Wednesday, December 20, 2006

النشرة كلاكيت تالت مرة



طبعا اكيد افتقدوا النشرة مع ان كان فيه تهنئات كتيرة بس ان اللي نشاطي كان متوقف زي ما انتوا عارفين وللي مش فاكرها افكره نشرة شمعة بتتكون من تلات اجزاء الجزء الاول تهنئات لكل الناس لاي مناسبة الجزء التاني قصة مش كاملة كنت كاتباها ف الثانوية العامة فقصص فظيعة الله يكون ف عونكوا اللي عايز ينط القصة ينطها تالت حاجة نكته بس مش اي نكته لازم تبقى سخيفة جدا اوكش نبدا النشرة واي تهاني ابعتوا ع 6065 من اي بلوج ع نشرة شمعة موجه
100.9 واي اقتراحات ابعتوها ع 6065 برضوا يالا نبدأ
.
التهنئات من القديم للجديد
القديم اوي اوي والله كان فيه
اخ بلوجي خطب من قبل رمضان وانا وعدته اني اكتبها ف النشرة حتى لو بعد رمضان وقبل العيد الكبير عادي خالص مبروك جدا ليه وممكن يكون اتجوز خلاص مبروك يا محمد باشا
.
طبعا عيد ميلاد رشا كان من حوالي اكتر من شهر والمفروض كنت اكتبلها نشرة بس برضه مش مشكلة كل تاخيرة وفيها خيرة
.
وعيد ميلاد رضوى بنت عمي مش صحبتي كان من حوالي اسبوعين او اكتر كل سنة وهي طيبة
وعندنا اتنين عيد ميلاد
.
كل سنة وانت طيب يا
بشمهندس نور والسنة الجاية ان شاء الله تبقى مهندس قد الدنيا وعقبال 125 سنة عيد ميلاده كان
10 -12 يعني مش قديم اوي من عشر ايام بس يا جماعة كان عندي كويز يوم الاحد امتحان معمل يوم التلات ملحقتش انزل النشرة قبل كده
.
كل سنة وانت طيب يا احمد باشا الدكتور احمد المؤلف المستقبلي لنص مطربين مصر ان شاء الله كل سنة وانت طيب والسنة الجاية تبقى ف افضل حال ان شاء الله وتبقى دكتور ومؤلف اتنين ف واحد يعني
:)
طبعا اخر مناسبة وتهنئة جامدة جدا لكل الاهلاوية الجامدين اوي وكل المصريين والعرب والافارقة يالا بالمرة بقى ع البرونزية وانهم شرفونا ورفعوا راسنا ف اي حاجة قدام العالم حتى لو كان ف الكورة اهو نرفع دماغنا شوية وجعت من كتر ما احنا منزلنها
ووتهنئة خاصة جدا لابو الكباتن الكابتن ابو تريكة بجد مبروك ليه محبه الناس ودعواتهم ليه بجد يستاهل انا شفته ف دريم انسان محترم مسلم بجد يا ريت يبقى قدوة ناس كتير وربنا يوفقه
والدكتور احمد كتب
نشيد جامد عن الاهلي بجد
ودودي حطت
صور جامدة اوي
تحدددددددددددديث
اول حاجة عيب عليا بجد طلعت معدة نشرات فاشلة مش ملمة بالاحداث البلوجية وكده يعني
اول حاجة احب اقول لدولي حمدلله ع السلامة والحمد لله ان ربنا رجعك لينا بالسلامة
تاني حاجة اقول لبسبس مبروووووك اينعم قديمة جدا بس انا قولتها عندها ونسي اكتبها هنا
تالت حاجةكل سنة وعمرو طيب بقى كبير تم 26سنة
.
الجزء لتاني من النشرة : القصة الفاشلة :)
وجه معاد النط اللي عايز ينط ينط :)
مع دقات قبها ترى سهاما من نظراتها ولهيبا من انفاسها وصدرها يعلو ويهبط عيناها اتسعت ولمعت اتتها فكرة فكرة شيطانية انها فكرة الانتقام امسكت الورقة والقلم واخذت بالكتابة ثم توقفت لحظة تراجعت وبدات بالبكاء ظلت ساعات طويلة تبكي وتبكي حتى تنبهت الى الظلام وان ضوءالقمر هو الذي يضئ غرفتها نظرت امامها لتجد ضوء القمر ينير صورتها التى تتوسط الحائط اسندت راسها للفراش واخذت تتساءل لماذا اصبحت هكذا هل هي نفس الفتاه التي كانت ابتسامتها تذيب العقول ولمسه يديها تحسسك بالامان ونظرتها تسحر القلوب ثم نظرت الى الصورة قائلة ولكن انا السبب
انا السبب.......
.
تالت جزء ف النشرة النكت السخيفة :
المرة دي اتنين نكته :
النكته الاولى خاصة بالمهندسين :
اتنين مهندسين بيلعبوا استغماية فواحد راح استخبى ورا الشجرة التاني مسكه قاله شوفتني ازاي قاله شفتك داش لاين -فعلا نكته رخمة جدا-
النكته التانية :
واحد طلع ع المعاش معرفش ينزل -لو حد عنده نكته اجدد يقول
-

19 comments:

DoOoOoOdY said...

اولا اهنى نفسى انى اول كومينت
وثانيا وحشتنا النشره بتاعتك جدااااااااااا والله
بس القصه المره دى حلوه يا نور
كمليها هتبقى حلوه اوى والله
اما النتكت فطبعا
"لا تعليييييييييق"

مـحـمـد مـفـيـد said...

ازيك يا نوران
كل سنه وانتي طيبه ومتنسيش حته من الخروف
ثانيا البوست جميل جدا ونشره وصداع ووجع دماغ بس لذيذوبعدين جيتي ختمتيها بالنكت الجامده اوي
:))))

Anonymous said...

قصه حلوه ممكن تسميها
عندما أضاء قلبى القمر

Anonymous said...

احب احيكي على الفكره دي انا مكنتش عارف موضوع النشرات دي بس بجد دمها خفيف وعشان كدا قريتها كلها ومنتطش الحبل ولا حاجه
وبالنسبه للتهنئات فكل عاك وهمه بالف خير لكل واحد ذكرتيه ونسيتي تذكريه
وكل عام وانتي بخير بالعام الجديد وعيد سعيد يارب
وبالنسبه لقصه فهي بالعكس مش ناقصه دي بدور حول فكره واحده
والنكت يالله اللي قبليها هايغفرهالك وحصل خير
وربنا يسترها

NoOR said...

الف شكر يا جميل معلش انا بردوا مشغول في امتحانات العملي ...ربنا معانا

النكت بتاعت المهدنسين مافيش اكتر منها تحبي تسمعي كام نكته علي ما قسم

اتنين مهندسين خارجين في الاول بيسال صاحبه علي فين العزم قاله في اتجاه محصله القوي

معيد رسم خلف وادين واستنتج التالت

كفايه كده حفاظا علي اعصاب البشر

انا لسه ما قريتش القصه هابقي اقرها و اقولك رايي

sherif gharib said...

حمد الله على السلامه يا نوران
حلوه النشره و التهانى و كل حاجه
ما عدا النكت الصراحه
بالمناسبه
نكته بقى عالماشى كده
واحد صعيدى عمل عمليه خطيره فى القلب و نجحت
عملها تانى..........
تحياتى

مداح القمر said...

هييييييييييييه اسمى طلع ف التليفزيون وفى اهم نشره اللى محدش بيسمعها اساسا..هههههه
وانتى طيبه وميرسى اوى على حكاية المؤلف وكلام الكبير دا
حلوه القصه بس مش فاهمها
هى كانت عايزه تكتب ايه؟
والنبى وامانه عليكى ما تقولى نكت تانى
ههههههههه
ح اقولك نكته انا بقى قديمه
دكتور عظام كل ما يمشى ف الشارع الكلاب تجرى وراه
نياهاهاهاهاها

Nouran said...

dody:
مبروك انت اول مرة تبقي اول كومينت
شوفتي بقالي كتير متحفتكوش بالنشرة الرائعة دي هههههه
بصي كملي انت القصة انا بزهق علطول
النكت طبعا لا تعليق دي اسخف نكت هتلاقيها في حياتك هتبقى عندي انت بتهرجي :)

محمد مفيد:
وانت طيب وانت كمان متنساش حته من الخروف
صداع ماشي ماشي بس برضه مزعلتش منك وهكمل النشرة وانلكت دي شكلي بعد كده مش هحطهالكوا لحسن لقيت تعليقات فظيعة عليها :)

مبرمج حر:
شكرا يا فندم ده من ذوقك

ابيتاف:
ههههههههه كالعادة لا بس المرة دي القصة حلوة بقى تنكري
انا هعملك نشرة مخصوص بس انا معرفش امتى بالظبط انا كنت بحسبه ف شهر واحد بس ف النشرة بتاعتك قوليلي النكت اللي انت عايزاها ماشي :)

بين الامل والياس:
والله ده موضوع النشرة ده طق ف دماغي مرة واحدة كده قلت حاجة خفيفة افكر بيها اي حد بمناسبة عزيزة عليه لو عندك تهنئ ابعتها وانا مش هتاخر
خلاص كويس ان القصة كويسة مكنش ينفع قصة وحشة ونكت سخيفة كانت هتبقى مشكلة حصل خير

نوور:
دي النشرة معمولة خصوصي وهتلاقي القصة حلوة والنكت سخيفة ايه هنا يعني
ربنا معاك يا رب ومعانا
بس نكت جامدة ينفع انزلها ف نشرات جاية :))
خلاص مستنية رايك فيها

شريف غريب:
الله يسلمك عاش من شافك طبعا النكت صفة اساسية يا جماعة بقي بذمتك بقى فيه نكت بضحك ههههههه
بس حلوة النكتة بتاعة الصعيدي دي:)

الدكتور احمد باشا:
نشرة خصوصي ليك ولنوور لوسمحت متتريأش ع النشرة بتاعتي وكمان طبعا طبعا محدش بيسمعها ههههههههههههه علشان هيه بتتقري -حلوة التلكيكة دي-هههههههشوفت ازاي عملتلك اعلان ف النتشرة يا عم مين قدك
يا جماعة بتحرجوني برايكم ف النكت دي يعني اول مرة تشوفوا كت بالسخافة دي ااقصد بالجمال ده :))
اه القصة انا كمان مش فاهماها بس اظن اني كنت عايزاها تعمل حاجة بس تخططلها الاول فعلشان كده مسكت الورقة ولقلم ايه رايك نظرية برضه
ههههههههههه حلوة النكته بجد لا جامدة

voice of love said...

طيب عيب عليكى مش كنتى تقولى فى النشرة ان ربنا نجانى من العملية العسولة اللى أنا عملتها الشهر اللى فات
أنا كمان زى ابيتاف عاوزة نشرة لوحدى
ذاكرى كويس التيرم قرب
كل سنة وانتى طيبة علشان العيد
وسنة سعيدة على الجميع

Anonymous said...

تعرفي ايه مشكلتي
اني مابعرفش انط
هههه
فضولي خلاني اقرا
تعرفي ليه ضوء القمر نور صورتها.؟
علشان النهارده هو يوم جلوسها علي العرش
قصدي علي الفوتيه
:)
اقولك نكتة باقولها بقالي سنة وفكة
من اول مادخلت سنوية عامة اللي اشوفه اقولهالوا
بس باقولها في البيت علشان لو قلتها لصحابي هاضرب وهاتعزب كمان
بصي باقولها لامي حوالي 30 مره في اليوم
القصة رخمة والنكتة رخمة
اقول بقه
مره واحد بيقول لواحد الساعة كام يا كابتن قاله ليه انت شايفني اسباكتي
قام واخد الخروف وماشي
نكتة سريانية
علشان ماتقوليش حارمك من حاجة

Anonymous said...

لا بس القصة حلوة انا اللي بارخم
تعرفي وانا في ابتدائي وواني في اعدادي كنت باخد جوايز في الكتابة
لقيت 3 قصص هبل كنت كتبتهم في 1 اعدادي
بس فيه قصة جامدة جدا عمال ادور عليها في كومبيوتر ابويا ومش لاقيها
اصلي كنت كتبتها في كومبيوتر قديم وباظ فجيبنا واحد جديد لابويا
حلوة...كاني جيبتوا من جيبي
فيه حاجات معرفناش نطلعها من الهارد القديم بس كانت حلوة جدا
لسه فاكرها بس اكيد لو كتبتها هافضل اقول الاصلية اجمد

Anonymous said...

شدي حيلك في امتحان الميكانكس
وقوليلي عملتي ايه
يعني لو نجحتي هافرح
ولو سقطي هافرح برضه علشان انشاء الله نبقي في دفعة واحدة

Nouran said...

دولي:
لا بجد عيب عليا اعمل تحديث وتهنئة ليك
يا جميل ولا تبقى مع نشرة ابيتاف ؟؟

عربي :
ايه يا عم لازم تتعلم النط بالذات ف النشرة بس اساسا القصة المرة دي حلوة فمش محتاجة النط يعني ع فكرة انا مفهمتش النطتة خااااااااااااالص ايه علاقة الساعة بالاسباكتي بالخروف يعني ؟؟ فعلا محدش غير مامتك هيستحملهااااااا بس فمني النكتة والنبي لا بجد انت مش حارمني من حاجة بجد
تعرف انا ف قصة كتبتها وانا ف تالتة ابتدائي بس لو نشرتها البلوج هيقفل هههههه بس الفرق بيني وبينك انك بتاخد جوايز انا بقى محدش كان بيشوفها غيري بس حتى القصص اللي بنشرها محدش كتير قراها اكتبها يا عم ممكن تطلع حلوة خلينا نشوف مواهبك القصصية:))
بس انت عرفت ازاي اني عندي امتحان ميكانكس هو انا قلت وانا مش واخدة بالي ولا انت بتراقب الكلية بس مش اخوك ف عين شمس ولا القاهرة ع العموم لسه الامتحان بكرة خليك تفرح ف الحالة الاولانية بتاعة النجاح لحسن اسقط وتخش عين شمس ومنبقاش دفعة واحدة هههههههههه:)

مُزمُز said...

أقوللك أنا نكتة جديدة

مرة واحد كان قاعد على باب الله جه يقوم اتخبط ف الأكره

3rby said...

يا بنتي ده فن سيرياني
يعني مالوش اي معني
وبعدين اخويا عين شمس بس انا ممكن ادخل القاهرة مخصوص علشان ابقي معاكي:)

Nouran said...

مزمز:
هههههههههه بس قديمة

عربي:
كويس انك قلتلي لحسن كنت هبقى جاهلة بالفن السرياني هههههه
طب لو دخلت السنة الجاية القاهرة مش هتريق عليك -يعني علشان هبقى اولى وانت اعدادي كده يعني-هههه

مُزمُز said...

طب ماشي خدي دي عندك
مرة واحد دخل محل فكهاني خرج من المحل فكهيثم

ولو قديمة خدي دي
مرة واحد حب طحنوه

ولو قديمة برضه خدي دي
صعيدي خرج يتمشى جابوه من ع الحدود

ولو قديمة خدي دي
بس خدي بالك مافيهاش أي خطأ مطبعي
مرة خروف صيفي بشنب قابل خروف صيفي من غير شنب قالوا تجي نلعب استغماية قاللو ليه إنت شايفني شماعة جاب عصير قصب والعمارة وقعت خد الموتوسيكل وجري أمه ضربت نفسها بالشاكوش فالصعيدي جاب لب وقشر برتقان قام المدرس ضرب الواد اللي مجاوبش مسألة الحساب أم كرنبة في أولها ومحشي بتنجان

ولو قديمة خدي دي وكفاية كده
مرة واحد عصبي جدا جدا جدا اتجوز واحدة عصبية جدا جدا جدا خلفوا عيل الدكتور جه ينزله منبطن أمه قاللو حاسب كده أنا هنزل أنا
ولو كلهم قدام تبقى غتاتة نيجيرية بحتة

Nouran said...

هههههههههههههه
خلاص يا عم حقك عليا بس بص اخر واحدة قديمة بس الاولانين جامديين ههههههه ممكن ابقى انزلهم ف النشرات المرة الجاية ؟؟ ابقى رد عليا

Anonymous said...

جميلة اوي البلوج بتاعتك ديه
انا اول مرة ادخل عليها

يارب تفضل دايما لذيذةكدة
ميدا المصري