Thursday, September 02, 2010

عارف


عارف جريت النهارده علي التليفون علشان اكلمك دورت علي اسمك بس ملقتوش
عارف فتحت الالبوم بتاعنا ملقتش ليك ولا صوره كانك مكنتش معايا يوم
عارف انت وحشني اوي
فتحت الصندوق الكبير اللي حاطه فيه اللعب اللي انت جايبهالي و الجوابات اللي كتبهالي ملقتش فيه اي حاجه
هو انت روحت فين
هو فيه حد مسحك من حياتي كدا
ولا انا اللي اتمسحت من حياتك؟؟
انا مش عارفه ده حتي رقم تليفونك مش فاكراه!! ازاي كدا
ازاي انسي رقمك ده كان هو رقمي بس اخر رقم اللي متغير
ايه ده نسيتوا!!
عارف افتكرت في لحظه اني مكلمتكش بقالي ٥ سنين
تخييل خمس سنين!!!
ده كان بيعدي عليا ٥ ساعات مكلمكش فيها و ببقي هتجنن!!
عارف انهارده بس حسيت انك وحشني عارف ليه؟
لما فتحت كتاب قديم من ايام الكليه و لقيتك كاتبلي في طرف الصفحه "بحبك عمري ما هسيبك" ضحكت اوي و قلت ياااه ازاي مقطعتش الصفحه ده!!
عارف خطوبتي بكره تخييل هتخطب لواحد تاني مش ليك
علي فكره انا مبقتش احبك انت بقيت مجرد ذكري في حياتي بس
عارف عرفت انهارده من داليا صحبتنا انك جيت من السفر و سالت عليا
عارف مسالتش عليك ابتسمت بس و قلت حمدلالله علي سلمتوه و ادتلاها الدعوه بتاعت خطوبتي
عارف.... ولا بلاش انت مبقتش حد في حياتي عشان تعرف حاجه...

8 comments:

anawafkary said...

nice one :)

طالبة مقهورة ..درجة أولى said...

جميلة اوي اوي :)

تسلم ايديكي

sendbad said...

مش عارف اقول ايه
جرح القلوب صعب اوي
ومهما الواحد قال مش هايعرف يعبر
تحياتي

ادم المصري said...

كعادتك رقيقة

m_elsewedy said...

عارفة؟؟
انا بفتح المدونة وبقلب فى اوراقى القديمة قلت لازم اعدى عليكى ارمى السلام لاقيت البوست ده ومش عارف اقول ايه بس اكيد هو الخسران وصاحب النصيب هو الكسبان ان شاء الله

كل سنة وانتى طيبة
:)

Nouran said...

ana w afkary :
شكرا :)

رضوي :
انت اللي جميله شكرا يا باشمهدسه :)

sendbad:
صعب اوي بس كل حاجه بتتداوي

ادم :
شكرا يا بشمهندس :)

سويدي:
و انت ظيب :)
ديه قصه من تاليفي مش واقعيه كله من خيال المؤلف بس صح هو اللي خسران برده :)

ماء الغمام dz said...
This comment has been removed by the author.
arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول