Wednesday, November 07, 2007

راحه البال


ابحث ف كل مكان عن شئ فقد مني
ولكن المشكلة ليست ف مكان البحث ولكن في ما ابحث عنه
لا اعلم ماذا فقدت ولكني اعلم ان هناك شئ فقدته
بحثت ف كل ارجاء المكان عن شئ ملكي
بحثت ف نفسي عن شئ مفقود مني
ف الحالتين لم انجح واعثر ع شئ
ظللت افكر وافكر ماذا افعل ف امري هذا
محتارة فيه لا اعلم كيف سينتهي بحثي
بحثت عن اي شئ ف ذاكرتي
وجدت الذكريات ضلت طريقها الى ذاكرتي
جلست طويلا احدث نفسي واتعجب من امري
لم استطيع التعبير لم استطيع سوى الصراخ
باعلى صوت صرخت ماذا فقدت ؟؟ عقلي قلبي ذكرياتي افكاري طموحي
ايا منهم فقدته ؟؟ ام فقدتهم جميعا؟؟
اغلقت عيني فغلبني النوم لم انم منذ وقت طويل
لم احلم بشئ
ولكني استيقظت سعيدة
شعرت بحالي تغير
لم اصبح كما كنت قبل نومي
شعرت بنفسي تطير سعيدا
ووجدت ما فقدته
راحة البال

انتهى

اعدادي هندسة
يوم الاحد 6مايو
2007
الساعة 9 وربع الصبح
محاضرة فيزيا
د. حسن رشدي
.

لقيت الكلام ده ف ورق من ورق الشخابيط اللي كنت بشخبطه انا وصحابي ف المحاضرات السنه اللي فاتت وبالذات محاضرة الفيزيا وكل المحاضرات والله وحشتني الحجات ديه

اما المناسبه اني ارتحت الحمدلله عملت الريبورت عن الموضوع بتاع البوست اللي فات وعملت عليه برزنتيشن باور بوينت جامد الحمدلله :)

13 comments:

مداح القمر said...

جميله جميله جميله
احلى حاجه لما سألتى نفسك ذكرياتك ولا عقلك ولا روحك ولا ولا؟؟؟ سؤال جميل بعد الاسئله الكتير اللى قبله
جاوبتى سؤال بسؤال فى منتهى القوه
ايه يا سيدى الحاجات الجميله دى
المحاضرات اثبتت مع كل الناس انها بتعمل البدع
ربنا يوفقك يانوران وتخلصى هندسه قبل الابلاتين ما يلدع...الدعوه دى بعد ماقريت البوست اللى فات على فكره
سلام

See You said...

جميل .. !

ياه ..

الأيام دي كانت حلوة اوي :)

بس حد برده يحضر لحسن رشدي .. حرام عليكي يا بنتي تعملي في نفسك كده !

:)

hosam said...

حلوة مدونتك كلها
والبوست ده جميل

Lasto-adri *Blue* said...

ازيك يا نوراان..
الا صحيح يا بنت انتى... دخلتى قسم ايه؟

شادي فايد said...

أنا جااااي

Sampateek said...

هي دي بقى الفيزيا
ياه ده انا كنت فاكراها سهلة بس طلعت صعبة

و لقيتي اللي كان ضايع منك و لا لسة بتدوري؟ تعالي ندور سوا

تحياتي

elkamhawi said...

قشطة
حبيت ارمى السلام

MestKA said...

فاكرتيني بالذي مضى ليه مكده تقلبي علينا المواجع
بس والله كانت ايام حلوه
بس على فكره الصوره دي شبهي جدا وانا صغيره

wa3d-el3yoon said...

ايه الكلام الجامد ده فعلا راحه البال حاجه اخر مزاج

بجد بوست جميل
ومبروك على البرزينتيشن الجامد ربنا يوفقك
يلا سلااااااااام

Ahmed Essawy said...

باين عليكي مركزه في المحاضرة قوي ...
:)
انا متخرج حاليا و نفسي ارجع للايام دي ...
:(
احلي ايام ...

Nouran said...

ياااااااااااااااااه بقالي 150 سنة مردتش ع التعليقات وحشني التفاعل ده والله
الدكتور احمد:
اخجلتم تواضعنا يا باشا من بعض ما عندك وده يجي ايه اصلا جنب ما عندكم
لا وديه مش اي محاضرة كمان ديه فيزيقا :)

البشمهندس احمد يحيى:
اه شوفت بعذب نفسي انا والله بس الحمدلله اني نجحت

حسام:
شكرا يا باشا

لستو ادري بلو:
وعامله ايه يا بنتي
انا دخلت قسم عجيب كدا من النظام الجديد الفاتح بتاع الساعات المعتمدة construction engineering and mangment
بس كدا :)

شادي:
حمدلله ع السلامة يا باشا

سمباتيك:
لا ديه الفيزيا انواع والله يا كلبوزتي
كل شوية يضيع مني حاجه اعاااااااااا

القمحاوي باشا:
قشطة عليك انت السلام وصل :)

مستكة:
هو انت كنت نسيتيه علشان تفتكريه ولا ايه عيييييب كدا :)
شبهك ايه يا بنتي اسكتي اسكتي :)
انت احلى طبعا

البشمهندس محمد:
مرسي يا باشا
ويا رب يكون برزنتيشن كويس يا رب

ahmed Essawy:
والله مكنت بركز فيها ابدا :)
والله احلى ايام عندك حق

البيروني said...

ما شاء الله ابيات جميلة و صادقة

بس المشكلة قلبت علي المواجع

ربنا يسامحك

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول