الساعه تشير الى الثالثة والنصف قاعده متنحة قدام الكمبيوتر بذاكر علشان عندي امتحان بكرة الساعه خمسة ونص قفلت المحاضرات وقلت هخش ع البلوجات اشوف ايه الاخبار تقريبا بلوجي مات افتح بلوجات كتيرة اوي اوي اوي حسيت احساس حلو اوي اوي اوي بقالي كتير محستوش برغم اني بعيدت اوي عن التواصل مع مدونات كتير حتى ع الفيس بوك بدخل من الموبيل ومعرفش حاجة بس بجد البلوجات كلها وحشتني جدا قاهده متنحه كدا ومبتسمة وسعيدة بالرغم ان مفيش اي حاجة تستدعي السعادة ده بس بمجرد اني قريت تدوينات كتيرة حتى مش لاحقه اعلق ع حاجة من اللي قرتها معرفش ليه(وش مذبهل) ولقيت موود حلو كدا ابتسمت وفرحت اوي حتى انا مش مخططه اني اكتب حاجة اصلا وممكن اروح مدلته البوست ده بكرة عادي اوي بس بجد فيه حجات كتيرة حصلت نفسي اكتب عليها نفسي ادخل واتواصل مع كل البلوجات زي زمان نفسي اكتب 10 و 15 بوست ف الشهر مش بوست واحد واموت بعديه بجد عايزة ارجع التواصل ده وف حجات كتيرة حصلت وانا معرفش عنها حاجة ولا فاهماها بس هي حجات حلوة بس انا تقريبا كدا عايشة ف غيبوبة عن البلوجات بجد:) ان شاء الله بعد الامتحانات نعود عودة قوية ان شاء الله ادعولي لحسن انا عاملة حجات غريبة ف الامتحانات اوووي:)
3 comments:
ههههههههههههههه
ربنا يرجعك بالسلامة يارب وينجحك فى امتحناتك انتى بقى الى خليتى مودى لزيز ضحكت على كلامك انا اوى
ربنا يكرمك وينجحك
نفس السعادة حسيتها انا امبارح
اول ما خلصت امتحان
elgazaly:
طيب الحمدلله اني ضحكت حد
يا رب يكرمني وينجحني يا رب
واحد مش فاهم حاجة:
انا مكنتش فرحانه لما خلصت امتحان انا كنت مصدومة :)
ولسه هخلص يوم 16 اصلا:(
Post a Comment