Thursday, January 12, 2006

الثانوية العامة جميلة جدا
.كل الناس كانت بتخوفني منها بس انا بحب المرحلة دي جدا ابتداء من المذاكرة لحد الاجازة والفسح مع اصحابي .
اخر 3 شهور وتكون خايف وتعيط كل يوم واحيانا كتير لا هقول علطول امسك الورقة والقلم واقعد اكتب اني مش هغيب مجموع واني مش بذاكر كويس وهعمل ايه في الامتحانات لكن الامتحانات ذي شكة الدبوس وبعد الامتحانات يجي توتر النتيجة والاهل يقولولك حط لنفسك اسوا الاحتمالات واقعد اكتب تاني عن خوفي من الامتحانات والحمد لله تطلع النتيجة وتكون كويسة بس احلى حاجة في الثانوية بجد الاهتمام اللي بتلاقيه من عيلتك بصراحة بيوفروا كل سبل الراحة ابتداء من السندويتشات بتاعة المذاكرة لحد فرحهم بالمجموع.
و كمان المدرسة جميلة جدا نزوغ ونقعد في الحوش وننام في الحصص ونحل الواجب بتاع الدرس والله العظيم متعة.
انا الوحيدة في صحابي اللي مش عايزة اخش الجامعة اصل انا بحب المدرسة من زمااااان لكن هما عايزين يخشوا المجتمع المفتوح ده بس طبعا هو مش بمبى زي ما هما متوقعين والله انا مش عارفة بس انا بصراحة خايفة منها اوي تخيلوا صحابي بيقولولي انهم مش بياخدوا سندويتشات طبعا انا مش متخيلة همشي ازاي من غير سندوتشاتي وقالولي ان اللي ياخد سندويتشات بيتريقوا عليه الكلام ده صحيح ولا بيتريقوا عليا
بس مصيري جايلي جايلي هخشها هخشها

9 comments:

radwa osama said...

يا حبيبتى السندوتشات فى الجامعة ده اساسى ..كل اصحابى كانوا بيعتمدوا على المئونة الغذائية بتاعتى ..عادى هى الجامعة ايه غير مجموعة سندوتشات تكليها من غير خوف لحسن المدرس يشوفك ..ويا ستى ذاكرى وما يهمكيش اكتبى وقت ما انتى عايزة واحنا نستنى

أحمد said...

الحقيقة يا نوران

ان سواء الجامعة او الثانوية العامه
الاثنين ازفت من بعض
و كل - و لامؤخذه- كنيف تعليمى

عبدالله النديم said...

مبروك يا شمعة على الوصول انا عرفت من مدونة هكذا انا
hakazana.blogspot.com
مستنيين تعليقاتك على الناس وكتابات اكتر من كدة

الست نعامة said...

يا شمعة، أنا كنت زيك كده باحب المدرسة ولسه باحبها. المدرسة أحسن من الجامعة بكتيييييييييير، عشان كده باقولك استمتعي بكل وقتك فيها عشان النكد كله في الجامعة.
وعلى رأي رضوى أهم حاجة في الكلية هى الساندوتشات، ديه اساسي يا بنتي، لازم السندوتشات من البيت وتجيبي الشاي وتقعدي كده تشربيه مع الأكل وانتي قاعدة في الشمس وبعدين تروحي.
كل سنة وانت طيبة

عمرو عزت said...

ايام المدرسة و الجامعة و لحد دلوقتي باخد سندوتشات من البيت معايا الشركة
عيشي حياتك
بالهنا و الشفا

MaLek said...


انا مكنتش باخد ساندوتشات انا كنت بضرب الساندوتشات على العيال واشياء اخرى
الثانويه احلى فتره في حياتك عيشها زي ما تحبي مش زي ما غيرك يحب مش عشان كلام كبير ومكعبر
بس عشان لما تكبري وتفتكري تفتكري حاجات عملتيها عشان بتحبيها
مش عشان غيرك بيحبها او الناس كلها فاكره انها حاجه روشه والخ
ربنا يكرمك وتعدي امتحاناتك بخير
صحيح المفروض تشكري رضوى هكذا هي
http://hakazana.blogspot.com
هي اللي دلتنا عليكي

Anonymous said...

الحمدلله اهم حاجة انكوا طمنتوني ع السندويتشات ربنا يخليكوا ليه

شمعة

Anonymous said...

chm3a enti 3ndik 7a2 ana kont zayik ana fi tanya gam3a w lessa 3aycha 3ala zkryat el madrasa 3la fikra agmal sanatin fi 7yati homa sanaweya 3amma wl drous w as7abi bgad 7awli tetmata3i b kol la7za w 3ala fikra ana gebt 95% w bardo mda'7ltch el koleya eli ana 3ayzaha:'(

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول