Wednesday, January 18, 2006

كلام انشا
لحد دلوقتي في المدرسة بندرس كلام انشا لما نيجي نكتب كلام انشا ايه حكاية الانشا معايا بس انا لقيت لما اختي روان وريتني ورقة امتحان العربي بتاع النهاردة علشان هيا في الاعدادية افتكرت الانشا
هي كتبت موضوع التعبير بتاعها عن السلام طبعا كلام انشا
انا اظن ان مفيش حد في مصر وهو صغير في المدرسة مكتبش كلام انشاعن السلام او الديمقراطية او عن الام او عن الصداقة او عن الامن العدالة مليون حاجة بنقعد نكتب عنها كلام انشا
مظنش ان في حد من اللي بيكلموا في السياسة كتب رائيه او باسلوبه حاجة عن الكلام ده
مثلا موضوع عن مصر بلد السلام وطريقها الي الديمقراطية لو جالك في الثانوية العامة وانت عارف ان مفيش حاجة من اللي بتكتبه صح بس بتكتبوا اظن انها سياسة
الناس عايزة تعمل انقلاب او تغير وهما بيكتبوا كلام انشا وبيخلوا ولادهم يكتبوا انشا لا وبيحفظوهم الكلام ده يعني انا مثلا حفظة الكلام بتاع درس قراءة في ابتدائي عن الام واظن انه في 3 ابتدائي اسمه رسالة الى امي واقعد اسمعه مكنتش حسه بالكلام اللي في الدرس وانا صغيرة لانه كلا م انشا
هما سموه كلام انشا وموضوع انشا علشان بيقعدوا يزينوه منين اكتب انشا واطالب بالتغير
المفروض لما كل واحد كبير يربي ولاده ع انه يتكلم برائيه مش بكلام انشا ممكن نتغير بس دلوقتي مظنيش

8 comments:

مهندس م,m.m, said...

في البداية اود ان اهنئك علي انضمامك للمدونة ولو انها متاخرة بس انا عرفت من رضوي
ممكن طبعانتغير لان طول ما احنا عايشين
في امل والدليل ان انتي فهمتي ان ده كلام انشا يبقي ايه المانع ان احنا نتغير ونحاول نوصل للناس القريبين منا وجهة نظرنا ونتركهم يفكروا فيها الي ان يصلوا الي نتيجة بانفسهم لانني مقتنع بان افضل شيء في الحياة ان يقدم الانسان علي فعل شيء وهو مقتنع به

radwa osama said...

كلامك مهم جدا ومحترم

Anonymous said...

هاى نور انت هاتبقى كاتبة رائعة السلاسة والبساطة بالتوفيق
واحد مص

doha said...

برافو نوران
التلقائية والبساطة هى سر تميزك
دة بالاضافة لخفة دمك
اما بالنسبة لموضوعك فحياتنا كلها اصبحت كلام انشا خالى من اى عمق
ودة جزء من الحرب الموجهة لينا
عاوزيين يقتلو فينا روح الابتكار والتفكير
حقيقى لما عرفت ان سنك 16 سنة فرحت اوى عشان حسيت أن البلد دى لسة بخير

السهروردى said...

واحد : مبروك المدونة ( جيه متأخرة )
إثنين : كويس مش أنا أبقى المدون الوحيد اللى سنى صغير و مزنوق فى رخامة الثانوية العامة لوحدى
تلاتة : كلام الأنشا فى المناهج المدرسية هو الأخرم و الأغلس لأنه كلام ينفع للأبحاث و الدراسات و إحنا فى حاجة لكلام حر و فلسفى مقنع فى مادة العربى
أربعة : أنا لسه فاكر موضوع القراءة الى أنت إتكلمى عليه لأن مدرسة العربى كانت بتسخدمه فى حصة إملاء !!!!!!

عمرو عزت said...

ابسطي يا ستي
جريدة الشرق الأوسط كتبت عنك

http://www.aawsat.com/details.asp?section=37&issue=9931&article=346770&search=المدونات&state=true

rasha said...

الموضوع ده عايز حد جريء ويكتب رأيه بكل صراحه في موضوع الانشا بس لو الي هيصحح الامتحان يكون جريءو يديلو الدرجه النهائيه يا اما هو الي هيتزبط...و يريت هتخدكيش الجرئه...!؟

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول