قعد يقول هيروح البيت يقولهم ده رونالدينهو ضحكلي لا ويقولك مش مهم النتيجة فكرني بنفسي وانا بقول المهم انجح مش لازم تقدير وقد يقول المهم ان احنا جبناهم فكرني بنفسي وانا بقول المهم اني دخلت الكلية وخلااص

.لا بس رونالدينهو جاي ليه ده حتى مرحش مع البعثة يشوف الاهرامات ده كان واقف ف الماتش مش بيجري كانه بيوجهم ويلمس الكورة بس ده اللي كان بيعمله حاجة غريبة

.

طب عارفين الريس كان جاي ليه ؟ اللي يعرف اجابة السؤال يبعتلي ع 6065 والجايزة تذكرتين ماتش الاهلي وبرشلونة الجاي هههههه

يبقى لحد كده عندنا سؤالين وهديتين صح كده

المهم كل سنة وانت طيب يا اهلي وعقبال 100 سنة كمان وتجيب برشلونة وتكسبهم انت بقى هما كل شوية يكسبوك مرة 6 واحد من كام سنة والمرة ديه 4 صفر شكلك هيبقى وحش اوي

.

المهم نيجي للموضوع التاني :)

اكتشفت اننا واخدين اجازة النهاردة وف ناس مش هيروحوا الشيخ زايد واحنا هنروح والرسمة طلعت صعبة ايه الكلام الل بقوله ده المهم ان النهاردة تحرير سينا تعرفوا اني مكنتش اعرف غير ف 3 اعدادي اننا بناخد اجازة اليوم ده انا كنت بحسب 6 اكتوبر هو اللي عملوا فيها الحجات كلها بس لقيت ف يوم تاني بتاع تحرير سينا طبعا انا مش عندي اي خلفية تاريخية عن اي حاجة ما شاء الله عليا المهم يعني انا بحب يم الاجازة ده جدا طبعا انا ورايا بلاوي متلتلة واستاتيكا مركونة من الترم الاولاني عايزين ننعش الذاكرة ومتفرجتش ع الطريق الى ايلات نفسي اشوف الفيلم ده كامل ولا مرة عملتها وشفته دايما بنام ف نصه وانا بتفرج عليه المهم ايه اللي جابني بقى هنا معرفش حد جابني ومشي وسابني المهم اني هنا اه ف تحرير سينا بفتكر قصة عنق الزجاجة بتاعة ادهم صبري كان عدد خاص مش مشكلتنا المهم سينا رجعتلنا وهتروح مننا بمناسبة تحرير سينا وانا قاعدة بذاكر استاتيكا جتلي افكاري تعطلني كالعادة هي الافكار السودا ديه جتلي قبل كده بس المرة ديه جامدة بمناسبة ان الريس راح ماتش الاهلي وبرشلونة وقعد حفيده ع حجره وبمناسبه انه قائد الضربة الجوية

عندنا دلوقتي اسئلة كتير وابعتوا اجابتها ع 6065 ومش عارفة ايه اللي ممكن يحصل هبعتلكوا صورة للريس سنة 2017 ماشي :)

ههههههه

طبعا قبل الاسئلة ف حاجة عايزة اقولهاا ف كذا حاجة حصلت وانا ضاربة طناش ومش عايزة اكتب عنا تعديلانت دستورية القبض ع عبد المنعم انا اخواني ومش عارف ايه تاني حصل

المهم ان انا عندي اثئلة ثغننة جدا جدا

الثؤال الاول:

ماهي انجازات اللئيث باثتثناء الضلبة الجوية ف حلب اكتوبل ؟

الثؤال الثاني:

ما هو قيمة ملتب اللئيث باثتثناء المكافات واموال الشعب؟

الثؤال الثالث؟

هل اللئيث وظيفة حكومية زي كل الوظايف يعني طلع ع المعاش وياخد علاوات وحجات كده ولا ملوش سن علشان يطلعع ع المعاش؟

الثؤال اللابع:

بعد 150ثنة الا لبع هيبقى حفيد اللئيث اللي شفناه امبالح ع حجله ف اللئاسة ولا ايه؟

الثوال الخامث؟

انا بكتب ليه السين (ث) وليه الراء(لام)وليه عماد متعب امبارح ضيع اجوان كتيييير؟

واخيلا ااقصد اخيرا ابعتوا اجابة ال12 سؤال اللي ف البوست -انا معرفش هما كام سؤال-ع 6065 وهتنزل اسماء الفائزين ف النشرة ان شاء الله بعد عمر طويل واحتمال اخد وقت مستقطع علشان الفاينل ع الابواب وعايزة افتحله الباب واقف جون حلو كده للكلية واروح اجيب فيهم جوون لحسن المرمى بتاعي هيقع خلاص بس ممكن تلاقوني داخلة تاني عادي خااالث ااقصد خااالص :)

سلام

bAck

لولولولولولولي وخلصت الامتحانات ورجعت تاني كح كح كح اية التراب ده كله البلوج مترب اوي كله من رياح الخماسين ديه وانا مقفلتش الشوباك كويس ايه ده الصور متربة نبدأ حملة التنظيف جردلين ماية وأزازة جلانس وحتة تنفيض المع بيهاالحروف والصور -بوم تيش نيش - اه الحمد لله نظف وبقى بيبرق دلوقتي يااه ست بلوج هايلة ههههه فعلا ياااه بجد كانوا اربع اسابيع عصيبة اول اسبوع النتيجة بعد كده توابعها وبعد كده تحضير عفريت الميد تيرم وبعد كده الامتحانات مااقلكوش عليها تفزع الحمدلله بس الواحد حس ان ثقته بنفسه بدات ترجع تاني بعد ما كانت ادمرت باستثناء ان امتحان الرياضة اللي هجيب فيه امتياز ان شاء الله التيرم التاني - ده اللي طالع عليا اني اقول لصحابي هجيب امتياز رياضة التيرم ده شكلي اتهبلت خلاص- كان امتحان ابن ناس كالعادة ورخم بس كنت طالعة مبسوطة من جوايا بالرغم اني الفت علم تكامل جديد بس ده ميمنعش اني حسيت اني مبسوطة ولا الكيميا بدعت بس حليت مسالة التكيف صح الحمدلله هههه كان يوم الجمعة اوقف ميكروباس الساعة 8 الصبح اقوله جامعة بصلي باستنكار واستعجاب قائلا جامعة ايه دلوقتي يا انسه ومشي وسبني بس معرفتش وجهع الميكروباس ده ياااه بلاش السيرة ديه بقى انا زهقت من الامتحانات..ا

.
المهم اثناء تنظيفي للبلوج عثر ع تاجين متاخرين بقالهم قرنين والله يا بشمهندس مبرمج حر انا مقصدتش انفضلك ومعملهمش بس الظروف جت كده وادي يا سيدي التاجين اللي ف زمتي وفوقيهم غرامة 25 قرش لا مش القرش بتاع الماية قرش اللي هو حفيد حفيد الجنية يعني ربع جنيه يا عم نبدأ بقى

.
هل كنت طالب شاطر ف المدرسة؟
.

هات بلاستر يا دكتور علشان نغير ع الجرح بقولكوا جبت ض رياضة تقولي شاطر بس بصراحة انا كنت شطوووورة طول مرحلة المدرسة وبطلع من الاوائل ونجوم وحركات كده بس المدرسين مكنوش عرفني علشان كنت بقعد ف الاخر مش بتكلم ولا اجاوب بس بيتفاجئوا اني اجيب درجات حلوة اخر السنة واني بطلع من الاوائل بس ع فكرة ان شاء الله هبقى شطورة ف الكلية اصل الوقعة اللي متكسرش تقوي باستثناء انها بتعور بس بتدي مناعة وخبرة
.

كنت عايز تبقى ايه وانت صغير؟
انت اللي جبته لنفسك يا فندم الموضوع ده عايز بوست من اوله لاخره بس هقول برضه من غير تريقة يعني طبعا كنت

عايزة اطلع مدرسة ده حاجة طبيعية يعني علشان انتقم واوقف العيال واسالهم شفوي اصلها عقدتي الشفوي ده واللي ميجاوبش هعذبه
وكنت عايزة اطلع بتاعة ذرة ويبقى عندي كشك سجاير جنب الذرة واقف ف الاتنين
وكنت عايزة اطلع جرسون علشان التبس وكنت عايزة اطلع مخترعة وصحفية بيني وبين نفسي ورسامة بس بجانب كل ده كنت عايزة اطلع مهندسة ويا ريتني ما طلعت كنت فضلت واقفة مكاني مش كان احسن
.

ايه اكتر مادة بتكرها؟
عادي يعني بس العربي ممكن شوية علشان مكنتش بجيب فيه درجات عدلة بس في حاجة غريبة اوي ليه نص البلوجر بيكره الجغرافيا دده انا كنت بحبها اكتر من التاريخ وكنت شاطرة فيها وف اولى ثانوي كنت جايبة تاني اعلى درجه فيها شفتوا التفوق :)
.
التاج التاني::

ايه الهواية اللي لما تكون فيها بتنفضل عن العالم الخارجي؟

.
اديني كتاب قصة رواية ميكي حتى وسيبني مش هترجع غير وتلاقيني مخلصهم بحس ان القراية ديه عاملة زي النوم والماية والاكل حتى لو كانت قراية مجلات اطفال
مع ادهم صبري افضل اتخيل ازاي بيعمل كده الرجل المستحيل ده والست الشريرة سونيا جراهم اللي مش راضية تديله ابنه ست رخمة اوي ولما بقراها بحس ان المصريين دول كويسين معرفش ليه بجد نبيل فاروق يشدك باسلوبه الجميل وعايز تعرف ايه اللي هيحص بعد كده
نيجي لفريق المستقبل ونور وزملائة ولحد دلوقتي نفسي اعرف بنته ازاي قده فيه عدد وقع مني ومرة واحنا مسافرين ف الطيارة فضلت ورا العدد لحد ما خلص كان بتاع الطيف وكنت هعيط بس عارفة ان المشكلة هتتحل بس نفسي اجيب طرق مفتكسة تحل المشاكل زي القصص ديه
ماوراء الطبيعة ودكتور رفعت باستثناء اني بحس انه شخص سخيف ورخم معرفش ليه برضه بس بحب اقراها وببقى عايزة اعرف سر النداهة بس مش كل الاعداد ظريفة يعني فيه بيتقى رخمة وفيه حلوة بس احلى عددين اقرتهم لما فيه ناس بيحكوا حكايات مرعبة مرة ف برنامج ودكتور رفعت حد مستضيفة ومرة كانوا شلة اصاب قاعدين سوا
نيجي لهاري بوتر يا سلام ع الامتاع جااامد جااامد فعلا
اكتر حاجة لو حد ندهلي هنفضله يعني عارفين ايه وانا بقراه بلية العجيب منزلش منها غير 12 عدد بس بحبه جدا بلية ونخلة وطوفي وعزوز الشرير بس غبي اوي ودنجل وطبعا البلية المسحورة وبلبلة اخت بلية فعلا اكتر سلسلة بحبها اه والمخترع اللي مش فاكرة اسمه ماشاء الله فقدت الذاكرة لا بس جامدة صراع ف النادي اكتر واحدة بحبها اصلها تاني اصدار بس اول واحد جبته كان عندي الحصبة و7 سنين وكانت هي مؤنس وحدتي ف غرفتي ههههههه ايه ده سجع يا سلام عليا
طبعا مش عايزة انسى ميكي جيب وفلاش ومجلات الاطفال اساسي علاء الدين وبلبل و قطر الندا وماجد وميكي .
ع فكرة فيه هواية تانية الرسم ده بجد حبي بس غدر بيا برضه مش مشكلة المسامح كريم وانا لسه بحبه برضه

.

اباصي التاج ده لمين

رضوى - مستكة- تويتي -تشوس -حسين-مداح القمر -وعد العيون-نورهان مفيد -الساحر- كمون وزنجبيل-واي حد لسه معملش التاج ده

المهم بقى يا جماعة المفروض يبقى فيه نشرة قوية بس انا مش قادرة اعمل واحدة فهنزل التهنئة
اصلا كل سنة وانتوا طيبين علشان المولد النبوي جدوا حلاوة المولد غرامة تاخير
وكل سنة وانتوا طيبين علشان شم النسيم ويا رب تكونا استمتعتوا بالفسيخ والبيض الملون
.

مبروك لتاتي الف مبروك يا جميل
.

مبروووك لدعاء وبراء
.

انتوك او هاني يعني كل سنة وانت طيب هي متاخرة تلات سنين بس مش مشكلة ع عيد ميلادك وع ان بلوجك تم سنه وعقبال 100 سنة يا بشمهندس
.

لستو ادري بلو متاخرة كتير بس مبروك ع سنتين تدوين يا جميل وعقبال سنين تانية كتير
.

نسكافيه وكابتشينو : مبروك يا احلى مدونين مدونة القهوة ديه بس انا عايزة نسكويك :) واحد كابتشينو وواحد

نسكافيه وصلحوا
.

كمون وزنجبيل : الف سلامة يا باشا ان شالله اللي يكرهك

:)
.

مبروك لدكتور مصطفى عزت ع الخطوبة مبروك يا دكتور
.
وكمان لنورهان مفيد اخيرا دخلت عالم التدوين مبروك ع البلوج شكله هيبقى هايل

.

كلمة محشورة ف زوري :
كل واحد عارف هو عايز ايه محدش يغصب ع حد حاجة وانا لو نصحت حد وهو مرضاش خلاص انا عملت اللي عليا بس الحد ده لازم يعرف ان اللي نصحه بيحبه وبيخاف عليه وان استحاله كل الناس غلط وهو اللي صح ومينفعش حد برضه يعاند وخلاص وكماناهم حاجة ان الضمير يبقى مستريح الضمير
.

الحمدلله قولت كل اللي كان ف نفسي نشكركم ع حسن استماعكم وقراتكم وشكرا لكم واستمتعوا معا ع اجواء الموسيقى الصاخبة والبوست الرائع هذا ف هذا الجو البديع والدنيا ربيع وكل واحد هينزلع عصير برتقال ع حسابي