Saturday, March 17, 2007

عايزة اعيط

عاااااايزة اعيط من غير سبب انا عارفة ان الضحك من غير سبب تهييس وبتاعات كده بس العياط من غير سبب ليه هو انا معيطتش ومعنديش النية بس عندي الاحساس يعني حد فاهم حاجة يعني انا مش عايزة اعيط ولا عندي النية ف كده بس عندي الاحساس اني هعيط الكلام ده ملوش دعوة بالنتيجة انا عارفة ايه اللي فيها طبعا انا كنت عاكة الدنيا واللي ربنا هيجيبه انا مش هعترض عليه علشان ربنا بيجازي كل واحد ع قد عمله وع قد نيته
وكمان انا مكنتش هكتب عن الكلام ده كنت هكتب عن الرحلة بس مش عايزة مليش مزاج يعني دخلت قلت ابص بصة ع البلوجات وبعد كده اقعدت اذاكر الدوارية -ف الهندسة التحليلية- ومن الاخر البوست ملوش لزمة وانا هنزله عند فيا وغيظ ف نفسي لاني متغاظة وخلاص هفرقع من غير سبب برضه ايه اللي جرالي انا اتجنتت ولا ايه برضه الجنون شئ طبيعي جدا عليا المهم انا هعمل حاجة ايه هي مش عارفة طالبة معايا هبل وخلاص وكفاية كده وهنشر البوست كده علشان يبقى ذكرى رخمة ليا هو كده برضك وكفاية كده اقفل واخش اكمل الدوارية

16 comments:

هوميروس said...

اذيك يانوران
بقي اغيب وارجع الاقيكي عايزة تعيطي بس عموما عيطي ومحدش هيقدر يقولك حاجه بعدها

مبرمج حر said...

مش عارف أقولك أيه يا نوران , بس أنا مش شايف أنه بوست أهبل خالص

الواحد مش مطلوب منه أنه يكتب كلام يعجب الناس
أجمل حاجة الواحد لما يكون مضايق جدااا ويكتب
أنه قرفان و مخنوق فى بوست , لأنه بيرتاح بجد

wa3d-el3yoon said...

لأ عيطى مين قالك أنه جنون أنا شايف أنه عقل يعنى الواحد لما يبقى عايز يعمل حاجه لازم يبقى ليها سبب بس لو حاجه مش حضر أى حد خالص يبقى أعمليها طالما حتريحك فسيا أصلا المفروض يطلع من المود اللى هعو فيه يعنى يضحك لوحده او يعط لوحده طالما هو مش حيضر حد .
بس فى الاخر أحب أقولك الجنون جزء من العقل

Epitaph said...

ابكي لو في عيني دموع
اضحكيلي لما اكون فرحان
احضيني لو الغرام ممنوع
حسي بيا و بي عينيا شوق و حنان

عمك محمد منير

:))

Tschuss said...

f 7kait alhbl walgnon ana msd2 wm3aki f kda.3iti 3adi bs aw3i tbli alblog bta3i w2olelna al2ol 3shan nghz al 3wamat wkda y3ni

hummar said...

hi SAHM3AH you can cry if you like its your right but you must think why you like yo cry what is wrong is it the tough life or your frind circle may be you are in wrong circle try to rethink what is the reason i think you are not dummy but you are fool to cry with no reason
HUMMAR

nour said...

ده اول تعليق اعمله ليكى و كان نفسى يكون فى ظروف احسن بس هعمل ايه
سيبها على الله وباذنه هتفرج

محمد فوزي آل ربيع said...

عادي يا بنتي

عيطي

و ماله

ع بالي انتوا ستات و مبتوقفوش الحكاية دي

إنما احنا الرجالة مساكين مبنقدرش نفرغ الكبت دة غير في الكورة

عيطي يا بنتي و فكي عن نفسك

Dody said...

ايه يا بنتى مالك ما انتى يوم الخميس كنتى كويسه ايه اللى حصلك ويوم الجمعه كلمتك وكنتى تمام مالك؟

Sampateek said...

دوارية؟
حلوة قوي الدوارية دي

ده رسم هندسي لميدان جديد؟


روقي كده و صلي على النبي

تحياتي

tweety said...

جت لك يا عبد المعين نفسى الاقى حد متفائل ومش رخم هوه مافيش فى الدنيا غير المتشائمين يا اما تشوس

MestKA said...

طبعا انا مش هقولك حاجه على موضوع البوست لاني كتبتلك كومنت ضخم جدا في الورقه اللي معاكي ايوه هي ديه بتاعت محاضرة الكهربيه عموما العياط مفيد جدا للعنين ويعتبر ظاهره صحيه لان في الوقت ده بتكوني ابتديتي تفوقي للوراكي
ماشي يا جميل

زحل الفلكي said...

اولا عايز اقولك ان دي حالة بتوع الهندسة كلهم
عندك انا اهو برضه نفس الحالة

ونفس الحالة عند اختي
وعند معظم الطلبة معايا في كلية الهندسة اللي المفروض يسموها كليه الاقطاعيين

محنا بقينا ملك للدكاتره صيف وشتاء وصبح وليل

بس تعرفي بالرغم من كل ده
فيه بارقة امل

بصي كده على الهندسة التحليليه
وهاتي مسأله فاهماها وحليها

بجد حتحسي بالفرق

وربنا يستر على نتيجتك يااااارب

DR.SHERBO said...

السلام عليكم
اناكمان اول مرة اكتب لك
و كان نفسي تكون في ظروف احسن من كدة

بس عموما عيطيييييي

بس اذا خفتي على منظرك أمام نفسك
ممكن تتلككي
يعني دوري على أي سبب و عيطي عليه

و الأسباب كتيييييير في البلد دي

Nouran said...

هوميروس:
عااااش من شافك والله المود كان ف النازل خاالص بس الحمدلله وشكرا يا هوميروس باشا

مبرمج حر:
اه بحسب انه اهبل لا يا عم بس ده بوست اصلا يلخبط ده انا اتلخبط جدااا منه والله بس انت عندك حق ف الكلام الجامد اللي انت كاتبته ده انه مش لازم الولحد يكتب كل حاجة تعجب الناس بس بجد انا ارتحت لما كتبته :)

محمد باشا:
نظرية برضة بس انا كان نفسي اعرف ايه سبب العياط ده بس يالا اهوه يوم وعدي ع خير الحمدلله


ابيتاااف:
يا جميل يا راايق امسحي دموعك يا اماال خلاص انا مسحتها اصلا متخديش ف بالك :)


تشووووووووووس:
ااااااااه الرحمة كده فضحتني علني ف الجنون والهبل يالا هسامحك المرة ديه قال يعني :)
متقلقش هقولك الاول علشان تجهز المراكب مش العوامات وكمان انا هبل البلوج بتاعي انا بس :P

الشاكوش:
لا انا مش معاك الصحاب اصلا ملهمش دعوة بالموضوع ده هو ممكن الحياة الصعبة اللي عملت كده بس مش صحاابي

يا نور يا نور
منوور يا باشا ف اول تعليق وعقبال ما تكتبل اول بوست يا هندزة :)
وخلاص انا سبتها ع الله ويارب تفرج

محمد فوزي:
وماله يا ابني :)
ايه انتوا الستات ديه
مساكين يا عيني مساكين ف الكورة

دودي :
اهئ اهئ يا بنتي عين وصابتني ورب العرش نجااني ههههه يالا الحمدلله

كلبوزتي السمباتيك:
دوارية ايه رايك فيها :)
لا ديه تحليلية مش رسم هندسي خالص
عليه الصلاو والسلام يا نبي ربنا يكرمنا يا رب

تويتي:
اااه صح عندك حق -انا برخم ع فكرة-المتشائمين ف كفة وتشوس ف كفة :)

مستكة:
برااافو عليكي بس كان تفسير منطقي والله يا مستكة يا رب افوق يا رب :)

زحل الفلكي:
شرفتنا يا فندم واول تعليق كده يبقى عندي عيااط وحجات من كده :)
كلنا يعني الحمدلله هي هندسة السبب بس صح فيه بارقة امل وانا هعمل زي ما قلتلي وهشوف يا رب يستر ع النتيجة يا رب

د.شيربو:
شرفتني يا فندم بس مش مشكلة الجايات اكتر من الرايحات بس انا الحمد لله معيطش
صح برضه فكرة ابقى اعملها المرة الجاية

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول