Saturday, January 27, 2007

النشرة اوعى تقفل الصفحة واقراها كلها

النشرة احجز مقعدك الان

اهلا بكم ف مدونتنا جنية ونص للتهنئة وكلها مجانا –متسالونيش ازاي هو كده- وحصريا ع شمعة 100.9
هذا العدد من نشرتنا الاخبارية عدد خاص جداا ويضم مناسبات عديدة وايضا سيحدث تجديد للنشرة –اللي بقت مملة وقلت لازم اجددها علشان الناس متمشيش وتحول ع اف ام اللي اكيد اكتر ملل من النشرة هههه-
وايضا ف هذا العدد- هحرمكوا من النكت السخيفة بتاعتي وهحط مكانها النكت بتاعتكوا يعني اي حد كتب نكتة ف كومينت هنزلها- وبعد طول انتظار –مني يعني علشان الامتحانات بلاش العكننة دلوقتي هبقى احكيلكوا ع امتحان الفيزيا لاحقا – نشرة شمعة ف ثوبها الجديد –جبتلها يونيفورم جديد-

اولا التهاني :

كل سنة والمسلمين بخير وعام هجري جديد يا ريت يبقى عام سعيد او سيد او حسن بس بلاش يبقى عام مبارك –دعوة واحد مصري-
ع فكرة كنت هحط اغنية ايظن علشان كلبوزة تفرح كده وتزأطط لكن لقيت انه مينفعش اهنئ الامة الاسلامية بعام هجري واحتفل باغنية ايظن نوع من التاقض شوية صح ؟؟


::::::ابيتاف :::::::
كل سنة وانت طيبة يا ابي يا حميلة وعقبال 120 سنة هخلي الورثة يكتبوهالك

كلمة مني ليكي يا ابي:
عارفة لما دودي كانت هتخش السن فرحت قعدت اقول ف نفسي يااه ده ممكن تتعرف ع جوجي ونعرفها شخصيا بجد بتمنى اعرفك شخصيا حاسة وده اكيد انك انسانة جميلة اوي
تعرفي اول مرة احس اني لما اشوف اللون الاسود برتاح وببقى سعيدة جدا لما بخش ع مدونتك
بلوجك بلونه الاسود وموسيقى عمر خيرت اللي غالبا بسمع اول حته علشان بقفل الصوت علشان ماما بتكون بتكلم بابا وانا جيت قطعت الاندماج بتصفحي ع النت –معرفش ايه لزمة القصة دي- بجد ببقى مبسوطة جدا وانا عندك ولما اخش ع سلامترو كافية عندك والحلبسة اللي معرفش ايه هيا بس حد قالي انها حمص الشام ؟؟
وكلام نواعم اللي عندك والمحشي ورق عنب الافتراضي اللي بتعزمينا بيه ده حاجة اخر ابه عظمة ع عظمة يا جوجي باشا
وف الاخر كل سنة وانت طيبة يا جميلة


:::::::::ادم باشا المصري::::::::
كل سنة وانت طيب وعقبال ما تكمل ال204 سنة يا رب والاجيال برضه تعملك تهنئة

كلمة مني ليك:
لما دخلت عندك اول مرة وانت حاطط صورة جدو وتيتة دول قلت يااه ده عجوز اوي وحاطت كمان صورة شريكة حياته ايه الحب ده –ايه رايك ف الغباء ده كنت ف ثانوية عامة س الغباوة ازدادت يا ادم يا اخويا لازم نحطلها حد- عرفت ان افكارك المطرقعة وجرئ ف طرح المواضيع ورسالة الدكتوراه الطقه اللي انت عملتها دي وطبعا كونك هتبقى مهندس مستقبلي يعني زميل ف الكفاح اللي انا لسه ف اول درجاته بحس انك تعبر عن شباب مصر القرفانين اللي بيفهموا بجد وبيحسوا بجد و جواهم حجات كتير عايزين يطلعوها ومعندهمش مكان –يعملوا بلوج ويطلعوا اللي عايزنه اهوه وسيلة برضه- بجد ربنا يوفقك وتبقى حاجة كبيرة كده وتشتري محل عصير ها محل عصير وتدي العمال فيه 100 جنيه مش 10 متقوليش هنبقى ف عصر ايه اكيد عصر الانفتاح الاقتصادي


::::::::البشمهندس عمو احمد شقير باشا:::::::::
كل سنة وحضرتك طيب انا عرفت من عند ابيتاف ان عيد ميلادك ف شهر يناير برضك ولقيت كده السن اتغير ف البروفيل بقى 22 سنة كده يا دوبك اكبر من ابيتاف بسنتين بس كب سنة وحضرتك طيب وعقبال 142 سنة كده لما اكتبلك تهنئة يا رب

كلمة مني لحضرتك:
ع فكرة اتعملتك تهنئتين ف النشرة شوفت يا باشا

انا بليل بحب البس نظارة شمس واقرا ققص صغيرو وبالمرة اتفرج ع صور طريفة كل ده وانا بسمع حكاوي اخر الليل طبعا ع الاذاعة بتاعة شقير باشا –بس يا ريت متنافس اذاعة شمعة يعني خدلك محطة فضايئة يا عم وولا تزعل-
كل ما اخش عند حضرتك بفتكر بابا يمكن علشان مسافرين زي بعض وبتاكلوا اكل غريب هندي وصيني وكده يعني وكمان اسلوب حضرتك جميل جدا وكنت بالنسبة للمدونين قائد ف موضوع باهر السليمي وصور احمد اللي نشروها من غير ما ينسبوها ليه

:::::::سيادة وزيرة الاعلام سوسة المفروسة هانم::::::::::
كل سنة وانت طيبة يا جميلة يا وزيرة

كلمة كده ع الماشي:
ماشاء الله ليك قدرة غريبة ع جذب انتباهي- واكيد انتباه كتير غيري – اني افضل متابعة اللي انت كاتباه كلامك شيق جدا جدا وبالذات الفيلم اللي كنت عاملاه وكل مواضيعك وتايدك لشعبولا لما اتكلم والعرب واقفين بيتفرجوا
ربنا يكرمك ف حياتك ويرزقك باللي تتمنيه يا رب

حلوة اوي كل سنة وانتوا طيبين من غير هدايا بصوا ابيتاف قالت انها عايزة نكته وانا هكتبهالها تحت شوفوا انتوا عايزين ايه

كده ع ما اظن مفيش تهاني تانية للمدونين
اه فرح رضوى وعمرو يوم الاحد ربنا يوفقهم واكيد هكتب حجات بعد الفرح

نيجي لتهنئة اسبيشيل لانسانة عزيزة عليا جدا ميمو او مستكة الاسم اللي تحبه
كل سنة وانت طيبة يا باشمهندسة ماشاء الله عليها كبيرة جدا تمت 17 سنة –معرفش مهندسين اخر زمن-
بعد رضوى اكيد معرفتش اتاقلم مع اي حد تاني وانا من النوع اللي مش بتاقلم مع حد بسرعة من الاخر رخمة وسخيفة ده انا مش هيا لحسن تفهموا غلط
ميميو كانت معانا ف المدرسة واحنا ف اعدادي بس كانت معرفة سطحية موصلتش حتى الزمالة حتى نقلب الصفحة دي لحسن مش كويسة المهم لقيتها معايا ف الكلية وكذا حد معرفة برضه بس هي وتويتي صحبتنا التالتة اللي اتاقلمنا مع بعض
بحس انها بتفهمني وبينا حجات زي بعض مشتركة وكفاية اني انسجمت معاها قبل مع التيرم يخلص ده انجاز يعني بجد بعتز بصداقتها جداجدا ويا رب نفضل مع بعض وننجح ف امتحان الفيزيا والمواد كلها ويا ريت تشيل الفكرة الرائعة اللي مسيطرة عليه بعد الامتحان اكيد انت عارفة ايه هي واستهدي بالله ماشي

تحدددددددددددددددددددددددددددددددددددددددددددددددددددددديث

عيدميلادغادة الكاميليا 27يناير

كل سنة وانت طيبة يا جميلة وعقبال مليوووووووووووون سنة وانت بصحة وسلامة ويخليكي لينا انت وبلوجك الجميل يا جميلة


بصوا بقى التهاني كتير ده لسه فاضل سبعميت عيد ميلاد
اتنين لزمايلنا وواحد اختي وبنت خالتي وخالي وبنت خالي -مصروفي ادمر من الهدايا حاجة صعبة ده زل ولا ايه هههههههههه-


ثانيا القصة الرائعة :

نظرت طويلا من نافذتها تتامل الاطفال يمرحون ويلعبون يركلون الكرة يركضون وراء بعضهم البعض تذكرت ايام طفولتها لقد كانت طفلة رائعة الجمال وبرغم من ملامحها الجميلة الهادئة التي تخضع كل من يراها ويظن انها اهدى طفلة ع وجه الارض يكتشف بعض ذلك انها كتله طاقة متحركة وكما يقولوا الطاقة لا تفنى ولا تستحدث من عدم كانت هي خير مثال لذلك لا تهدا ابدا تذكرت اليوم العالمي لاطفال الشارع والذي يقوموا فيه بسباق كبير للدراجات وكانت هي الطفلة الوحيدة ف هذا السباق لم تجرؤا بنت من قبلها او بعدها ان تدخل هذا السباق المميت ولكن بالرغم من كل ذلك كانت تشعر بسعادة غامرة لاحساسها بانها مختلفة عن الجميع وبالفعل كانت مختلفة عن الجميع...
تنبهت الي لصوت القادم من خلفها يناديها
ساذهب فاليوم هو
نعم السباق العالمي
اندهش الصبي لمعرفة اخته بهذا اليوم فهو اول مره يشارك فيه ولا يظن ان احد من الكبار يعبا بهذا اليوم ولكنه وجد العكس واندهش اكثر عندما راى اخته تستعد للنزول معه الي الشارع
نزل هو وهي الى الشارع وبدأ السباق ومع بدا السباق غمرت سعادة هائلة للاخت
سمعت صوتا يهمس من خلفها احست بان هذا الصوت مالوف لها استدارت لتراه وجد ته كما هو باستثناء الطول الفرق بين شاب وطفل طبعا -نفس الملامح نفس الوسامة نفس نظرة الاصرار التي تلاحظها ف عينه دوما
سمعته يقول لها لم تتغيري اتتمنين ان تشاركي ف السباق مرة اخرى ابتسمت قائلة وافوز عليك ف كل مرة
ابتسم لها قائلا اتعلمين اخي يشارك في هذا السباق قالت واخي ايضا يالها من صدفة
قال لها ترى من سيفوز
لم ينتظرا طويلا لمعرفة الفائز فقد كان السباق يوشك ع الانتهاء بل انتهى بالفعل ولكن حد ث شيئا لم يتوقع
الصغيران لم يظهر الاثنان لم يعودوا مضت دقائق قليلة مرت ع الاثنان كسنين كثر ساد الصمت ولكن .....

ثالثا فقرة :
انا والنجوم من مصر مش من هناك فقرة من مصر والى مصر ونورت مصر يكتبها اليكم –حاجة بديهية-انا طبعا:

ومعانا المطرب الجليل عبده اش اش
عبده ايه رايك ف الاوضاع اليومين دول كان فيه لبش كتير الايام اللي فاتت
عبده: لبش لبش ايه كفالله الشر
انا:عبده انت متعرفش كان فيه مشاكل كتير عندنا التوربيني واكياس الدم وحجات كتير
عبده:اه عرفت ان سعد سبقني وعمل اغنية علشان اطفال الشوارع واكياس الدم
انا باستغراب: ايه ده امتى ؟؟
عبده: انت معرفتيش مش جاب بنت من اطفال الشوارع بتغني علشان يؤكد حقهم ف الحياه
انا بهبل: ايه
عبده: ايوه حمره يا اوطه حمرة يا اوطه
انا : يا سلام هي البنت اللي بتغني دي من اطفال الشوارع
عبده: انت مش شايفة صوتها ولا صورتها
انا في سري –ولا شت حاجة بس فعلا صوتها نشاز امال عبده ده صوته ايه-: ها يا استاذ عبده والاكياس الملوثة
عبده :برضه نوه عنها ف نفس الاغنية حمره يا اوطه والدم لونه احمر شئ بديهي انهم ممكن يبدلوا الدم بعصير الطماطم شفتي ازاي سعد ناصح
انا : طبعا طبعا هو: طبعا يعني فكرك انصح مني طب ان هكسر البلوج ع البلوجر كله
انا: هدي نفسك يا عبده بيه خلاص هعمل معاك كونتراست هو : هتعملي ايه
انا : عقد بس لازم اوسا توافق هو : مين يا شمعة
انا : خلاص بس انت بتعرف تقي شعر هو : اه طبعا طبعا
انا : طب دي اوسا عاملة شعر عن اطفال الشوارع يجنن اسمه كان نفسي ابقى مدون لو وافقت ع بركة الله
طب معلش يا عبده بيه الوقت خلص وفيه فقرات تانية كتير احنا اسفين لازم نخلص
كان معاكم شمعة من فقرة جديدة ف النشرة الفنية بتاعتها والى لقاء قادم ان شاء الله


الجزء الرابع : اغنية وموقف
مش كنت تتكلم –هو انت شايفني اخرس- شايفني بسيب ايديك وبضيع –لا مش شايفك مش لابس النظارة وكمان هتضيع تروح فين انت مش عارف طريق بيتكوا- ناديني وقولي ليه بتبيع –ابيع ايه هو انت بضاعة –لو غلطة هتعلم –شايفني مدرس وانت تلميذ-

كفاية كده لحسن بوظت الاغنية ههههه



خامساالنكت الرائعة هههههههه –هدية ابيتاف:

نكت مزمز:
مرة واحد دخل فكهاني بقى فكهيثم
مرة واحد دخل محل فكهاني خرج من المحل فكهيثم
واحد حب طحنوه
صعيدي خرج يتمشى جابوه من ع الحدود
مرة خروف صيفي بشنب قابل خروف صيفي من غير شنب قالوا تجي نلعب استغماية قاللو ليه إنت شايفني شماعة جاب عصير قصب والعمارة وقعت خد الموتوسيكل وجري أمه ضربت نفسها بالشاكوش فالصعيدي جاب لب وقشر برتقان قام المدرس ضرب الواد اللي مجاوبش مسألة الحساب أم كرنبة في أولها ومحشي بتنجان
مرة واحد عصبي جدا جدا جدا اتجوز واحدة عصبية جدا جدا جدا خلفوا عيل الدكتور جه ينزله منبطن أمه قاللو حاسب كده أنا هنزل أنا
ولو كلهم قدام تبقى غتاتة نيجيرية بحتة
ع فكرة انا حسيت ان مزمز زعل مني علشان قلتله ع نكته قديمة حاطلي كل دول

نكته احمد القصاص:
دكتور عظام كل ما يمشي ف الشارع الكلاب تجري وراه
ابيتاف مكتبتلكيش نكتة عربي كفاية عليكي تقريها مرة واحدة بس صح ههههههه

23 comments:

An Egyptian in UK said...

هههههه...انا عجبنى جزء ثالثا فقره: بس اوعى يكون عبده بتاع المصطبه
حلوه شكرا

مـحـمـد مـفـيـد said...

يخرب عقلك
انتي مشكله وان معرفش
هلي الهموم مش هنغير الاذاعه ومستنين حكايه الفيزيا

ادم المصري said...

نوران الجميلة دائما

والله انا مبسووووط جدا جدا جدا ان الفزيا بتاعتك خلصت علي خير
فكرتيني والله بايام اعدادي

تعرفي انا جيبت في الفزيا بتاعت الترم الاول دي امتياز منقطع النظير

ما يغركيش محل العصير انا طالب متفوق امال ايه
ههههههههه

عجبتني جدا جدا جدا التشريفة اللي انتي كاتبهالي دي .. الله يخليكي دا كتير عليا طبعا
انا بصراحه عاجز عن الشكر
ايه رايك بقي في كلمتين المجالمة دول تمام صح ؟


نيجي بقي للمفجئة اللي انا اتفاجئت بيها .. هي ميمو .. معاكي في اعدادي برده .. دي بجد خبر بمليون جنيه


خامسا ياختي ولا عرفش كام اصلي نسيت العدد
انتي مش ملاحظة ان جدوا وتيته ما بقوش يظهروا بقالهم فترة ؟

ايه ما سالتيش عليهم ياعني ؟

احب اقولك انهم خلاص عند رب كريم بقي ههههههه

اخيرا بقي وليس اخرا
تحياتي تحياتي تحياتي

Anonymous said...

شكرا يا شموووعة على التهنئة اللسبيشيل وبجد انا كمان بحس ان احنا قريبين اوي من بعض
النشره المرادي جامدة اوي
بس القصة كانت ملخفنة شوية والنكت كانت سخيفة كالعادة اما الفقرة الفنية قوية جدا
و اخر حاجة عايزة اقولهالك يارب ننجح الترم ده وبعدين ربنا يسهل وبزات في التفاضل طبعا فاهمه اقصد ايه
معلش طولت عليكي واتمنالك اجازة سعيدة
mstka

مبرمج حر said...

كل سنة و أنت طيبة و بخير يا نوران
:)

pegasuselmasry said...

كل سنة وانتى طيبة وسعيدة وبخير بس احنا عايزين الشموع بس علشان ننور بيها الطريق الجميل
اللى رسمتيه بكلامك

تحياتى

Dody said...

ههههههههههههههههه
يخرب عقلك يا نورا ده انتى مصيبه
مين عبده ده يا نورا؟هههههههه
وكده بوظتى اغنيه حماقى حرام عليكى

بس نشره جامده يا نورا

مصطفيتش ابن حفصوتشا said...

هههههههه
انا قاعد بسمع سميح شقير
وعايش فى دور المناضل المتحمس
ايه اللى خلانى ادخل
هنا
بوست جميل يا باشا

Gid-Do - جدو said...

نوران

ازيك ـ شكلك خلصتى الترم ـ عبقال الترم التانى والانتقال الى السنة الدراسية اللى بعدها فى الكلية ـ ويجى الصيف وتملى المدونات عفرتة زى الصيف اللى فات ـ تحياتى

Nouran said...

an egyptian in uk:
ده لسه فقرة نازلة جديدة المرة دي بس شكلها عجبت ناس كتير بس مقلقش مش عبده بتاع المصطبة ده عبده بتاع البوابة شكرا وعفوا

محمد مفيد:
بلاش عقلي ينخرب انا عايزاه ف المذاكرة هههههه الله يسامحك انا مشكلة :))
ايوه كده متغيروش الاذاعة وهكي حكاية الفيزيا ان شاء الله قريب

ادم باشا المصري:
هي الفيزيا خلصت اه بس ع خير دي بى مظنش ادعيلي انجح واجيب زيك امتياز بس منقطع النظير زيك كده بس انجح ههههههه
انت طبعا طالب متفوق اقدر اقول غير كده :) والمحل ده
ساعة اوقات الفراغ بس ولا ايه
حلوين الكلمتين المجاملة بتوعك زي الكلمتين بتوعي ههههه
يا اتفاجئت مفاجاة غريبة
صحيح مبقوش يطلعوا وانا اقول مشكلة كمبيوتر وطلعوا راحوا عن رب كريم ا حول ولا قوة الا بالله
واخيرا برضه وليس اخرا
شكرا شكرا شكرا :)

ميمو:
عفوا يا بنتي ده اقل واجب
شفتي مش انا قلتلك جامدة عيب عليكي يعني بس برافوا انك عرفتي ان القصة ملغفنة هبقى احكيلك موضوعها بس النكت دي شئ طبيعي
يا رب يسهلنا ف كل حاجة

مبرمج حر:
وانت طيب

بيجاسوس المصري:
كل سنة وانت طيب
وانا مستعدة اوفرلك الشموع دي وانت امشي ف الطريق

دودي:
ايه عجبتكك اوي ههههههه
الله يسامحك انا مصيبة ماشي
عبده ده واحد كده ابن حلال ههههه شفتي مش قلتلك هتلاقي حجات كتيرة ده انا ناوية ابوظ الشريط كله

مصطفيتش ابن حفصوتشا:
ايه يا عم الاسم ده كله :))
مين سميح شقير ده اكيد حد مناضل زيك :)
شكرا ليك يا باااشا

جدو يا جدو:
ياااه ده حضرتك بقالك كتير مجتش عندي نورت البلوج
الحمدلله خلصت الترم عقبال اللي بعده يا رب ويجي الصيف يا رب
وشكرا سؤالك بس مقلتيليش رايك ف النشرة يا جدو؟؟

wa3d el3yoon said...

الصراحه أنا لسه ما كملتش النشره بس جيت أسلم بس الشويه اللى قرأتهم حلويين
ربنا يوفقك
أنا داخل أنام بكره نكمل باقى النشره بتاعت سيادتكم
يارب تكونى حليتى كويس فى الامتحانات
سلااااام

مصرى said...

حلو أوي البوست يا نوران

:D

سمسم said...

أهلاً آنسة شمعة..!!
بالصدفة إتكعبلت في مدونتك من عند جدو...طبعاً عرفاه..لأنه عمال يشكر فيك..
علي العموم الأخبار عنك طازة قوي وبالبهرات...يعني مشطشطة!!
ميت فل ويارب كده دايماً..

سمسم said...

عفواً مدموزيل شمعة نسيت أسجل ضحكتي ولامؤخذة!!
ههههههههه...!!
لسة باقي حتة ضحكة زوغننة!!
هه هه هه !!
بجد مدونة شقية ...وربنا يوفقك...سلام.

Dr. Tantawy said...

انتي بشمهندسه .. عايزك تبدئ تستخدمي بقه تكنولوجيا في النشره دي ببرامج كمبيوتر .. هتبقى مفتكسه و جامده اوي .. :)) و مبروك لكل الناس اللي كتبتي عنهم .. يستاهلو .. اجدع ناس هههههه

غادة الكاميليا said...

وانتى طيبه يا قمر ميرسي يا حتة السكر اللي في البلوجات

Nouran said...

البشمهندس محمد باشا:
حمدلله ع السلامة عاش منك شافك
كويس ان اللشوية دول كانوا حلوين بس انا عذراك اصل النشرة اكس اكس لارج هههههه
اما الامتحانات فالحمدلله انها عدت ع خير ماعادا الفيزيا طبعا ادعيلي

مصري:
شكرا يا باااشااا

اسامة عبد الرحيم:
المهم لقيتي زي ما جدو بيشكر فيا ولا ايه ؟؟
بس من تعليقك باين ان النشرة عجبتك ههههه
ربنا يوفقنا كلنا

دكتور طنطاوي:
ايه الهنا ده بقالك زمن يا دكتور مش بتيجي
ممكن والله اعمل افتكاسات ديه بس ف االاجازة وعليك خير وهبقى اقول انك صاحب الاقتراح :)

غادة الكاميليا:
شكرا ليكي واحنا معملناش غير الواجب البلوجي اللي علينا هههههههه

محمد فوزي آل ربيع said...

إية يا بنتي دة

إنتي طلعتي مش طبيعية أبدا

تهييس فوق العادة

أنا كدة ممكن أخش الثانوية بروح التفاؤل و الأمل

حقيقي بلوج مش ممكن يتفوت

على فكرة أنا كنت داخل أرد زيارة لكن حسيت فجأة إني كنت مفتقد بلوج زي دة من زمان

يسلمك ربنا و تابعي

Epitaph said...

:))))))

نوران
حبيبتي

انا لسة راجعة من السفر
و لسة شايفة النشرة

بس لازم اقولك قد ايه انا بجد مبسوطة
و مش لاقية كلام اقولهولك

دي احلي هدية بجد جاتلي

I am speechless

ميرسي ليكي يا قمر
انتي انسانة جميلة اوي
انتي و دودي الصراحة

و اكيد ان شاء الله لازم نعرف بعض

شكرا اوي يا نوران

*kiss* :))

Nouran said...

محمد فوزي ال ربيع:
مش طبيعية طب الله يسامحك :)
بس من نحيه التهيس هتلاقي البلوج مليان تهيسات عالية جدا ثانوية عامة وبعديها هندسة انت عارف بقى
وربنا يكرمك وتخش طب يا عم بروح التفاؤل واالامل انا عارفة صحابي ف طب مبسوطين :)
ربنا معاك

ابيتاف:جوجي هانم:
حمدالله ع السلامة يا جي من السفر -بهديلك اغنية راغب علامة - والله بجد انا كتبت اللي انا حاساه من غير مجاملة خالص ويا رب بجد نتعرف وربنا يوفقك وليكي عليا لما تخدي المرتبة السنة دي لاعملك نشرة ولا ف الاحلام بس انت شدي حيلك بس :)

مداح القمر said...

للمره التانيه او التالته اسمى بيطلع عندك ف النشره
طيب ايه رأيك يبقالى فقره ف النشره دى؟ بصفتى واحد مشهور وخلاص بقيت متصدر عناوين النشره
ههههههه
نشره حلوه زى ما اتعودنا
والقصه اتحسنت كتير والنكت طبعا
يلا ادينا نشره كمان

Nouran said...

الدكتور احمد باشا:
شفت ازاي محدش هيقدر يكلمك تاني مرتين نزلت ف النشرة ده انا هعمل فيها تعديلات ولو عايز فقرة باسمك هندرس الموضوع ده مع الادارة :) وهي الادارة تطول تعملك فقرة يعني
بس ع فكرة القصة ديه متلغفنة والنكت متقولش عليها حاجة علشان منها نكتتك

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول