Thursday, June 22, 2006

هو انا مين

هو انا مين ؟؟
اسمي ايه؟؟
في سنة كام؟؟
عندي كام سنة؟؟
انا مش فاكرة حاجة خاااااااااااااااالص انا فقدت الذاكرة:(


رحت عند الدكتور سألني الاسئلة اللي فاتت دي معرفتش اجاوب حاجة خالص:(
نزلت لقيت واحدة مستنياني بسألها انت مين؟؟ قالتلي انا ماما
ماما ماما مين يا ماما الحقيني انا مين
هدتني وشربتني ماية وديتني بيتنا -انا معرفوش- بعدين شفت اخواتي

هو انا عندي اخوات؟؟
معرفش دخلت مكان المفترض انه غرفتي

اه افتكرت انا شفت المنظر ده قبل كده منظر الكتب والمكتب

بس لسة معرفش انا مين وهما مين بس عرفت اني في ثانوية عامة الحمد لله عرفت حاجة عن نفسي انا في ثانوية عامة


ثواني ايه هيا الثانوية العامة؟؟
اه افتكرت دي حاجة غريبة الحمد لله انا فاكرة المنهج بس هروح اكتب ايه في الورقة اكتب اسم مين

قعدت افكر كتير بعدين دخلت نمت قلت ممكن افتكر حاجة............. بس

صحيت من النوم الحمد لله افتكرت اني امتحنت حجات كتيرة انا امتحنت الفيزيا اه يا سلام هم وانزاح الحمد لله بدأت افتكر اه بفتكر الحمد لله


الدليل اني افتكرت اني دخلت ع البلوج وكتبت الباسورد واليوسر نيم الحمد لله :)

شوفتوا انا اتهبلت:)

8 comments:

محمود عزت said...

يا نوران ,
انا عارف إنك تقربيلي انا و عمرو بطريقة ما
بس مش فاكر
معلش يانوران
أنا كنت ثانوية عامة من خمس سنين و لسه أثار الإرتجاج موجودة!

abderrahman said...

فيزياء..؟
الله يكون في عونك
أنا بكره الكلمة دي لحد دلوقت رغم مرور أكتر من 8 سنين على الحادث الأليم.. امتحان الفيزيا

Nouran said...

محمود :
انا برضه بشبه عليك بس انا نسيت كل حاجة بعد امتحان النهاردة بس يا ترى اثاره هتفتضل لحد 5 سنين؟

ابراهيم:
انتوا الاحياء عندكوا سهلة مش الرياضة طبعا انا مبالغة دي حاجة جت في دماغي وانا بكتب رحت كتبتها عادي هلاوس هلاوس يعني انت مكنتش بتهلوس ساعة الامتحانات

عبدو باشا:
الحمد لله الفيزيا جت سهلة بس هما استعبطوا في الرياضة يعني الفيزيا مكنش اليم اوي السنة دي

عازفة الكمان said...

يا عيني يا بنتي اسيبك كام يوم ارجع اشوفك كد ه طب فاكره انا مين و لا ايه عمي يرجع من الاجازه يلافي بنته كده لاحول ولا قوه الا بالله

radwa osama said...

يا حول الله شوفتوا الحكومة عملت ايه في البت والله كانت عاقله ..يا حرام يا نوران ..قولتيلي بقي انت تقربيلي ايه؟

Nouran said...

رشا ورضوى:

لا الحمد لله افتكرت بعد صدمة امتحان النهاردة

Adel said...

توران انت اكيد ناسية اسمك لان مفيش انسان بيبقى له اسمين يعني المفروض ان اسمك نور بس مش نوران لان ده مثنى مش مفرد ولا انت طماعه ههههههه ويابابا عادي الثانوية خلصانة خلصانة بس بعدها هاتعملي ايه في الجامعة والقوى العاطلة والوظيفة والجواز والعيال والحياة احمدي ربنا ان الزهايمر بدا من دلوقتي علشان تتعودي عليه بدري بدري والله الواحد بيجي عليه وقت بيتمنى مش يفقد الذاكرة وبس لا والحياة كلها فمعلش انت فنعمة واحمدي ربنا ان في حد بيفكرك بشياكة انما في غيرك بيفتكر عصب عنه لازم يفتكر فلوس الايجار والنور والمية والدروس والهدوم وماشابه الله يكون في عونا احنا كمان وتحياتي

Nouran said...

من زمان:
انا لسة شايفة التعليق دلوقتي
شكرا ع المواساة ديه :)