Monday, May 28, 2007

ياااااااارب

االنهاردة اول يووووم ف الامتحانات طبعا وكان رياضة مقلكوش ابدعت وحاسه اني خلاص ايامي معدودة بسبب الكلية الجميلة ديه بصراحة الامتحان مكنش صعب كان حلو بس بقى تقولوا ايه ف الفذلكة اه مش قادرة هفرقع من الغيظ بصوا الرياضة قسمين هندسة تحليلية وده كان رخم بس عدى ع خير الحمدلله والتاني تكامل كان سهل بس هبلت فيه خلصته بدري وفضلت تلت ساعة بفكر ف القانون هضرب ف اتنين ولا مش هضرب ف الاتنين المهم اني ضربت ف الاتنين وطلعت الناتج وزي الفل وقبل ما اسلم الورقة شطبت ع الناتج وشطبت بذمة شفتوا الهنا وسلمتا الورقة طبعا اول ما خرجت اكتشفت ان الناتج الاولاني هو اللي صح حسبي الله ونعم الوكيل طيب الحمدلله نيجي للمسالة اللي بعديها برضه لخبطت ف الارقام المهم ان المسالتين دول اتفه مسألتين ف الامتحان ارحمني يا رب
ايه ده انا مسلمتش عليكوا وحشتوووني اوي وحشني التدوين والمدونين ع راي تشوس قالي ده ادمان مش قادرة ابطل المهم طبعا عملت حاجات رهيبة ف امتحانات العملي ربنا يستر ف امتحان الديناميكا البشمهندس خلاني اعيد التجربة مرتين علشان مفتحتش الاير تراك وقطعت الاستك ولا يسالني انت مفتحتيهوش ليه ؟؟ اقوله اول مرة اعرف اننا بنفتحه النهاردة ده حتى يوميها ما عملنا التجربة مفتحتهاش غريبة والله يا بشمهندس بعد كده سالني ف المرة التانية للتجربة ديه عملتيها كده ليه جاوبته وقالي غلط قلتله انا مذاكراها كده قالي لا غلط قوللتله تعرف يا بشمهندس اني من ساعة ما دخلت الكلية ديه بعرف حجات بعد ما اخرج من االامتحان اكتر ما بعرف قبل الامتحان سبحان الله بعد كده قالي يالا بقى امشي حرام عليكي لحد دلوقتي معرفش هو اضايق مني في ايه ده انا حتى طالبة متفوقة هههههه
ف الفيزيا بقى انا اول واحدة اتسالت ف المعمل ولا تسالني وانا اقولها بسم اللله الرحمن الرحيم الاجابة واقول الاجابة المهم انه ف سؤال فيهم كنت هقولها الاجابة توونس علشان ده افيه متبع عندنا ف الشلة بسم الله الرحمن الرحيم الاجابة تونس ع غرار اشرف عبدالباقي ف فيلم رشه جريئة المهم الحمدلله مسكت لساني ومقولتش تونس ديه وبرضه سالتني اسئلة اول مرة اسمع عنها وعرفت الاجابة طبعا بعد ما خرجت من الامتحان احنا هننهرج ولا ايه
المهم انا هخلص الامتحانات يوم 18 ادعولي بقى ربنا معايا ويديني الفهم وينجحني من فضل ربنا يا رب
وممكن اخش برضه الاسبوع اللي جاي اكتب حاجة بس اول ما بابا قالي رفهي ع نفسك النهاردة وخشي اكتبي علشان كنت هفرقع من الغيظ كان هيجرالي حاجة بجد طبعا قالي خشي اكتبي وانا مصدقت سمعت الكلمة وطيران ع الكمبيوتر
سوري مش هعرف ارد ع التعليقات علشان الوقت قليل
يالا كفاية كده ومتنسوش تدعولي

6 comments:

Dody said...

ربنا معاكى ويهديكى يا بنتى
ايه اللى حصلك؟؟؟؟؟؟
ربنا معاكى ومع كل اللى بيمتحنوا اللى هما احنا يعنى

REEMOO said...

فكرتينى بنفسى فى امتحانات الرياضه دايما من القل كنت امسح الناتج الصح واكتب ناتج غلط
loooooooooool
ربنا معاكىويوفقك يا قمر
وان شاء الله تعدى على خير
بس ركزى انتى شويه
محبتى

Mohamed A. Ghaffar said...

بالنجاح والتوفيق انشاء الله

See You said...

السلام عليكم و رحمة الله و بركاته ...

مدونتك مميزة ..

انا بقى بالعكس حلّيت في التحليلية أكتر من التكامل لإني مكنتش عامل حسابي إنّي هعتمد عالتكامل ...

ربنا يوفقنا في إمتحان الفيزياء بعد الرسم ..

إتفضلي زوري مدونتي
http://cu.ueuo.com

محمد فوزي آل ربيع said...

أنا خلللااااااااصت امبارح

هع هع هع

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول