Monday, March 12, 2007

اصحابي وصحباتي

بصوا اصلا انا معتكفة وقررت اذاكر بس بصوا متقولوش ايه اللي جابك كنا مستريحين انا سمعاك ياللي بتبص وراك بس انا هقولك
انا كنت برسم الهوم ورك وفيه حاجة مش عارفاها حلو الكلام قلت اروح اكلم حد ف التليفون اساله المفاجاة التليفون بااااااااايظ ياااه دي النيلة طيب اخش ع الماسينجير يمكن الاقي حد الحمدلله لقيت وسالت وعرفت نيجي للنقطة الهامة طبعا لازم اخش ع البلوج هو انا اقدر افتح النت من غير ما اخش عليه ببص ع التعليقات لقيت حد معلقلي ع النشرة عادي يعني االفضول يخليني اخش اشوف الاقيه مين تسوش tschussواليو عليها اوم لاوت هههههه معلقليلي اخيرا خرج من الشرنقة وكتب اول بوست
كده صباح الفل ع ارخم شلة فيكي يا هندسة هتيجي ترخم ع بلوجر وطاقة الرخامةو اللي فيها هنحولها لكهربا ع غرار شركة المرعبين المحدودة هتبقى شلة الرخمين المفقودة ع اساس ان احنا هنتخطف يعني المهم بقى شجعوا جيل الرخمين ده بصوا ارخم اتنين ف الشلة انا وtschuss
وبعد كده يجي مين باين كده ممكن حسين وشريف الاخير لسه معملش واحد
بعد كده تويتي اللي عملت بلوجين ونسيت الباسورد بتاعهم وعملت واحد تالت خالص
وبعد كده مستكة اللي بتعاني مني ف الرخامة بصراحة البنت ليها الجنة :)
بصوا كده وكده اصحابي وصحباتي وصلوا وهيحتلوا بلوجر وهيفشوا فيه السلام ااقصد الرخامة بس بجد عيال جدعة -معرفش ازاي عيال وجادعة - وفيه بوست هيتكتب بعد ما اخرج من اعتكاف المذاكرة ده عن دريم بارك اللي رحناها يوم الجمعة اللي فاتت وعن صحابي والجبلاية وعن نيدو اه نيدو مش ميدو ها :)
.
ملحوظة صغيورة
ان شاء الله هرد ع التعليقات بتاعة الموضوع اللي فات بس ادعولي اذاكر وربنا يهديني

9 comments:

مداح القمر said...

اهلا ياستى بيهم فى عالم الرخامه قصدى بلوجر...وربنا يديم المحبه كدا بينكم...بس لو ح تعملوا حزب رخامه ساعتها انا مستعد انزل بحزب غتاته انا كمان مع وعد العيون والساحر...واجارك الله من هذا الحزيب لو خرج للنور...ماعلينا...ح ادخل عليهم واكيد ح يبقوا لذاذ ..انا حاسس بكدا....ايه دا؟؟انا اول كومينت ولا ايه؟ ياهوووووووووو..اول مره تقريبا...قفشتك يا انسه نوران...قفشتك وبقيت اول كومينت..ياهووووووووو

MestKA said...

يا رب تذكري يانوران وكفايه دلع
ايه رأيك دعوه وليه ساعت مغربيه
ان كده مش هنتحرم من الرخامه في البيت كمان عشان خلاص كبير جمعيه الرخامه المتحده عمل بلوج
يعن بقت الرخامه اجباري

انا اصلا مكنش ليا نفس اكتب كومنت بس قلت يلا اعمل الكومنت وارميه البحر

بين الأمل و اليأس said...

يارب تتوفقي وتذاكري وتدخل المعلومتين اللي محيرينك دول وترجعي بقه
وعقبال لما دماغك يتشال منها المخ وتفضل محشيه معلومات
عشان تبقي ماشيه وعامله دماغ معلوماتيه حلوة كدا
واهلا بشلة الهندسه مالها هندسه حلوة مش وحشه ده حتى ناسها كلهم مهندشين كبار ودماغهم حلوة
وربنا يسترها

Sampateek said...

احلى حاجة الصحاب
ربنا يخليكوا اصحاب لبعض طول العمر


شدي حيلك و بلاش تلاكيك
قال ماسنجر قال
امتحانات الابتدائية على الابواب يا بنتي
:)
تحياتي

Dody said...

اهلا اهلا باحلى شله فى هندسه
منورييييييييييين البلوجات

NoOR said...

انا عندي سؤال مذاكره ايه اللي انت جاي تقول عليه ......انا قررت ان المذاكره ممنوعه مش لسه شهر عالميد تيرم

يبقي قضيها لغايه مايجي الميد تيرم ساعتها ربنا يستر

مـحـمـد مـفـيـد said...

ادام الله عليكي نعمه الصحبه الصالحه
ولسه في انتظار الرد علي البوست السابق(المرض ) لانه من وجهه نظري من اروع وابدع واجمل ما كتبتي من وجهه نظري

Nouran said...

مداح القمر:
اهلا بيهم طبعا ههههه لا بس بص احنا حزب الرخامة بتاعنا متاسس ع قواعد واسس جامده جدا ولو نزلنا قدامكوا اكيد طبعا معرفش مين اللي هيكسب هههه
شكلك كده دخلت عليهم واتصدمت
ايه ده انت اول كومينت بس ع فكرة انت كنت زمااان كده من 150سنة اول كومينت يا دكتور مبرووك عليك المصاصة اللي بتنزل لاول كومينت :)

مستكة
اه كله لله ع اساس ان انا بشحت يعني :)

بين الامل والياس:
حااااضر هذاكر وكمان ايه شله هندسة ديه عاملة احلى دمااغ وهتفشيها ف بلوجر

سمباتيك:
عاش من شافك انت فين يا جميل :)
احلى حاجة الصحاب وبالذالت لما يبقوا رخمين ياااه جامدين فعلا
ليه كده بس انا ف اعدادية يا سمباتيك مش ابتدائية حرام عليكي اهئ اهئ

دودي:
منوررين بنورك طبعا يا باشا

نووور:
اهلا بيك يا بشمهندس انت فين
بص يا عم علشانم ميتكررش اللي حصل ف الميد تيرم الاولاني لازم اذاكر قبل الميد تيرم التاني ده ويبقى عندي دم المذاكرة ممنوعة ده كان بابايا يقتلني :)

محمد مفيد:
خلاص يا باشا انا رديت عليه وشكرا ع رايك فيه :)

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول