Monday, April 24, 2006

درس خصوصي

اانا بكتب البوست ده علشان بيقولوا البوست رحته طلعت اصلا ملوش ريحة بس مش مشكلة معرفش وكمان بييقولوا الcall tone
قدمت رحت حطيت خالد عجاج ع قد حالي احسن يستهلوا يسمعوها
اما بخصوص درس خصوصي فهو مش درس الفيزيا ولا العربي ولا الرياضة ولا الانجليزي ولا الاحصاء ولا الاقتصاد ايه ده كل دي دروس يا ده انا ليه الجنة لا ده درس يعيني محسوب ع اللي بيدهولي مين يا ترى المدرس ده؟؟؟؟
رشاااااااااااااااا شوفتوا اشتغلت قبل ما تتخرج بتديلي عمارة قدرات قالولي خدي علشان اسوا الظروف متخشيش تجارة افكار بقة المهم رشا مدرسة كويسة يا عيني بتعذبني لا اقصد انا بعذبها مش بعمل اللي بتقول عليه بتقولي بص يا نوران فيه تلات خطوط خط افقي ورأسي وخط لنقطة الهروب ماشي الكلام اجي ارسم حاجة معملهاش سمك تقولي ايه ده ورقة مش بعرف اعمل سمك خالص انا هطلع فاشلة ولا ايه يا رب مخشش ولا عمارة ولا مدني الحاجات هتقع المهم الحمد لله الدرس الاول عدى وخت واجب طلع غلط الدرس التاني عدى وخت واجب الحمد لله عملتوا صح بس الكوبري اللي عملتوا هيقع علشان سمكه صغير لو اتبنى وموقعش هاسمي كوبري 6 يونيو لو وقع الله يرحم الناس اللي كانوا عليه وعملت حمام سباحة رائع وغرفة نوم رهيبة عينك ما تشوف الا النور جينا الدرس التالت يوم الجمعة اللي فاتت اول امبارح بنينا مستشفى رشا سمتها مستشفى الشفا وانا هعمل واحدة اسميها مستشفى نوران وعملنا حمام سباحة بمدرجات هسميه نادي نوران برضه مفيش مشكلة يا رب اجيب لائق في الامتحان الغريب ده
المهم انا هخلص بقى علشان ورايا نص مصرع كليوباترا بتاع احمد شوقي يا عيني عليا
جدول الامتحانات نزل وحش اوي هأبدأ 10\6 وهخلص28\6 وكله ورا بعضوا يا الله هانت شهر 4 خلص خلاص عقبال شهر 5 و 6 و7 علشان التنسيق يجي والزق طوابع من وانا صغيرة نفسي الزقها ياللا ربنا معايا

7 comments:

voice of love said...

والله انا اول واحدة هادعيلك
بس انتى شدى حيلك ومش تكسفينا

فيها حاجة حلوة said...

بكره ان شاء الله لما تدخلي هندسة وتذاكري لاختك هتعرفي الدور العظيم اللي رشا بتؤديه

عازفة الكمان said...

يا ستي ولا يهمك ..بس ما تنسيش تعملي الواجب بتاع المره ده ..ماشي
ابقي صوري رسمة الكوبري وحطيها علي البوست

هوميروس said...

من طالب بكالريوس
محدش واخد منها حاجة ومفيش حد فاهم حاجة
خدنا ايه لما دخلنا كلية من كليات القمة اهو احنا مستنيين الشهادة عشان نعلقها ونسبج منها قرشين حلوين يبقي الفرق بيني وبيني السباك ايه حتة ورقة مكتوب فيها بكالريوس

هوميروس said...

علي فكرة انا عندي شمعتين ختي بالك

Nouran said...

داليا: مش داليا برضه؟؟
برافوا عليكي ادعيلي علشان السنة دي مش باينلها نور

ابراهيم:
بلاش تهدي النفوس خلينا صحاب احسن
السنة دي مش باين فيها ولا300 ولا حتى 500 ربنا يستر اه ان شاء الله تبقى تشتري مستشفى بالهنا والشفا من رشا علشان انا مش ناوية اخش عمارة ولا حتى مدني ويوم 6 يونيو عيد ميلادي الحمد لله كنت هتولد يوم النكسة بس اتاخرت الحمد لله مرة تانية ربنا يكون في عونك حد يمتحن 5 شهور اه كنت هنسه شكرا ع عرض ابو لسان انا عايزة الزق45 طابع لوحدي علشان وانا صغيرة مفيش حد من الكبار خلاني اعملهم يمكن اتقول عقدة طوابع بعنب

مهندس مصري : انا حاسة بمعاناة رشا علشان شايفاها في عينيها وهي بتشرحلي اما اخواتي فالحمد لله ناوييم يخشوا ادبي

رشا: اانا هعمل الواجب زي ما انت عارفة قبل الدرس بيوم فاشلة يعني انا جبت الحاجة اللي احنا عايزنها ماشي

هوميروس: لاوم الشهادة علشان البرستيج بتاعي علشان احنا بلد شهادات وشكرا ع النصيحة وع الشمعتين

Unknown said...

تقدم شركة تنظيف بالدمام افضل الطرق للنظافة العامة ولدينتا خدمات لكل نوع من انواع النظافة مثل تنظيف فلل وهى شركة تنظيف فلل بالدمام وتنظيف الكنب وهى شركة تنظيف كنب بالدمام وتنظيف شقق وهى شركة تنظيف شقق بالدمام ولدينا لنظافة اخرى
شركة تسليك مجارى بالدمام
وللاتصال وطلب الخدمة 0508400941