Thursday, January 18, 2007

كلااام ف الكوباية


يا احلى اسم ف الوجود يا مصر يا اسم مخلوق للخلود يا مصر نعيش لمصر ونموت لمصر مصر ومصر وتحيا مصر تيرالا تيرالا طاطا بكلمات الاغنية كنت بتمتم يوم الاتنين بليل افتكرت الطابور وموسيقى الاغنية اللي كنا بنطلع بيها الفصول ممكن تكون محاولة للهروب من الواقع الاليم كنت اليوم ده مبتئسة ومهيسة تصوروا كنت بغسل المواعين واعمل عصير كل ده انا اللي كنت بعمله من غير ما ماما تقولي شفتوا الياس هههههها رجعت من الامتحان كان صدمة بالنسبة لي بعد ما ذكرت معرفتش احل مش مشكلتنا رضه بس كنت مهلوسة جداااااااااا للركب يعني فقاعدة اعمل عصير موز -اتفضلوا معانا-واغني الاغنية وابص للكوباية واقول اه ابص للنحية الفاضية منها ذاكرت ومعرفتش احل كويس ابص تاني للناحية المليانة حليت احسن من الميت تيرم ارجع للناحية الفاضية تاني اما دي مذاكراها امال هعمل ايه ف الفيزيكس نرجع للناحية المليانة خلصت امتحان ولسه عايشة ههههه ولسه هرجع للنص الفاضي الخلاط كان هيعيط وبيقولي كفاية بقى وقفيني تعبت صعب عليا ووقفته طلع العصير عايز موز رحت جبت موز تاني وحطيته وابص للكوباية والحوار يشتغل تاني برضه بس المرة دي الخلاط معيطش انا اللي كنت هعيط المهم حطيت العصير ف الكوبايات وكلها بقت مليااانة شفتوا الامل وبعد ما شريبت العصير والله كان حلو اوي اانا خسارة ف التعليم اساسا ههههه
وبعديها بشويةاه اه يا ماما عندي حساسية يا دي النيلة ف الفترة دي كل ما اكل موز وشيكولاتة ماشاء الله الحساسية تشتغل مورهاش غيري المهم نرجع للكوباية اخر حاجة مش مشكلة المهم امتحان النهاردة ولله الحمد جه كويس يعني مش قوي بس ارحم من الجبر والتفاضل بصوا بقى انا عندي امتحان الاتنين كويس والخميس فيزيكس ادعولي بجد اذاكرها واخش اعرف احل ماشي
انتظروا نشرة قوية جدا البوست اللي جااي

15 comments:

مصرى said...

يا نوران إنت في هندسة يعني عادي إن الواحد يذارك و مايحلش مثلا عندنا بيتهيألي إن الدكاترة بتزعل لما حد يحل كويس ماتقلقيش إن شاء الله خير

مـحـمـد مـفـيـد said...

لو جيتي الفرح ومش معاكي كوبايه الموز بتاعتي مش هدخلك
مفهوم
وشوب لعبد الله كمان
علشان اقول له دي بقي عمتك نوران

Anonymous said...

masr = bala neela

الكلام نوعان :كلام فارغ وكلام مليان كلام فارغ said...

رد الطبيعي على اللى انتى كاتباه"ياسيدي اهو كلوا برتقال"
اتمنى انى اشوفك على مدونتى

hend said...

الى انت بتقوليه ده عادى وهتشوفى منه كتير اظاهر انك ليسى فى اول سنة بكرة لما تبقى فى سنة تانية زينا هتعرفى انك لازم تذاكرى ومتحليش غير نص الامتحان بس بالكتير اوى ده مش احباط بس دى الحقيقة ربنا معاكى ان شاء الله ويوفقك

كريم said...

ولا يهمك يا بشمهندسة شمعة خير ن شاء الله
:)
قلق الإمتحانات ده لم تخلصى دراسة هاتبصيله من زاوية تانية خالص وهاتضحكى وتشتاقى للأيام دى
..

بين الأمل و اليأس said...

لا الف سلامة عليكي وربنا يوفقك في اللي جاي وسيبك من اللي فات
وكل عام وانتي بخير
ياه بتمتحني في سنتين ومرتين
كل ده عشان شربتي لوحدك
معلش فتره وهتعدي
ربنا يسترها

go0o0od news said...

على فكره يا بشمهندسه انا برده فى اعداى هندسه والله كل اللى انت بتقولى عليه ده انتى مش لوحدك فيه كلنا كدا واكتر من كدا كمان كفايه ان الواح فى امتحان الميد ترم كان بيحل مسأله واحده او اتنين من ست مسائل وطبعا اليومين دول الحكايه زفت فى الامتحانات بس ما تخافيش كلنا معاكى

Epitaph said...

:)) YOU'll be fine insha ALlah..NO Worries!

Anonymous said...

مش هقدر أقولك غير ان اعدادي هي أرخم مواد هتشوفيها خلال مشوارك في الكلية... بس في الاخر يعني مش سنة مستحيلة..... أول ما هتدخلي قسم انت بتحبيه هتنسي الكلام ده كله

أنا شخصيا في تانية كيميا وكل ما افتكر اعدادي أحس فعلا بالنعمة اللي أنا فيها

NoOR said...

ادي جزاة اللي مايسمعش كلمه ماما تقولها..........ماقولنا كده من زمااااان ثانيا انتي عارفه طبعا من خبرتي الطويله مع كليه الهندسه وعشرت السبع سنين اقدر اقول من موقعي هذا ان كله عند العرب بطيخ ......وسلامي الي الخ احمد وخطيبته شيماء وماما وبابا والاهل والاحباب


بس اي انا لسه جاي من امتحان عجب بس اللذيذ في الموضوع انه كان اخر امتحان

Anonymous said...

لسه مصابة باحباط شديد امتحان الكهربية كان صدمة افتكرت الزل اللي اتزلنه مع نحوحو وكلمة هاا اللي متعلمناش غيرها منه
اتمنا عقبال لمل تكتبي النشرة اكون خفيت
كان نفسي تييجي معايا معرض الكتاب بس مفيش نصيب

Anonymous said...

نسيت اقولك ان الكومنت اللي فات ده بتاعي اكيد عرفاني
اناياست شموووعة مستكة

Sampateek said...

ربنا يوفقك يا جميلة
بالتوفيق ان شاء الله

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول