Wednesday, April 25, 2007

برست بلاس ولا هيداندشولدرز

تحددديث:
اللي يخش يجاوب ع الاسئلة مفيش غير عربي بس اللي جاوب ابعتوا الاجابات ع 6065 والاسامي هتنزل ف النشرة بعد عمر طويل وهقول الاجابات الصحيحة ف التعليقات مش هقولها علني لحسن نتقفش ولا حاااجة هههههه عادي بهيس يعني
.
.
برت بلاس ولا هيد اند شولدرز
لا لا ده مش اجابة سؤال ملكة جمال مصر انا سمعت اوشاعة مغرضة بتقول انهم بيسالوهم بتغسلوا شعركم بايه وده اللي ناقص واحنا مالنا ان شالله بيغسلوه بجاز واحنا مالنا وديه اسئلة ثقافية تتسال اصلا وفيه حد بيتفرج ع مسابقات من هذا النوع ؟؟
المقصود بعنوان التدوينة ان البوست 2 ف 1 وانا مش عارفة انهي شامبو هو اللي 2 ف 1 ابعت الاجابة ع 6065 وهتكسب علبة شامبو هدية
:)
طبعا امباارح كان فيه ماااتش جامد جدا باستثناء ان ف اربع اجوان دخلوا كده معرفش ازاي هههههه اكيد حطوهم ف الجون بس كان ماتش حلو اوي كنت حاسة ان انا الاهلي وبرشلونة الكلية من كتر الاجوان اللي جت فيا وف الاهلي اخر جون دخل ف الاهلي كان بتاع ايتو ف اخر دقيقة وانا اخر جون دخل فيا بتاع الكيميا 13 من 20 شفتوا الهنا والسرور مش عارفة طب انا اتدربت والاهلي ادرب يبقى العيب فين العيب ف النظام وسعد زغلول قال مفيش فايدة والجيش بيقولك اتصرف وبمناسبة الجيش شفتوا يا جماعة الريس جه يتفرج ع الماتش والاهلي احرجه ودخل فيه 4 اجوان عارفين امبارح ف الماتش كان مدحت شلبي بيعلق المهم بيقول ان ف ارض الملعب دلوقتي ناس بالملاين والمليارات بفلوس اكتر من ميزانية النادي الاهلي للنشاطات انتوا جايبين الناس تقروا عليهم ولا ايه لا ولما رونالدينهو نزل الراجل ده جاامد والله لعيب فعلا المهم ضحك لعصام عبدالفتاح ومدحت شلبي قعد يقول هيروح البيت يقولهم ده رونالدينهو ضحكلي لا ويقولك مش مهم النتيجة فكرني بنفسي وانا بقول المهم انجح مش لازم تقدير وقد يقول المهم ان احنا جبناهم فكرني بنفسي وانا بقول المهم اني دخلت الكلية وخلااص
.لا بس رونالدينهو جاي ليه ده حتى مرحش مع البعثة يشوف الاهرامات ده كان واقف ف الماتش مش بيجري كانه بيوجهم ويلمس الكورة بس ده اللي كان بيعمله حاجة غريبة
.
طب عارفين الريس كان جاي ليه ؟ اللي يعرف اجابة السؤال يبعتلي ع 6065 والجايزة تذكرتين ماتش الاهلي وبرشلونة الجاي هههههه
يبقى لحد كده عندنا سؤالين وهديتين صح كده
المهم كل سنة وانت طيب يا اهلي وعقبال 100 سنة كمان وتجيب برشلونة وتكسبهم انت بقى هما كل شوية يكسبوك مرة 6 واحد من كام سنة والمرة ديه 4 صفر شكلك هيبقى وحش اوي
.
المهم نيجي للموضوع التاني :)
اكتشفت اننا واخدين اجازة النهاردة وف ناس مش هيروحوا الشيخ زايد واحنا هنروح والرسمة طلعت صعبة ايه الكلام الل بقوله ده المهم ان النهاردة تحرير سينا تعرفوا اني مكنتش اعرف غير ف 3 اعدادي اننا بناخد اجازة اليوم ده انا كنت بحسب 6 اكتوبر هو اللي عملوا فيها الحجات كلها بس لقيت ف يوم تاني بتاع تحرير سينا طبعا انا مش عندي اي خلفية تاريخية عن اي حاجة ما شاء الله عليا المهم يعني انا بحب يم الاجازة ده جدا طبعا انا ورايا بلاوي متلتلة واستاتيكا مركونة من الترم الاولاني عايزين ننعش الذاكرة ومتفرجتش ع الطريق الى ايلات نفسي اشوف الفيلم ده كامل ولا مرة عملتها وشفته دايما بنام ف نصه وانا بتفرج عليه المهم ايه اللي جابني بقى هنا معرفش حد جابني ومشي وسابني المهم اني هنا اه ف تحرير سينا بفتكر قصة عنق الزجاجة بتاعة ادهم صبري كان عدد خاص مش مشكلتنا المهم سينا رجعتلنا وهتروح مننا بمناسبة تحرير سينا وانا قاعدة بذاكر استاتيكا جتلي افكاري تعطلني كالعادة هي الافكار السودا ديه جتلي قبل كده بس المرة ديه جامدة بمناسبة ان الريس راح ماتش الاهلي وبرشلونة وقعد حفيده ع حجره وبمناسبه انه قائد الضربة الجوية
عندنا دلوقتي اسئلة كتير وابعتوا اجابتها ع 6065 ومش عارفة ايه اللي ممكن يحصل هبعتلكوا صورة للريس سنة 2017 ماشي :)
ههههههه
طبعا قبل الاسئلة ف حاجة عايزة اقولهاا ف كذا حاجة حصلت وانا ضاربة طناش ومش عايزة اكتب عنا تعديلانت دستورية القبض ع عبد المنعم انا اخواني ومش عارف ايه تاني حصل
المهم ان انا عندي اثئلة ثغننة جدا جدا
الثؤال الاول:
ماهي انجازات اللئيث باثتثناء الضلبة الجوية ف حلب اكتوبل ؟
الثؤال الثاني:
ما هو قيمة ملتب اللئيث باثتثناء المكافات واموال الشعب؟
الثؤال الثالث؟
هل اللئيث وظيفة حكومية زي كل الوظايف يعني طلع ع المعاش وياخد علاوات وحجات كده ولا ملوش سن علشان يطلعع ع المعاش؟
الثؤال اللابع:
بعد 150ثنة الا لبع هيبقى حفيد اللئيث اللي شفناه امبالح ع حجله ف اللئاسة ولا ايه؟
الثوال الخامث؟
انا بكتب ليه السين (ث) وليه الراء(لام)وليه عماد متعب امبارح ضيع اجوان كتيييير؟
واخيلا ااقصد اخيرا ابعتوا اجابة ال12 سؤال اللي ف البوست -انا معرفش هما كام سؤال-ع 6065 وهتنزل اسماء الفائزين ف النشرة ان شاء الله بعد عمر طويل واحتمال اخد وقت مستقطع علشان الفاينل ع الابواب وعايزة افتحله الباب واقف جون حلو كده للكلية واروح اجيب فيهم جوون لحسن المرمى بتاعي هيقع خلاص بس ممكن تلاقوني داخلة تاني عادي خااالث ااقصد خااالص :)
سلام

22 comments:

wa3d-el3yoon said...

احم احم أهلا وسهلا ايه بوست التهيس ده ...ده سبعاشر طمناشر سؤال فى بعض
تقريبا الأجابه الوحيده اللى عارفها أن كل الشمبوهات اتنين فى واحد والصراحه غاششها

wa3d-el3yoon said...

نرجع تانى عشان اكون أول كومينت بس عشان أعرف واحد حيكتب كومينت دلوقتى
ليه بقى سيره الماتش دى دى سيره وحشه أوى وفعلا مدحت شلبى كان دمه واقف وبايخ أوى يعنى والريس الصراحه كان .....منور الاستاد كالعاده.......
أممممممممممممممممممممم
الصراحه الاسأله اللى فى الاخر مش فاهمها بس نصيحه بلاش صوره الريس 2017 بلاش
وسورى على التاخير

Dody said...

هههههههههههههه يخربيت عقلك جاااااااامد موووووووووووووت البوست ده

وانتى مالك ومال متعوبتى يضيع اجوان ولا ميضيعش هو حر ملكيش دعوه بيه انا انذرتك اهو المره الجايه هيبقى فيه ضرب بالطيران انتى حره

3rby said...

انتي شكلك بتعملي كرسي حشيش قبل ماتكتبي والله اعلم



اولا تقريبا هد اند شولدرز علشان الرقبة قصيرة فالاكتاف لابسة في الراس وبكده يبقي 2 في واحد(ده لو اعتبرنا الاكتاف جزء واحد)
مش انتي بس اللي بتقلشي يا نوران

شفتي المعفنين بتوع ملكات جمال مصر
مش فاهم ليهمناخيرهم اكبر من وشهم كلهم شبه بونوكيو

ولا ينفعو ملكات جمال الكيلو اربعة ونص اصلا

وتقريبا واخدينهم كلهم من جامعة واحدة

والله انا كنت حاسس ان لعيبة الاهلي ضاربين برشام قبل الماتش
كانوا خايفين اوي
الا الواد اللي عنده 16 سنة ده
احنا مسخرة والله

شفتي رونالدينهو ماعرفش يرأس وائل جمعة
هي ديه الحاجة الوحيدة اللي في الماتش

بالنسبة لسؤالك عن لزمة الريس في الماتش فهو ده موضوع بوستي

بالنسبة لانجازاته هاتلاقيها محفورة في موضوع في الصفحة اسمه كفاية

المرتب لزمة المواصلات طبعا

الرئيس يطلع معاش امتي؟
ربك لما يريد
:)
لا بعد 150 سنة هانشوف ابن اللي كان قاعد علي حجره

السؤال الخامث او القالش:
تهييس

صاحب البوابــة said...

حياتنا كلها تتسم بالجنون

فلما لا ينتقل الفيروس الى مدوناتنا

تحياتي

------------------
صاحب مدونة البوابة

نورهان مفيد said...

يا صباح التهيييس بالجامد مووووت
ايه يا نونة انتي الاربع اجوان هيسوكي ولا ايه
بس بوست جامد وعندك حق في كل اللي قولتيه
والنبي لو لاقيتي حد يجاوبك الاسئلة بالاجابات اللي انتي عايزاه تسمعيها مش اللي المفروض يتقال وخلاص قوليلي عشان اعرف

ومنساش طبعا الف مبروك للاهلي و100سنة جديدة سعيدة ان شاء الله

smraa alnil said...

هههههههههههه
صباح الدماغ والتهييس
احبك يا وران كدة وانتي مقضياها وضاربها تهييس

بس سؤال
هو اللي مش هيعرف الاجابات هيروح علي فين

Tschuss said...

anti m2rtish 3n alwad ali atsgn kam sana kda 3shan aklm 3n alr2es w nkdh??3la fkra ana awl mra ad5l 3la alblog d w m3rfsh al2ansa d wana b7b alrais awiiiiiiiiiiiiiiiiiiii.

Tschuss said...

anti m2rtish 3n alwad ali atsgn kam sana kda 3shan aklm 3n alr2es w nkdh??3la fkra ana awl mra ad5l 3la alblog d w m3rfsh al2ansa d wana b7b alrais awiiiiiiiiiiiiiiiiiiii.

Tamer Nabil said...

احنا فى ا متحان ولا اية هههههههههههه

عارفة رغم كل شىء الاهلى اهلى

لو كان لعب زى اول المبارة بدون خوف كانت النتيجة حاجة تانية

وكمان كل الفرق بتغلب

وبرشلونة جى يلعبنا وكان مغلوب اخر ماتش 2 صفر

تحياتى

Tamer Nabil said...

احنا فى ا متحان ولا اية هههههههههههه

عارفة رغم كل شىء الاهلى اهلى

لو كان لعب زى اول المبارة بدون خوف كانت النتيجة حاجة تانية

وكمان كل الفرق بتغلب

وبرشلونة جى يلعبنا وكان مغلوب اخر ماتش 2 صفر

تحياتى

tweety said...

والله ولحتى فى كلابوس يا نورانا

الحب انسان حساس said...

البوست كبير اوي

REEMOO said...

طيب واللى عارف كل الاجابات ممكن يحصل على كل الجوايز
معلش اصل التحديد مطلوب
احنا فى منافسه برده
شكلى اتعديت
حاسه انى بهيس انا كمان:))))

Nouran said...

محمد باشا:
ده بوست تهيس درجة اولى ههههه
يا هندسة هما 7 اسئلة بس انت مجاوبتش غير واحد بس اسهل واحد
رجعت تاني طبعا الريس كان منور حد يقدر يقول غير كده ليه ديه هتبقى صورة حصريا وبس ههههه

دودي:
ايه رايك علشان تعرفي هههههه
لا متعوبتك حرق دم المصريين كلهم بقى هههه هتضربي بالطيران ههه

عربي باشا:
اولا ربنا معاك يا بني يا رب
ثانيا: ليه كل الناس حاسه اني بعمل قرص حشيش قبل ما كتب باين عليا اوي كده ههههههه والله اعلم
ثالثا : اجاباتك تقريبا صح كده بس صحيح بيقولوا ع ملكات الجمال دول مايتشافوش والله اعلم
لا بس كان ماتش جامد وزي ما قلت هي ديه اللي ف الماتش بس الواد اللي عنده 16 سنة ده امور ليع بتقول عليه مسخرة ههههه
لا بس اجابتك صحيحة يا اخ عربي ولو اني عندي اجابة تانية عن لزمة الريس ف الماتش بس مش هقولها دلوقتي:)

صاحب البوابة:
هي باين كده البلوج اتعدى عدوى شنيعة مريعة فعلا

نورهان مفيد:
ايه رايك ف التهيس الرهيب ده متلاقيش حاجة زي كده هههه
هقول الاجابات وعربي قال اجابات مظبوطة اوي :)
دوكل 100سنة والاهلي طيب

سمرا النيل:
ههههه جااامد بس اللي مش هيعرف الاسئلة يقعد ف بيتهم مش هيروح ف حته :) ههههه

تشوس:
مين حضرتك ههههههه؟
يعني انا ممكن اتسجن متقلقش هجيب تنطيم شلة الانس معايا ف الرجلين مش انتوا صحابي :)
بتحب الريس اوي وكمان منزل تعليقين علشان تاكد ولا ايه هههه

تامر نبيل:
لا مش ف امتحان يا باشا احنا ف فوازير رمضان هههههه
الاهلي الاهلي هوه هوه

تويتي:
ليه كده دخ انا بحبك

الحب انسان حساس:
يعني كبير ف الكلام ولا المقاس؟؟

ريمموو:
اه ياخد كل الجزايز واولهم صور الريس ههههه
انت اتعديتي استني اجبلك دوا مناعة ضد التهييس هههه
احنا ف منافسة وابعتوا الاجابات ع 6065 بسررعة

مداح القمر said...

انا عندى سؤال اهم من اى اسئله وجايزتى ح تكون اجابتك لانها ح تريحنى؟
س:هل كنتى فى كامل قواكى العقليه اثناء كتابة هذا البوست؟
هههههههههههههههه
انا مكنتش مصدق نفسى وانا بقرأ..فكرتينى ببوحه لما بيقول انت بتقول ايييييييييييييييييييه..هييييييييييييييييييه

البوست كالعاده دمه خفيف..وشردتى الاهلى بما فيه الكفايه..ههههههه
اجابة الاسئله الاخيره دى مش عندنا والله لانها فى علم الغيب طبعا...والله احنا كلنا غلابه وعلى رأيك لما بتقول احنا جايبين برشلونه نقر عليهم؟؟ما تسيبى الراجل فى حاله..ح نقر ليه عليه

مهندس مصري said...

ازيك عامله ايه ابه اخبار النتيجة وشكرا علي السؤال والله وحشتني الكتابة بس مفحوت في الماجيستير وعندي مؤتمر في شهر 6 ومسافر تونس خلال اسبوعين وبالنسبة للشغل ده لوحده يجيب الهم بس انشاء الله هاكتب
سلامي للجميع

ادم المصري said...

ههههههههههههههههههههههههههههههههههههههههههههههههههههههههههههههههههههه
الله يخرب بيت عقلك
.
.
.
والله مجنونة وهتجنني امه لا اله الا الله كلها معاكي
.
.
بقولك ايه بقي
الاسئلة دي صعبة قوي
مافيش اختيارات ؟
هههههههههههههه

zordeak said...

هههههههههههه

مساؤه فل

تشربى ايييييييييييه ؟

انا عندى كابوتشينو مع سحلب اتنين فى واحد انما ايه

اوعى وشك


يا مسااء التهييس


أنا اجاباتى كلها هجمعها فى الحكمة القديمة اللى بتقول


هيا حكمة فرعونية


بتقول ايه بقى


إشترى برسيلك

واغسلى غسيلك


:D

ومن هذا الموقع احب اقولك ان الحكومة بتبرمج الوطن علشان الحياة تبقى ديجيتال

والطاسة تسخن


وحبة فووووووووق


وحبة تحت


ايييييييييه

بتقووول ايييييييه

:)

elkamhawi said...

انا علاء

Nouran said...

مداح القمر:
هههههههه صدقني انا شاكة ف الموضوع ده
ليه يا عم صدق نفسك هتكدبها ليه ههههه
اييييييه بتقوووول اييييييييه
شكرا شكرا بس انا مقدرش اشرد الاهلي هو اصلا متشرد خلقة ربنا بس اهلي اهلي هوه هووووووه
لا يا عم يعيش الريس يعيش ويديله ع قد نيته :)

مهندس مصري
عااااامل ايه يا عم فينك وربنا معاك يا رب وبلاش سيرة النتيجة خلي الطابق مستور ع العموم الحمدلله وربنا معاك ويوفقك وسلامك وصل للجميع ووصل سلامي للجميع عندك :)

ادم بااشا:
ههههههه عجبتك :)
ليه يا عم اجنن الامة معايا هما اصلا كده انت هتخليني اشيل ذنبهم ليه :)
لا مفيش اختيااارات ههههههه

زوردييك:
ههههههههه مساااااااء الخير 100مسا ع الناس الكويسة :)
ايه اتنين ف واحد ده هههههه ده مش الشامبو هاوعى وشي
طب مينفعش اشتري اريال احسن من برسيل :)
الحياةتبقى ديجيتال واعيشها بالريموت كنترول صح
وحبه فووووووووووق وحبه تحححححححححت
ههههههه هو احنا هنا فين :)
اه صحيح انا كنت بقول ايه
يعيش يعيش يعيش

القمحاوي:
والله مكنتش ااقصد انا جيت عندك وقدمت التماس لاقوالي يا فندم ومتزعلش مني ماشي:)

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول