Sunday, July 27, 2008

النشرة رقم تمانيااااااااا

بعد غياب سنه الا شهر تعود النشرة مره اخرى طبعا هتبقى حاجة رخمة جدا لو جبت حاجات من شهر يناير اعملها تهنئة بايخة اوي يعني و ملحقتش اكلم مع كونان و العم توجو موري علشان يجوا استضيفهم ف النشرة زي تيمي ترنر كدا بس المرة اللي جاية ان شاء الله
طبعا عارفين النشرة ايه و لو مش عارفين هتعرفوا ولو مش فاكرين اقروا و هتفتكروا كدا يعني
اولا التهانئ
نبدأ بقى بالتهنئة مش عارفه ده اللي قدرت اجمعوا بس
مبروك ليا لاني اخيرا عرفت اتخلص من الاكونت بتاعي ع الفيس بووك كان موجود كدا زي قلته و مضايقني قلت
خلاص يلا نلغيه و نخلص:)
.
مبرووووووووووووك للاهلي يا جماعه برضه عملنلاله تهنئة لماتش السوبر اللي فات:) ده شئ منطقي يعني:)
.
مبروك لرشا(بنت عمي)يا رب تجيب تقدير يعجبها يا رب لادمز(ف عمق الحياه) مقدما ع التخرج ان شاء الله بعد النتيجه كدا و البشمهندس نور(مفيش فايده) برضه مع اني معرفش عمل ايه
.
طبعا مبروك للي بلوجاتهم تمت سنتين (ابيتاف ودودي و جدو ومحمد مفيد و سوسة المفروسة و كلبوزة السمباتيك و عمرو ايهاب(مكان بعطر البيت سنة واحده بس:)))
.
و لطنطاوي بمناسبة ظهور 3 سنين ع ظهوروا و لتحميل كل الكاركتيرات اضغط هنا:)
.
مبروووووووووك لانووووجي سمراء النيل هي و طارق السنة اللي فاتت باركنالهم بالخطوبة والسنه دي نباركلهم ع الزفاف و ان شاء الله السنه اللي جايه نباركلكم ببنتكم او ابنكم ان شاء الله:)
.
مبروك يا ازأز(ازميرالد بلوج اهو كلام والسلام) ع الخطوبة
.
و طبعا مبروك لمحمود عزت ع الخطوبة ولو انها جايه متاخره كتير اوي بس المذيعه بتاعت النشرة كانت بليدة اوي
ومش بتعمل نشرات ولا حاجة:)
.
مبروك لغاده(مع نفسي) ع النونو (تميم) وربنا يخليهولها معلش التهنئة جت متاخرمبرووك:)بورك ف المولود وشكرتم الواهب و رزقتم بره و بلغ اشده انا عايزة السبوع ايه ده مينفعش كدا:)حمدلله ع سلامتك يا جميل و ربنا يخليهولك يا جميل
.
و طبعا كل سنه و انت طيبه يا دودي انت و سويدي ولحلم(بثينه)ولكل اعياد الميلاد
ومبروك لكل الناجحين
وطبعا اي تهنئة مفقوده ابعتوا لنا اس ام اس ع 6065 محطه 100.9 شمعه نشرة شمعه و بس:)
.
نيجي للجزء التاني القصه بتاعتي:)
قالت له بمرح طفولي انا عايزة لعب كتيرة و لعبة المطبخ و اطباق لعبه و كده ابتسم قائلا يا سلام هيبقى عندك مطبخ حقيقي ليكي لوحدك اصلا العبي فيه زي ما انت عايزة تضحك و تقول لا بس برضو عايزة لعب مليش دعوة يقترب منها و يقول لها انا لعبتك اعملي فيا اللي انتي عايزاه تضحك قائلة يا سلام لا انا عايزة عروسة لعبة بقى مليش دعوة و الحجات بتاعتها اللبس و الفرشه و التوكة و اكده يضحك لمرحها الطفولي هذا و يقول بكرة انشاء يبقى عندنا اولاد والعبي بيهم و معاهم بس اوعي تكسرهيهم تنظر له نظرة غاضبة يلمحها هو و يستطرد قائلا بهزر والله ولادي مش هيلاقو ام زيك كدا بس برضو اوعي تكسريهم بس ابتسمت قائلة ماشي و عايزة فستان ابيض وبدلة لا متفهمنيش غلط البدله د ليك انت اه و كوتشي ابيض بترتر علشان مش بحب الكعب و عايزة و عايزة وعايزة و عايزة و................و عايزة و عايزاك تفضل جنبي كده و معايا علطول
يبتسم و يقول : بحبك
.
الفقرة التالته من مصر و الى مصر و نورت مصر
اختي داخله علينا(انا و ماما و بابا و اختى التانيه) وب تقولنا يوسف شاهين ماااااااات قبل ما امثل معاه يا مااااماااااااا
اصل روان كان نفسها تمثل بس ومش مع يوسف شاهين يعني بس البنت بتئلش من الصدمه
بس اصلا سؤال كدا مين يوسف شاهين ده(انا بكلم جد مش هزار)طب هاتولي فيلم واحد عدل عملوا ولو جبتولي اي فيلم مش هيبقى عدل برضه ده افلامه طلااااسم ياااه ايه ده
مقولتوليش مين يوسف شاهين ده برضه وعمل ايه برضه؟؟ :)
كدا مصر هضلم يعني ب الضجه اللي عملنها ده
من مصر و اللى مصر و نورت مصر
.
الفقرة الرابعه بتاعه الاغنية المشوهه بس انا مش عارفه ابوظ اغنيه:)
.
الفقرة الخامسه و الاخيرة
:)
النكت
مرة واحد مات بداوا يعدوا من اتنين
مرة حرامي راح سرق تلفزيون من عند واحده ست فشافتوا قالتلوا استنى خد الريموت ده مش بيشتغل غيربيه:)
انا مش لقيه نكت تانيه حد يقول نكت بقى:)

19 comments:

Amr Ehab said...

حمدلله ع السلااااامة، فينيك يا باشموهاندزة مختفية عن الساحة؟؟

بصراحة بقى النشرة دي متكروتة قوي وأنا مستني واحدة تانية بضيوف وكدة بقى.. بس أحلى حاجة تهنئتك الجميلة بعيد ميلاد مدونتي :)


أقولك بقى آخر نكتتين سمعتهم وموتوني م الضحك

بيقولك واحد ميكانيكي عمل فيلم سماه شاكمان آند روبين

طب الحلاق عرف بكدة، قال إشمعنى هوة؟ عمل الحلاق فيلم هو كمان وسماه سوالف النينجا


هاهاهاهاهاهاهاها

زى الهوا said...

الحمد لله على سلامتك , ازيك يانوران وفينك؟؟؟؟؟؟؟؟؟؟؟؟؟؟؟؟؟؟؟

وانا معاكى على فكرة فى حكاية يوسف شاهين دى , بس يلا بقى نذكر محاسن موتانا , ولو مالهمش يبقى خلينا ساكتين :)

وبالنسبة للنكت , ابقى اعمليلنا بقى بوست كامل مليان نكت

wa3d-el3yoon said...

اولا انا بهنى كل الناس اللى انت هنتيهم على نجاحمواتمام عده سنين مع مدونتهم وطبعا لرضوى على عيد ميلادها
وعود حميده للنشرات

ثانيا وثالثا والى اخرا :
يوٍٍسف شاهين
انااقولك مين يوسف شاهين
يوسف شاهين :الناصر صلاح الدين
الارض
حدوته مصريه
المصير
الاخر
المهاجر
عوده الابن الضال
باب الحديد
صراع فى الوادى
هى فوضه

وغيرهم كتير بس دول يعنى اللى انا بحبهم بزياده شويه وخصوصا الناصر صلاح الدين الفيلم ده على فكره مافيش اخوه ولا حتى فى السنما العالميه فيلم عبقرى بكل ماتمله الكلمه
الراجل ده 58 سنه بيخرج افلام
وفعلا مخرج عالمى مش مجرد كلام
الوحيد اللى وصل أفلام مصريه للمهرجانات الدوليه
دى أم كلثوم طلبته وهو لسه يعنى فى العشرينات من عمره عشان يعملها اغنيه
انا بس عايز الناس تبص للفيلم بشكل عادى جدا وتتفلاج على الفيلم بشكل مبسط يعنى
يعنى فيلم حدوته مصريه كل الناس بيقولولى فيلم غير مش حتفهم منه حاجه
لما اتفرجت عليه لاقيته فيلم جميل جدا جدا عادى هو غريب شويه بس يتفهم فى حين لما تتفرجى على فيلم اجنبى يعنى زى مثلا (sin city) فيلم غريب جدا مستحيل يتفهم فعلا والناس طالعه بيه السما فى مصر وبره مصر أنا ما عجبنيش نص الاعجاب اللى بهرنى بيه فيلم حدوته مصريه عادى

فى الاخر هى أزواق ولولا اختلاف الازواق لبارت السلع فده زوقك وعل فكره هو زوق ناس اصحابى كتير انا دايما على خلاف كبير معاهم فى موضوع يوسف شاهين وخالد يوسف بس عادى يعنى ده رأى
أوكى يا نور طولت عليك كومينت طويل شويه
يلا سلااااااااااااااام

بس برده يوسف شاهين احسن مخرج فى تاريخ مصر

wa3d-el3yoon said...

اه نسيت اقولك يوسف شاهين احسن مخرج فى مصر

NoOR said...

thanx ya noran we 3o2balk keda we enty maska karneh elneqaba ISA

مش عارف انا كنتبت بحروف انجليزي ليه بس معلش مكسل امسح و اكتب تاني

بس بجد وحشاني نشراتك

و يوسف شاهين ده يا ستي مخرج تقريبا كده :-)D

مداح القمر said...

مبروك لكل البشريه اللى عندك واييييييييييييييييييييييه
حلوه القصه..هى مش قصه هى حوار انتى اختلقتيه جميل اوى اوى والله وان شاء الله يتم قريب كدا ونفرح بيكى
والنكت بايخه بقى بصراحه وانا مش عارف نكت حلوه لان فيه ازمة نكت
وعلى رأى سيد شكمان..يوسف شاهين دا على راسى يا باشا

kholoud said...

come baaaaaaaaaaaaaaaaaaaaaaaaack nour

NoOR said...

علي فكره يا نوران انا كنت مختلف في الرأي عن يوسف شاهين بس فعلا الراجل ده عمل حاجات جامده كفايه صلاح الدين و اليوم السادس

rasha said...

ياااااااااااه بجد يا نوران النشره وحشتني اوي وانتي كمان وحشاني

wa3d-el3yoon said...

كل سنه وأنت طيبه يا نور
رمضان كريم

مافيش مواضيع جديده ليه
ولا زعلتى من موضوع يوسف شاهين
خلاص يا ستى يوسف شاهين وحش

ادم المصري said...

جميلة النشرة علي فكرة
كل سنه وانت طيبة
بحلول شهر سبتمبر
وشهر رمضان
والمدارس
وانا ونت
وسمعنا ترت ترت تات تيت

.
.
علي فكرة محمود عزت ليه مناسبة تانية حلوة كان المفروض تباركيله عليها
.
دا فاز بالمركز الاول في مسابقة الساقية لدواوين شعر العامية
وكسب خمس تلاف جنيه ...)):


.
.
تحياتي ليكي يا عسل وشكرا ع التهنئة

voice of love said...

هوه انا أغيب أغيب وأرجع ألاقيكى رغاية زى ما انتى

وحشتينى يا باشمهندسة يا صغنونة

وحشتينى بجد

wa3d-el3yoon said...

i can`t believe what happened to epitaph blog
i really sad
very very sad

mohamed alhaddad said...
This comment has been removed by the author.
mohamed alhaddad said...

شهرين يا نور من غير بوست جديد ليه كده ؟؟؟ هندسه مش للدرجه دى صحيح انا عارف اللى الكليه بتعمله فينا بس برده المدونه لها حق علينا
مستنى البوست الجديد
أنا وعد العيون وتم تحويل اسمى بالقهر تقريبا الى محمد الحداد

الا هو مين محمد الحداد ده هههههههههههههههههههه

mohamed alhaddad said...

اه فكرتينى صحيح
يوسف شاهين ده احسن مخرج فى تاريخ مصر
ههههههههههههههههههه
:P :P :P

mohamed alhaddad said...
This comment has been removed by the author.
م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول