رضوى والكوافير
رضوى خرجت من الكوافير
رضوى وعمرو ف العربية رايحين القاعة
رضوى وصلت القاعة وبتدور ع عمرو
رضوى بتكلم بابايا فالتليفون يعني عمها
بابايا خد عمرو يكلمه يعني عم العروسة
رضوي ع المنصه و متفائله
وصلوا الجونينة يعني الحديكة الازهر باارك بقي
عمركوا شفتوا عروسة قاعدة ع النجيلة !؟
شفتوا الجنتلة علشان سقعانةوخلاص اتجوز و ا
بوست مشترك
بوست مشترك
انا: فرح ولا ف الاحلام ولا ف اليقظة كمان
رشا: ده لو تواضعنا وسميناه فرح كمان
انا: يالالله كله لله ونمشية فرح بس قال فرح قال
رشا:بس برضه احسن كتير من اي فرح تاني كان ممكن يعملوه
انا:ايوه كده حسنتي كلامك كنت لسه هخش فيكي شمال بس كانت فكرة جديدة ويا ريت متتكررش
رشا:متتكررش ايه يا بنتي-ديه جملة اعتراضية استفهامية-ده كل الناس بعد كده هتعمل فراحها ف الازهر بارك بعد ما مصر قعدت تتفرج عليهم
انا:ورضوى تقولي تجربة جربوا واحكموا انا ايه اللي خلاني اسمع كلامهما بس بصراحة يعني تجربة ظريفة بس مش اوي لحسن الناس كلها تعمل زيها
رشا:بس المهم ان احنا نشكر الناس اللي قاموا بالواجب وحيوا الفرح من مدونين ومواطنين واطفال الشوارع المشرديين بس الاغريبة ان المواطنين كانوا بيسالوا "يا عيني ايه اللي خلاهم يعملوا"؟
انا:هو العريس بيشتغل ايه ههههههههه-مع الاعتذار لعمرو-
رشا:بس مقدرش انكر احساسي بالفرحة رغم كل اللي عملوه بس فرح اختي اعمل ايه بقى
انا: لا انكري والنبي
رشا:رغم اني مكنتش حافظة الاغاني بتاعتهم لكن كنت بحاول احفظ اي حاجة واغني معاهم ولما الغبط افضل اصقف مهو فرح اختي
رشا: ده لو تواضعنا وسميناه فرح كمان
انا: يالالله كله لله ونمشية فرح بس قال فرح قال
رشا:بس برضه احسن كتير من اي فرح تاني كان ممكن يعملوه
انا:ايوه كده حسنتي كلامك كنت لسه هخش فيكي شمال بس كانت فكرة جديدة ويا ريت متتكررش
رشا:متتكررش ايه يا بنتي-ديه جملة اعتراضية استفهامية-ده كل الناس بعد كده هتعمل فراحها ف الازهر بارك بعد ما مصر قعدت تتفرج عليهم
انا:ورضوى تقولي تجربة جربوا واحكموا انا ايه اللي خلاني اسمع كلامهما بس بصراحة يعني تجربة ظريفة بس مش اوي لحسن الناس كلها تعمل زيها
رشا:بس المهم ان احنا نشكر الناس اللي قاموا بالواجب وحيوا الفرح من مدونين ومواطنين واطفال الشوارع المشرديين بس الاغريبة ان المواطنين كانوا بيسالوا "يا عيني ايه اللي خلاهم يعملوا"؟
انا:هو العريس بيشتغل ايه ههههههههه-مع الاعتذار لعمرو-
رشا:بس مقدرش انكر احساسي بالفرحة رغم كل اللي عملوه بس فرح اختي اعمل ايه بقى
انا: لا انكري والنبي
رشا:رغم اني مكنتش حافظة الاغاني بتاعتهم لكن كنت بحاول احفظ اي حاجة واغني معاهم ولما الغبط افضل اصقف مهو فرح اختي
انا: مهو فرح بنت عمي ولا انا اسال عمرو ايه الاغاني ديه يقولي ديه مشهورة قال مشهورة قااااااال واااء واااء دول غنوا اغاني غنوا حاحا مين حاحا ده وغنوا يالالالي وسهر الليالي والبحر بيضحك ليه
رشا:ومتنسيش يا نوران اغنية الغلبانين ديه اللي معهمش فلوس ولا مليم بتاعغة الحلوة قامت تعجن ف المغربية لا ف الازهر باارك
انا: ولا حركة 37فبراير والنشيد القومي بتاعها
ع فكرة نوران نايمة عندي -انا بايته عندها وانا اللي بكتب - ويا ريت متزلنيش لاني خلصت اكلها ورشا بتقول اني اكلت 6 سندويتشات معرفش ايه الفضايح ديه :)
ع فكرو كمان كمبيوترهم عذبني وكمان كنت هعمل سليد ومعملش فحطيت الصور كده
رشا: علي فكره كده عيب قوي والكمبيوتر جاله اكتئاب منك
انا: هو احنا هنئلبها شات هنا ولا ايه؟؟
17 comments:
عقبالك يا نوران
:)))
بس تبقي تعزميني انا وعبد الله ومامته
وانا سعيد بمعرفتك جدا امس وربنا يسعدهم ويهنيهم
وعن نفسي ان استمتعت جدا امس
طلب رخم ممكن الصور علي الميل عندي علشان للاسف كل اللي عندي اتمسح
الف مبرووووووووووووك
انا كمان حضرت قبل كدة فرح فى الازهر بارك
مش جديد يعنى
:P
مبرووووووووووووووووك يا رضوى
بلغيها يا نورا انى بقولها مليون مبروك
وعقبالك يا نوران
ههههههههه
محمد مفيد:
عقبال عبدالله كمان بس مش الاول مينفعش ههههه
اان شاء الله من المعزومين وانا سعيدة بمعرفتك انت وعبدالله باشا طبعا والسكر اللي اداهولي :)
مش رخم ولا حاجة انا بعتلك الصور خلاص :)
سويدي:
الله يبارك فيك يا باااشا عقبالك بس اكدي فرح مش زي فرحنا ده وفرحنا جديد بقى
P:
دودي:
الله يبارك فيكي وعقبالنا كده انا وانتي وعبدالله مفيد ف يوم واحد هههههههه
هبلغها ان شاء الله
عقبالك يا جنرال نوران :)
تدويناتكم كلها دافيه
أحسن حاجه انكم حسستونا اكننا معاكم
ربنا يسعدهم
هوا مبروك عليهم مفيش مشاكل
و ربنا يسعدهم كمان
بس مش عارف لية العريس (هوا اسمه إية؟) محسسني إنه طالع من المعتقل يتجوز و راجع تاني
هوا الإمواس خلصت من البلد ولا إية يا جدعان
ولا بيوفر فلوس الحلاق لبناء العش الأسري
سامحيني يا كابتن بس كان لازم أعلق
زوروني في بلوجي
http://kammon-we-zangabeel.blogspot.com/index.html
يا ستي كلو خير
دا انتي كرمك مضاعف تلات مرات و أربعة من عشرة
و تشكراتي ليكي تلات مرات و أربعة من عشرة
و وعد لو فضل مجموع من الثانوية أنا متبرع بيه ليكي عشان تخلصي من الميكانيكس اللي شكلها معقداكي دي
و محدش يقول اشمعنى
على فكرة: انتي بتشجعيني ما أفكرشي في هندسة أبدا
علي فكره بقي فرح لذيذ جدا و الف مبروك ليهم و عقبال ما نشوف صور اولادهم
تعرفي انا مين خمني لو جاوبتي صح هقول لك و هعملك شهادة تقدير علي ذكائك
محمود عزت :
عقبالك انت الاول يا دكتور محمود مين جنرال ده :)
دنانيير:
ربنا يسعدهم ويسعدنا كان فرح طاقق جدا :)
محمد فوزي:
يعني ديه هي اللي لفتت نظرك مختش بالك انه مش لابس كرافته مثلا او العروسة قاعدة ع النجيلة فيه ايه لما يكون سايب دقنه منطقي انها كده علطول اكيد هو ده اللوك بتاعه يعني وايه كابتن ده
مرة جنرال ومرة كابتن ده انا اطورت يا جدعان ع فكرة كان ف مستر بيقولي يا كابتن نوران
الميكانيكس ديه حكاية ربنا ما يوريها لحد
بص انا هنصحك زي ما الناس نصحوني متخشش هندسة ويا ريت متعملش زيي وتعاند النصيحة :)
ابيتاف:
الله يبارك فيكي وعقبالك انت الاول برضه بس بعد المرتبة أاقل من كده مينفعشي
لا شكرا ع واجب بلوجي يا جميل
انونيموس:
قدام بتقول خمني يبقى اكيد حد اعرفه مين بقى قدامي خيارين يا ديه يا ده انت ايه رايك ؟
طب انت علقت عند رشا
جاوب وهوصل لحل :)
عقبالك يا نوران و نولعلك ميت شمعة
و يوميها أعملك نشرة ماحصلتش
شكرا ليكي ع النشرة يا قمر
شغل جامد صحيح
خلاص أنا قررت أعينك في وزارة الإعلام بتاعتي
تحياتي
أممممواه
اولا:
نفسي اعرف هو زوغ فين بين العربية والقاعة...العرسان ممكن يغيروا رايهم في اي وقت كان المفروض تمسكه ماتسبوش
ثانيا:
ايه المنصة؟
ثالثا:هو كان فرح واتقلب مظاهرة ولا ايه
رابعا:
اخر حته مش فاهمها معلش انا علمي:)
خامسا:هو مش عمرووو ده يقربلك برضوا مش ده عمروو عزت؟
خامسا:شفتيش حد تنح زيي كده وبيقول مبروك في الاخر
مبروك
سوسة المفروسة:
عقبالك انت الاول وهولعك 99شمعة اه معلشي واي خدمة يا جميل ده واجب بلوجي علينا بس ازاي هتعينيني ف وزراة الاعلام اوانا اصلا وزيرة الدفاع :)
عربي:
ايه يا بني انت كنت فين عندك امتحانات ولا حاجة ولا تكون اتجننت وبتذاكر؟؟
اولا:
معرفش زوغ فين لاني اهل العروسة فكنت معاها
ثانيا:
المنصة دي معرفهاش برضه رشا اللي قلتلي اكتبها
ثالثا:
انت عرفت ازاي هو كان هيقلب بس الحمدلله دارو ع الموقف
رابعا:
هو يعني انا اللي ادبي
انا كنت نايمة عند رشا اخت العروسة علشان مسبهاش لوحدها وكلت اكلها شفت الطيبة والحنية :)
خامسا:
هو عمرو عزت بس مش قريبي انا حطاه ف العائلة علشان كان خطيب بنت عمي ودلوقتي بقى جوزها
قصدك سادسا :
مشفتشح حد تنح كده وبقولك الله يبارك فيك وعقبالك بس انا الاول:))
ايه يا بنتي ادخل عندك الاقي الخنقات دي فيه ايه بس وبعدين المنصه دي اللي بيعدوا عليها في كتب الكتاب ويقولوا زوجتك ابنتي والحورات الفكسانه دي و بعدين ايه الهرتله اللي فوق حاولت اعلق في البوست التاني بس علي طول مهنج وبعدين هو الدكتور شال صباعك ولا الذاكره كل حاجه مش فكراها المهم فاكره انامين ولا البنج لسه عامل عمايله المهم بعتلكمسدج وصلت ولا ايه اال يعني بطمن عليكي بعد ما كلمتكم خمسين مره ومحدش رد آآآه ه اصلي نسيت واتصلت الفجر بتاعكم الساعه 12 الظهر طبعا قله ادب اني اتصل في وقت زي ده معلش انا اسفه
مبروك يا ستى وعقبالك
هى مين رضوى؟
الصور حلوه اوى والعروسه اموووووره
مبروك للمره التانيه وعقبال كدا ما احضر فرحك وما اشوفهوش ف الصور...ولا ايه؟
رشا:
ماشي يا ستي وكلمتك ف التليفون:)
مداح القمر:
مع اني بفضل الدكتور احمد بحس ليها شنة ورنة :)
رضوى ديه بنت عمي مش صاحبتي ههههه وماشي يا عم اعتبر نفسك اتعزمت من دلوقتي ههههههه
Post a Comment