شمعة

ليس سوى انعكاس عينها داخل عينيه

2012-01-29T04:55:00.004+02:00

هي : عارف ان البنت ديه بتحبك و انا بضايق اوي و بغيير اوي

هو مقاطعا : بتغيري من ايه بس يعني انا شايف حد غيرك !!

هي : لا بس هي بتحبك انت مشوفتهاش بصتلي ازاي لما شافتني معاك من يومين !! ديه كانت هتاكلني !! و مش بتشوفها بتبصلك ازاي !!

هو : يا حبيبتي ديه طيبه اوي و بتساعدني في حجات كتيرة و مفيش اي حاجة من اللي بتقوليها ديه موجودة

هي : طب انت بتعاملها ازاي بتعاملها حلو صح انت اللي عملت كدا اصلا انا عارفاك بتعامل البنات ازاي (وش متغاظ و متجهم )

هو : يا حبيبتي بعاملها عادي و الله و لازم تبقي انت واثقة فيا اكتر من كدا

هي :انا واثقة فيك بس مش واثقة فيهم !!

هو : طيب خلاص بقي نغيير الموضوع

هي : طيب يالا قولي عملت ايه النهاردة

هو : مفيش يا حبيبتي روحت الشغل و رجعت اتغديت و نزلت جتلك و قاعد معاكي اهوه

يرن جرس هاتفه ليرتبك هو و تنتبه هي

هي : ايه فيه ايه اللي خضك كدا !

هو : اصل بصي من غير زعل ولا جنان من بتاعك ده هي اللي بتتصل

هي : هي مين

هو : عبير اللي معايا في الشغل

هي تنظر بتجهم و حزن

هو طب خلاص ردي عليها و قوليلها ان الموبيل معاكي و لو فيه حاجة ضروري تقولهالك

هي : اه طبعا هرد عليها و كمان انت عايز ترد عليها !!

هو : يا حبيبتي انا قولت حاجة !!

ترد هي بدلع : الوو

عبير : تصمت لا تعرف من اين تبدأ هل رقم الهاتف خطأ لا لقد ظهر اسمه عندما طلبت الرقم

الو ممكن

هي : ايوه

عبير: ااقصد مش ده تليفون احمد عبدالكريم

هي : اه يا فندم حضرتك مين

ترتبك عبير لا تعلم ماذا تقول هل يعقل ان اسمها لم يظهر على الشاشه !! و تقول : انا عبير اللي معاه في الشغل

هي : اااه اهلا و سهلا انا ريم خطيبته بس معلش هو مش جمبي دلوقتي اقوله حاجة لما يجي

عبير : لا اصله كان طلب مني اشوفله حاجة بخصوص الشغل يعني

هي : اوكيه لما يجي هقوله يلا باي باي

عبير : باي

هو: ايه كانت عايزة ايه

هي : حاجة بخصوص الشغل حرام عليك !! بجد بتطلب منها حاجة ايه يعني انت معندكش حد تاني غيرها

في الجهه المقابلة كانت عبير تجلس مصدومة قالت لنفسها بصوت مسموع : ايه اللي عملته

ده ما كنت قفلت السكه و لا اي حاجة

تسمعها مني اختها و تقول لها : انت برضه كلمتيه !!

عبير :لا كلمتها هي كمان انا مش مصدقه انا كلمتها ازاي ده انا لما شوفتها كان هاين عليا اكلها

مني : انت اجنينتي ولا ايه ركزي بقي انتي نسيتي نفسك ولا ايه ده جه حكالك عنها عايزة ايه اكتر من كدا

عبير : ديه قلتله انا خطيبته خطيبته ازاي ده مش لابس دبله اصلا !

مني : عبير يا حبيبتي انت لازم تاخدي بالك من نفسك و من تصرفاتك ممكن جدا تكون هي حاسه انك بتحبيه و انت عارفه البنات بيعملوا ايه و كمان انت لو بتحبيه بجد متحبيش تكوني السبب في انه يزعل او يضايق في حياته

عبير : طب و انا ما هو اصلا اللي خلاني اتعلق بيه هو السبب هو اللي كان بيعاملني حلو اوي هو اللي خلاني احب الدنيا و اتبسط و احب نفسي

مني : ما هو ممكن يكون بيعامل كل الناس كدا ديه طريقته انت اللي حسيتي كدا

عبير : مش عارفه مش عارفه انا زعلانه اوي زعلانه اوي

في اليوم التالي

يدخل هو الي العمل يضحك كعادته و متوجها الي عبير

هو : ازيك يا عبير معلش معرفتش اكلمك امبارح

عبير : اه و لا يهمك كنت هقولك اني خلصت الشغل المطلوب مني خلاص

هو : طب هايل برافو عليكي ان شاء الله اشوفك يوم الخميس في خطوبتي ان شاء الله

تصمت هي و تنظر اليه بشده و تمنع عينها من الدموع : مبروك ربنا يتمملك بخير معلش بس ورايا شغل كتير مبروك مرة تانية

يذهب هو لمكتبه ذهبت مسرعه الي الحمام انهارت في البكاء لم تري اليوم في عينه نظرة

الحزن التي تراها كل يوم وجدت نظرة اشراق و حب و فرحة و جدت فقط نظرة خزن في عينيها

اكتشفت ان الحزن الذي في عينيه ليس سوى انعكاس عينها داخل عينيه

مجرد كلام

2012-01-19T03:39:00.002+02:00

ينفع اكتب بايد واحدة علي الكيبورد

لقيتها صعبة اوي

الجو سقعة عايزة احط ايد في جيبي و ايد اكتب بيها!!

الجو سقعه جدا

مش بيخليني حتي اعرف افكر و لا اجيب اي افكار جديدة

فعلا مفيش اي افكار عندي لحد دلوقتي ولا اهداف ولا طموحات

يوم 25 يناير الجاي يا تري هيحصل فيه ايه ؟؟

انا من حزب الكنبة

بس كنبة مع الثوار يعني مش فلول

بس مش بنزل اخري بعمل شير علي الفيس بوك او اكتب نوت تعبر عن رأي او اتكلم مع قرايب

ي بس مفكرتش اعمل اكتر من كدا

عارفه انه غلط

عندي واحدة صحبتي فلول اوي ديه بتنزل العباسية و فظيعة يعني !!

بتحب حسني مبارك !!

بس علي الاقل هي نزلت العباسية و وقفت مع رأئيها !!ة

اانا مرحتش التحرير ولا مرة !!

اانا حتي بكتب و خلاص

عايزة اكتب عشان اثبت وجودي هنا

حتي لو بكتب اي كلام

لا ده حتي مفيش حاجة جوايا اكتبها !!

مفيش بنزين !

العربية مفيهاش بنزين اللمبة نورت

بخاف اوي لما اللمبة تنور بحس انها فجأة هتقف في نص الطريق و هقعد اعيط و مش هعرف اعمل حاجة !

في حين ان مفيش بنزين في مصر السعودية عاملة اعلانات ايه بقي !!

لتر بنزين هدية عند شرائك لقطعة شيكولاتة !

http://www.arabic-soft-news.com/?p=614

ف احنا الحمدلله مش لاقيين البنزين

و شكلنا كدا مش هنلاقي شيكولاتة بعد كدا

انا كنت بفكر في كل حاجة و في اي حاجة

دلوقتي مش بفكر :)

الساعة 4 بتوقيت القاهرة دلوقتي

مفيش اي بصيص امل

بس انا متفائلة

متفائله

ان شاء الله خير

خير ان شاء الله !

هيا بنا لنحقق مجدنا الكبير

2012-01-08T15:33:00.001+02:00

هيا بنا لنحقق مجدنا الكبير !!

و بعد ما حققناه

هنعمل ايه دلوقتي ؟؟

تفكير

2012-01-07T16:42:00.001+02:00

مفيش اي حاجة في دماغي

كالعادة افكاري مشوشة

لازم اكتب لنفسي في المدونة

كنت حاسة اني لسه كاتبة امبارح اتفاجأت لما عرفت اني كاتبة من 6 ايام

مفيش شغل خالص

مش عايزة اكمل الدراسات العليا حاسة اني اتسرعت لما بدأت فيها اصلا

بكتب هنا بهدف الكتابة بس افكار غير مرتبة تشويش ................

6 سنين

2012-01-01T20:32:00.005+02:00

في 1/1/2006 قررت اعمل البلوج ده علشان اكتب فيه كل اللي يجي في دماغي و فعلا ده اللي حصل كنت مبهورة بعالم المدونات ازاي فيه ناس حلو في بلدنا و بتفكر حلو عندها افكار و ناجحة و مرتبة الشباب مش فاشل كله فيه ناس كتير حلوة كنت بجد كنت بدخل علي المدونة بتاعتي و مدونات تانية كتير بصفه شبه يومية في اول سنتين بعد كدا بدأت كتابتي تقل اوي معرفش ليه

المدونة شكلها اتغير زي ما انا اتغيرت سنين عدت مش سنة ولا اتنين دول 6 سنين حصل حجات كتيرة اووووووي خلالها

السنة اللي فاتت بدأت المدونة ديه و انا في ثالثه ثانوي انا دلوقتي خريجة كلية هندسة و الحمدلله عاطلة عن العمل بس بحضر ماجستير في تمهيدي ماجستير دلوقتي مفيش شغل في البلد حاجة تضايق اوي انا مش مصدقة ان مفيش شغل حاسة اني ممكن اشتغل بس مش لاقية شغل !! هندسة ادارة تشييد يعني بلالا في الخرسانة و الاستركشر مما يعني اني مش هعرف اشتغل في التصميم خالص و طبعا مش هنزل مواقع فهفضل قاعدة في بيتنا كتير شكلي كدا المهم اني مش مرتبة افكاري ولا اهدافي خالص و قررت اكتب بقي اصل فعلا مش هينتفع كدا !!

كل سنة و كل الناس بخير ان شاء الله

كل سنة و شمعة طيبة و اهيه كبرت و رايحة اولي ابتدائي :)

الفراغ !!

2011-10-09T00:08:00.003+02:00

الفراغ وحش اوي

الفراغ قاتل !!

الفراغ يؤدي الي النوم

الفراغ يؤدي الي الكأبه

لا بجد !!

2011-09-19T03:22:00.000+02:00

قررت الذهاب الي الكوافير اخيرا اتخذت هذا القرار

يلا قصيلي شعري فرينش كارية

ينظر اليها كل من في المكان بدهشة شديدة

تنظر لهم قائلة : في ايه يا جماعة انا حر هانا عايزة اقصه فيها ايه يعني لما يبقي واصل لحد اخر ظهري يعني !! كل واحد حر

تهمس لها الكوافيرة قائلة : انتي متاكدة من اللي انتي بتعمليه انتي عارفة انه هيزعل اوي انت عمرك ما خلتيني حتي اقص اطرافه

هي : ما خلاص بقي اعملي اللي بقولك علية

تمسك المقص و تبدأ ف قص شعر الفتاه

يرن هاتف الفتاه و ترد

هي : الو

هو : متزعليش مني

هي : لا انا زعلانة اوي اوي !!

هو : والله انتي مش عارفة غلاوتك عندي

هي : صمت

هو : عارفة ايه اللي حصل انهاردة

هي : صمت

هو : ديه كلمتني انهاردة اكترمن 10 مرات

هي : و انت عملت ايه

هو : ايه السؤال ده انتي عارفه طبعا انا عملت ايه !!

هي : طب انا قصيت شعري

هو : كدابة ولا تقدري اصلا

هي : مش مصدقني ليه

هو : لانك لو قصيتي شعرك هبقي كدا انا كمان بكدب عليكي و رديت عليها !!

هي : تدخل في بكاء هستيري و تنظر ل بقايا شعرها علي الارض

انتهي J

!!! اخيرا

2011-07-28T22:29:00.002+02:00

اخيرا بقيت مهندسة !!

هو البوست ده متأخر كتير انا عارفة :)

بس الفكرة ان خلاص يوم الاحد هبقي مهندسة و معايا شهادة مؤقتة كمان !!

انا خلصت !!!!!!!!!!!!!!

فيها ايه ؟

2011-06-17T17:26:00.001+02:00

فيها ايه يعني لو مكملتش تعليمي ؟!!

و ابقي مهندسة الا اسبوعين !!

مفهاش حاجة يعني

ايه التحكمات الفارغة دية

مهندسة الا مادة و مشروع بس كدا !!

هو و هي

2011-02-07T03:02:00.000+02:00

هي: بلاش تنزل و النبي متروحش النهاردة

هو : لا طبعا انا نازل و هروح و هفضل اروح لحد ما اموت او هو يمشي

هي :علشان خاطري اقعد معايا انا حاسه اني هولد انهارده

هو : ما انا قاعد معاكي بقالي اسبوع و بتقوليلي كدا و بعدين انتي في السابع تولدي ايه بس

بصي بس يا حبيبتي مش فاكرة الراجل ده عمل فينا ايه مش فاكرة

هي: ما خلاص قال هيمشي استنيت 30 سنة مجتش علي ال 6 شهور دول

هو : لا جت ما بقاله 30 سنة هي ال 6 شهور ديه اللي هيصلح فيهم ولا هينشر فيهم الامان

انتي اكتر واحد عارفه هو ضرنا قد ايه و انتي برضه عارفه ان حالنا احسن من ناس كتير و مع ذلك ضرنا كتير اوي

مش فاكرة لما متعينتيش في الكلية علشان ابن الدكتور اتعين

مش فاكرة لما مامتك اتوفت ازاي بعد ما اخدت اكياس دم فاسده

مش فاكرة لما جينا نتجوزو سعر الحديد غلي قد ايه و مكناش عارفين نجيب شقة

مش فاكرة ادهم صاحبنا اللي مات في العبارة و هو راجع علشان يتجوز و محدش عرف ياخد حقه

مش فاكرة الضريبة العقارية اللي اتفرضت من غير اي سبب منطقي

مش فاكرة مارك صاحبنا اللي مات في الكنيسة الشهر اللي فات

مش فاكرة كل ده لازم انزل لازم انزل مينفعش منزلش

هي : حرام عليك فاكرة كل ده بس احنا في المستقبل دلوقتي ان شاء الله هيمشي ان شاء الله و الدنيا هتبقى كويسة

هو: ايه اللي يضمن اصلا انه ماشي ما في اول عهده قال هترشح فترتين بس و ما شاء الله بقاله 30 سنة ايه اللي يضمن انه ميعتقلش كل الشباب ديه ايه اللي يضمن ان ابنه ميترشحش و يكسب بالتزوير ايه اللي يضمن كل ده

هي : كل الدنيا شاهده عليه و لو معملش اللي هو قاله هنقوم عليه تاني كلنا

هو : ما كل الناس شافته امبارح و البلطجية بيضربوا في المتظاهرين بيقتلوهم و بيحرقوا البلد و بيخربوها هو ده الضمان اللي بتكلمي عليه و كمان ازاي يطلع يقول كلام تاني غير اللي احنا بنطالبه بيه و بعديها بكام يوم يطلع تاني علشان يلعب بعواطف الناس ديه كلها انا اتاثرت باللي قاله بس بلطجية امبارح دول خلوني افتكر انه ملوش امان فعلا ملوش امان

هي : ما ممكن ميكونش عارف ان فيه بلطجية هينزلوا

هو : حتي لو مش عارف ان في بلطجية ما كله من نظامه اللي بنطالب انه يمشي و كمان التغير اللي حصل ده واجب عليه و كان المفروض يحصل من زمان اوي ده مش فضل علينا ده واجب عليه

هي : طب بس اهوه عمل تغيير

هو : يا حبيبة قلبي كل اللي عمله احنا مش عايزينه ده حتي مقالش حاجه علي قانون الطوارئ مقالش حاجه علي خطة زمنيه محدده تضمن اللي قاله مقالش علي الاشراف القضائي للانتخابات

هي : يعني هتنزل برضه

هو : عارفه كل اللي قولتهولك فوق ده حصلنا احنا بس فيه حجات كتيرة اوي حصلت لناس تانيه و انتي عارفه كل ده كويس

عارفه ازمة العيش و ازمة الغاز و ازمة المواصلات و التحرش و الحوادث اللي بتحصل في الطرق و القطارات اللي كل شوية بتخبط في بعض و الشباب اللي بيهاجرعلشان يروح يغسل اطبباق برا بلده و يموت غرقان في البحر الزباله اللي بقت مالية البلد الزباله اللي جت فترة بقت تتحط فلوسها مع الكهربا ايه علاقه الزبالة بالكهربا!! الاراضي الزراعيه اللي اتبنا عليها و بعدين يروح يستصلحوا الصحرا ما كان عندهم ارض كويسة ايه لازمتها كل ده !!! و مش محتاج اقولك علي العشوئيات و حقهم فب انهم يعيشوا حياة كريمة محترمة مش هقلك علي اهل الدويقة و المساكن اللي هما عملوهالهم اللي هيا 36 متر مسطح تخيلي يعني تلت شقتنا تخيلي !!! و حجات كتيرة حصلت في عهده كتيير اوي

هو و يبدأ في البكاء ... ليه يا حبيبتي ليه نبقي سلبيين و نخاف و خلاص ليه عايزة ابننا لما يكبر و يسالني يا بابا انت منزلتش ليه في المظاهرات ارد اقوله ايه من حق ابني عليا اني انزل من حقه لما يجي للدنيا يجي و الدنيا تبقي احسن من عندنا من حقه يجي يلاقي رئيس عنده 50 سنة مش 80 سنة

تقترب منه و تحتضنه تتمتم ببعض ايات القران في اذنه

هو و قد هدأ متزعليش يا حبيبتي و متخافيش انا هنزل و ان شاء الله هاجي تاني و هشوف ابننا و ابننا هيجي في دنيا حلوة و جديدة فيها عدل و تعليم كويس و طبقه متوسطة و مفيش وسايط يضيعوا حقه و مفيش خضار مسرطن فيه اكل كويس و تعليم محترم و خدمة صحية ممتازة من حقه انه يتعلم في فصل فيه 30 طالب من غير ما ندفعله الاف الجنيهات متخافيش يا حبيبتي ان شاء الله

هي : انزل بس امانه عليك خد بالك من نفسك خد بالك انك نازل و سايبني انا و ابنك خد بالك ان الناس هتقول عليك خاين علشان نازل تدافع عن كل اللي قولتهولي ده و نازل تاخد حقك خد بالك من نفسك خد بالك من البلطجية اللي بقوا في الشارع خد بالك من اللي عايز يسوء صورتك و صورة اللي زيك في المظاهرات ديه

خد بالك من نفسك يا حبيبي

يقبل يديها و يقول : ربنا معانا ربنا اقوي و احسن من الكل ربنا ميرضاش ب الظلم

هي : ربنا معاكوا استودعك الرحمن الذي لا تضيع ودائعه لا اله الا الله

هو : محمد رسول الله

مصور فوتغرافي

2010-10-28T00:58:00.002+02:00

ملامحه هادئه جدا مبتسم دائما خلف ابتسامته حزن يخالط تلك الابتسامه البريئه

يحتفظ بابتسامته تلك دائما منمق في طريقه كلامه و انيق و مهندم جدا في ملابسه

في الثلاثين من عمره و لكن ما ان تتحدث معه لتجد عمره يختلف باختلاف من يحدثه ان كان طفلا فسيصبح طفلا ان كان رجلا او عجوزا او شابا له القدره علي التحدث مع جميع الاعمار مع نفس

مصور فوتغرافي هو و لكنك تراه تحسبه فنانا عظيما

نعم يعمل مصور فوتغرافي و لكنك لا تعلم ان كان مصور ام رسام عدسته ترسم وجها جميلا علي الصوره

كيف فعلا يستطيع ان ينتزع منك ابتسامه و ضحكه بهذا الصفاء

رغم صغر مكان عمله فهو مشهور جدا

مكان غريب و صغير لكنه مريح جدا للاعصاب ينتج الاف الضحكات النقيه يوميا

في يوم من ايام عمله دخلت عليه طفله جميله مع والدها

و كعادته حملها و اعطاها من كيس الحلوي بجانبه

اجلسها علي الكرسي هذا الذي يدور ضحكت هي بشده

نظرت له بطفوله قائله : عمو هو انت اسمك ايه ؟

هو : مش هقولك غير لما تقوليلي اسمك الاول

هي : انا اسمي ملك

هو : و انا اسمي عمر هي : هو انت بتجيب الحاجات الحلوه ديه منين ؟؟

هو : انا بجبها علشان البنات الحلوه اللي زيك كدا يدوني بوسه و اديهم حاجه جلوه

يتدخل الاب قائلا :: يلا يا ملك بلاش غلبه علشان عمو عنده شغل كتير

هو : سيبها براحتها يا استاذ ..... الاب: بشمهندس احمد

هو : تشرفنا يا بشمهندس احمد

هي: طب يلا يا عمو بقي عايزه اتصور علشان السكول الجديده بقى بس عايزه الصوره تطلع حلوه تضحك هي بشده و تظهر اسنانها

يتذكرها تلك الفتاه التي كان يحب لا يعلم لماذا تذكره تلك الطفله بها هل بسبب تلك الضحكه الفريده ام انه الحنين فقط.......

هو : ايه ده سنتك راحت فين يا ملك

هي : مامي قالتلي انها راحت عند الشمس و هتجيلي واحده احلي و اكبر

هو : طب يلا بقى علشان نتصور هي : يلا بينا طب بص يا عمو مامي جايه اهيه علشان تعدلي سعري بس اصله باظ خالص

يضحك هو و الاب معا

تخرج ملك مسرعه قائلا : يالا يا مااامي بقي عايزه اتصووور مش هو ده عمو اللي بيصور صور حلوه يلا بسرعه بقي

تدخل االام ينظر اليها و يتذكر نعم هي هي من خفق قلبه لها منذ ١٥ عاما هي من كان يلتقط صور الازهار و الفراشات من اجلها فقط يعلم تماما انه لم يجرو

قط ان يحدثها حتي تلك الصور كانت لتوضع علي مجله الحائط و كان يكفيه فقط نظره اعجاب في عيونها

نعم يعلم ان حبه هذا لا شئ الان كما كان لا شئ قبل ذلك

يضحك لها قائلا : اهلا و سهلا نورتينا

تاوما براسها مبتسمه و تلتفت الي زوجها : معلش يا احمد اتاخرت عليكوا

احمد : ولا يهمك يا حبيبتي

و تخرج من حقيبتها توكه علي شكل فراشات جميل

تصيح البنت ايه ده جميله اوي يلا بقي عايزه اتصور

يصمت هو و يشاهدهم يتذكرها و يتذكر كيف كان يراقبها دون ان تلاحظه و يتذكر خجله و ابتسامته الحزينه يفكر مليا في الامر و يقول في نفسه : لن تتعرف علي لقد تغيرت كثيرا منذ ان كنت في ال ١٥ اما هي فتلك الضحكه لا تتغير

يقول بصوت مسموع : يلا يا ملك مش عايزه تتصوري

تجري الطفله و تجلس علي الكرسي و تبتسم بشده و تقول : يلا :)

يضحك الاب و الام و عمر معهما

ثم تبتسم الطفله و يلتقط الصوره

تقول الام : ممكن تصورنا كنا مع بعض كدا احنا سمعنا ان صورك هنا بتنطق كانها حقيقه

يبتسم قائلا : تحت امرك يا فندم

يفكر قليلا و يبتسم ها قد جاء اليوم الذي يلتقط لها صوره و قد طلبتها منه يضحك و يقول ها جاهزين

تمسك هي بيد زوجها بحب و يبتسما ثلاثتهما

و يلتقط الصوره

تنظر هي الي الصوره علي شاشه الكمبيوتر تراها باعجاب شديد نفس نظره اعجابها بصوره القديمه تمني ان تتذكره

ابتسمت قائلا : فعلا الصوره بتنطق

يرد احمد قائلا : شوفتي مش قلتلك ان الصور هنا تجنن

هي : فعلا تحفه و توجه كلامها الي عمر قائله

تعرف كان عندنا زمان في مجله المدرسه صور بتبقي جميله جدا كنت بحب جدا اشوفها لولا اني عارفه ان الولد اللي كان بيصورها مش في المحافظه ديه اصلا كنت قولت انه انت بس طبعا الصور هنا احسن و انقي بكتيير جدا الكلام ده من ١٥ كان سنه

يبتسم عمر دون ان يرد

يقول احمد :ها نيجي ناخدهم امتي

عمر: بعد بكره ان شاء الله في نفس الوقت ده

هي: ممكن اشوف الصور تاني بس

يريها الصور و يري نفس نظره الاعجاب تلك

ينصرفوا ه تودعه الطفله ملك بقبله صغيره

يبتسم هو و يقرر ان يبتسم دون ان تخالط ابتسامته حزن

تمت

زعلانه منك

2010-09-13T06:21:00.001+03:00

انا زعلانه منك ايوه زعلانه مش فاهمه يعني ايه ده سافرت و سبتنا انا و هي قولت ماشي شغل لكن برضه متتصلش بينا يبقي لا ازعل

اه انا زعلانه بس معيطتش علشان انا وعدتك اني مش هعيط

اه كنت هعيط لما صحيت الصبح ملقتكش

و كنت هعيط لما ناديت عليك و مردتش

و كت هعيط لما هي جت قالتلي هو بابا فين مش هيفطر معانا

وكنت هعيط لما قررت ننزل انا و هي نتفسح و انا اللي سوقت ما ليا حق طبعا بقالي ٥ سنين مسوقتش من ساعت ما بقيت معايا

بس قررت معيطش بقي و قلت خلاص نعمل حاجه نفرح بيها

روحنا كارفور بقي و قررنا نجيب كل انواع الشيكولاتات اللي بنحبها انا و هي طبعا انت مش بتحبها في جبنالك دريم كيك بتاعتك اللي بتحبها عشان لما تيجي تاكلها

بس و جبنا بالونتين هيليوم من اللي انا بحبها واحده ليا (ما انت عارفني طفلة:)) علي شكل ميكي ماوس و واحده ليها علي شكل تويتي كده هو مكنش تويتي اوي كان معوق شويه بس هي كانت فرحانه اوي بيها صورتها صور كتيره و زمان الصور وصلتلك طبعا ولا ايه :)

بس المهم البالونه طارت منها و لسه هتعيط بقي روحت ضحيت ببالونتي بس عشان تبقي عارف لما تيجي هتجبلي واحده بدلها

المهم بقي روحنا و كلنا الشيكولاته و لعبنا بالباونه بس برده لسه زعلانه بقي

وهفضل زعلانه كده عشان تبقي عارف

لحد ما تتصل انا قولتلك اهوه

ملحوظه :

اوعي تسافر تاني و تسبنا ان شاالله لو كنت جاي في نفس اليوم زي انهارده كده

بحبك و هي كمان بتحبك

عارف

2010-09-02T14:41:00.000+02:00

عارف جريت النهارده علي التليفون علشان اكلمك دورت علي اسمك بس ملقتوش

عارف فتحت الالبوم بتاعنا ملقتش ليك ولا صوره كانك مكنتش معايا يوم

عارف انت وحشني اوي

فتحت الصندوق الكبير اللي حاطه فيه اللعب اللي انت جايبهالي و الجوابات اللي كتبهالي ملقتش فيه اي حاجه

هو انت روحت فين

هو فيه حد مسحك من حياتي كدا

ولا انا اللي اتمسحت من حياتك؟؟

انا مش عارفه ده حتي رقم تليفونك مش فاكراه!! ازاي كدا

ازاي انسي رقمك ده كان هو رقمي بس اخر رقم اللي متغير

ايه ده نسيتوا!!

عارف افتكرت في لحظه اني مكلمتكش بقالي ٥ سنين

تخييل خمس سنين!!!

ده كان بيعدي عليا ٥ ساعات مكلمكش فيها و ببقي هتجنن!!

عارف انهارده بس حسيت انك وحشني عارف ليه؟

لما فتحت كتاب قديم من ايام الكليه و لقيتك كاتبلي في طرف الصفحه "بحبك عمري ما هسيبك" ضحكت اوي و قلت ياااه ازاي مقطعتش الصفحه ده!!

عارف خطوبتي بكره تخييل هتخطب لواحد تاني مش ليك

علي فكره انا مبقتش احبك انت بقيت مجرد ذكري في حياتي بس

عارف عرفت انهارده من داليا صحبتنا انك جيت من السفر و سالت عليا

عارف مسالتش عليك ابتسمت بس و قلت حمدلالله علي سلمتوه و ادتلاها الدعوه بتاعت خطوبتي

عارف.... ولا بلاش انت مبقتش حد في حياتي عشان تعرف حاجه...

رمضان كرييييم

2010-08-13T10:48:00.001+02:00

كل سنه وانتوا طيبين رمضان كريييييم

كل سنه و انت طيبه يا جميل

2010-07-17T01:54:00.003+03:00

هتتخرجي يا بنوته و بقيتي عندك ٢١ سنه :)

كبرتي اوي انا لسه صغننه انا علي الاقل لسه عندي سنه :)

ياااااااه ايه ده تخيلي بقالنا عارفين بعض قد ايه ؟؟؟

من ١٥ سنه :)

لا علي فكره دول مش كتير خالص ان شاء الله يبقوا ٣٠ كمان مش عايزين قر بس يا جماعه:)

كل سنه و انت طيبه و جميله و تحققي كل اللي تتمنيه يا رب

كل سنه و انت طيبه يا رودي

2010-07-12T07:07:00.006+03:00

شمعة.................. وحشتيني اوي

نوران

القلم الاسود ابو تكه اللي بيكتب لوحده

2010-04-13T17:10:00.001+02:00

بدأت مذاكره و قاعده بقي بذاكر ساعتين كدا عدوا و ماما جبتلي عصير و قلتلها ربنا يخليكي لينا يا ست الكل و طبعا الامهات بيبقوا طيبين اوي ايام الامتحانات و طيبه ايه و حنيه ايه المهم قعدت اريح كده علي الكرسي وشربت العصير و ببدا مذاكره بقي و ايه ملقيش القلم ايه ده بسم الله الرحمن الرحيم القلم فين هنا لا هنا لا تحت الكشكول تحت الكتاب تحت الورق تحت الكرسي تحت كوبايه العصير في المقلمه لا لا قلبت الدنيا القلم فين لا ده القلم الاسود ابو تكه اللي بيكتب لوحده انا كده هسقط خرجت برا يا مااا ماااااااا يا باااااابااااااااا قلمي اختفي كده مش هعرف اذاكر و هسقط و مش هتخرج كفايه اربع سنين اوي في الكليه مش عايزين نزودهم هو القلم فين لا بصوا كدا مينفعش اه مش يمكن احمد اخويا خدوه كده ليلتوا بيضه اااااااححححححمممممممددددد انت يا عم خت قلمي قالي لا يا بنتي انا مدخلتش اوضتك اصلا طب هيه سلمي اختي اكيد جت و خدتوا و خبتوا كالعاده سلميىىىىىىى انت يا هانم فين القلم الاسود ابو تكه اللي بيكتب لوحده انا كده هسقط انت خبتيه و ودتيه فين هي مختوش والله و كمان بتحلفي كدب طيب انا مش مذاكره بقي و هنزل اروح للكوافير بقي اعمل شعري هوا كدا بقي ده القلم الاسود ابو تكه اللي بيكتب لوحده ضاع:(

نزلت بقي للكوافير دخلت لقيت ساميه الكوافيره بتقولي ايه يا ساره مالك ايه اللي منزلك و عندك امتحانات يا بنتي لا يا سمسمه بس مضايقه شويه و عايزه اعمل اي حاجه اغير الموود بتاعي بصي انتي اغسليلي شعري و اعمليه حاجه علي ذوقك كدا المهم ساميه بتفوك التوكه بقي و قالاتلي ايه ده يا ساره انا طبعا برقت و ذوهلت كده ايه ده يا ساميه!!!!! ده القلم الاسود ابو تكه اللي بيكتب لوحده :) ايه ده انا نسيت خالص اني حاطيته في شعري:) خلاص قفلي على اللوك الجديد و المود انا طالعه اكمل مذاكره:)

تيك تيك تيك تيك(ده انا بخبط علي الباب) افتح يا احمد ايه اللي جابك اسكوتواا مش ساميه لقت القلم الاسود ابو تكه اللي بيكتب لوحده هما كلهم باستغراب ايه ساميه لقيتوا فين (انا بتسحب علي اوضتي) بلقيتوا في شعري

ايه نعم طيييب (كل العيله طلعت تجري ورايا عشان تضربني) لا خلاص و النبي عندي مذاكره و اهم حاجه اني لقيت القلم الاسود ابو تكه اللي بيكتب لوحده:)

انتهي:)

اشتقتلك

2010-04-06T15:06:00.003+02:00

تحاول ان تضحك ولكنها لا تستطيع

تتصل بيه لتجده مشغول في عمله

تستمع الي الراديو لتجد اغنيه فيروز تنبعث منه ـاشتقتلك ـ

تبتسم و تحاول الاتصال به مره اخرى

تجد صوت المراه المزعجه ينبعث من الهاتف(الهاتف الذي طلبته غير متاح مؤقتا حاول الاتصال في وقت لاحق)ا

تقول لنفسها(حسنا سابتسم لنفسي فقط)ا

يرن هاتفها باغنيه فيروز -اشتقتلك و تظهر صورته-

تبتسم و ترد قائلة: اشتقتلك

ليه (الجزء التالت)

2010-04-02T17:52:00.003+02:00

ليه الطريق طويل و صعب كده؟

ليه الطريق مش حلو و واسع و سهل؟

ليه كدا؟

الاحلام

2009-07-15T04:53:00.002+03:00

هل تتحقق احلامنا

ام تظل سرابا في سماء خيالنا فقط؟؟؟

هو فقط يعلم

2008-12-12T18:06:00.006+02:00

تشعر بالسخط ع جميع من حولها تنظر للجميع ع انهم اعداء لم تفكر قط ف نفسها دائما ما تفكر ف الناس وف من حولها لم يهتم احد بذلك لا تعلم ماذا تفعل بعد كل ما فعلته
كل من حولها استباح كل شئ لديها
كل من حولها شاركته ف معانته و حزنه و فرحه
لم يعلم احد عنها شئ ابدا لم يعلم احد اذا كانت سعيده ام حزينة
وحيدة هي دائما رغم كل من حولها
صديقاتها اخواتها اقاربها الكل حولها ولا يعلم عنها شيئا
تضحك هي دائما ضحوكة هي تعبث ع نفسك البهجة كلما جلست معها

لكنها عندما تصبح وحيدة ف اليل تظل تبكي وتبكي و تحتضن دميتها بشده ع رغم من ان عمرها تجاوز العشرين الان ولكنها ما تزلال تحضن تلك الدمية التي هي صديقتها الوحيدة بالفعل منذ نعومة اظافرها
قررت ان تسخط ع كل من حولها قررت ان تصبح سيئة معهم قررت قرارت كثيرة و قد بدأت بتنفيذها بالفعل

حتى قابلته هو لم يكن مثلهم جميعا كان يهتم بها حقا يهتم بكل شئ يخصها
جمعهما عمل واحد و حلم واحد ومكان واحد
بدأت تبوح له باسرارها حكت له عن ان دميتها هي صديقتها الوحيدة وعن قرارتها بالسخط على من حولها و على حياتها

بدأ هو يحكي لها عن حياته و انه مثلها لا احد يعلم عنه سيئا و لكنه لم يكن يسخط ابدا ع احدا او ع حياته بل كان سعيد لانه سبب فرحه كل من حوله و ازدادت سعادته لانه احس انها هي من ستكون السبب ف سعادته

فجأها ف اليوم التالي بدمية جديدة بدل من دميتها اتسعت ابتسامتها

ف الليل لم تبكي كعادتها كل يوم احتضنت دميتها الجديدة و همست ف اذنها هل ابوح لكي بسر لم يعلمه احد

انا حقا احبه

احتضنت دميتها بشده و لاول مرة نامت و ع و جهها ابتسامه و ليس ع وسادتها دموع
(انتهت)

كل سنة وانتوا طيبين (كل سنة وانت طيب يا بابا ربنا يخليك ليا)

2008-12-09T10:54:00.004+02:00

كل سنة وانتوا طيبين عيد سعيد عليكم يا رب كلكم

العيد من غير بابا وحش اوي(منزلش من السعودية لظروف كدا) مش عارفة ازاي يعني كنت اروح اصلي العيد و هو مش معانا عشان كده فضلت اني انام و مروحش اصلي و الساعه سبعه الا تلت بابا بيتصل بيا يقولي ايه ده نايمة مش هتروحي تصلي؟؟ قولتوا ايه ده هروح مع مين؟؟ ما انت مجتش!!! قالي ده هنا مفيش تكبير ف صلاه العيد ولا اي حاجة ولا كأننا ف عيد

ازاي اروح اشوف الدبح و هو مش واقف جنبي عشان كدا مروحتش شوفت الدبح

قولتلوه مش هتروح تتفرج ع حد من صحابك بيدبح؟ قالي لا مش هروح و كانه كان بيقولي ازاي هروح و انتوا مش معايا!!!!

ازاي انا بقيت اقرف من الدم و بخاف اشوف حاجة وهي بتدببح!!!!! ممكن عشان بابا مش معايا؟؟؟

ازاي يعني العيد من غير ما اسمع صوت بابا بيجي ينادي علينا عشان نقف طابور (زي طابور العيش كدا)عشان ناخد العيدية و نديه بوسة العيد

ازاي يعني العيد من غير ما البس الترنج الجديد اللي بابا جبهولي و هو جاي

ازاي يعني العيد من غير ما اروح مع بابا عند بيت جدو و انا شايلة معاه الحاجة

ازاي يعني العيد وانا اللي بسوق العربية و بوصل طنط و مش بابا اللي بيسوق

ازاي يعني العيد من غير ما نروح انا و هو بليل نجيب فينو علشان ناكل كبده اسكندراني ف البيت

ازاي يعني العيد من غير ما نخرج معاه

ازاي يعني العيد و صوته مش معانا ف البيت

ازاي يعني العيد و هو قاعد لوحدوه هناك من غيرنا

ربنا يخليك ليا يا بابا و ميحرمنيش منك ابدا و تجلنا بقى و متعملش كدا تاني و بحبك اوي يا احلى اب ف الدنيا

كل سنة وانت طيب يا بابا و يا رب كل عيد تبقى معانا يا رب

Epitaph Lost her blog !!

2008-10-12T21:55:00.002+02:00

To: Google Technical Support

We are a group of Egyptian bloggers really bothered by the blockage of the two-year-old blog "Epitaph_87" ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!Just for notice, we have published this problem on our blogs!!

Thank you!

Nouran Ashraf

النشرة رقم تمانيااااااااا

2008-07-27T19:46:00.007+03:00

بعد غياب سنه الا شهر تعود النشرة مره اخرى طبعا هتبقى حاجة رخمة جدا لو جبت حاجات من شهر يناير اعملها تهنئة بايخة اوي يعني و ملحقتش اكلم مع كونان و العم توجو موري علشان يجوا استضيفهم ف النشرة زي تيمي ترنر كدا بس المرة اللي جاية ان شاء الله

طبعا عارفين النشرة ايه و لو مش عارفين هتعرفوا ولو مش فاكرين اقروا و هتفتكروا كدا يعني

اولا التهانئ

نبدأ بقى بالتهنئة مش عارفه ده اللي قدرت اجمعوا بس

مبروك ليا لاني اخيرا عرفت اتخلص من الاكونت بتاعي ع الفيس بووك كان موجود كدا زي قلته و مضايقني قلت

خلاص يلا نلغيه و نخلص:)

مبرووووووووووووك للاهلي يا جماعه برضه عملنلاله تهنئة لماتش السوبر اللي فات:) ده شئ منطقي يعني:)

مبروك لرشا(بنت عمي)يا رب تجيب تقدير يعجبها يا رب لادمز(ف عمق الحياه) مقدما ع التخرج ان شاء الله بعد النتيجه كدا و البشمهندس نور(مفيش فايده) برضه مع اني معرفش عمل ايه

طبعا مبروك للي بلوجاتهم تمت سنتين (ابيتاف ودودي و جدو ومحمد مفيد و سوسة المفروسة و كلبوزة السمباتيك و عمرو ايهاب(مكان بعطر البيت سنة واحده بس:)))

و لطنطاوي بمناسبة ظهور 3 سنين ع ظهوروا و لتحميل كل الكاركتيرات اضغط هنا:)

مبروووووووووك لانووووجي سمراء النيل هي و طارق السنة اللي فاتت باركنالهم بالخطوبة والسنه دي نباركلهم ع الزفاف و ان شاء الله السنه اللي جايه نباركلكم ببنتكم او ابنكم ان شاء الله:)

مبروك يا ازأز(ازميرالد بلوج اهو كلام والسلام) ع الخطوبة

و طبعا مبروك لمحمود عزت ع الخطوبة ولو انها جايه متاخره كتير اوي بس المذيعه بتاعت النشرة كانت بليدة اوي

ومش بتعمل نشرات ولا حاجة:)

مبروك لغاده(مع نفسي) ع النونو (تميم) وربنا يخليهولها معلش التهنئة جت متاخرمبرووك:)بورك ف المولود وشكرتم الواهب و رزقتم بره و بلغ اشده انا عايزة السبوع ايه ده مينفعش كدا:)حمدلله ع سلامتك يا جميل و ربنا يخليهولك يا جميل

و طبعا كل سنه و انت طيبه يا دودي انت و سويدي ولحلم(بثينه)ولكل اعياد الميلاد

ومبروك لكل الناجحين

وطبعا اي تهنئة مفقوده ابعتوا لنا اس ام اس ع 6065 محطه 100.9 شمعه نشرة شمعه و بس:)

نيجي للجزء التاني القصه بتاعتي:)

قالت له بمرح طفولي انا عايزة لعب كتيرة و لعبة المطبخ و اطباق لعبه و كده ابتسم قائلا يا سلام هيبقى عندك مطبخ حقيقي ليكي لوحدك اصلا العبي فيه زي ما انت عايزة تضحك و تقول لا بس برضو عايزة لعب مليش دعوة يقترب منها و يقول لها انا لعبتك اعملي فيا اللي انتي عايزاه تضحك قائلة يا سلام لا انا عايزة عروسة لعبة بقى مليش دعوة و الحجات بتاعتها اللبس و الفرشه و التوكة و اكده يضحك لمرحها الطفولي هذا و يقول بكرة انشاء يبقى عندنا اولاد والعبي بيهم و معاهم بس اوعي تكسرهيهم تنظر له نظرة غاضبة يلمحها هو و يستطرد قائلا بهزر والله ولادي مش هيلاقو ام زيك كدا بس برضو اوعي تكسريهم بس ابتسمت قائلة ماشي و عايزة فستان ابيض وبدلة لا متفهمنيش غلط البدله د ليك انت اه و كوتشي ابيض بترتر علشان مش بحب الكعب و عايزة و عايزة وعايزة و عايزة و................و عايزة و عايزاك تفضل جنبي كده و معايا علطول
يبتسم و يقول : بحبك

الفقرة التالته من مصر و الى مصر و نورت مصر

اختي داخله علينا(انا و ماما و بابا و اختى التانيه) وب تقولنا يوسف شاهين ماااااااات قبل ما امثل معاه يا مااااماااااااا

اصل روان كان نفسها تمثل بس ومش مع يوسف شاهين يعني بس البنت بتئلش من الصدمه

بس اصلا سؤال كدا مين يوسف شاهين ده(انا بكلم جد مش هزار)طب هاتولي فيلم واحد عدل عملوا ولو جبتولي اي فيلم مش هيبقى عدل برضه ده افلامه طلااااسم ياااه ايه ده

مقولتوليش مين يوسف شاهين ده برضه وعمل ايه برضه؟؟ :)

كدا مصر هضلم يعني ب الضجه اللي عملنها ده

من مصر و اللى مصر و نورت مصر

الفقرة الرابعه بتاعه الاغنية المشوهه بس انا مش عارفه ابوظ اغنيه:)

الفقرة الخامسه و الاخيرة

النكت

مرة واحد مات بداوا يعدوا من اتنين

مرة حرامي راح سرق تلفزيون من عند واحده ست فشافتوا قالتلوا استنى خد الريموت ده مش بيشتغل غيربيه:)

انا مش لقيه نكت تانيه حد يقول نكت بقى:)

احمدك يا رب

2008-06-24T15:18:00.002+03:00

تتح نجح يا جماعه لولولووولولولولولوولولولولولوللللللللللللللللللللللللللللي

انا نجححححححححححححححححححححححححت

احمدك يا رب

مش فاهمه ايه ده لسه مخلصة الامتحانات يوم 16 و النتيجة طلعت يوم 22 كوسة اصلا حاجة صعبة اوي :)

يلا الحمدلله ان السنه د عدت عقبال السنة اللي جاية بتقديرات احسن يا رب هو اه التقدير مش وحش بس لازم يبقى فيه طموح اني اجيب اعلى منه المره د جيد المره اللي جاية جيد جدا كدا يعني

احبك ولكني احبني ايضا

2008-06-15T00:33:00.001+03:00

تغمغم بكلمات غير مفهومة و تمسك هاتفها المحمول و ترشف رشفه صغيرة من قهوتها المفضلة تنظر ف ساعتها ثم اخذت ف النظر بعيدا وجدته قد اتى لم تتغير ملامح وجهها ظلت نفس النظرة نظرت اليه طويلا واخذت رشفه اخرى من قهوتها جلس هو ف المقعد المجاور لها وهمس لها ف اذنها و لكن ملامحها لم تتغير ايضا مازلت نفس نظرة الجمود نظرت اليه قائلا حسنا لن استطيع الاستمرار هكذا لي انا الكلمة الاولى هنا تعجب هو منها لم يتوقع ذلك لقد اخطا ف معرفه رده فعلها تلك المرة لم يخطى ابدا ولكن لكل شئ المرة الاولى
نظرت اليه طويلا نظرت له ف عينيه قائلة لن نستمر هكذا لن تستمر ف انانيتك وحبك لنفسك و اهمالك وخيانتك لي لن نستمر سارفض واقاوم حبك ساسير مبتعده عنك ساكسر انا بقلبي منعت دموعها من النزول وهمت واقفه وقالت له احبك حبيبي ولكني احب نفسي ايضا

كل سنة وانا طيبة:))

2008-06-06T02:28:00.003+03:00

كل سنة وانا طيبة يا رب

كل سنة وانا انا

كل سنة ونوران زي ما هي

كل سنة وهي بتحب كل الناس وكل الناس بيحبوها(بجامل نفسي فيها حاجة د) ب

كل سنة وانا طيبة وعقبال 100000000 سنة يا نورا يا جميلة

التورتة د معرفش مكتوبة عليها نورا ليه :) ده منشولة من جوجل اصلا

تقريبا انا اتجننت

نفسي اكتب

2008-06-05T03:28:00.002+03:00

الساعه تشير الى الثالثة والنصف قاعده متنحة قدام الكمبيوتر بذاكر علشان عندي امتحان بكرة الساعه خمسة ونص قفلت المحاضرات وقلت هخش ع البلوجات اشوف ايه الاخبار تقريبا بلوجي مات افتح بلوجات كتيرة اوي اوي اوي حسيت احساس حلو اوي اوي اوي بقالي كتير محستوش برغم اني بعيدت اوي عن التواصل مع مدونات كتير حتى ع الفيس بوك بدخل من الموبيل ومعرفش حاجة بس بجد البلوجات كلها وحشتني جدا قاهده متنحه كدا ومبتسمة وسعيدة بالرغم ان مفيش اي حاجة تستدعي السعادة ده بس بمجرد اني قريت تدوينات كتيرة حتى مش لاحقه اعلق ع حاجة من اللي قرتها معرفش ليه(وش مذبهل) ولقيت موود حلو كدا ابتسمت وفرحت اوي حتى انا مش مخططه اني اكتب حاجة اصلا وممكن اروح مدلته البوست ده بكرة عادي اوي بس بجد فيه حجات كتيرة حصلت نفسي اكتب عليها نفسي ادخل واتواصل مع كل البلوجات زي زمان نفسي اكتب 10 و 15 بوست ف الشهر مش بوست واحد واموت بعديه بجد عايزة ارجع التواصل ده وف حجات كتيرة حصلت وانا معرفش عنها حاجة ولا فاهماها بس هي حجات حلوة بس انا تقريبا كدا عايشة ف غيبوبة عن البلوجات بجد:) ان شاء الله بعد الامتحانات نعود عودة قوية ان شاء الله ادعولي لحسن انا عاملة حجات غريبة ف الامتحانات اوووي:)

لقتهااااااااااااااااااا

2008-05-02T07:07:00.003+03:00

هييييييييييييييييييييييييييييييييييييييييييييييييييييييييييييييييييه

لقيت نورااااااااااااااااااااااان

اه كانت تايهه ف اعتراض:D:D:D:D:D:D:D

بس دلوقتي لقتهااااااا هيييييييييييييييييييييييييييييييييييييييييييه

انا بحب كل الناس بحب ماما وبحب بابا وبحب اخواتي وبحب اصحابي وبحب العيال الرخمة اللي بيعذبوني ف الكلية وبحب التوك توك بس مش بحب العربيات الكارو اصلها مملة :):):):) و هذاكر حلو وان شاء الله اجيب امتياز او جيد جدا وهذاكر المادة المملة اللي انا مش حباها د وهضحك واتنططط وهيييييييييييييييييييييييييييييييييييييييييييييييه

احمدك يااااااااااا رب الحمدلله ان نوران رجت بالسلامة كانت وحشاني اووووي بجد :):):)

واضح ان انا اتجننت :):):):)

انا تايهه:(

2008-04-28T03:47:00.003+03:00

بايني كدا توهت

ايه ده انا فين

هو انا مشيت وسبت الناس

ولا الناس سبتني ومشيت

اصلا اصلا

انا زهقت من التفكير

انا مش عارفه انا عايزة ايه بقى

حراااااااااااااااااااااااام

انا عايزة ماااااااااااااااااااماااااااااااااااااااا

عايزة حجات كتير

2008-04-20T17:42:00.001+02:00

عايزة حجات كتير
عايزة استرجع قدرتي ع الكتابة والضحك
عايزة ابقى مبسوطةبس مش ارفة
عايزة ابقى واثقة ف نقسي بس مش عارفه
عايزة حجات كتير بس مش عارفه ايه هي
عايزة و عايزة وعايزة
عايزة اتكلم اضحك اكتب اذاكر ازغرط افرح ارقص اجري اتنطط العب
عايزة اطير فوووووووووووووق ف السما وملمسش الارض
عايزة اتعلم ارسم افكر اتعلم ما اخافش
عايزة وعايزة واعايزة
عايزة اكل كتير واشرب كتير واتكلم كتير وارخم ع الناس كتير
حجات افتقدها كتير
بجد صعب عليا كدا ده كتير

هو الوحيد

2008-03-28T03:25:00.001+02:00

كانوا ماشين سوا ماسكين ايد بعضهم بصوا لبعض وضحكوا سوا
فجأة واحده الدنيا مطرت –لازم نكد- وهدومهم ادهولت بصوا لبعض وضحكوا سوا
ماشيين ف طريقهم لبيتهم طالعين ع السلم هي وقعت بصوا لبعض و ضحكوا سوا
فتحوا الباب دخلوا الشقه دخلت المطبخ نادته يا محممد وهو جاي اتخبط ف التلاجة وطبعا بصوا لبعض وضحكوا سوا
فضلوا ع اي حاجة يبصوا لبعض ويضحكوا سوا لمدة 25 سنة
وف يوم من الايام بصوا لبعض بصلها اوي وابتسم جدا مكنش قادر يضحك يا دوبك ابتسم وكانت البصة الاخيرة ليه ومات هي عنيها بصتله اوي واتملت بالدموع واول مرة تبصله ومتضحكش بصتله وعيطت :(
(مكانوش متخيلين ان ممكن حاجة تفرقهم ابدا بس هو الوحيد اللي قدر يفرقهم (الموت)

عدنا ولككنا سنتغيب ثانيا :)

2008-03-22T00:54:00.002+02:00

ياااااااااااااااااااااااااااااااااااه ايه ده ديه مصر كسبت والحضري سافر والحضري جه والعيش غلي ودعموا الرغيف والفينو بقى بفلوس كتير و الفطيرة ام خمسين قرش بقيت بخمسة وسبعين قرش وصغرت والشيبس بقى بجنية والمولتو ابو خمسين قرش بقى صغير اد المولوتو اللي ف الكيس الكبير واللبان بقى صغير ووحش وكل حاجة زي الفل وتحياااااااااا مصر وتعظيم سلام ولو مكنتش انت تدلعني مين هيدلعني ولولا العيبه كنت زغرط كمان وعيد الام زي الفل اهوه وكل سنة وانت طيبة يا مامتي بس اول عيد ام يعدي ع وفاة جدتي وخالتي :S :S \

ربنا يرحمهم يااااااااا رب

اصلا بوست متكروت بس انا كان نفسي اكسر الملل واكتب اي حاجة مش عارفه اكتب ايه بس بجد وحشني البلوج اوووي اوووي ونفسي اعمل نشرة واهيس واتكلم والعب ف البلوج واتنطط واجري واعمل كل حاجة بس مليش مزاج

تخيلوا مليش مزاج بجد حاجة صعبة جدا:)

بس المهم تكونوا كويسين والحياة فل الفل وادعولي مغبش كدا كتيير :)

سلام

لولولولوللولولولولولللللللللي:)

2008-02-08T03:44:00.000+02:00

والحمدلله فوزناااااااااااا والله ديه دعوات ال80 مليون مصري الحمدلله كان فيه ناس كتير بتقول واحنا هنكسب كوت ديفوار دول مش هيسبونا ف حالنا علشان خدنا منهم الكاس المرة اللي فاتت وهنطلع بفضيحة اهم هما اللي طلعوا بفيضحة المرة دي اربع اجوان زي الفل بجد ماتش جامد اوي بس لعيبة المنتخب بتوعنا اضرببوا ضرب يا عيني كل شوية يضرببوا بس عملوا شغل جامد اوي والحكم يحسب لكوت ديفوار تقريبا كدا كان بيدي الاحكام بالعكس بس الحمدلله اننا كسبنا مش بجون ولا اتنين ولا تلاته لأ اربعه والخامس كان جاي بس زيدان
ضيعه مش مشكلة احنا هنطمع بس الحمدلله وياااااااااااا رب استرها معانا الماتش اللي جااااااي يااااااااااااارب
بس بجد بجد انا بستغرب اننا كسبنا اصل كل واحد من بتوع كوت ديفوار اد 5 من عندنا هما بس بيدولهم بالكوع وتلاقي يا عيني الاعب بتاع منتخبنااترمى ع الارض ده حتى عمرو ذكي كان واحد قصير كدا وقعه طرراااااااخ والمفروض ان عمرو زكي هو التلاجه اللي عندنا بس سيبكوا انتوا اللعيبة بتوعنا طلعوا رجاله بجد الشوط الاول كنت حاسه اننا بنلعب احسن بالرغم ان الشوط التاني هو اللي فيه 3 اجوان بس كوت ديفوار هي اللي كانت بتهاجم وتضغط واحنا الكام هجمة اللي عملناهم جبنا بيهم اجوان الشوط التاني والله بجد اكيد الفوز ده بركة دعاء المصريين اللي بيبقوا عايزين يفرحوا باي حاجة دووول يا رب بقى فرحنا كمان الماتش اللي جاي ياااااا رب

لازم اكتب بقى

2008-02-05T02:54:00.000+02:00

يعني بقالي مليون سنة واخده الاجازة ومكتبتش حاجة جديدة طبعا مشكله النت مكنتش هي السبب علشان انا واخده الاجازة قبل الازمة باسبوع:D

وبرضه مش الافكار القليله لان انا الافكار عندي مش بتخلص ده انا كاتبه 5 بوستات ف الدرافت!!!!! ومش عايزة انزل ولا واحد فيهم

كنت عايزة اعمل نشرة بس الظروف لا تسمح بعمل نشرة وانا شكلي مش هعمل نشرات تاني اصلا عايزة اكتب عن حجات كتير ومش عارفه اكتب عن حاجه كان فيه مقاله ف الدستور عايز اكتب عليها بل ف الواقع كنت عايزة اكتب عن كذا حاجه ف الدستور اصلا بس الكلام ده من اسبوعين!!!! عايزة اكتب عن المنتخب والبطولة وان الماتش الوحيد اللي اتفرجت عليه بتاع زامبيا اللي اتعادلوا فيه ولعبوا وحش جدا وخايفه اتفرج ع ماتشات تانيه ييلعبوا كدا برضه:)

عايزة اكتب عن معرض الكتاب واني روحت لاول مرة من 4 سنين:) كل ده وركبت الطفطف اهم حاجه حتى اهم من الكتب اللي جبتها: ) وملحقتش الف فيه حلو يعني معرفتش اجيب الكتب كلها اللي انا عايزاها كان نفسي اجيب كتاب برايد وكتاب غاده وكتاب رحاب:( مش عرفت اوصل لدار الشروق اصلا وكمان انا كنت رايحه متاخر بس انا انشاء الله هبقى اخلي رضوى

تجيبهملي اقراهم ف اقرب وقت

اكتب عن الاجازة اللي احنا فيها عن النت اللي اتقطع وعذبنا

واكتب عن السواقه اللي انا بقيت اسوقها ديه عايزلها بلوج بحااااله اصلا

واكتب عن النتيجة لولولولولوولولولولولوولولولولولللللللللي

النتيجة طلعت يا بشرررررررررررررررررر

انا والحمدلله نجحححححححححححت

لولولولولوللوولولولللللللللي اه النتيجه طلعت بسرعه جدا ما هو انا النظام الجديد اتصالات اوبشن ااقصد الساعات المعتمده بتاعه كلية الهندسه وده موضوع تاني كنت عايزة اكتب فيه يعني فيه افكار بس النفس اللي تكتب

المهم اني نجحت الحمدلله وبابا فرح الحمدلله وجبت ف الماده اللي حكتلوكوا عليها ديه جيد:) شوفتوا الهنا اللي انا فيه الحمدلله

المهم يعني انا هرجع الكليه ع 17 فبراير كدا لسه قدامي شويه يمكن الحق اكتب بقى يلا كفايه كدا النهارده سلام:)

ها ها ها

2008-01-16T19:06:00.000+02:00

ف يوم الاربعاء الموافق 16 يناير 2008 وف تمام الساعة الحادية عشر والنصف كانوا مع موعد الامتحان ويوم الامتحان يكرم المرء او يهان - والدفعة بتاعتي اتهانت اخر اهانة اعااااااا-ومسكت ورقة الامتحان الاشئلة شكلها بنت ناس يعني مش هنسقط

اولا نظام الامتحان ايه؟؟؟

الامتحان 12 نسخة يعني انا مش زي اللي جنبي ولا اللي ورايا ولا اللي ورا اللي جنبي ولا شبة حد ف المحيط اللي جنبي خالص

الامتحان اختار 25 نقطة اختار وكل 3 اختيارات غلط بيضيعوا واحدة صح :)

يعني حاجة لذيذة خاااالث

المهم مسكت الورقة وقلت احل ولا رقم راضي يطلع اقول ركزي يا نور حلي يا نور السؤال سهل يا نور

ربع ساعه عدت يا نور

الدكتور طلع --قائلا ها اللي عايز حاجة يقول انا همشي برة الكلية كل حاجة واضحة خلاص طيب

والاقي ناس بتسال ف حتت بعيده عني ياااااااه العيال عبقرية اوي كدا!!!وخلصوا السؤال االاول

نص ساعه عدت ومحلتش غير 5 نقط بس من 25

مش مشكلة اخش ف السؤال اللي بعديه حليت والارقام طلعت الحمدلله ادي 3 نقط كمان كدا حليت 8 نقط من 25 دلوقتي عدت كام ساعه الا ربع

اجد من امامي يصيح قائلا لألألأ مش عارف احل غير 8 انظر اليه باستغراب واجده حط رجل ع رجل وقفل الورقة وينادي من حولنا اجد الجميع مثلي لا يستطيعوا الحل اذن العيب مش فيكي يا نور لولولولوولللللللللي -معلش اصل كنت بحسب انا بس اللي غبية طلع الامتحان هو اللي غبي-

تمر نصف ساعه اخرى ولا احل غير 3 اخريبن المجموع 11 نقطة من 25 لولولولولوللللللللي

بقيت الساعتين ناقص ساعه الا ربع الدفعة كلها بتضحك مفيش ولا رقم راضي يطلع معانا باستثناء ان ف ف الاختيارات none بس برضه يعني هيبقوا 14 نقطة none

الحمدلله

وبعد ذلك الدفعه كلها تضحك وتبتسم ابتسامة صفراء ونواسي بعضنا البعض بان التقدير مش هيعدي المقبول لولولولولولووللللللللي وكنا بنلعب ع الامتياز

حسبي الله ونعم الوكيل

ناقصلي امتحانين يوم السبت ويوم الاتنين ادعووولوي

وانتظروا النشرة ف القريب العاجل :)

كل سنة واحنا طيبين

2008-01-01T00:08:00.000+02:00

سنة عدت وكتبت كل حاجة حسيت بيها ف بلوجي الحبيب وده يستدعي ذكر ان شمعه اتمت عامها الثاني بحمد الله

حيث ولدت شموعة ف 1-1-2006

واتمت عامها الاول ف 1-1-2007

وها هي تتم عامها التاني بسرعة الصاروخ

:)
شمعة مش بتبقى منورة غير بيكم بتنور بيكم وعلشانكم وكدا يعني كل سنة وانت طيبة يا شموعة

مرت سنه بحلوة و مرها بضحكاتها ودموعها بايامها ولياليها
مرت سنة ضحكت فيها كتير وعيطت فيها كتير
سقطت فيها ورجعت نجحت فيها
ناس اتجوزت وناس اتوفت
ناس فرحت وناس حزنت
الاهلي كسب الصفاقسي ع ارضه –تونس يعني- والنجم كسب الاهلي ع ارضه –مصر يعني- ف نفس السنة
ابو تريكة فرحنا فيها ف الدقيقة حاجة وتسعين وخلانا نعيط مش علشان خسرنا علشان هو بكى علشان ضياع البطولة
سنه هيست فيها كتير اوووووي اكتر سنة هيست فيها بجد
سنة اتصحبت فيها ع اجمل شلة بالرغم من انها رخمة ونكدية بس بجد بحبهم اوي العيال ديه بجد فعلا اجمل شلة ف حياتي
سنة تميت فيها 18 سنة وطلعت الرخصة انا محكتش ع الرخصة معرفش ليه- بس هيه هيه هيه هيه عملت الرخصة– وسنة تم فيها الاهلي 100 سنة
سنة وصل فيها معدل التفاؤل بتاعي فيها ل100% ووصل فيها الاحباط ل100% برضه ومازال الصراع مستمر
سنة ضاع فيها حلم كنت بحاول اقنع نفسي فيه –اني اخش اتصالات – ووقفت ف نفس الوقت ع اول خطوات حلم قديم من كي جي وان –اطلع مهندسة ببني عمارات –
سنة كتبت فيها هنا حجات غريبة جدا مكنتش اتصور اني اعرف اكتبها
سنة غيرت فيها اللوك بتاع البلوج اللي كنت حاسه انه هيفضل لونه فوشيا ساده طول العمر
سنة معملتش فيها غير 4 تاجات بس وفيه تاج متأجل
سنة عملت فيها نيو لوك للنشرة ومكتبتش غير 4 نشرات ف 12 شهر بس –بالمناسبة فيه نشرة بعد الامتحانات هتاخد كل المناسبات من اول شهر سبتمبر لحد شهر يناير نشرة اكس لارج يعني :)
سنة مرحتش فيها السينما غير مرتين بس مش عارفا ليه كدا ؟؟
سنة بوبا وسوكا فيهم بقوا صحابي اكتر واكتر ودخلوا الاتنين المدرسة ومتعذبين
سنة ظهرت فيها ليلى تاني وشاركت فيها تاني
سنة اتعلمت فيها حجات كتير طلعتلي افكار جديدة احلام جديدة شخابيط جديدة
سنة اتغيرت فيها اوي
سنة حاولت اني ابقى فيها كويسة ومعرفش قدرت اكون كويسة ولا لأ
سنة خلصت وسنة خلاص استقبلتها بابتسامة بالرغم من كونها ابتسامة باهته ووراها تعب و ارهاق واحباط بس فيه شمعه امل بدأت تنور
يا رب تبقى سنه 2008 خير علينا كلنا :)

وما العيد الا شوية فرحات فوق بعض:)

2007-12-17T23:18:00.000+02:00

كل سنة وانتوا طيبين يا بشر

عيد سعيد عليكم كلكم يا رب

مش عارفة ايه حوار ان لبس العيد ده للصغيرين وكل ما اسال حد جاب لبس العيد ولا لأ يقولي ايه شغل العيال ده

ده العيد فرحة والعيد يبقى عيد ازاي من غير لبس جديد حاجه عجيبة فعلا يلا

هابي عيد يا بشر

ملحوظة الصورة منشولة من جوجل :)

الاحباط وأنا :)

2007-12-09T17:56:00.000+02:00

ابتسامة عريضة كأني هتصور كده بس بتقلب بابتسامة صفرا ده انا بتمرن علشان اواجه الاحباط اللي عندي :)

الاحباط هو سيد الموقف الان ولكن انا برضه ليا اليد العليا ف القرار مين سيد الموقف ف الاخر ان اولا هو بس ممكن يبقى هو سيد الموقف وانا سيده الموقف ونبقى كدا متعادلين بلاش رخامة واستزراف ونخش ف الموضوع

بجد ان امش عارفا الاحباط ده ليه كل شوية يجي كل ما الاقي الدنيا بقت بمبى تتقلب اسود وكاني بقع من فوق السلالم اللي بفضل اطلع عليها كل شوية واقع طرااااخ واقوم وانفض هدومي واغسل ايدي ورجلي من اثر الصدمة واقعد اعيط شوية وبعد كدا افوق ان انا لازم اكمل واطلع ع السلم علشان اكمل من مكان ما وقعت وخلاص وصلت للحتى اللي وقعت منها وهووووب لا مش وقعت طلعت حته كمان ويجي الاحباط يزوقني تاني واقع من ع ارتفاع اعلى وكل ما الارتفاع بقى اعلى الوقعه بقت اشد والوقفه مرة تاني بقت اصعب وان انا اطلع تاني اصعب واصعب واعيط اكتر بس افتكر احلامي اللي هتضيع ديه ذنبها ايه يعني ان اللي حلمت بيبها كل شوية تحبط وتقع فاقوم وانا مكسورة واحاول اطلع تاني بكل جهدي ومازال مسلسل الاحباط وانا مستمر هو يوقعني وانا اطلع بالعافية هو يغظني ويجيلي فجاة انا اغيظة واعمله مفاجاة وحبه فوووووق وحبه تحت وعلشان نعلى ونعلى ونعلى لازم نطاطي نطاطي نطاطي وتبعا بمبدأ قلنا هنبني وادينا بنينا السد العااااالي فانشاء الله انا هطلع من تاني ويا صحابي يا اهلي يا جيراني انا راجع اطلع من تاااااااااااااااااني :)

وان شاء الله لنا اليد العليا ف الفوز مع ماتش الاحباط واصلا ايه اللي عمل الاحباط الفوجائي ده ؟؟؟ جبت درجه وحشه اوي ييعععععععع ف الماتيريال والله ماده بنت ناس كدا مش هكدب و اقول كنت مذاكراها حلو يعني انا كنت عاكه شوية بس مش لدرجه الدرجه ديه يعععععععع ما علينا فان شاء الله لو درجه الكويز بتاعه نفس الماده ديه حلوة فهدي الاحباط ع دماغه لو العكس هحاول اطلع تاني :) يلا ربنا معايا انا بقيت رخمة اوي وكل شوية اكتب عن المذاكره والاحجات الرخمة ديه بس مفيش غيرها شاغل تفكيري اعمل ايه ؟؟؟

احساس

2007-12-01T23:22:00.000+02:00

هو احنا لازم نفكر تفكير سليم

ولا منفكرش اصلا

هو لما نفكر كتير نبقى غلط ولا ايه

انا مش عارفا افكر ازاي

انا حاسه اني غلط

انا حاسه اني ولا حاجه

امتحانات امتحانات

2007-11-27T14:49:00.000+02:00

تن تن تن تن
الساعه التاسعه صباحا

تستيقظ الفتاه تنظر ف المرآة تشعر بالخوف لا تعلم لماذا شعورها هذا هل لتسريحة شعرها تللك ام لشعورها باقتراب موعد الامتحان

تغسل وجهها ابسلطولي بالماء والصابون وهي منتعشة

تبحث عن شئ لتاكله ع عجاله من امرها هي دائما

وتتوجه للسرداق ااقصد الدولاب تختار اي شئ لترديه ولا تراعي اي شئ ف اختيارها انها لا تفكر سوى ف اقتراب موعد الامتحان

تذهب الى كليتها مسرعه وهي تسوق سيارتها -ما هي معاها رخصه وانا كمان بس انا مش معايا عربية فبفضل ادور ع اي ميني باص يخدني ف سكته ما علينا- وتصل قبل المعاد ب نصف ساعه

وتظل تتذكر ما اسم الماده هل هي استركشر ولا لينير ولا ديناميكس ولا كاد سيستم ولا تيكنكال ريتينج ولا رسم ولا ماتيريالز

تصعد مسرعة الى اعلى اعدادي -اسم المبنى يعني- لتستعد للامتحان

وتمسك بيدها ورقة الامتحان وكالعاده لا تعلم هل الامتحان سهل ولا صعب ولكنها تبدأ ف حل الورقة وتمر ال60 دقيقة سريعا كأنها ثانية واحده وهووووووب وقت الامتحان انتهى

وكالعاده تكتشف بعض الاخطاء الغبية وتصرخ هكذا

ويتكرر هذا اليوم لمده اسبوع الى حين تنتهي امتحانات الميد تيرم وربنا يستر :)

ادعوووووووووووووووووووولي هخلص يوم السبت

راحه البال

2007-11-07T21:13:00.000+02:00

ابحث ف كل مكان عن شئ فقد مني
ولكن المشكلة ليست ف مكان البحث ولكن في ما ابحث عنه
لا اعلم ماذا فقدت ولكني اعلم ان هناك شئ فقدته
بحثت ف كل ارجاء المكان عن شئ ملكي
بحثت ف نفسي عن شئ مفقود مني
ف الحالتين لم انجح واعثر ع شئ
ظللت افكر وافكر ماذا افعل ف امري هذا
محتارة فيه لا اعلم كيف سينتهي بحثي
بحثت عن اي شئ ف ذاكرتي
وجدت الذكريات ضلت طريقها الى ذاكرتي
جلست طويلا احدث نفسي واتعجب من امري
لم استطيع التعبير لم استطيع سوى الصراخ
باعلى صوت صرخت ماذا فقدت ؟؟ عقلي قلبي ذكرياتي افكاري طموحي
ايا منهم فقدته ؟؟ ام فقدتهم جميعا؟؟
اغلقت عيني فغلبني النوم لم انم منذ وقت طويل
لم احلم بشئ
ولكني استيقظت سعيدة
شعرت بحالي تغير
لم اصبح كما كنت قبل نومي
شعرت بنفسي تطير سعيدا
ووجدت ما فقدته
راحة البال

انتهى

اعدادي هندسة
يوم الاحد 6مايو
2007
الساعة 9 وربع الصبح
محاضرة فيزيا
د. حسن رشدي

لقيت الكلام ده ف ورق من ورق الشخابيط اللي كنت بشخبطه انا وصحابي ف المحاضرات السنه اللي فاتت وبالذات محاضرة الفيزيا وكل المحاضرات والله وحشتني الحجات ديه

اما المناسبه اني ارتحت الحمدلله عملت الريبورت عن الموضوع بتاع البوست اللي فات وعملت عليه برزنتيشن باور بوينت جامد الحمدلله :)

شوفتوا الكلام ده

2007-11-03T20:47:00.000+02:00

A Case Study on the use of CAD system in building Construction through an analysis of a Building prototype in the following level of construction :
Design-Construction-Management-Lifecycle

وانا اعمل ايه يا ربي اعمل ايه

اعااااااااااااااااااااااااااااا اعاااااااااااااااااااااااااااااااا

حد يقولي اعمل ايه

طبعا ولا حد فاهم حاجه

البتاع اللي فوق ده المفروض اعمله واعمل بريزنتيشن يوم الاربع ولسه معرفتش اعمل ايه

انا هعيط بقى

وبالمناسبة انا التفاؤل اللي عندي خلص خلااااص عايشة ع بقايا بقايا تفاؤل وامل

اااااعااااااااااااااااااااااااااااا اااعاااااااااااااااااااااااا

ربنا يستر يا رب

بوست سررريع جدا جدا :)

2007-10-27T22:21:00.000+02:00

وحشتوووووني جدا جدا

ووحشني البلوج جدا جدا

وعندي كلام كتير جدا جدا

بس الوقت قليل جدا جدا

ومش هعرف اقول اي حاجه جدا جدا

وحاجه عجيبة جدا جدا

ايه حكاية جدا جدا ديه

المهم يعني اني اختلست 20 دقيقة بالثانية وقولت لماما اقعد اشوف البلوج اشوف اخبار الدنيا والحياه ف العالم الافتراضي وملحقتش اعلق عند حد ولا اخش ع الخمسين الف بلوج اللي اعرفهم ولا اعلق لحد ولا ارد ع التعليقات ولا ابص ع الميل ولا الفيس بوك ولا اي حاجه ولا اكتب حاجه من اللي انا عايزاها ده انا عندي حجات كتيرة جدا عايزة تتكتب وباقي من الزمن 5 دقائق واقوم اكمل اللي ورايا عايزه اقولكم حجات كتيرة وعندي تاج كمان من الدكتور احمد زورديك :) متقلقش هيتعمل انشاء الله ف اقرب 20 دقيقة هختلسهم تاني

يلا كفاية كدا لحسن ماما هتيجي تقومني دلوقتي بس ادعولي اعرف اخش تاني لحسن باين كدا اني هنسى الكمبيوتر ده

يلا سلام :)

المشاركه الاساسية :)

2007-10-11T00:06:00.000+02:00

ينفع ابقى مبسوطه

ومفيش اي ظروف حواليا كويسه

ينفع ابقى بضحك

ومفيش اي حاجه تضحك

ينفع العب

ومفيش اي حد يلعب معايا

ينفع اعيط

ومفيش حد يطبطب عليا

ينفع اتكلم

ومفيش حد يرد عليا

ينفع يكون العيد ع الابواب

ومرحش افتح الابواب

كل سنة وانتوا طيبين

كلوا الكحك والبتيفور وحوشوا العديات :)

عيد سعيد

-باين كده فكرت البوست مستوحاه من اعلان زاين الجديد بتاع العيد المشاركه اساس الحياهوشكرا :)-

بحب الحياة:)

2007-10-08T00:28:00.000+02:00

وانا بنشر الغسيل والحياة بمبي قصادي كدا اذ فجأة احس احساس عجيب يعملي فرح وانتشاء كدا اكيد يعني مش من الغسيل اللي بنشره ولا التلفزيون الرخم اللي بتفرج عليه ولا اي حاجه بس حسيت كدا ان انا قال ايه بحب الحياة يا لهوي اول مره احس بكده بالرغم من كل حاجه رخمة ووحشة وسخيفة فيهاوايه يعني معدلكوش الحجات الرخمة اللي ف الحياة ديه اه والله بس فجأة واحده كده

وبدون اي اسباب علشان محدش يقولي حاجه بس انا كنت بتكلم مع البشمهندز تشوس وخلاني احس اني بحب نفسي وبالتالي بقيت احب الحياه اذ فجاة كده بسمع كلام مااما من غير ما اقولها لأ خالث وديه حاجه غريبة اوي عليا وتديني كل يوم دعوتين تلاته كدا وهي صايمه ده يخليني احس بسعاده بابا لسه موجود معانا باستثناء انه كل شوية بيشغلني اعمل حجات بس برضه موجود ده محسسني بسعاده وامان اول مره ابص لنص الكوباية المليان بتفاؤل وحاسه ان ربنا مش بيسيب اي حد لو محتاجله ربنا المدبر بيعمل كل حاجه علشان سبب احنا مش عارفينه ممكن نعرفه وممكن منعرفوش بس بيخترلنا الصالح والاحسن

لازم الحياه يبقى فيها مشاكل علشان نحس بقيمتها مش مشلكه اننا نتعب شوية بس ف الاخر نحس بالفرح او السعاده او كده

نحس ان فيه امل ف بكره حتى لو مفيش امل يعني ليه ننكد ع نفسنا

لما بننكد ع نفسنا وبعديها بشوية نفرح نقول ايه الهبل ده ليه مش واحنا ف عز الازمة او الضيق نقول ان شاء الله ربنا هيفكها من عنده نبص لكل حاجه وحشه بتفاؤل نجرب نفرح وخلاص نجرب نحب الحياه نجرب يبقى عندنا امل مش عارفه انا بتكلم كاني ف برنامج اذاعي عجيب بس هو ده اللي جوايا وانا بحب اطلع اللي جوايا برايا زي ما انتوا عارفين

بس انا بجد حاسه اني بحب الحياه وربنا يستر بقى لحسن اجيلكم بكره اقولكم عايزه اعيط :)

نظااااااااارتي

2007-10-03T21:42:00.000+02:00

اه واه نظاااااااااارتي اين ذهبتي لا ااقصد ماذا حدث لكي

اعاااااااااااااااااااااااا النظارة بتاعتي ماتت ولا ايه

نظاااااارتي هعيش ازاي انا دلوقتي من غيرك يا نظارتي

مذاكرة كمبيوتر اكل غسيل تلفزيون كل حاجة بعملها بيكي

كل ده علشان مرحتش بيكي الكلية ولبست العدسات يومين

نظااااااارتي

اينعم فيه نظارة غيرك استبن وشكلها حلو برضه بس انا اتعودت عليكي

هتقولولي ايه اللي حصلها

هقولكم معرفش بفتح الجراب بتاعها واجدها من غير مخدتها اه محدش يقولي طب ركبلها سرير ولا حاجة والمخده مش لقياها

قولت يعني عادي جيت البسها لقيت دراعتها سايبه

اعاااااااااااااااا قولت اعمملها بالمفك

اعاااااااااااا معرفتش قولت خلاص هطلع الاستبن فضلت ادور نص ساعة عليها لحد ما لقتها

ولبستها مش شايفة حاجة الابعاد ضايعة خالص اعاااااااااااااااااا

نظارتي حبيبتي هفتقدك بس بصراحه يعني انا مكنتش بحبك اوي وكده احتمال اجيب نظارة جديده

هتقوليلي مكنتش بحبك ليه هقولك يا ستى علشان انت جيبتي بعد نظارتي الحبيبة اللي كنت بحبها واللي اتكسرت فجأة واحده وانت جيتي بعديها نقدر نقول مجرد تعود بس هفتقدك برضه

انتظروا بوست عن النظارات بس لما اجيبه من عند رضوى لو لسه عندها علشان انا كنت كاتباه ع الكمبيوتر وبعته لرضوى علشان تقولي رائيها ايه واتمسح من عندي فهنحاول ندور عليه وننشره -اللي هو انا الناس الجمع دول- وكل سنة وانتوا طيبين خلاص العشرة الاواخر جم اهم الهمه بقى عايزين نلحق ليله القدر يا رب

وكل سنة وانتوا طيبين :) -

مش عارفه مالي

2007-09-19T04:20:00.000+02:00

مش عارفه مالي

ايه اللي جرالي

اتجننت او اتهبلت او حاجه حصلالي

حالة غريبة جيالي

بنام كتير و و لا ع اي حاجه ببالي

بخاف من قطه متخلفة صغيرة وكانها ليا انا بس وقفالي

حاسه بحجات غريبة قلقاني

بجد مش عارفه مالي

ادعولي ربنا يصلح حالي

رمضان كريم

2007-09-10T03:06:00.000+02:00

كل سنة وانتوا طيبين
رمضان كريم
ربنا تقبل منا صيامنا يا رب
مش هرغي كتير المرة ديه هقولكم بس اني فضلت اعلق الزينة ساعه كدا وبعد كده كلها وقعت فجبت مسامير وشاكوش وعملتهم وربطها ولحد دلوقتي لسه موجوده الحمدلله باستثناء كده كل حاجة زي ما هي زي السنة اللي فاتت

وكل سنة وانتوا طيبين

بجد كلنا ليلى؟ سؤال

2007-09-06T06:59:00.001+03:00

كتبت الكلام ده امبارح وكسلت انشره ونشرته النهارده

انا قاعده ف العربية كده وبفكر اكتب ايه ع البلوج افكار كتيرة وطبعا حاجة محضراها ف دماغي وقلت هروح اكتبها الاقي البلوجر كله
ا

بيكتب عن قضية واحدة زي كلنا ليلى السنة اللي فاتت معرفش ليه جتلي الفكرة ديه اول ما روحت وبتفصح البلوجات لقيت كلنا ليليى 2
ويلكم باك:)
بس السؤال اللي جالي لما لقت البوست بتاع ليلى يعني ليه مكتبوش من سنة ولا عايزين يعملوه يوم معين ؟
مش مشكلة المهم يعني انا قررت اشارك ف الموضوع وما زلت عند رأي ان مش كلنا ليلى زي ما قلت السنة اللي فاتت

بعض الاسئلة اللي موجوده ف البوست الرئيسي بتاع الموضوع

هل انت سعيدة كفتاة ؟

الى حد كبير الحمدلله يعني مفيش حاجة حصلت تخليني اضايق اني بنت بس اكيد ف غيري كتير مضايقين من انهم بنات والموضوع ده بسبب الاهل نوعا ما علشان ف بعض الاهالي مش بيدوا بنتهم الثقة او الحرية ف الاختيار او التعبير عن رايها وده موجود وبيحصل فالاهل هما العامل الاساسي ف موضوع السعاده كفتاه ده

هل تعرفين دورك في الحياة أم تتسابقين وتلعبين أدوارا مرسومة وفقط؟
الحمدلله عارف ومقتنعة تماما انه دور مهم سواء ف الحياة الاسرية او الحياة العملية وخطط اهدافي مش مجرد ادوار مرسومة وانا بمشي عليها بس ده حاجة انا اللي عايزاها وانا اللي حطلها الخطط ديه

.
هل مستعدة أن تدافعي عن وجهة نظرك عموما أم تجبنين عند المواجهة؟وهل ترين جبنك سمة شخصية أم يغذيها من حولك؟
الموضوع ده يرجع للشخصية مش للنوع يعني ف بنات ممكنن تجبن عند المواجهة زي ما بتقولي بس ده راجع لشخصيتهم مش انهم مضايقين او منبوذين ع انهم بنات وف بيبقوا مجبروين ع امرهم
وبرضه حسب الاهل هما اللي ممكن يدوكي الثقة ف المواجهة او يزودوا من حالة الجبن
.
ليلى والمجتمع
ما مشاكل ليلى الملحة في المجتمع من وجهة نظرك؟ ما مصدرها؟ هل يمكن حلها؟ وهل عندك موقف شخصى من واقع الحياة؟
ممكن مشكلة ناتجه عن مشكلة تانية ناتجة عن مشكلة تالتة يعني مجموعة مشاكل ف بعض
الامان : اظن ان البنت بقت مفتقده للامان فا الشارع انا عن نفسي اوقات كتيرة ببقى ماشية عايزة اتلفت حواليا مين جاي عليا مين ماشي جنبي بيبقى عندي هواجس الحمدلله محصليش اي موقف وحش بس اللي بنسمعه ونشوفه يخلي
يخلي الواحد خايف من اي حاجة
المشكلة ديه ناتجه عن ايه ؟؟
ف رائي عن حجات كتيرة منها انعدام الاخلاق والعنوسة عند الجنسين بنت او ولد يعني هيبص ليه بره ؟؟علشان هو اصلا معندوش جوا وده يجبنا للمشكلة التانية لليلى العنوسة
شبح العنوسة يبدأ يطارد البنت من اول ما تتخرج من كليتها يصبر عليها الشبح بيبقى لسه بيبي مش باينله حاجة اول ما البنت تخرج من 25 سنة خلاص الشبح يكبر ويكبر
.
ليلى والرجل:
البنت زي الولد مهيش كمالة عدد
هل ترى المرأة أقل من الرجل في أي مستوى من المستويات؟ و إن كان فعلا، فما هي هذه المستويات؟
يعني مش بالمعنى ده بالظبط بس طبعا ف حجات الرجل ممكن يعملها ليلى متقدرش وفيه العكس علشان ربنا خلق لكل واحد فيهم طبيعة معينة كل واحد المفروض يرضى بيها
مش معنى ان الرجل هو المورد المالي للاسرة انه يبقى الاعلى ف المستوى مش لازم ننسى دور ليلى ف البيت وبرضه ف المورد المالي ف بعض الاحيان
.
ما رايك فى دور الاعلام فى ترسيخ صورة نمطية عن المرأة؟ ومعالجات قضايا المرأة؟ وتأثيره؟
ستوووووووب كده هنخش ف الغلط مرة كنت بسمع لاف ان 100 .6 ولقيت يسرا بتتكلم وبتقول
من حقك تمارسي الرياضة من حقك تعملي مش عارف ايه وايه وايه وايه انا مكنتش فاهمة بالظبط فيه ايه اكتشفت ان ف يوم عاملاه سوزان مبارك للمرأة ليه بالظبط مش فاكرة علشان تتفسح ولا علشان ايه بالظبط مش عارفه
يعني ايه حقها تمارس رياضة يعني يعني هي واخده كل حقوقها علشان تدور ع الرياضة اللي تمارسها
وكمان الاعلام ده هو اللي بيخلي مصر بره عبارة عن شارع الهرم - مع احترامي للشارع مش قصدي اي اساءة اكيد فاهمين قصدي يعني- واللي بيبصوا للبنت المصرية ع انها زي روبي نهضه المستقبل بتاعه مصر
ولما بيناقش قضية بينقشها بركاكة وسخافة فظيعة زي مسلسل حارة العوانس بتاع السنة اللي فاتت مش عارفه حسيت انه مسلسل جارح اكتر من انه بيعالج قضية

اما بقى بالنسبة ليوم كلنا ليلى فانا بصراحه محستش باي حاجة وزي ما قلت ف اول البوست ان انا كنت مستغربة توقف الحركة رغم اني مكنتش مأيداها بس برضه يعني

وف الاخر برضه بكرر كلامي ان كلنا ليلى ومش ليلى كل واحده عندها ليلى من ناحية خاصة غير التانية واسعدتني مشاركتي ف الموضوع

ليلى هنا
اللي عايز يعمل بوست عنده ويجاوب ع الاسئلة يعمله

سياتي هذا اليوم

2007-09-03T04:15:00.000+03:00

اخفي مشاعري دائما

لا احب ان اظهرها لا ادري ما السبب

ولكنها لن تختفي الى الابد

سياتي اليوم الذي تظهر فيه

حتما سياتي هذا اليوم

اوقات

2007-09-02T01:14:00.000+03:00

اوقات ببقى عارفة انا عايزة ايه واوقات مش ببقى عارفة خاالص
اوقات ببقى عايزة اخلي احلامي حقيقة واوقات مش بيبقى عندي احلام اصلا
اوقات ببقى عايزة اطير لفووووق واطير واطير واوقات ببقى مش عارفة ازاي امشي ع الارض اصلا
اوقات بحس ان انا اكتر واحدة مبسوطة ف الدنيا واوقات بحس ان محدش مضايق زي
اوقات ببقى عايزة اعمل حجات كتيرة كويسة واوقات ببقى مش عايزة اعمل حاجة غير اني انام
اوقات ببقى عايزة اغير حجات كتير مضايقاني فنفسي واوقات بتبقى نفسي عجباني كده ومحدش ليه دعوة بيا
اوقات بتطلع للاحسن واوقات مش ببص غير للقليل
اوقات بجري وبتنطط وبضحك واوقات ببقى عايزة اعيط واعيط
اوقات برغي وبرغي واوقات مفيش كلمة بتطلع مني ده يمكن ابو الهول يتكلم وانا لأ
اوقات بحلم وبحلم وببقى حاسه ان احلامي هتتحقق واوقات مصدقش ان فيه حاجة اسمها حلم يتحقق واتوقع الاسوأ دايما
اوقات بملى الجو فرح وضحك واوقات بملاه كآبة وارف
اوقات ببقى طيبة واوقات ببقى شريرة
اوقات ببقى شمعة واوقات ببقى نوران واوقات ببقى حد تالت بيجمع بين الاتنين نوران وشمعة وده الغالب
اوقات ببقى عايزة اكتب علشان الناس تقرا وتضحك وتبقى مبسوطة وهي بتقراه واوقات ببقى عايزة اكتب وخلاص ف الحالتين بكتب اللي جوايا بس الطريقة بتكون مختلفة ف الحالتين
اوقات وسعات ودقايق وثواني وحجات كتيييرة جوايا مختلفة
متناقضات كتيرة بتبقى موجودة ف حياتي وكل واحدة عكس التانية خالص مفيش وسط
مش عارفة ليه ؟

بوبا وسوكا

2007-08-21T17:00:00.000+03:00

اه واه وبعد ما كتبت مقدمة بوست طوله اكبر من البوست اللي فات ومع شديد من الاسف والحسرة اتمسحت انا سمعاك ياللي بتقول الحمدلله انها اتمسحت واحب اطمنك انها اتمسحت بس برضه هكتب كتير انا منكرش ان الخطه اتغيرت بس برضه يعني انا مش هغلب نرجع للمقدمة اللي اتمسحت
هتقولولي اتمسحت ليه وازاي
هقولكم سوكة مسحتها
هتقولولي سوكة مين
هقولكم سوكة اخت بوبا
طبعا الاسئلة مش بتخلص فهتسالوني بوبا مين
فهقولكم سوكا وبوبا هما محور حديث اليوم تن تن تااااا

مش هقولكم انهم ولاد خالي الصغيرين بوبا 5سنين وسوكا 3 سنين ونص ومش هقولكم انهم اصدقائي الاعزاء ومش

هقولكم انهم اصحاب مستقبل باهر واحد هيبقى بشمهندز زي الفل والتانية اكيد هتكون دبلوماسية رائعة ومحبوبة جدا ومش هقولكم انهم بيحبوا شريط عمرو دياب الجديد ومش هقولكم انهم بيحبوا شركة المرعبين المحدودة وحافظينة و ان انا كل شوية استغل بوبا وسوكا واتفرج عليه ومش هقولكم ان بوبا بيحب سبايدر مان جدا جدا وعنده اللبس بتاعه وارفنا بيه وكل شوية يقولنا انا سبايدر مان هنقذ العالم من الاشرار وكان عايز ينط من البلكونة ويتشعلق ع الحيطة وكده يعني ومش هقولكم برضه ان سوكا بتحب اغنية شخبط شخابيط وتفضل تنطنط وانا لازم اتنطط معاها –مش عارفة ايه الهبل ده – ومش هقولكم برضه ان سوكا بتحب البكلونة يوووه اقصد البلكونة يعني وبتحب احمد مين احمد ده مش عارفة بس كل شوية تجيبلي الموبيل وتقولي خدي كلمي احمد اقولها مين احمد يا سوكا تتضحك اقول الو يا احمد تاخد الموبيل مني وتقولي كفاية كده وتقول لاحمد باي يلا انا هقعد مع اران – انا يعني- ولما جيت حكيت لمامتها وهي واقفة بصتلي بصة عتاب كانها كانت ماتمناني ع سر وانا قولته وبعد كده سوكه قررت انها متجبش سيرة احمد تاني قصادي ولو اسمه اتقال لازم تغير الموضوع علطول بس نفسي اعرف مين احمد ده ؟؟؟
ومش هقولكم ان انا لازم العب معاهم كل شوية وابقى مامتهم ف اللعبة بالعافية وانا مش عايزة العب اصلا بس هما اللي بيخلوني العب لا وع مزاجهم يعني سوكا لازم تبقى بيبي وبوبا لازم يبقى سبايدر مان يا سلام ويخلوني مامتهم ايه الظلم ده انا ببقى عايزة ابقى باور رينجيرز

اومال بقى انا هقولكم ع ايه ؟؟؟
هقولكم ان بجد العيال ديه بتفهم اوي اوي وديه مواقف بتدل ع انهم بجد بيفكروا
.
بوبا كان عنده انترفيوا علشان هيحول من مدرسته لمدرسة تانية فانا ماسكة الكتاب وقاعده اقوله ده ايه يا بوبا يقول
كار وده باص وده ترين وكده يعني ف ف الصفحة ديه كانت الحيوانات قاعده ف وسائل المواصلات ديه يعني الاسد
قاعد ف العربية والقرود فالباص والفار ف السفينة و الارنب ف الطيارة والدب ف القطر
راح باصلي وقايلي ازاي يا نوران الاسد بيعرف يسوق عربية وهو الفار عنده لبس بوليس وازاي الارنب بيطير
بالطيارة هو اصلا بيعرف يطير؟؟
ها نعم يا بوبا انت بتقول ايه بص يا بوبا هما زهقوا قالوا يرفهوا عن نفسهم شوية
بوبا : يعني ايه يرفهوا ؟؟
انا : يعني يتفسحوا شوية الحيوانات كانت زهقانة فقالوا يفسحوهم يعني
بوبا يبصلي نظره اشفاق عليا اني تعبت من المذاكرة معاه واني خلاص هيست عليه
وقالي : خلاص كفاية كده النهارده يا نورانا حسسني اني بجدهييست
انا: يا سلام شكرا يا بوبا يلا بقى روح العب
.
.
كنا ف سيتي ستارز ف في عواميد كبيرة كده فانا سانده ع واحد
يجي يقولي: يا نوران هتسدني عليه وهيقع
انا : لا يا بوبا مش هيقع
بوبا : هو اصلا واقف ازاي هو عنده رجلين ؟؟
انا سكت شوية وفضلت ادور ع الاجابة ورحت قايلاله : لا يا بوبا شايف العواميد ديه كانها رجلين المبنى ده
بوبا : بس هما مش اتنين هما كتير
انا : لا مهو علشان هو كبير اوي اكبر حتى من بابا –علشان لو قلتله كبير بس كان هيقولي بابا كبير وعنده رجلين
اتنين بس – فهو عنده رجلين كتيير اسمها عواميد
بوبا : يعني لو طلعنا فوق هيقع ولو نزلنا تحت هيقع علشان معندوش رجلين كتير غير هنا بس
انا : لا يا بوبا ما هي نازلة تحت الارض خالث زي رجلك واقفه ع الارض العمود بقى رجله نازله لحد بعد الارض
علشان هو كبير يفضلوا بيحفروا علشان يحطوه
بوبا : يعني لو حفرت هلاقيه
انا : اه يلا بقى نروح نتفرج ع محل اللعب ده
بوبا : طيب انا عايز موتسكيل
انا : ارحمني يا رب
.
.
قاعدين
بوبا: هي ماما -جدتي يعني - بتروح المستشفى ليه
يرد احد الجالسين عليه (طنط) : علشان تغسل يا بوبا – قصدها غسيل كلوي ربنا ما يوريهوش لحد –
بوبا : طب وهي بتعرف تنشر
طنط: تنشر ايه يا بوبا
بوبا : تنشر اللي هي بتغسله
فضلنا نضحك وطنط قالتله لا يا بوبا الغسيل ده كده عامل زي الدوا مش بتاع الهدوم
بوبا : اه طيب انا عايز اكل
.
.
ديه المواقف اللي انا فاكراها لبوبا اما سوكا ملهاش مواقف تفكير هي ليها مواقف ف الحياة العامة يعني دبلوماسية
وسياسية من الدرجة الاولى تعمل الحاجة وتعرف تاخد حقها منك وتعرف تدلع عليك وليها شخصية قوية كمان وتفضل
كل شوية تقولي متخافيش من القطة مش هتعملك حاجة –انا اتفضحت – واقولها لا تعالي هشيها يا سوكا – خلاص
ببقى هعيط – والحمدلله سوكا تنقذني من القطة
واخر حاجة كنت مخاصمة سوكا وقولتلها متجيش تكلميني النهاردة
كل شوية بقى تيجي تدلع عليا وجت وعايزة تقعد ع حجري واقولها امشي يا بنتي انا مش بكلمك تقولي لا هتكلميني
تقف قدام الكمبيوتر وتقولي انا هنا انزلها واقولها انا مش هكلمك امشي بقى تقولي لا مش همشي لحد ما جت وقالتلي
مش هبوظ الكمبيوتر تاني ما هي كانت مسحتلي البوست النهاردة
ومرة كنت بقولها انت يا سوكا قاعدة جوه قلبي ومربعة جواه
سوكا: ازاي يعني لو فتحت قلبك دلوقتي هلاقي نفسي فيه ؟؟
انا : اه يا سوكة
سوكة: طب افتحيه دلوقتي انا عايزة اشوف نفسي
انا: لا ده كناية يعني
سوكة لا تعليق وتمشي وعندها حالة ازبهلال
بعديها بشوية بيقولولها انت قاعده فين قالتلهم جوه قلب اران ومربعة
وكنا متخانقين جاية تجر كلام معايا وتقولي انا قاعده فين
اقولها مش عارفة ومتكلمنيش شوية وتيجي تقولي افتحي قلبك عشان اثوف نفثي وانا اقولها انت خلاص مش قاعدة

فيه تقولي لأ قاعدة وملبعة هههههه
والله انا بحب العيال ديه اوي وبجد قاعدين ومربعين جوه قلبي ويا رب مايصبهمش الغباء اللي بيجي للعيال لما يدخلوا

المدرسة ويبقوا حاجة حلوة كده لما يكبروا

النشرة رقم سبعة تحددديث

2007-08-11T18:03:00.000+03:00

تحديث كتير وكبير

تهنئات جديدة قد اغفلنا عنها والحمدلله رجعنا لعقلنا

رضوى نجحت ف الانترفيو بتاع قسم اذاعة ومنوهتش عنه

كمون وزنجبيل نجح ف الثانوية العامة بقاله 100سنة وانا مكتبتش

وبرايد كل سنة وهي طيبة تمت سنة لولولولولوللولولولولولوللللللللللللي وعقبال ما ازغرطلها يوم فرحها كده يا رب :)

عيد ميلاد عيلاء القمحاوي كان 8 -8 وقد اغفلنا عن ذكر هذا وكل سنة وانت طيب يا باشا :) اي خدمة ومكناش نعرف عيد ميلاد سيادتك امتى ؟؟

ومبروك لبيجساسوس المصري ع نجاحك وتخرجك اخيرا يا فندم مكنتش اعرف غلط غير مقصود يا باشا مبروك يا دكتور ا

بصوا بقى النشرة ديه ايه بقى مفيش زيها

ليه لا لا مش هجيب كونان هو قاعد مع توجو موري بيحل قضية هجيبه المرة اللي جاية لو فيه مرة جاية للنشرة

المهم ليه مفيش زيها علشان احنا بنحتفل بمرور سنة وكام يوم ع اول نشرة سنة وكام يوم والله كان يوم جامد اللي كتبت فيه اول نشرة ده

يااااااااااااهوووووووووووووووه يا سلام ع النشرة ديه وجمال النشرة والله جامده :)

الاول التهاني بقى

وقبل التهاني نقول لسويدي باشا حمدلله ع السلامة كان مختفي لدرجة اني بحسب ان كائنات فضائية خطفته او سافر الخليج بس معرفش حقيقة الاوشاعة بس حمدلله ع سلامته

المهم التهاني بقى ايه تهاني في تهاني ف النشرة رقم واحد ف بلوجركله هتقولولي ايه الغرور ده هقولكم لا اصل ببساطة علشان مفيش زيها محدش عامل نشرة غيري :)

اول حاجة نقول مبروووووووووووووووووووووووووووك لكل النااااااجحين

تحديث: وعندك واحد تهنئة وصلحوه :)

مبرووووووووووووووووووووووووووووووك لانووووجي علشن خدت الماجستير عقبال عندكم :)

مبرووووووووووووووك يا ابيتاف النجاح يا رب تكوني ختي المرتبة ياااا رب ولو مختيهاش مش مشلكة اجبلك واحده

من عندي مبروك يا انسه :)

مبروك يا بشمهندس محمد ع النجاح وحلو الجيد جدا حد طااايل

ومبرووك يا سموحة -زي الهوا- باين كده وده اللي استشفيته انها نجحت ف راسالة معينة ايه هي مش متاكده :)

وطبعا اللي ف الثانوية العامة(عربي ومنجي ونوران وندا وعمرو ايهاب ) بس ديه متاخرة شويتين

وطبعا انا وصحابي مش عايزة كلام ديه بقى :) الحمدلله اننا نجحنا

كده النجاح خلص

نيجي بقى لحجات تانية

مبروووووك لدعاء مركز الكون ع جوازها انا مش بعلقلها خااالث بس بخش عندهابرضه و مبرووك يا جمييل

وعندنا كمان اعياد جواز ناس كتير

ماما وبابا وناس قرايبنا وكده يعني المهم كل سنة وهما طيبين

وعندنا بلوجات تمت سنة اي كلام -لا لا مش قصدي بلوجات اي كلام ااقص - بلوج اي كلام لصاحبيه عربي ومنجي

لولولولولللي عقبال السنة اللي جاية يا رب :)

وبلوج حكاوي الليل لصاحبة احمد شقير قبل ما هو يكتب البوست انا هكتبله التهنئة كل سنة وحضرتك طيب وبلوج حضرتك جميل كده علطول

وكمان عيد ميلاد دولي هانم كل سنة وانت طيبة يا دووولي وعقبال 127 سنة :)

واختي كمان عيد ميلادها قرب 17 اغسطس اقولها كل سنة اونت طيبة بالمرة

وكمان بقول لمحمد مفيد هو ونورهان حمدلله ع السلامة وعمرة مقبولة ان شاء الله وعقبال الحج ان شاء الله

وكمان مبروك لمحمود عزت ع اصداره الاخير ويا رب ينول اعجاب القراء ان شاء الله

والاهلي خد السووووووووووووبر يا جدعااااااااااااااااان لولولولولولولولوللولولولليييييييييييي اصلا ماتش مكنش ليه

لزمة اصلا الدوري بتاعنا والكاس بتاعنا لازم يتعبونا وخلاص -الكلام ده مقتبس من عند تشوس -ايوه

هذه هي التهاني اللي قدرنا نوصلها الى الان واللي عنده تهنئة شووور ابعت التهنئة ع 6065 نشرة شمعة 100.9 اوعوا تغيروا المحطة

اه جبت محفظة جديدة بعد عذاب كل شوية افتح محفظتي القديمة وقول لصحابي خلاث ماتت لازم اجيب واحدة جديدة طول الترم التاني واخيرااا جبت واحدة معرفش ايه ضرورة الكلام ده بس حسيت اني عايزة اهني نفسي :)

واليكم اهم الانباء لنشرة شمعة

انها المرة الاولى وقد تكون الاخيرة التي تختفي فيها بقية اجزاء النشرة وذلك بسبب ان المعد لا يوجد لديه الوقت كي

يتحفكم بالقصة والفقرة الفنية بتاعه نورت مصر والنكت لا تنسوها بس اكيد هقولكم واحده يعني ف الاخر وذلك لانه

كان مقضيها شات مع اصحابة يتريقون ويهزرون وضاع الوقت وفااااااااااااااات المعاااااااااااااااد

ولان هذه النشرة مهمة جدا بالنسبة الية فقرر كتابتها اليوم بدون تلك الفقرات ولكن معنا فقرة جديدة لليوم فقط تسمى

مجنونة بلوجات

فلنبدأأأأأأا الفقرة

المشهد الاول

اه انا عايزه اعمل بلوجات خمسين ستين واحد يا ثلام لو عندي ستين بلوج ويكون كل واحد تمبليت مختلف و

صوت ينادي من بعيد : مجنوووووووونة

ترد الفتاه الصغيرة :نعممممممممممم يا ماااااااااااماااااااااااااااااا

الام:تعالي انشري الغسيل

الابنة :حاااااااضر

المشهد التاني :

تاخد الغسيل وهي بتنشر بتفكر بصوت عالي

ابنت :اه اخر حاجة 60 بلوج واحد للكلية وواحد لصحابي وواحد للغسيل وواحد لمذكراتي وواحدل

صوت اخر ينادي :يا مجنونة

ايه الصوت ده اه ديه طنط اللي تحتينا

الفتاة الصغيرة :نعم يا طنط

الصوت التاني :انزلي خدي الغسيل اللي وقعتيه ده

يوووووووووه كل مرة انشر الغسيل اوقعه طيب هنزلك السبت تحطيه فيه

الصوت التاني:انزلي بقى يا مجنونة كل مرة كده

حاااااااضر

الحمدلله نشرت الغسيل

اه وصلنا لفين اه هعمل 150 بلوج لا لا كانوا 60 وكان فيهم واحد للغسيل اه صح

المشهد التالت

بسم الله الرحمن الرحيم

اه كل يوم اقوم مفزوعة كده من النوم حاجة غريبة فعلااا بجد وايه الاحلام العجيبة ديه حاجة عجيبة فعلا :)

...........................................................................................................

هذه اخر فقراتنا واليكم اخر نبأ ف اهم الانباء وهي نكت رخمة طازجة من الفرن الان ولتنتهي النشرة تلك بسلام وبدون احداث ضحايا ولا اي حاجة مما تسببه تلك النشرة للقراء :)فساقدم لكم نكتة واحدة فقط لا غير

:) "

واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين

قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على

جيشه

وكانت تلك هي اهم الانباااء

ايه الراجل المزعج بتاع اهم الانباء ده انا جبته بدل كونان مش كونان كان ارحم

انا كنت عايزة اخلي النشرة ديه مميزة علشان ممكن تكون اخر مرة اكتب نشرات فيها هعتزل يعني اهئ اهئ خلاث

خلاث مش هعيط بس انا عايزة رايكم افيدوووني

يلا كل نشرة وانتوا طيبين :)

ملحوظة صغيرة : نظرا لضيق الوقت ملحقتش احط لينكات انتوا عارفين الناس ديه كلها صح وكل واحد عارف نفسة :)

حالة فوجائية

2007-08-04T18:39:00.000+03:00

اسرح بخيالي معه
افكر فيه دوما
هل سياتي ام يجعلني منتظره
ولكني سانتظره ساقضي حياتي منتظره قدومه
ولكني اشك ف قدومه ولم لا
وان لم ياتي سأذهب انا اليه
الطريق طويل والتحلي بالصبر هو وسيلتي للوصول كما اريد ف هذا الطريق
يضئ الطريق مرة ويظلم مرة
لا اعلم ما حال هذا الطريق
ولكنني قررت الذهاب اليه
نثرت احلامي ف الارجاء لعلها تصل اليه
نثرت عقدي الذهبي وفرطت حبات لؤلؤي لتدلني ع طريق عودتي معه
وصلت للجبل نظرت اليه نظره امل وجدته بعيدا جداا عني
نظر الي ومد يده الي
رغم بعد المسافة الا انني احسست بها
وابتسمت واغلقت عيني واستسلمت لاحساسي

حاجة عجيبة

2007-07-31T22:20:00.000+03:00

ف كي جي وان
اسمك ايه يا حبيبتي؟
انا : نوران وباباكي؟؟
انا: اشرف
عندك كام سنة؟؟
اطلع صوابعي واعدهم واقول اربعة ....
.

ف اولى ابتدائي
اسمك ايه؟؟
نوران اشرف
عند كام سنة؟؟
ست سنين
.

ف اولى اعدادي
اسمك ايه ؟؟
نوران اشرف
عندك كام سنة ؟؟
11سنة
.

ف اولى ثانوي
اسمك ايه ؟؟
نوران اشرف
عندك كام سنة؟؟
14 سنة
.

ف اعدادي هندزة
اسمك ايه ؟؟
نوران
عندك كام سنة؟؟
17 سنة
.

محدش ملاحظ حاجة؟؟؟ باستثناء الملل يعني ؟؟
واضح ان محدش مش هنا
ااقولكم بقى
.

الحاجه اللي مجناني ان سني بيتغير ف كل المراحل بس اسمي هوا هوا حاااااااجه عجيبة فعلااااا
مش معايا ف الموضوع ده ولا ايه ؟؟؟؟

توابع النجاح

2007-07-28T20:05:00.000+03:00

اهلا يا جماعه ايه الاخبار ايه البدايه العجيبة ديه مش عارفه التعليقات ع البوست اللي فات لقيت فيها بعض الحيرة

انت ف سنة كام؟.............. طب نجحتي ف ايه ؟ ............... طب عملتي الفرح ده ليه؟

انا اصلا كتبت البوست ده ع عوجاله من امري وكمان ملقتش

غير الزغاريط هي اللي تعبر عن فرحتي ده انا كمان كان نفسي اعمل البلوج يزغرط بصوت ويتنطط انا كنت هموت من

الفرحةواول ما عرفت فضلت اتنطط وازغرط واقول

اناااااااااااا نجححححححت الحمدلله اخيرررررررررااااااا

و لو كانوا وصولوا قلبي بسلكتين وحطوا السلكتين ف اللمبة كانت هتفرقع من كتر الطاقه اللي فيه

ولو وزعوا الفرحة اللي ف قلبي ع مصر كلها كان كلهم هيبقوا فرحانين وانا هفضل مبسوطة برضه يعني باختصار كنت

هموت من الفرحة المهم يعني انا قولت لازم اقولكم ع احساسي ايه وع الحكايه منذ البدايه

من ساعة ما جاتلي ورقة التنسيق كلية الهندزة جامعة القاهرة والحياه عندي بمبى وايه بقى جاتلي الكلية اللي بحلم بيها

من كي جي وان دخلت بقى والحياة بمبى لحد ما اتصدمت ف اول ميد تيرم ياا سلاام ع الدرجات كنت احل حلو احل

وحش اجيب درجات وحشه مش عارفه ايه النحس ده المهم قلت مش مشكلة الحق نفسي جه كويز رياضه اهبل كده

حليت حلو وجبت درجه وحشه قلت مش مشكله لسه امتحانات النص الاول وجت امتحانات النص الاول وحليت نص

نص ولا حلو ولا وحش تيجي النتيجه تظهر خييير ايه اللي حصل جبت ضااد ياللعار اهئ اهئ فضلت اعيط بس قلت هي

الدنيا هتقف عند الضاد ديه؟؟؟ لا طبعا قلت لازم اعوض التيرم اللي جاي ف الفاينل طيب جه كويز رياضه عبيط تاني

طبعا حليت وحش نحس قلت خلاص فيه اختراع اسمه الميد تيرم احل حلو علشان الثقة ف نفسي ترجع تاني ايه اللي

حصل لا حليت حلو الحمدلله بس الدرجات مش حلوة الحمدلله لذا فقدت الامل اني انجح اصلا السنه ديه هتقولولي كل ده علشان ماده ما في غيرها 8 مواد هقولكوا هوا كده

وماما وبابا برضه شكلهم كانوا فاقدين الامل فيا اني اعدي بس يفضلوا يقولولي ادام عملتي اللي عليكي

صافي كانوا بيدعوا انجح بماده مش مشكلة يعني فلما النتجة ظهرت الحمدلله ونجحت لا وجبت تقدير كمان

لوولولولولولوي وبيقولوا مرتفع كمان لولوولوللوولي قلت لازم اعمل الفرح ده واهم حاجه ان بابا وماما فرحوا جدا جدا

جدا وده اللي خلاني مبسوطة اووووي والفرح اللي عملتوا ده برضه ميعبرش عن فرحتي

ارجو ان البوست ده يكون وضح كل حاجه مكنتش واضحة

اه نسيت اقولكم مين تتح ده ده واحد نجح انا معرفوش :)

وف الاخر

مبروووووووووووووك ليا ولكل صحاااااابي يا رب وننجح علطول والذي لم يحلف معه الحظ يا رب يحلف معاه السنين اللي جايه يا رب

النااااااااجح يرفه ايددددددددددددددده

هيييييييييييييييييييييييييييييييييييه

الحمد لله

2007-07-24T22:34:00.000+03:00

لولولولوللولولولوولولولللييييييييييييييييييييييييييييييييييي

تتح نجح يا خوانااااااااااااااااااااااااااااااااااااااااااااااااااا

لولولوللولووللولولولووللولولوولولوللللللللللييييييييييي

انا نجحت لولولولولوولولولولولوولولولللللللللللللللللللللللللللييييييييييييييييييي

لا وجبت تقديراينعم جيد بس برضه لولولولولوولولولولولوووووووي

لولوولوولولللللللللللللللللللللليييييييييييييييي

الحمد لله تتح نجح اخيرااااااااااااااااااااااااااااااااااااا

والناجح يرفع ايده

هيييييييييييييييييييييييييييييييييييييييييييييه

يا رب

2007-07-21T22:50:00.000+03:00

يا رب تنجح يا تتح

قولوا امين

اآآآآآآآمين

ادعووووووولي

كل سنة وانت طيبة -خاااااص-

2007-07-14T18:20:00.000+03:00

انا قولتلها متكتبش انا اللي هكتب الاول وعلشان محرمهاش من متعة انها تنزل البوست الساعة 12 بالظبط وعلشان محرمش نفسي اني اقولها كل سنة وانت طيبة قبل الناس كلهم فهنزله بدري خاااالص وكمان علشان مش ضامنه اخش

ع النت بكره او بعده فهنزله ابقل عيد ميلادك بيومين وهعملك احتفال رهييييييييييب

هو عيد ميلادها 16 الشهر ده
مش عارفة ارغي زي عوايدي واحكي واحكي ولو فضلت احكي عليها ممكن بلوج كامل ميكفيش
كل سنة وانت طيبة يا دودي اينعم انا عمري ما بدلعك غير ع البلوج بس برضه
.......

كل سنة واحنا صحاب مع بعضينا
كل سنة وانت متفوقة وتجيبي المرتبة السنة اللي جاية
كل سنة وانت رضوى اللي بحبها

..........
مفيش حاجة حصلتلنا سوا ونستها اوحاجة هتحصل وهنساها

مش هنسا واحنا مع بعض ف المدرسة مش هنسى الدروس مش هنسى كل يوم الصبح واحنا رايحين المدرسة مش

هنسى كل فيلم رخم دخلناه سوا مش هنسى يوم ما كنا هنضرب ف الشارع وهما كتير مش هنسى خطاف مش هنسى ايامنا الحلوة واحنا مروحين مع بعض وازاي كنت بعلمكم تنطوا ف الميكروباص وازاي تدفعيله الاجرة مش هنسى

المسجات اللي ببعتهالك اقولك مش رايحة المدرسة النهاردة ماتشات الامم الرنات ساعة الاجوان الخناقة اللي اتخنقناها

ف 2 ثانوي وفضلنا مش بنكلم بعض اسبوع لحد ما عيتي يوم الاربع وسخنتي كلمتك ف التليفون مردتيش عليا علشان كنت نايمة وسخنة اوي بعتلك مسج وقلتلك مش خسارة ال50 قرش فيكي وتاني يوم لما اتقابلنا عند ايه واتصالحنا هو

احنا كنا اتخانقنا ليه ؟؟؟ ه

هي امنية كل ما تقولنا مشفتش زيكوا نتخانق ههههههه

مش هنسى اولى ثانوي لما روحنا المدرسة انا وانت وتالتتنا اللي مبقتش تالتتنا وازاي بقينا صحاب ف المدرسة العجيبة ديه وازاي قربنا تاني من بعض وبقينا المدرسة وازاي بتتزعمي العصابة طول عمرك زعيمة يا كبيرة

ومش هنسى فضل لما كنا احنا الخمسة بيتحلف بينا وازاي اتفركشنا مش هنسى اول يوم دراسه والهدايا اللي الفصل

كان بيتفرج علينا ساعتها مش هنسى يوم الخميس السنة اللي فاتت واحنا رايحين درس الاقتصاد وراجعين منه انا

وانت ونانيس وانا اقولكوا لو جبت مجموع وحش هشرب سجاير وف كل مرة ولد صغير يبوصلي باستغراب نفسي اروح اقوله انا جبت مجموع حلو ودخلت هندسة و نجيب عين بتاعه كل اسبوع وشريط تامر لما نزل ولما نانيس جبتلنا محشي عندي قبل الدرس واتاخرنا شويه

والمستر كان عايز صباعين محشي بس احنا خلصناه هو ساعتها شربتكوا بيبسي ولا لأ ؟؟

حجااااااات كتيرة حصلت جمييييلة ما بينا :)

وانت اول واحده ف صحابي هركبك العربية الصفرا هههه ممكن اغير لونها علشان خاطرك

;)

بس ممكن انسى النص التاني بتاع 3 اعدادي علشان مش ظريف

انا لو فضلت احكي واقول عايزة بلوج احكي فيه :)

.
كل سنة واحنامع بعضنا

كل سنة وانت اهلاوية صميمة

واخيرا ما قل ودل

بحبك يا بنت يا رضوى :)

بضحك ع نفسي

2007-07-11T17:34:00.000+03:00

دي مواقف او حجات حصلتلي وانا لما بفتكرها بضحك عليها مش كلها ايام المذاكرة قلت اكتبها هنا علشان منسهاش خااالص واضحكوا شوية اكيد مش عليا ع المواقف ديه

مرة وانا صغيرة ف اسكندرية نازلين من بيتزا هت ماشي الكلام ف مول كده ف في محل لعب جنب الباب اوكيه ف دباديب وحجات كده المهم ان فيه كرسي ومحطوط عليه قطة جميل اوي مشمشي كده وكبيرة انا طبعا عايزة اقعد ع الكرسي فالقطة لعبة ماشي بقرب ع القطة الاقيها بتلعب شنبها اقول تهيات ااقرب تاني الاقيها بتحرك ديلها ديه لعبة انا خايفة من ايه المهم قربت تاني وخلاص همسكها نطت ف وشئ عااااااااااااااااااااا يا باااااااااااااااااباااااااااااااااااا ديه قطة حقيقية اهئ اهئ

بكلم مستكة ف التليفون ايام الامتحانات

انا : الو ممكن اكلم مستكة

اختها : لا مش موجودة

انا : طيب لما تيجي نقولها ايه ههههههههههههههههههههههههههههه-ديه الضحكة بتاعتي -طبعا ايام امتحانات وانا مش واخدة بالي وشي احمر واصفر وجاب الوان والبنت قعدت تضحك عليا اكيد قالت مين المسطولة اللي اختي مصحباها ديه

برضه بتكلم ف التليفون مع تويتي

انا : بصي يا بنتي المربع ده بعيد ازاي

تويتي : فين ده

انا : اهوه تحت

هي : يا بنتي ده ع اليمين

انا : يا بنتي انت اتحولتي بكره الامتحان ركزي معايا يا نووور

هي: نوران انت فاتحة صفحة كام ؟؟

انا : 9 وانت

هي: 10 يا مسطولة مين اللي يركز

وتاني يوم كان الامتحان ماشاء االله

من يومين وانا ف المطبخ بغسل المواعين ويجي صوت ينااادي يا نوراااااااان

انا : نعععععععععععععم

الصوت : قولي لعمرو يجي يكلم

انا ف سري عمرو مين ده اااااه ديه جارتنا بتنادي ع بنتها- اصغر مني بس نفس الاسم -وهااااااااتك يا ضحك الغريب انها ردت عليا

برضه حاجه غريبة

امبارح انا رايحة عند خالي الشقة التانية بدل ما بفتح الباب علشان اخرج بخبط عليه :)ههههه

السنة اللي فاتت ف المدرسة انا كنت الامينة المساعدة فالاخصائية داخلة وبتقولي فين نوران اشرف

انا : لا ديه غايبة -انا سمعتها رنا اشرف-اصلا مش بتيجي بقالها يومين

الفصل : ايه يا نوران ديه بتنادي عليكي

انا: لا انا موجودة اهوه

الاخصائية: وقال بيقولوا عليكوا متفوقييين ؟؟؟

انا : هههههههههه

تاااااااااج

2007-07-10T16:45:00.000+03:00

71%

العنوان مش راضي يتكتب ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تاااااااااااااااااااج

Mingle² - Online Dating

انا مطلعتش مدمنة هروين ااقصد تدوين 71 % بس انا محصلتش جيد جدا اهئ اهئ مش مشكلة ابقى اشوف الموضوع ده كمان سنة :)

اما التاج التاني بقى

احب شخص لقلبك ف الدنيا ؟

سيدنا محمد عليه الصلاة والسلام بعد كده سيدنا عمر

انسان مستعد تضحي بحياتك -ركز ف كلمة حياتك - عشانه؟

بجد مش عارفة :(

انسان كرهته لدرجه الجنون وتمنيت لو تمسك سكينه وتنقض عليه وتغرزها ف قلبه تقتله وتقف تبص لجثته وتشفي غليل قلبك؟

مش للدرجه دي يعني بس بجد ف بنت معانا ف الكليه مش بطيقها بجد ممكن اعمل معاها كده عرفها يا تشوس ;)

ما هو اجمل كتاب كراته لبشر ومحتفظ به حتى الان ؟ انت متعلق بيه وبتقراه كل فتره؟

الكتاب اسمه صور من حياة الصحابة للدكتور عبدالرحمن رافت الباشا

اهم جهاز منزلي انت متعلق بيه او بتستخدمه كتير؟

الكمبيوتر- التليفزيون- الخلاط

شئ تحس بالراحه النفسيه لما تنظر اليه ؟

الشروق من عند البحر يااااه تحفة

مكان تحس فيه بالحنين الى شئ لا تدري ما هو وذكريات جارفة الى لا شئ؟

ممكن السعودية لما بنسافر لبابا

اجمل مدينه زرتها داخل مصر؟

انا اخري اسكندرية مرحتش حتى تانية

اجمل مكان طبيعي رايته داخل مصر؟

هتصدقوا لو قلتلكوا مشفتش او مش فاكرة

شخصية كارتونية بتحبها؟

انت قلت شخصية واحده ليه كده انا عندي شخصياااااات كتيييير بس حاليا تيمي ترنر :)

نوع هاتفك المحمول ؟

نوكيا 3250 ومتفكرونيش لحسن الميموري اتكسرت هتقولولي ازاي وهي قد عقلة الاصبع هعيط اهئ اهئ قاعدة من غير ميموري هتشل هتقولولي هاتي واحده هقولكوا مستنية ابويا لما يجي هتقولولي هيجوا امتى هقولكوا متفكرونيش هتقولولي ليه ... هو السؤال كان ايه ؟؟

سرعة بروسيسور جهازك؟

الله اعلم هبقى اسال بابا

حجم ذاكرة هارد جهازك؟

بااين كده والله اعلم 80

المساحة التي تشغلها المواد الاسلامية ع جهازك؟

اصلا الهااارد فاااضي ليه علشان انا بحب الجهاز خفيف من غير حاجة

؟ نفس المساحة السالف ذكرها ف قلبك-الاجابة لنفسك علشان الرياء يا اخوانا؟

انا قلت الهارد فاضي واكيد قلبي مش فاضي وانت قلت احتفظ للاجابة لنفسك بتسال ليه ؟؟

اهم هدف انت حاطه لحياتك دلوقتي؟

اني انتصر ع الكليه ديه اصل اانا حاسه اني ف حرب ولازم اكسبها علشان انا مش متعودة اخسر :)

مواصفات فتى احلامك؟

طبعا شحيبر غني عن التعريف :)

بصوا لازم يبقى ليه مواصفات خاصه لانه هيبقى مع واحده مجنونة -انا يعني- فلازم يبقى طيب قوي الشكيمة صبور يستحمل السخافة الازلية بتاعتي ويستحمل الرغي الغير منقطع النظير بتاعي يا سلام بقى لو يبقى عقله يوزن بلد ومش مشكله لو رخم شوية او تنك بس مش عليا وعايزاه يراعي اهله ايوه اهله كويس علشان اللي ملوش خير ف اهله ملوش خير ف حد :)

اه وعايزاه يوديني الاستاد ف الماتشات المهمة ويوديني مرة السينما حفلة 3 الفجر ويكون اهلاوي طبعا

صف ما ياتي

شعورك لما تسمع لمة مصر؟

حسب الموقف لما كنت ف السعودية بتوحشني اوي لما ف ماتش بحس بحماس ف حاجة تنكد بزعل عليها اوي

لما تسمع كلام عن اليهود؟

حسب الموقف اليهود ولا الصهاينه ؟؟

لما تشوف ظابط شرطة ؟

برضه حسب الموقف هو زي ما في الوحش فيه الحلو

لون البطانية اللي بتتغطى بيها ف الشتا؟

مرسوم ع ميكي ماااوس والخلفية زرقا وفيها بازل

لون الجورب او الشراب المفضل لديك؟

الابيض اتعودت عليه من المدرسة مش بتفرق معايا يعني

احساسك اذا داست رجلك ع مخلفات حيوانات- ولا مؤاخذة-؟

مؤاخذتك معاك يععععععععععع يععععععععععع القرف بس اصلا انا وانا ماشيه ف الشارع لازم ابقى واخدة بالي اوي يعني بالذات من ااموضوع ده

افكارك تجاه شاب ماشي ف الطريق لابس جلابية بيضاء قصيرة وعمامة وله لحية وبجيبه سواك وف ايده مصحف؟

عادي يعني كل واحد حر وكمان الواحد ميخدش بالمظاهر والدين ف القلب

احساس يراودك ف اشارة مرور مغلقة بسبب مسئول كبير ؟

حاجة واحده بتيجي ف بالي حسبي الله ونعم الوكيل وربنا يديله ع قد نيته

التاج التالت :

مين اكتر ست اشخاص بتحبهم؟

غير بابا وماما واخواتي الاتنين وجدتي وجدتي

وبوبا وسوكا وولاد خالاتي وولاد عمي وصحاابي ف حد تاني ؟؟

هل انت سعيد؟

انا مبسووووووووووطة هو انا بحالات انا عارفة

لو اجتمعت انت وحسني مبارك ف مكان واحد هتعمل ايه؟

هكتبله ورقة واديهالوه مكتوب فيها انت بجد راضي عن نفسك وضميرك مستريح ؟؟

لو معايا مليون ونص هتعمل ايه؟

مش هحطهم ف البنك لاني مقتنعة ان مال البنك ده مش رزق الشخص هسرف النص ف اي حاجة انا عايزاها وهشغل المليون

بتحب مصر ؟

موش عارفة :(

انت مسلم؟

الحمدلله

ليه؟

اتولدت لقيت نفسي مسلمة زي الناس كلها بس الواحد لما بيكبر بيفهم وان الدين عند الله الاسلام والحمدلله اننا بجد مسلمين فعلا الواحد لما بيقرا في الدين بيحس قد ايه هو دين عظيم وجميل وسلس

مين اكتر شخصية متقدرش تستغنى عنها ؟

بابا وماما

ايه اكتر موقف محرج؟

اما كنت بتسئل شفوي ف المدرسة يااه ع الاحراج بكره الموقف ده

الامنية اللي تتمنى تحققيها؟

بصوا هما اماني كتير

دنيويا ان الاسلام يبقى زي زمان وبلدنا تبقى زي زمان

اما بقى للاخرة بجد نفسي انا واللي بحبهم كلهم نخش الجنة يا رب

التاج يتمرر لمين ؟

ايه ده ده خلص ااقول بقى بسم الله الرحمن الرحيم

شلة الانس- الدكتور احمد- البشمهندس محمدوعد العيون-عربي ومنجي-محمد فوزي -نورهان مفيد-

واي حد عايز يعمله يعمله :)

وعندك واحد شاي وصلحه انتهى التاااج لولولوللليييي

ليه الجزء التاني

2007-07-08T19:56:00.000+03:00

ليه انا اصلا مش انا بس انا عايزة ابقى انا؟؟

بس

انا ليه برضه زهقت من انا؟؟

هو انا مين ؟؟

ملحوووظة

احدث المضمين للتدوين

من شلة الانس ف مملكة الغلس

نووووني

هو لسه قيد الانشاء

وانتظروا

3 تاجات المرة القااادمة باذن الله

وحطيت اغنية لعمرو دياب ومش راضيه تشتغل اهئ اهئ

انا هسيبها لحد ما تشتغل مع اني حاطه اللينك صح :(

الملحوظة اكبر من البوست ايه ده ؟؟

النشره رقم 6 بعد غيااااب

2007-07-04T16:32:00.000+03:00

اللي بكاب بيمبى ده تيمي ترنر واللي بشعر بمبى واندا وكوزمو اللي بشعر اخضر
تحدييييييييييث

ع فكرة انا عندي ذكاء خااارق نسيت اكتب لعربي كل سنه وهو طيب اينعم عيد ميلاده من شهرين بس برضه عيب عليا كان 26 مايو كل سنة وانت طيب يا باشا

وكماااااااااااااان مبرووووووووووووك لدودي حبيبتي ع الجيد جداا ه المفروض امتياز بس فرقت نص درجه تتعوض ان شاء الله ومبروك لكل صحابها وعقبااالنا :) ياااااااااااارب

النشرة السادسة بس جايه متاخرة اوي اوي طبعا الظروف القاهرية بتاعة الامتحانات والحجات ديه يعني والاجازة والكسل وكده يعني بس اديني جيت وهعمل نشره جامدة جدا
بصوا انا هنصحكوا نصيحه لوجه الله النشره 5 اجزاء علشان الحسد يعني فلو معندكش وقت خش خمس مرات كل يوم مره اقرا جزء وهي اجزاء منفصله علشان محدش يقولي طويله وكتيره والحوارات ديه اللهم بلغت اللهم فاشهد :)

....................................................................

وهستضيف النهاردة تيمي ترنر واللي ميعرفش مين تيمي ترنر انا اقولكوا هو
ايه يا نوران انت هتتكلمي كتير مش انا الضيف ولا ايه
ازيك يا تيمي انا مش مصدقة نفسي انت بذات نفسك معانا ومعاك كوزمو ووانداكمان ياااه انا سعيده جداا جداا :)
اهلا يا جماعه انا تيمي ترنر وللي مش عارفني انا بطل الكارتون بتاع فيرلي اودد بيرنتس ولليميعرفوش ده كارتون

جميل اوي بيجي ع ام بي سي ثري :) ولو مش عارفين كل ده انا ممكن اقولكم انا ولد صغنن بابايا ومامتي منفضني

وعندي مربيه شريرة اسمها فيكي بس عندي احلى حاجه ف الدنيا عندي كوزمو وواندا ودول بابايا ومامتي السحريين

بيحققولي اي حاجه انا بتمناها واحب اقدملكوا كوووزمو وواندا بلم بلم بلم -ده كلام كتير ملوش لازمه-
-

ايه اللي ورطني اني استضيف الشخصيه ديه هي نشره وهتعدي-

بتقولي حاجه يا نوران

لا لا طبعا يا بشمهندس تيمي
اه انا سمعت عن النشره ديه وحبيت اجي فيها
شكرا يا تيمي
اتمنى ان نوران تسكت ومتكلمش غير لما انا ابقى عايزها تتكلم
ايه ده انا مش عارفه اتكلم حسبي الله ونعم الوكيل - كل ده ف سري طبعا-
طيب دلوقتي اتمنى اعرف كل العيدميلادات والتهنئات وخلي نوران تقولهم
انا وبابتسامه صفرا عريضه ع وشي
طبعا طبعا -ما انا كنت بعمل النشره لوحدي لازم استضيف حد مره بكار ومره تيمي مع اني بحب تيمي ده بس يا رب تعدي ع خير-
طبعا كان عندنا عيد ميلادات كتيييرة جدا كل ما اخش ع بلوج الاقي عيد ميلاد فكل سنه وكل الناس ديه طيبه منهم

ف شهر 5 عبدالله باشا - علي باشا الالفي - بطتي
ف شهر سته انا و سويدي باشا وضوء القمر يمكن انا معلقتلهاش بس بلوجها جامد بجد
اما بقى اللي بلوجهم تم سنه برضه كتيييير بجد مبروووك انا بحبكم اوي وبلوجاتكم فعلا جميلله جداا ويا رب عقبال مليون سنه تدوين
جوجي - جدو - محمد مفيد- كلبوزه السمباتيك-سوسه المفروسه-مكسوفة-
وعندنا مناسبه هاااامه جدااا جدااا ان سمراء النيل اتخطبت لواحد من الناس مبررروووووووك ولونها متااااخره كتيييييييير بس ظروف بقى انتوا عارفين
وطبعااا حمدلله ع سلامه جدو العزيز
وطنط مكسوفه وربنا ميجبش شر تاااني خااالص
ومبرووك لمحمد فوزي ع النجاح ونهديله اغنيه الناجح يرفع ايده
ومبروك لبتوع الثانويه العامه انهم خلصوا الحمدلله ويارب النتيجه تطلع ع خير

وطبعااااااااااااااااا مبرررررررررررروك للاهلييييييييييييييييي والاهلي لونه احمر وانا دمي لونه احمرررررر وهارد لك للزمالك يعني لعبوا ماتش حلو

. :)
امممم ياااه يا نوران كل ديه تهاني ربنا يزيد ويبارك طيب قوليلي قصه
انا : لا مش فاضيه دلوقتي
تيمي : لو سمحتي
انا : لا يعني لا
تيمي : طيب كوزمو واندا اتمنى نوران تقولي قصه

بووووف
انا : لازم يعني تتمنى ما انا كده كده هقول ده انت غريب اوي :(
القصه التحفة بتاعتي :

ها قد عادت من جديد عادت بقوه عن ذي قبل لم اعرفها ازدادت قسوه ومع قسوتها ازدادت جمالا لا اعلم ماذا افعل هل ا

ذهب اليها مصافحا اياها مطالبا بحبها من جديد .. وجدت نفسي اقترب اليها وانظر اليها عندما نظرت لعينها سرت
قشعريره ف جسدي لا اعلم مصدرها اهو جمال عينها ام قسوه قلبها ام حبي لها لا اعلم مرت لحظات عديده ووجدتها
هي من تاتي نحوي بعد ما ابتعدت عنها ابتسمت لي ومع ابتسامتها ازداد قلبي بالخفقان اقتربت اكثر واكثر لم استطع
التحرك كاني مثبت ف هذه الارض دقت الساعه معلنه ان الوقت قد أزف للرحيل رحلت ولم اتكلم معها نعم تجاهلتها

تجاهلت نظراتها تجاهلت ابتسامتها رحلت وحسرتي داخلي وقلبي ينزف من الالم صعدت للقطار جلست بجانب النافذه

اخذت ادير بنظراتي ف ارجاء المحطه لعل عيني تقع عليها ولكني لم اجدها شعرت باحد يقترب مني وجلس احدهم

بجانبي لم اعبأ به ولكني شعرت باحدهم يضع يده ع كتفي انها لمسه يديها هل تكون هي تاكدت انها هي عندما سمعت

صوتها عذبا كما كان دائما تقول لي : لماذا تركتني اول مره وتتركني ثانيا
نظرت اليها طويلا كم اشتقت اليها امسكت يدها وقبلتهما قائلا انا احبك هل تتزوجيني ؟؟ وقفت واتسعت عينها ولمعت

نزلت دمعاتها ع خديها و اشاحت بوجهها عني ولم تنطق شيئا وجدت ف يدها شيئا يلمع ثم الفت اليه انها دبله ف يدها

اليمين لماذا لماذا ظهرت ثانيا لقد كانت ذكرى بالنسبه الي بالرغم من كونها ذكرى مؤرقه ومؤلمه ولكني تعايشت معها

وظهرت ثانيه .. قطع حبل افكاري صوت ياتي من خلفنا حبيبتي جلست ف المقعد الخاطئ ها هو مقعدنا واشار الى

مقعدين بجانبي امسك يدها واخذت انظر اليها كثيرا وتنظر لي ولكني اشحت بوجهي عنها لا لاني كرهتها لا اني احبها

ولكن لانها ليست لي وانما لغيري
..............................................................................

تيمي: يااااه يا نوران اخيرا خلصت ده انا بحسبها مش هتخلص
انا : انت مش بتفهم فن القصص الجديده بتاعتي ديه يا ابني
تيمي : طيب طيب كفايه رغي انا عايز حاجه ظريفه ف النشره ديه
فضل تيمي يبصلي كده كتير وبعد كده لقيته ضحك ضحكه خبيثة استر ياللي بتستر يا رب ميتمناش حاجه تودينا ف داهيه يا رب
تيمي : تحبي تبقى مذيعه
انا : لا يا خويا انا عايزه ابقى مهندسه
تيمي : ليه تنفعي مذيعه او مراسله كده يعني
انا : رايك
تيمي : طيب جربي كده
انا : ماانا بجرب ف النشره ديه بس مذيعه بالكتابه
تيمي : قصدك صحفيه ع فكره انت رغايه اوي
انا : حاجه مش جديده قول غيرها
تيمي : انا عملك مفاااجاااة كوزمو واندا اتمنى نروح مستشفى مجانين وهميه ونوران تبقى مذيعه وهميه و بتعمل حوار مع مجانين وهمميين بووووووف
يااااااانهاااااااااار اببببيدد -لسه مكملتش الكلمه ولقتني ف المكان العجيب ده وبقول كلاام اعجب من المكان

..........................................................-
من هذا المكان ف مصر المحروسه زي ما احنا شايفين مستشفى وهميه جداا كلها لونها اصفر نسبه الى السرايه الصفرا يعني وفقرتنا المعتاده من مصر والى مصر ونورت مصر تقدمها لكم انا طبعا :)
انا : اهلا يا فندم ايه اللي جابك هنا
المجنون رقم 1 : ايه السؤال ده الزحمه طبعاااا حراااام زحمه زحمه حتى هنا زحمه
انا : طيب براحه يا فندم زحمه ايه
رقم 1: ايه الاسئله ديه كل حاجه زحمه الشارع زحمه البيت زحمه الاستاد زحمه الكليه زحمه المدارس زحمه ده حتي السما زحمه
انا : طيب مش تفكر ف اي حل علشان الزحمه ديه
رقم 1 : ما انا فكرت ورحت لوزرا وظباط ومجلس شعب وكل حاجه عملتها وف الاخر قالوا عليا مجنون مجنون مجنون قلت هيودوني مكان مش زحمه جبوني هنا لقيت جوه -ف المستشفى - ازحم من بره
انا: طيب ايه الاقتراحات اللي قلتها
رقم 1: انا قلتلهم ف الشارع نعمل قانون الصبح العربيات اللي لونها احمر واصفر وابيض والميكروباصات تمشي من الصبح بدري لحد العصر كده وبقيه اليوم تمشي بقيه الالوان والتاكسيات اللي اخرها رقم زوجي تمشي الصبح واللي اخرها رقم فردي تمشي بعد العصر انا غلطاان وقلتلهم ع المدارس يودوهم بالطول وبالوزن و ....
سيبتوا يتكلم ولقيت واحده بتشد ف شعرها

.
انا : وحضرتك ايه اللي جايبك هنا
المجنونة رقم 2 : يقطع الحب وسنينه اشد ف شعري اشد ف شعري
انا : هدي اعصابك ما انت بتشدي ف شعرك اهو
هي : انت هتعرفي اكتر مني اصلك مجربتيش الحب ونار الحب و قسوه الحب وضرب الحبيب زي اكل الزبيب يقطع الحب وسنينه
انا : ايه ده محدش بيراعي شعور حد خاالص مش المفروض تتكلمي حلو وتراعي شعور اللي قدامك
هي : اصلكوا كلكوا كده
انا : هو انا عملتك حاجه يا انسه
هي : هو انت تقدري بس انا عرفاكي
انا : ايه يا ستي
هي : انت اللي كنت بتسلطي ميشو عليا ولما فرقعت ميشو علشان كان بيضايقني ميزو جه وداوى جرحي بس معجبنيش رحت رايحه لحماده ده واد ايه بقى جدع جدع بس كان عامل سي السيد عليا هو يقربلي ايه ده حياله البوي فريند بتاعي هو ايه علشان بيزعقلي لما بروح الساعه 4 بليل ده ابويا معملهاش يعني هو انا ببقى مع حد غريب ببقى مع اخوات ميشو وميزو اصل حماده ده غيور اوي زي احمد السكا ف تنور وشفيكه و .....

طبعا سبتها تتكلم ومشيت لقيت ولد كده شكله مجتهد ده مش مجنون ابدا رحت اشوف ايه حكايته
.

انا : صباح الخير يا فندم شكلك انت العاقل الوحيد هنا
ادور وشفته كان ماسك ورقه وقلم وكتاب واله حاسبه
الولد المجتهد: اصل انا جيت هنا بعد ازمه عصبيه حاده
انا : ليه ايه اللي حصل خييير
الولد المجتهد: خيير طبعا اصلي ف كليه ربنا ما يبتليكي بيها كليه الهلوسه وفنون التهييس
انا : ديه تبع جامعه ايه ديه
الولد المجتهد : تبع جامعه العباسيه الصفرااا ها هاه اهاهاهاههي
واطلق ضحكه شيطانيه وطلع برجل من جيبه وطلع يجري ورايا
انا : اهدي يا بني انت ايه
الولد المجتهد : انا المجنون رقم 3 يهيهيهيهيه
وانابجري لقيت احد عجيب غريب لابس فنله الاهلي
.

المجنون رقم اربعه : اهلي اهلي هووووه هووووه
بيبو وبشير بيبو والجون
خدوا سته رايح خدوا اربعه جاااي
انا : لو مكنتش قطعت حضرتك ممكن اتعرف
المجنون : لا لا ابدا الاول انت اهلاويه ولا زملكاويه
انا : اهلاويه طبعا – هو لابس فانله الاهلي وصابغ شعره احمر-
المجنون : وبتقوليها ف وشي ليه حراااااااااام حرااااااام يعني الدوري يضيع مااااشي
لكن الكاس كمان وف الشوط الرابع الرحمه يا رب
انا : بس شهاده الحق الزمالك لعب كويس بس الاهلي عمهم وحابس دمهم
المجنون : طيب يا بشمهنددددددددز تعالى
والواد ابو برجل ظهر تاااني وفضل يجري ورايا
.

انا : يااااااماااااااميييييي الحقينيييييي ببص ورايا لمحت واحده جنبها طشت ايه ده زوغت من ابو برجل تاني مره

ورحت ع البنت ام طشت ولقتها بتقولي

مفيش مشكله انك تركبي حمام سباحه عندنا من ايه ماك مفيش مشكله قال مفيش مشكله ف مصر غير ازاي يركبوا

حمام السباحه ف الجونينه بتاعه الفيلا سابوا كل المشاكل وماسكين ف مشكله حمام السباحه مالوه الطشت مالها الترعه

انا : هدي اعصابك مش كده

هي : لا حراااااااام بجدددددددد

انا : انا اعصابي انهارت تيمي ارجوووووووووووك

.
تيمي : هيهيهيهيه اتمنى نرجع مكان ما كنا
بس كان شكلك حلو اوي وانت بتجري والولد وراكي بالبرجل هيهيه
انا: شكرا -مع ابتسامه صفرا-
تيمي: اه يا نوران نفسي اسمع اغنيه
انا:من غير ما تتمنى هسمعلك اغنيه يا باااي

ع قد ما شفت وعشت وايه ايه - محسسني انك عندك 180 سنه يا ابني انت لسه صغنن- جربت اكتر من اللي نفسي فيه - يا ربي طب ربنا سترك استر انت كمان ع نفسك مش بتقولها لكل الناس كده - جيتي انت بسرعي يا بنت الايه - اه انا كنت دايما بكسب ف سباقات الجري بس ايه يا بنت الايه ديه هو انا مليش اسم ولا ايه ده يبقى ابويا - ببساطه قلبي كده قدرتي عليه -اصل قلبك بطئ جدا وانا سريعه موووت-
بحبك اه بحبك - احرجتني والله- ودايب فيكي اه اه-مين المذاب ومين المذيب ؟؟ وبتقول اه اه ليه انت عيان - وبحلف من الليله ديه هاعيش انا ليكي - طيب خليك فاكر علشان لو رجعت ف كلامك لازم تصوم 3 ايام-
كفايه اوي الكوبليه الاول لحسن مرمت الاغنيه
.
تيمي: اه يا نوران هههههههههه ضحكت اوي :)
انا : يا سلام اي خدمات تانيه
تيمي : اه قوليلي نكته
انا هو اللي جابه لنفسه :)
مره واحد رخم قال لواحد رخم ماتيجي نرخم ع حد قاله لا قاله ليه قاله رخامه هيهيهيهيه
تيمي : هلهاهاهااهاها ديه حلوه اوي
انا يا نهار ابيض ديه عجبته لازم واحده تانيه
مره اتنين واحد حرامي وواحد ندل كل واحد اتفق يعلم التاني اصول الصنعه بتاعته الحرامي بيدي الندل اول درس ف النشل اول ما نشل الراجل الندل زعق وقاااال حرااااااااامي وقاله ده اول درس ف النداله J.
انا:تيمي كفايه نكت كده انت مش هتمشي
تيمي: لا مش همشي
انا : طب انت بتعرف تقرا
تيمي: اه طبعا
انا طب خد اقرا ديه
تيمي : انت كاتبه اتمنى اروح بيتنا ومجيش هنا تاااني ابدااا
كوزمو : تحت امرك يا تيمي
واندا : ماشي يا تيمي يا حبيبي :)
بووووف
تيمي: مااااااااشي يا نوران ماااااااااااشي
انا : باي كوزمو باي واندا هيهيهيهيه باااي تيمي
الحمدلله كل نشره وانتوا طيبين ;)

خاااص

2007-06-25T16:53:00.001+03:00

دول اصدقاااءسعداااااااء جدااااااااا جدااااااااا باستثناء انهم كارتون

........................................

ده بوست استثنائي جدا طبعا المفروض نشرة والمفروض ارد ع الكومنتس الكتيرة ديه بس اعذروني يا جماعة

اول حاجة زماااااااان من 150 سنة فاتت كده يعني كنت كاتبه موضوع عن الصداقة وكده يعني علشان كان حصل معايا موقفين وحشين اوي اوي فكنت مش معقدة بس حريصة اوي يعني بس نقف دقيقة كده مع بعضينا ايه الصداقة ديه

اصلا ؟؟

تامر كان علقلي وقال

الصداقة والصديق المخلص كنز يجب الحفاظ علية

وغير مشروط ان يكون الاصدقاء الاوفياء ليا فى مرحلة سنية معينة

فالصديق هو الشقيق الذى لم تلدة امى

يفرح لفرحى

ويحزن لحزنى

يحبنى ويتقرب ليا كما اتقرب لةدون نظر الى مصالح او اهداف

الصديق من يقدم لى المساعدة دون ان اطلبها منة

لو تكلمنا عن الصداقة نحتاج الى المئات من المجلدات

ام من يبحثون عن المصالح لاندم على فراقهم

عجبني الرد ساعتها اوي وطبعا لسه عاجبني لحد دلوقتي بس انا ااقصد امتى الواحد يزعل من صاحبه -بصوا انا اقصد الصديق بس هكتبها صاحب ماشي- امتى بالظبط انا ازعل من صحبتي يعني عمال ع بطال ازعل من اي كلمة تقولها ولا انا المفروض ان ديه صحبتي وبتحبني واكتر واحدة خايفة عليا ولو لقتني بغرق وانا مش حسا لازم تنقذني حتى لوغصب عني صح ولا انا غلطانة

الصديق من وجهة نظري لازم يبقى مرايه لصديقة يشوف نفسه جواها يعني انا لو مش شايفة حاجة ف نفسي صحبتي

تورهالي سواء صح او غلط يعني لو انا شايفة نفسي وحشة وانا اصلا حلوة جدا من جوه لازم صحبتي تورني كده ولو انا بضايق صحابي من حاجة لازم اغيرها او ع الاقل احاول اغيرها

نخش بقى ف الموضوع

دلووقتي اتنين صحابي زعلانين مش هتفرق مني او من غيري المهم انهم زعلانين وانا بحبهم بس هما مش قادرين

يفهموا كده سواء عليا او ع بقية صحابنا

بصي ايوه انت ها انت عارفة نفسك انا لما بحب حد اووي مش بستحمل اشوفه يعمل حاجة غلط او ع الاقل غلط من

وجهة نظري اقنعيني انها مش غلط وانا هسيبك ف حالك ومينفعش الصحاب يسيبوا بعض كده ويضايقوا من بعض اينعم الضغوط حواليكي كتيرة بس فكري ولو لمرة واحدة بتفكير انت عايزة تفكري بيه واعملي اللي انت شايفاه بجد صح

ليكي ومناسب وطظ ف الناس كلها وحاجة تانية حبي تفكيرك ايوه حبيه وبرضه حاجة اخيرة صحابك بيحبوكي ومش

عايزين يخنوقوكي واظن انت كبيرة وتقدري تقرري انت عايزة تعملي ايه وتبقى مسئولة ادام ربنا قبل نفسك وقبل كل الناس عن القرار اللي انت هتخديه

التانية انت عارفة نفسك برضه :

هقولك تلات اربع خمس ست سطور كده :)لازم ارخم مش هقدر

بجد بجد حاولي تفهمي اللي قدامك ومتقوليش انا فاهمة وانا عارفة والخ الخ الخ افهمي اللي قدامك عايز ايه ومش

هقولك اعملي اللي عايزه اعملي اللي انت عايزاه بس بطريقته فاهمة

يا بنتي متنكديش ع نفسك كل شوية الحل بسيط وف ايديك افهمي اللي قداااماك حتى لو مش فاهماه كبري دماغك ومتقوليش انا كده علشان مفيش حد كده لو فيه حاجة مضايقة صحابي كلهم هحاول ابطلها يعني انا مثلا كل شوية اتكلم 100 كلمة ف الدقيقة زي ما البشمهندس بيقول بقيت احاول متكلمش اينعم محاولات فاشلة بس برضه

هاتي نفسك كده واقعدي معاها قعدة صفا ونقاء كده وكلميها ايوه كلميها وخليها ترد عليكي بس اعملي كده بعيد عن

اخوك ليحسبك مجنونة ولا حاجة وانا عارفة وكلنا عارفين ان نفسك كويسة وهتسمع الكلام وف قرارة قرارة نفسك انت مضايقة من ايه انا بقى معرفشي وبجد بجد يعني خلي بالك من نفسك

ويا بنتي كبري دماغك علشان تقدري تعيش ومتزعليش لما بنقولك يا ... ها ااحنا هنشوف بعض ليه ف التدريب مش هينفع كده :)

اخر حاجة بقى ليكوا مش ليهم

اكتشفت اكتشافات كتيرة اول حاجة

ان لو مفيش عند الواحد صاحب بجد ممكن يضيع

ان الانسان بيدور ع اي حاجة ينكد بيها ع نفسه

ان الواحد ممكن يتبسط وهو قاعد مع صحابه وخلاص حتى لو بيتخانقوا ويا سلام لو يرخم عليهم قمة السعادة فعلا

ع فكرة انا حاطه الاغنية ديه علشانكم انتوا الاتنين بتحبوها ها :)

هكتب اللي انا عايزاه

2007-06-23T17:17:00.000+03:00

شخببببببببببط شخااااااااااااااابيط

انا خت الاجااااااااااازة يا هوووووووووووووووووووه بس مملة وكنت هكتب كام بوست رخم ورزل وممل بس لا اينعم انا متغاظة بس برضه غيظ ع غيظي مش هنزل بوست رخم هو ممكن يطلع رخم بس مش بمزاجي فاهمين قصدي يعني

طيب يعني اكتب ايه كنت عايزة اكتب حجات كتيرة مليون فكرة كانت بيتيجي وانا بذاكر واكتبها ف طرف الصفحة وبعد كده بقيت اكتب الافكار ف ورق صغنن بس المشكلة اني معنديش فقر ف الافكار ولا عندي عجز ف التعبير عن الافكار بس عندي حاجة من جوه مضايقاني ايه بقى معرفشي بحاول اخرج نفسي من مود جوه نفسي يعني انا دلوقتي اتنين واحدة جوه مضايقة من غير ما تعرف السبب خالص والتانية بره هبلة ايوه ببس انا بس اللي اقول ع نفسي كده هبلة بقى فالبنت اللي بره ديه تنحه برضه محدش يقول عليا كده ومش فارق معاها حاجة عايزة تنبسط وتخلي اللي حواليها مبسوطين

المهم بقى انها بتحس ان صحابها مش بيفهموها وكل سنة تقول هعمل واسوي ومش بتعمل ومحدش عارف حاجة ولا اي كوسة ولا حتى طبيخ طب هو فيه ايه اصلا مفيش حاجة المهم ان البنت اللي برا ديه اتجننت مبقتش عارفة هي عايزة ايه يا نهاااااري -انا حاسه اني بحكي حدوته لبوبا وسوكة- المهم ان البنتين اللي بره واللي جوه دخلو ف بعض وعملوا واحده كده اسمها شمعة ولا نوران الاتنين بقوا واحد المهم ان البنت ديه دماغها ضربت وقالت تعمل بلوج وخير اللهم اجعله خير الاتنين اتخانقوا مين يا ولاد شمعة ونوران مش عارفين نسمي البلوج ايه شمعة ولا نوران فسموه شمعة والنيم نوران المهم بقى قعدوا مع الاتنين قعده صفا كده ع النيل -عمرى ما مشيت عالنيل اصلا- وقالوا يشوفوا هما عاملين البلوج ده ليه اصلا لقوا انهم عاملينه علشان حاجات كتيير عاملينه علشان لما تبقى نوران مهيسه تكتب فيه ولما تبقى شمعة مضايقة تفضفض فيه ولما تبقى نوران عايزة تكتب بروقان تكتب فيه ولما تبقى شمعة عايزة تشتكي من نوران تكتب فيه ولما تبقى نوران مضايقة من الكلية تكتب فيه ولما يبقى حد من الاتنين نوران وشمعة عايزين يكتبوا يكتبوا بس فيه مشكلة حصلت هي مش مشكلة بس ان فيه ناس كتير من صحابهم عرفوا البلوج طب كده بقى ممكن واحده فيهم تكون مضايقة من حد ومترضاش تكتب ف البلوج وتكتم ف نفسها او ممكن اي حاجة يعني حد فاهم حاجة المهم ان شمعة -هي الاقوى- خدت قرراااااااااااار اي حاجة انا عايزة اكتبها اكتبها واي حاجة عايزة اقولها اقولها وادام فيه حاجة خايفة ان حد يشوفها تبقى غلط وانا مفكرشي ف حاجة غلط وانا سئلت اتنين عارفة دماغهم كويس وقالولي اكتبي اللي تكتبيه فمن موقعي هنا ادام الكرسي وع الكمبيوتر يوووه ااقصد العكس يعني اني هكتب اللي انا عايزاه

المهم بلاش كلام فاضي انا عملت ايه ف الامتحانات خير ان شاء الله بس يا رب انجح ادعولي

...............................................................................................

المهم بقى وانا بذاكر قبل الفيزيا الساعة التاسعة صباحا كده سمعت صوت نط ع المكيف يانهاري لحسن يكون عفريت ولا حاجة لا مفيش عفاريت الصبح طب حرامي ازاي يعني حرامي ينط ع المكيف ايه الهبل ده قلت تخاريف فيزيا لا مش تخاريف الصوت كل شوية طب استجمعت شجاعتي ببص لقتها حمامة صورتها بالموبيل بس الصور مش واضحة هنزلها اهو دلوقتي

واقفة شامخة ولا هاممها اللي المسكينة اللي بتذاكر واتفزعت اللي هي انا يعني

من ورا السلك طبعا خفت افتح الشباك انا خوافة جدا

شوفتوها وهي بتبصلي بكل جرأة كان نفسي افتح الشباك واصورها بذمة عنيها نبيتي وريشها بنفسجي حمامة امورة بجد
................................................................................................

المهم رحت بقى محاضرة الفيزيا ف نفس ذات اليوم ولقيت ما لقيت زحمممة اوووووي قلت لازم اصورها شوفوا الصور

..............................................

وديه بقى صورة المكتب ليلة اخر يوم ف الامتحانات الديناميكا صورة حصرية جداااا

الحمدلله انا خدت الاجازة واللي كان كان وليه شخبط شخابيط علشان انا دلوقتي بوبا وسوكا صحابي وكل شوية شخبط شخابيط وجبت لوحة والوان وقعدت ارسم يالا شخبط شخااابيط بجد نفسي اشخبط ع الحيط

ع فكرة لازم تكون فيه نشرة فيه ناس كتيره مرت سنة ع بلوجها وعيد ميلادات كتيرة جداواكيد النتيجة هتطلع بتاعه ناس وكده يعني ادعولي اعمل نشرة جامدة جدا جدا المرة اللي جاية

والف سلامة عليك يا جدو وحمدلله ع سلامة طنط مكسوفة :)

ينفع؟؟

2007-06-14T14:55:00.001+03:00

لو دخلت قسم الطيران والفضاء ينفع اشتغل ف ناسا ؟؟؟؟؟

تحديث:

يا جماعة انا كنت بسأل لمجرد السؤال انا مش بفكر ف القسم ده بس سؤال طق ف دماغي قلت اعرف رايكم :)

كل سنة وانا طيبة

2007-06-06T00:00:00.000+03:00

مبدئيا البوست طويل اللي هيزهق يخش يقعد ع جنب وياخد البلالين وينفخها عقبال ما التورتة توصل من الفندق :) ديلفري وعقبال ما نجيب البيبسي من عمو عبده وطبعا ممنوع الدخول من غير هدايا ده شئ بديهي يالا هتلاقو الطراطير ع جنب وجمبها البلالين يلا شدوا حلكوا :)
.
ف مثل هذا اليوم من 18 سنة- ياااه كتير اوي - وف احدى مستشفيات القاهرة فتحت عنيا ع الدنيا يا سلاام ف

عز الامتحانات توقيت عجيب ان حد يتولد فيه يوم 6 -6 يوم الساعة 6 لحظة رومانتيكية خالص كان يوم تلات طبعا انا فاكرة من اول ما نزلت من بطن ماما وشفت الدكتورة وضربتني معرفش ايه الافترا ده بعد كده غبت عن الوعي لحدما

كده حسيت خير اللهم اجعله خير ان الممرضة لبستني لبس عجيب وبرمتني ف كفرته بيبيهات بمبى صغننة وخدتني بعيد

عن مامتي وانا ساكته واقول هتوديني لماما دلوقتي المهم ودتني غرفة الاطفال ياااه كل دول عيال قدي اما اجي نبض

العيال ديه كده واتعرف ع حد فيهم يمكن الاقي شحيبر ولا حاجة المهم بدأت :واء واء لازم ابقى رقيقة ف الاول علشان

الانطباع الاول ملقتش حد عبرني طيب نحاول تاني وااء وااء محدش عبرني برضه طب نجرب نبره اعلى

واااااء وااااء ياااه ع التنفيضة طب انا هوريهم مين نوران بقى واااااااء واااااااااء واااااء
سمعت صوت من بعيد بيرد عليا واااااااء واااااء وبعد كده صوت تاني غير الاولاني وااااااااااء ده منفعل اوي رحت رده

عليهم التحيه واااااااا كح كح اتخضيت لقيت الممرضة داخلة علينا وشايفة حفل التعارف ده كل واحد بالوااء بتاعته

وبصتلي بصة معرفتش معناها ساعتها ولقيتها قربت ليه هتعمل ايه المجنونة ديه ده انا بيبي عندي يا دوبك كاام ساعة

اما ازعق فيها واااااااء واااااااء لقتها شالتني وخدتني بعيد عن العيال ده انا خلاص كنت قربت الاقي شحيبر يا

مفتريةالمهم فرحت جدا لما شوفت باب الاوضة ديه اوضة مامتي ياااه ع الفرحة فتحت الباب وانا ملاك وديع سكت طبعا

بس سمعت كلام عليا قال ايه ان كل الاطفال هاديين وانا اول ما دخلت الاوضة صحتهم بعياطي انا ياللعار بس مصلحة

تقول عليا اللي تقوله بس انا رحت عند مامتي هاهاهاهاي
يا سلاام ع التمييز من صغري وانا مميزة كده طبعا
كان لازم اقول المقدمة ديه قبل ما اخش ف المفيد علشان تعرفوا مدى التفاهم مع المجتمع منذ الصغر بل ومنذ الساعات

الاولى

.
ياااه 18 سنة ف الدنيا كتير اوي ما شاء الله 18 سنة اتخبط فيهم 18 سنة اتعلمت فيهم كل حاجة عرفاها من اول الكلاام-وااااااء- لحد الكتابة ع الكمبيوتر شفتوا التطور اوقات بقول الحمدلله ان الطفلة الزنانة والرغاية كبرت وبقت بنوتة كبيرة اينعم رغاية برضه بس مش ببشاعة الصغر بس اوقات بفتقد رخامتي وسخافتي وانا صغيرة يااه ده انا كنت طفلة غريبة الحمدلله اني كبرت
.
من سن كام شهر الى سنة وماما هرياني اغنية صباح
البنت نونا تكبر وتروح المدرسة ويقولها عليها شاطرة ودماغها كويسة تكبر ف عنيا نورا من الصبح للمسا ويقولوا البت نورا راح تبقى مهندسة يا اخواااااتي يا اخوااااتي يا اخواتي بحبها وحبيبة امها لحد ما بقيت مهندسة وربنا يكمل الهندسة ديه ع خير :)
.
من سن 4 الى 7 اظن انها المرجلة الاغرب ف حياتي بالرغم من كل الذكريات الجميلة فيها بس حساها مرحلة غريبة

من اني كنت ف عزلة ف السعودية مع بابا وماما واخواتي القطاقيط وصحابي اللي مش كتير لمصر اللي فيها ولاد خالتي وولاد عمي ونااس كتير طبعا حسيت بغربة وانا مش بتعود ع الناس بسرعة قول قرايبي هتعود عليهم لكن ف

المدرسة كل ما اصاحب حد لازم الصحوبية تتفركش بس ف الفترة ديه احلى الذكريات اللي ف السعودية واصحابي

وكارتون عم دهب وصفاء ابو السعود واغنية عندي صابونة مروشة بتزفلطلي ايديا اصحابي وصحباتي هنا ومحلك

سر :) وكان ف شريط حسن زعبولا ماشي بيتسلى ومعلق الجاكته ومعاه 100فلة و

اغنية ست البنات الامورة الاصل

احلى من الصورة سالتها الحلوة منين قالت انا من المنصورة المنصورة يا ست البناااات ياااه ع الاغاني من التراث يا اخوانا
وميس روز وواجب الماث الاضافي اللي كنت بحله بهمة ونشاط غير طبيعي وماما دنيا كنت بحبها اوي برضه ف

المدرسة ومي واحمد وايمان وريهام واحمد وبودي صحابي وانا صغننة ياااه ع الذكريات وكراسة الرسم بتاعتي

وبرنامج كيف وليش ع الايل بي سي وفقرة الرسم بتاعته والقطر اللعبة بتاعي الطويل ده والمطبخ ولوسي العروسة الجميلة اللي ماما رمتها وانا ف المدرسة قال ايه علشان بااظت وجابولي بدالها كرنبة كبيرة بقى بالذمة لوسي ولا

كرنبة؟؟ لوسي طبعا والكاسيت الاحمر السوني بتاعي اللي فيه مايك اصفر ف ازرق وفضلت ورا شريط ساعة وشوية

بتكلم وبسجل ف الميكرفون وعاملة مذيعة ولا مذيعات ماسيبرو ف اوانهم ومعذبة روان واقولها نحب نتعرف بيكي زي المذيعات وهما ييتكلمموا والبنت يا حرام عندها سنتين ونص ومش عارفة تتكلم اصلا وانا نازلة فيها اسئلة ياااه ع

ذكريات الطفولة المشردة
.

من 7 الى 14 سنة خلاص بدات اتاقلم بس لسة غبية برضه عجيبة اوي
كونت صداقات وفشلت والمرحلة ديه اللي خت فيها خبرات كتيرة سواء مني او من اللي حواليا فدي المرحلة الاكثر صدمة لي ف العالم يعني
.
اما من 14 ل 17 فخلاص تكونت ملامح الشخصية النهائية بتاعتي وبقيت اكتر معرفة بالتعامل مع البشر والكارتون واللعب والكمبيوتر
.
من 17 الى 18 ديه بقى سنه بحالها عرفت حجات كتير فيها عرفت صحابي اللي بحبهم وبضايق من كل واحد فيهم ف حاجة بس ف نفس الوقت بحب الحاجة ديه فيها المرحلة اللي اعدت اكتشاف نفسي فيها من اول وجديد المرحلة اللي

اول مرة ادوق فيها طعم الفشل من ساعت ما ميس روز بتديني الهوم ورك الاضافي بتاع الماث لحد امتحان الميكانيكا

بتاع تالتة ثانوي بتاع الرياضة السنة اللي فاتت مدقتش طعم الفشل الا السنة ديه
اهم من كده اني اكتسبت خبرات من تجارب الاخريين خبرات كتيرة خلتني اشوف الحياة لونها فوشيا مش بمبى السنة

ديه ضحكت فيها كتير هيست فيها اكتر من اي سنة و عيطت اوي

مكنتش مع رضوى طول السنة وده خلاني افتقد شخص بحب اوي اوي ومكنتش معايا يوم بيوم زي السنة اللي فاتت
بس ف نفس الوقت اكتسبت صحاب جمال جدا السنة ديه فعلا بحبهم كلهم

.
وكمان مننساش البلوجراوية الميه ميه اللي بقالي سنة ونص معاهم وهما كانوا معايا ف تهيسي وفرحي و زعلي ولما دخلت الكلية والنصايح اللي انا عملت بيها وفشلت برضه فعلا الفة بلوجية جميلة صعب نلاقي زيها ف العالم الواقعي
.
ع فكرة انا اخدكوا ف الكلام كتير وانا اصلا عندي امتحان كيمياء

لأ لأ متخافش جبت تورتة وبيبسي هتلاقوهم ع يمينكوا

ويلا نقفل النور ونغني مع بعضينا

.
كل شوية نكبر نكبر قد الحبة والسنة اللي جاية هنزود شمعايا ع راس التورتاية
يالا حالا بالا حيوا ابو الفصاد هيه هيكون عيد ميلاد الليلة اجمل الاعياد فليحيا ابو الفصاااد

كل سنة وانااااااااا طيبة
.

الهدايا ع اليمين لو سمحتوا

ويا ريت دعوتين ع الماشي

ربنا ينجحني ويهديني

"ليه؟؟؟ "الجزء الاول

2007-06-01T21:21:00.000+03:00

ليه؟؟؟

الجزء الاول

ليه؟؟

؟؟

ليه انا انا ؟؟؟؟؟؟؟؟؟؟؟؟؟؟؟

انتظروا ليه الجزء التاني ف يوم تاني ..