Friday, March 28, 2008

هو الوحيد

كانوا ماشين سوا ماسكين ايد بعضهم بصوا لبعض وضحكوا سوا
فجأة واحده الدنيا مطرت –لازم نكد- وهدومهم ادهولت بصوا لبعض وضحكوا سوا
ماشيين ف طريقهم لبيتهم طالعين ع السلم هي وقعت بصوا لبعض و ضحكوا سوا
فتحوا الباب دخلوا الشقه دخلت المطبخ نادته يا محممد وهو جاي اتخبط ف التلاجة وطبعا بصوا لبعض وضحكوا سوا
فضلوا ع اي حاجة يبصوا لبعض ويضحكوا سوا لمدة 25 سنة
وف يوم من الايام بصوا لبعض بصلها اوي وابتسم جدا مكنش قادر يضحك يا دوبك ابتسم وكانت البصة الاخيرة ليه ومات هي عنيها بصتله اوي واتملت بالدموع واول مرة تبصله ومتضحكش بصتله وعيطت :(
(مكانوش متخيلين ان ممكن حاجة تفرقهم ابدا بس هو الوحيد اللي قدر يفرقهم (الموت)

14 comments:

مـحـمـد مـفـيـد said...

أنه الموت

m_elsewedy said...

امممممم
بجد أثرت فية
:(

Sampateek said...

أي
وجعتني

MestKA said...

ايه ده حرام عليكي النكد ده
لو كان الموت بس اللي بيفرق بين الناس كانت هانت كتير
:(

NoOR said...

امال اسمه هادم اللذات و مفرق الجماعات ليه .... هو الموت كده دايما ياخد مننا اللي بنحبهم

بس هي دي حكمه ربنا

marktwain said...

نكد ... نكد .. نكد
جيميله قوى بجد

تحياتي

wa3d-el3yoon said...

فكرتينى بمشهد فى فيلم عندليب الدقى

ليه يا بنتى النكد ده
هى قصه مؤثره جدا جدا
بس ليه كده

انت مودك باين انه أوت اوى الفتره ده

اشوفك على خير

مداح القمر said...

العزا فين طيب؟
حرام عليكى يعنى اول مره ادخل التدوينه من فتره طويله وارجع الاقى الراجل ميت والست بتعيط؟؟
بس قصه حلوه والله
على فكره انا لقيت نوران ف السكه وانا ماشى....بس للاسف طلعت واحده شبهها
؛))

alshared said...

الموت
حار العلماء في وصفه
وشغل عقول الفلاسفه تعريفه

الموت

Oma said...

:( ..... elmot howa elwa7ed elly a2wa men kol 7aga

Epitaph said...

tyb leh keda :(

Ahmed Essawy said...

اسلوب محترف ...
احيكي عليه...
المهم الواحد يعتبر من الكلام دا ... مش ادب علي ورق و خلاص :)

Nouran said...

محمد مفيد:
ايوه انه الموت

سويدي باشا:
اه انا اللي كاتباها بس اثرت فيا برضه :)

سمباتيك:
سلمتك من الوجع بس د الحياة

مستكة:
مين النكد انا ولا انت:)

نوور:
صح يا باشا هيا د حكمة ربنا

مارك توين
شكرا ربنا يخليك:)

البشمهندس محمد
لا الحمدلله مودي بقى حلو جدا:)

احمد باشا:
لقتها فين وامتى وازاي يا خسارة متلعطش هيا:)
تغيير الواحد لازم يغير من كتاباته ما بين فترة واخرى:)

alshrad:
صح كل اللي قولته صح

oma:
ايوه وهي د سنة الحياة

ابيتاف:
تغيير :) وهي دي سنة الحياة اصلا:(

احمد باشا:
شكرا يا فندم وانشاءالله نعتبر منه

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول