Saturday, February 11, 2006


الحمد لله
من بداية البطولة وانا كنت هكتب ربنا يسترمن الفضيحة بس حصلت ظروف منعتني اولها التليفون باظ ولما اتصلح الadsl باظ وراح التليفون باظ تاني وبعد كدة زي ما انتوا عارفين جدي توفى المهم في الاخر مكتبتش حاجة
المهم امبارح قعدت اذاكر فيزياء قبل الماتش عشان اتفرج عيه كله المهم طول120 دقيقة تظن مصر كلها كانت هيجليه سكتة قلبية وحاطط ايده ع قلبه بس بصراحة المنتخب عمل اللي عليه وعصام الحضري امبارح كان نجم المباراة وسد اتنين ضربة جزاء المهم بعد الماتش كنا هنموت من الفرحة والشوارع كانت هاااااايصة والبنات عملوا عمايل والنهاردة في المدرسة كانوا جايبين اعلام وقعدوايغنوا ويهيصوا بصراحة الشعب عايز يفرح باي حاجة المدرسة كان الحديث الاول ليها الماتش لا وطبعا يدخلوا كلام البنات في النص زي شفتي عصام الحضري كان زي العسل لا ولا صحبتي رضوى تقولي عماد متعب زي القمر وهو حالق دقنه لأ دول واخدين بالهم حتى من الدقن والسوالف شفتوا دقة الملاحظة
بس الحمدلله ربنا ستر ومتفضحناش اصل 70مليون واحد كان بيدعلهم اكيد دعوة رشقت وربنا استجاب يا رب دمها نعمة والحمدلله

4 comments:

إنسان said...

بجد حظنا وحش غبتي علينا كل ده كنت هفقد الامل بس كويس انك لسه بتكتبي انا قلت انتي بطلتي خلاص عموما عود احمد فعلا بحب البلوج بتاعك
اه عملوها المكسحين بتوع المنتخب سبحان الله يرزق الدوده في قلب الحجر
البنات البنات البنات و اه من البنات هو ده السبب اني لما بكلم اي بنت لمده خمس دقايق ببقي عايز انتحر سوالف مش عارف مين و شعر اسمه ايه حاجه غريبه فعلا

Nouran said...

بس مش لدرجة الانتحار ما انا بنت اهوه

إنسان said...

اخ انا قلت اي بنت اقصد بعض البنات يعني مش كلهم ما انا بتنيل علي عيني و بحب واحده

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول