بدأت مذاكره و قاعده بقي بذاكر ساعتين كدا عدوا و ماما جبتلي عصير و قلتلها ربنا يخليكي لينا يا ست الكل و طبعا الامهات بيبقوا طيبين اوي ايام الامتحانات و طيبه ايه و حنيه ايه المهم قعدت اريح كده علي الكرسي وشربت العصير و ببدا مذاكره بقي و ايه ملقيش القلم ايه ده بسم الله الرحمن الرحيم القلم فين هنا لا هنا لا تحت الكشكول تحت الكتاب تحت الورق تحت الكرسي تحت كوبايه العصير في المقلمه لا لا قلبت الدنيا القلم فين لا ده القلم الاسود ابو تكه اللي بيكتب لوحده انا كده هسقط خرجت برا يا مااا ماااااااا يا باااااابااااااااا قلمي اختفي كده مش هعرف اذاكر و هسقط و مش هتخرج كفايه اربع سنين اوي في الكليه مش عايزين نزودهم هو القلم فين لا بصوا كدا مينفعش اه مش يمكن احمد اخويا خدوه كده ليلتوا بيضه اااااااححححححمممممممددددد انت يا عم خت قلمي قالي لا يا بنتي انا مدخلتش اوضتك اصلا طب هيه سلمي اختي اكيد جت و خدتوا و خبتوا كالعاده سلميىىىىىىى انت يا هانم فين القلم الاسود ابو تكه اللي بيكتب لوحده انا كده هسقط انت خبتيه و ودتيه فين هي مختوش والله و كمان بتحلفي كدب طيب انا مش مذاكره بقي و هنزل اروح للكوافير بقي اعمل شعري هوا كدا بقي ده القلم الاسود ابو تكه اللي بيكتب لوحده ضاع:(
نزلت بقي للكوافير دخلت لقيت ساميه الكوافيره بتقولي ايه يا ساره مالك ايه اللي منزلك و عندك امتحانات يا بنتي لا يا سمسمه بس مضايقه شويه و عايزه اعمل اي حاجه اغير الموود بتاعي بصي انتي اغسليلي شعري و اعمليه حاجه علي ذوقك كدا المهم ساميه بتفوك التوكه بقي و قالاتلي ايه ده يا ساره انا طبعا برقت و ذوهلت كده ايه ده يا ساميه!!!!! ده القلم الاسود ابو تكه اللي بيكتب لوحده :) ايه ده انا نسيت خالص اني حاطيته في شعري:) خلاص قفلي على اللوك الجديد و المود انا طالعه اكمل مذاكره:)
تيك تيك تيك تيك(ده انا بخبط علي الباب) افتح يا احمد ايه اللي جابك اسكوتواا مش ساميه لقت القلم الاسود ابو تكه اللي بيكتب لوحده هما كلهم باستغراب ايه ساميه لقيتوا فين (انا بتسحب علي اوضتي) بلقيتوا في شعري
ايه نعم طيييب (كل العيله طلعت تجري ورايا عشان تضربني) لا خلاص و النبي عندي مذاكره و اهم حاجه اني لقيت القلم الاسود ابو تكه اللي بيكتب لوحده:)
انتهي:)
7 comments:
عارفة يا نوران..
وانا بقرالك من اولتعبير (القلم الاسود ابو تكة اللي بيكتب لوحدة) وان متخيلي باسمع حدوتة من ابلة فضيلة الجميلة عن حاجة صغنونه قوي ومع ذلك طريقتها في الحكاية عملت من الحاجة الصغنونه رمز كبيييييير قوي في عيوننا الصغيرة..!!
ربنا معاك في الامتحانات عشان نطمن عليكي قريب :):)
ههههههههههههههه
ابو تكككككككككككككة
فكرتيني بنفسي وانا بدور على القلم السنون واعييييييط واقولهم والله ما انا مذاكرة لو القلم مطلعش...لحد م لقيته ف الاخر ف التلاجة حطيته اما كنت بشرب ونسيته ^_^
بجد لذيذة جدا يا نور تسلم ايدك يا جميل
اسم الموضوع جامد جدا
القلم الاسود ابو تكه اللى بيكتب لوحده
عاجبنى اوى الاسم ده
روحى ذاكرى
وتخلصى مذاكره
تخدى التاج الاجبارى اللى عندى زى الشاطره
:)
حصرياً للبنات و الستات بالذات تابعوا مدونتي الجديدية عن الطبيخ لوصفات الأكل اللذيذة و الاستثنائية
لا حول و لا قوة إلا بالله يا رب
:D :D
صدقيني القلم دا له تأثير كبييييير انك تحلي الامتحان صح
لو ما أخدتيهوش معاكي هتحتاري في الإجابة و هتلخبطي و تبقى حالتك حالة
الحمدلله انك لقيتيه و اوعي يضيع منك تاني لأنه لو ضاع بتبقى كارثة و لا كارثة تسونامي اليابان D: !
Post a Comment