كلام انشا

لحد دلوقتي في المدرسة بندرس كلام انشا لما نيجي نكتب كلام انشا ايه حكاية الانشا معايا بس انا لقيت لما اختي روان وريتني ورقة امتحان العربي بتاع النهاردة علشان هيا في الاعدادية افتكرت الانشا

هي كتبت موضوع التعبير بتاعها عن السلام طبعا كلام انشا

انا اظن ان مفيش حد في مصر وهو صغير في المدرسة مكتبش كلام انشاعن السلام او الديمقراطية او عن الام او عن الصداقة او عن الامن العدالة مليون حاجة بنقعد نكتب عنها كلام انشا

مظنش ان في حد من اللي بيكلموا في السياسة كتب رائيه او باسلوبه حاجة عن الكلام ده

مثلا موضوع عن مصر بلد السلام وطريقها الي الديمقراطية لو جالك في الثانوية العامة وانت عارف ان مفيش حاجة من اللي بتكتبه صح بس بتكتبوا اظن انها سياسة

الناس عايزة تعمل انقلاب او تغير وهما بيكتبوا كلام انشا وبيخلوا ولادهم يكتبوا انشا لا وبيحفظوهم الكلام ده يعني انا مثلا حفظة الكلام بتاع درس قراءة في ابتدائي عن الام واظن انه في 3 ابتدائي اسمه رسالة الى امي واقعد اسمعه مكنتش حسه بالكلام اللي في الدرس وانا صغيرة لانه كلا م انشا

هما سموه كلام انشا وموضوع انشا علشان بيقعدوا يزينوه منين اكتب انشا واطالب بالتغير

المفروض لما كل واحد كبير يربي ولاده ع انه يتكلم برائيه مش بكلام انشا ممكن نتغير بس دلوقتي مظنيش

سعادتي و سعادتهم

امبارح وقبل ما انام كالعادة تجيلي مليون فكرة بس فجأة جه موضوع الحب او زي ما احنا مسمينه "الصحوبية" معرفش ايه اللي جابه في راسي وسط معمعة المذاكرة بس اه جه واعدت افتكر المواضيع اللي كنا بنتكلم فيها في اعدادي تعرفوا انه حتى في اعدادي البنات بتصاحب وتحب لا وايه قصص وحوارات رهيبة.

كل زميلاتي كان عندهم قصص الا انا معرفش ليه ممكن اقول علشان ربنا ثم الثقة اللي ميديهالي بابا وماما -اصل انا الكبيرة لازم يدوني الثقة والبرستيج - ومكلمتش ولد خالص ولا حبيت خالص وكل صحابي مستغربيني

ويقعدوا يسالوني صحابي انت جامدة كده ليه دي الفترة بتاعتنا دي بتاعة المشاعر والعواطف وكانوا بيذبذبوني بس انا كنت متمسكة بموقفي

اقولهم لازم افكر بعقلي ده انا لسه في اعدادية وكانت نقطه تتحسبلي واي موضوع يجيوا يستشيروني مع اني مليش تجارب في المواضيع ديه بس علشان انا بفكر بعقلي كنت حلال المشاكل

المهم طلعنا ثانوي والمواضيع بتزيد بدل ما تنقص بطبيعة اننا في مرحلة تحديد مصير بس مابيهمهمش البنات تقعد تكلم قدامي"بصوا المسج اللي بعتهولي انا بحبك جدا وحشتيني مش قادر استغنى عنك " كلام من هذا القبيل ويقعدوا يحكوا ع المشاعر والحب والكلام ده يعني .

وانا بفتكر الكلام ده قبل ماانا واقعد اقول لنفسي طب انا معملش زيهم قصص وحوارات

كنت مضيقة جدا علشان محسيتش بالكلام ده ولا جربت .

اللي بيقولوه ده زي صحابي ليه طبعا عشان الاسباب اللي كانت في اعدادي بس برضة دي مش اسباب كافيه يعني الاسباب دي كلها متوافرة عند البنات بس هما معندهمش دم اعدت ادور ع الاسباب الحقيقية ولقيتها

بابا كان بيقولي ان البنات اللي بتخش في المواضيع ده سواء في اعدادي او في ثانوي انهم عندهم مشاكل في البيت تفكك اسري او حرمان من حنان الاب ده راي بابا في الموضوع ده

بس انا رائي غير كده

ثواني انا اصلا حبيت ايوه حبيت ولحد دلوقتي بحب

متتخضوش

انا بحب المذاكرة شفتوا الهنا

رائي بقه انهم ملقوش السعادة اللي لقيتها مع المذاكرة هما محسوش بفرحة حل مسالة مكلكعة في الرياضةاو في الفيزياء ملقوش نتيجة تعبهم اذا كانوا تعبوا اصلا

اما سعادتهم وع حد علمي بتنتهي اما البنت اتجرحت او اتكشفت اثناء محادثة ليلية او كسرة للولد يعني بتنتهي بجرح احد الطرفين

ولاول مرة اعرف الفرق بين سعادتي وسعادتهم فية-ذي ما هما مسمينها- لحد دلوقت

شمعة

الثانوية العامة جميلة جدا

.كل الناس كانت بتخوفني منها بس انا بحب المرحلة دي جدا ابتداء من المذاكرة لحد الاجازة والفسح مع اصحابي .

اخر 3 شهور وتكون خايف وتعيط كل يوم واحيانا كتير لا هقول علطول امسك الورقة والقلم واقعد اكتب اني مش هغيب مجموع واني مش بذاكر كويس وهعمل ايه في الامتحانات لكن الامتحانات ذي شكة الدبوس وبعد الامتحانات يجي توتر النتيجة والاهل يقولولك حط لنفسك اسوا الاحتمالات واقعد اكتب تاني عن خوفي من الامتحانات والحمد لله تطلع النتيجة وتكون كويسة بس احلى حاجة في الثانوية بجد الاهتمام اللي بتلاقيه من عيلتك بصراحة بيوفروا كل سبل الراحة ابتداء من السندويتشات بتاعة المذاكرة لحد فرحهم بالمجموع.

و كمان المدرسة جميلة جدا نزوغ ونقعد في الحوش وننام في الحصص ونحل الواجب بتاع الدرس والله العظيم متعة.

انا الوحيدة في صحابي اللي مش عايزة اخش الجامعة اصل انا بحب المدرسة من زمااااان لكن هما عايزين يخشوا المجتمع المفتوح ده بس طبعا هو مش بمبى زي ما هما متوقعين والله انا مش عارفة بس انا بصراحة خايفة منها اوي تخيلوا صحابي بيقولولي انهم مش بياخدوا سندويتشات طبعا انا مش متخيلة همشي ازاي من غير سندوتشاتي وقالولي ان اللي ياخد سندويتشات بيتريقوا عليه الكلام ده صحيح ولا بيتريقوا عليا

بس مصيري جايلي جايلي هخشها هخشها

نأسف

كما تعلمون اني في الثانوية العامة والوقت مش ملكي"مش حقيقة بس برستيج" فانا مش هقدر أخش كتير ع النت عشان ماما عاملة حذر نت فانا بكتب كتير لما اكون في حصة فاضيةاو قابل ما انام انا لما اخش ع النت هكتب حاجات كتيرة مرة واحدة ونأسف للازعاج

نوررررررررران

هيييييييييييييييه العيد جه

طبعا الكلام ده ماتاخر جدا بس ده الوقت اللي فضيت فيه من الشغل طبعا قصدي شغل الجزارة البيت كله بيتقلب بس السنه دي انا مكنتش حسه بفرحة العيد اوي ممكن عشان مشفتش العجل لما جه كنت زمان وانا صغيرة اتفرج عليه ونقعد نغني الاغنية المفضلة"

"يا برتقان احمر وكبير بكرة الوقفة وبعده العيد" او الاغنية ساعة الدبيح

"العجل وقع هات السكينة العجل طار هاتوا المنشار"

طبعا اغانينا بتاعه العيد واكتشفت ان العيد يفرق لو كنت كبير بس برضه العيد فررررحة

وكل سنة وانت طيبييييين

رسالة الانسان واصدقاءه

تساولات لابد لها من اجابة تساؤلات تقفز الى ذهني من وقت لاخر تخيلات افكار احداث اشخاص يمروا علينا يوثروا فينا ونؤثر فيهم

ولكن هل ساعدونا تجاه رسالتنا نحو الارض

كلا من له رساله تختلف عن الاخر ولكنها في النهاية هدف سام نسعى جميعا اليه

اصدقاءنا هل هم كذبة ؟ايوجد اصدقاء حقيقيون؟هل يعينوننا ع رسالتنا تجاه الارض

لقد خضت تجربة اثبتت لي ان اصحاب المصالح هم الطاغون الان ع المنطقة باكملها لقد قل الاصدقاء الحقيقيون بل قل ندروا

لماذا دائما نتلقى الصدمة من اقرب الناس الينا من الذين لا نتوقع ان يكونوا هم الذين القوها ونتلقاها بفزع شديد مع ان من القاها القاهل ببرود اعصاب شديد لماذا لم يدركوا تاثير الصدمة فينا؟

لماذا ينشغل الانسان بكل هذا ويترك رسالته نحو الارض الهدف الاسمى لماذا لا يوجه طاقته كلها نحوه رسالته ويساعده في ذلك اصدقاءه الحقيقيون ةلكن يا ترى من هم الاصدقاء الحقيقيون؟؟ هل هماصدقاء الطفولة حيث اللا مصالح ام هم اصدقاءرحلتك الدراسية مع الجد والمذاكرة والاحلامام اخوتك الذين كثيرين من نستبعد ان تربطنا بهم علاقة صداقة ام امي ام ابي تساؤلات عديدة ولكن يبقى السؤال الاكبر من هم اصدقاؤنا الذين سيشاركونا رسالتنا نحو الارض ؟

هذه التساؤلات العديدة تقفز الى ذهني من وقت الى اخر وهذا سبب من اسباب حيرتي اردت ان اشرككم فيها لعلي اجد من بينكم من يستطيع الجواب عليها

إليك نصيحة اخر العام او فلتقل اول السنة الجديدة 2006 وهي:

عيش يومك كانه اخر يوم تعيشه في حياتك وشوف هتعمل ايه؟؟وفكر ايه احسن حاجة ممكن تمتلكها؟

بعض سيجيب بالمال او بالعلم او بالابناء او بالاصدقاء اني معكم ولكن رائي انه بدون افكار لا وجود للانسان فبالتفكيرفعل اي شئ اذا استيقظت صباحا فبعد العمل الروتيني الذي تقوم فيه ستفكر ماذا ترتدي وماذا ستفعل اليوم ماذا سأذاكر وممكن ان تكون هذه ليست الافكار التي اقصدها ولكنها افكار يومية تراودنا ماذا عن الافكار التي تاتينا فجأة وتغير مجرى حياتنا انها تاتي لكل انسان ولكن الفرق فيمن يحسن استغلالها في الوقت والمكان الصحيح

اذن احسن حاجة ممكن تمتلكها افكارك

الان

اتنفس بعمق....اغمض عينيك.....انظر داخلك.....تامل......تسأل....هل انت راض عن افكارك.....ابتسم....فكر

بعد ماتخلص قرايه خش ع مكتبك واكتب افكارك كلها وكل ما تقابل فكرة متستهونش

بيها وخلي شعارك للسنة الجديدة

"ده اخر يوم ممكن اعيشه في الدنيا دي"

انا اكيد مجنونة

احب اعرفكوابنفسي اسمي نوران اشرف عندي 16 سنة في ثالثة ثانوي علم رياضة جبت السنة اللي فاتت 98.5% وماما وبابا كانو عايزين يدخلوني علم علوم بس انا مرضتش علشان انا نفسي اخش هندسة اصل وانا صغيرة نفسي اطلع مهندسة ديكور وبما اني فاشلة في الرسم وهسقط في امتحانات القدرات اصل انا في الاعدادية نقصت 7 درجات في الرسم وكل الناس كانوا متوقعين ان اجيب مجموع كبير بس الرسم ع العموم الحمد لله انا متكلمتش ع العنوان بتاع الكتابة ده انا اكيد مجنونة ليه انا بحس من جوايا اني مش متظبطة دماغي طقا طبعا الاخطاء اللغوية عندي بالهبل بس سيبك من الموضوه ده خلينا في الجنون اللي عندي انا بس اللي شايفة كده اما اصحابي مش شايفين كده كانو مسميني في ابتدائي نوران عبقرينو وفي اعدادي فيلسوفة عصرها اما في ثانوي بقيت شمعة شمعة تحترق من اجل الاخرين على راي مستر الكيميا بتاعي .

السنة الجديدة جت ومعاها بدات البلوج اصل انا بحب الكتابة اوي وبدل ما اكتب في الاجندة ومحدش يشوف اكتب ع النت والكل يشوف مش هخسر حاجة ع فكرة انا عرفت الموضوع ده(البلوج) من بنت عمي هيا عاملة واحد اسمه وهكذا انا (رضوى اسامة)خطيبة عمروعزت اصل احنا كلنا طاقين بس الطققان بتاعي مش بيظهر غيربيني وبين نفسي وانا قررت اظهلاه علني بس رضوى طبعا انتو عارفينها مش محتاجة تعريف.

انا نفسي احقق حجات كتيرة السنة دي بس خليها في سري دلوقتي المهم انتوا ادعولي علشان اطلع من ال300 الاوائل ع الجمهورية علشان ده بقيت حلمي انا معلقاه قدامي ع المكتب.

طلب اخير لو سمحتوا تدعوا لجدتي ماما ممتي ربنا يشفيها ويطول في عمرها.

نوران الشهيرة بشمعة