Saturday, June 23, 2007

هكتب اللي انا عايزاه

شخببببببببببط شخااااااااااااااابيط


انا خت الاجااااااااااازة يا هوووووووووووووووووووه بس مملة وكنت هكتب كام بوست رخم ورزل وممل بس لا اينعم انا متغاظة بس برضه غيظ ع غيظي مش هنزل بوست رخم هو ممكن يطلع رخم بس مش بمزاجي فاهمين قصدي يعني


طيب يعني اكتب ايه كنت عايزة اكتب حجات كتيرة مليون فكرة كانت بيتيجي وانا بذاكر واكتبها ف طرف الصفحة وبعد كده بقيت اكتب الافكار ف ورق صغنن بس المشكلة اني معنديش فقر ف الافكار ولا عندي عجز ف التعبير عن الافكار بس عندي حاجة من جوه مضايقاني ايه بقى معرفشي بحاول اخرج نفسي من مود جوه نفسي يعني انا دلوقتي اتنين واحدة جوه مضايقة من غير ما تعرف السبب خالص والتانية بره هبلة ايوه ببس انا بس اللي اقول ع نفسي كده هبلة بقى فالبنت اللي بره ديه تنحه برضه محدش يقول عليا كده ومش فارق معاها حاجة عايزة تنبسط وتخلي اللي حواليها مبسوطين

المهم بقى انها بتحس ان صحابها مش بيفهموها وكل سنة تقول هعمل واسوي ومش بتعمل ومحدش عارف حاجة ولا اي كوسة ولا حتى طبيخ طب هو فيه ايه اصلا مفيش حاجة المهم ان البنت اللي برا ديه اتجننت مبقتش عارفة هي عايزة ايه يا نهاااااري -انا حاسه اني بحكي حدوته لبوبا وسوكة- المهم ان البنتين اللي بره واللي جوه دخلو ف بعض وعملوا واحده كده اسمها شمعة ولا نوران الاتنين بقوا واحد المهم ان البنت ديه دماغها ضربت وقالت تعمل بلوج وخير اللهم اجعله خير الاتنين اتخانقوا مين يا ولاد شمعة ونوران مش عارفين نسمي البلوج ايه شمعة ولا نوران فسموه شمعة والنيم نوران المهم بقى قعدوا مع الاتنين قعده صفا كده ع النيل -عمرى ما مشيت عالنيل اصلا- وقالوا يشوفوا هما عاملين البلوج ده ليه اصلا لقوا انهم عاملينه علشان حاجات كتيير عاملينه علشان لما تبقى نوران مهيسه تكتب فيه ولما تبقى شمعة مضايقة تفضفض فيه ولما تبقى نوران عايزة تكتب بروقان تكتب فيه ولما تبقى شمعة عايزة تشتكي من نوران تكتب فيه ولما تبقى نوران مضايقة من الكلية تكتب فيه ولما يبقى حد من الاتنين نوران وشمعة عايزين يكتبوا يكتبوا بس فيه مشكلة حصلت هي مش مشكلة بس ان فيه ناس كتير من صحابهم عرفوا البلوج طب كده بقى ممكن واحده فيهم تكون مضايقة من حد ومترضاش تكتب ف البلوج وتكتم ف نفسها او ممكن اي حاجة يعني حد فاهم حاجة المهم ان شمعة -هي الاقوى- خدت قرراااااااااااار اي حاجة انا عايزة اكتبها اكتبها واي حاجة عايزة اقولها اقولها وادام فيه حاجة خايفة ان حد يشوفها تبقى غلط وانا مفكرشي ف حاجة غلط وانا سئلت اتنين عارفة دماغهم كويس وقالولي اكتبي اللي تكتبيه فمن موقعي هنا ادام الكرسي وع الكمبيوتر يوووه ااقصد العكس يعني اني هكتب اللي انا عايزاه

المهم بلاش كلام فاضي انا عملت ايه ف الامتحانات خير ان شاء الله بس يا رب انجح ادعولي

...............................................................................................
المهم بقى وانا بذاكر قبل الفيزيا الساعة التاسعة صباحا كده سمعت صوت نط ع المكيف يانهاري لحسن يكون عفريت ولا حاجة لا مفيش عفاريت الصبح طب حرامي ازاي يعني حرامي ينط ع المكيف ايه الهبل ده قلت تخاريف فيزيا لا مش تخاريف الصوت كل شوية طب استجمعت شجاعتي ببص لقتها حمامة صورتها بالموبيل بس الصور مش واضحة هنزلها اهو دلوقتي
واقفة شامخة ولا هاممها اللي المسكينة اللي بتذاكر واتفزعت اللي هي انا يعني
من ورا السلك طبعا خفت افتح الشباك انا خوافة جدا

شوفتوها وهي بتبصلي بكل جرأة كان نفسي افتح الشباك واصورها بذمة عنيها نبيتي وريشها بنفسجي حمامة امورة بجد
............................................
....................................................

المهم رحت بقى محاضرة الفيزيا ف نفس ذات اليوم ولقيت ما لقيت زحمممة اوووووي قلت لازم اصورها شوفوا الصور



..............................................

وديه بقى صورة المكتب ليلة اخر يوم ف الامتحانات الديناميكا صورة حصرية جداااا

الحمدلله انا خدت الاجازة واللي كان كان وليه شخبط شخابيط علشان انا دلوقتي بوبا وسوكا صحابي وكل شوية شخبط شخابيط وجبت لوحة والوان وقعدت ارسم يالا شخبط شخااابيط بجد نفسي اشخبط ع الحيط

:)

ع فكرة لازم تكون فيه نشرة فيه ناس كتيره مرت سنة ع بلوجها وعيد ميلادات كتيرة جداواكيد النتيجة هتطلع بتاعه ناس وكده يعني ادعولي اعمل نشرة جامدة جدا جدا المرة اللي جاية

والف سلامة عليك يا جدو وحمدلله ع سلامة طنط مكسوفة :)

19 comments:

tweety said...

ايه بقى اللى نفسك تكتبيه ومش هيمك حد وبعدين ايه الكابه دى هيه واحده صحبتنا عدتك ولا ايه وبعدين انا قولت لك احنا الجوزاء يعنى هيفضل فى اتنين بيتخانقوا كده على طول زى بوسى ونورهان

Nouran said...

هكتب اللي انا عايزاه بس شفتيني وانا كئيبة اهئ اهئ مش متعودة ع نفسي كده وكمان هتشوفوه كتابة بس اصبروا عليا واللي ع راسه ايوه زي ما انت عارفة :)

hummar said...

شمعه لا نوران لا شمعه لا نوران
مش عارف انا اتلخبطت انتي مين يابت هههههههههههه
المهم ايه حكايتك انا اشك في قدراتك بس ازاي انتي دخلتي كليه الشخبطه دي تصدقي ده احسن تسميه ليها كليه الشخابيط ههههههههههه كويس بقولك انتي لو عايزه تكتبي حاجه ومايقراهاش حد عايزه تكتبي وتفرغي كل الغضب والزعل اللي جوه نوران عندي اقتراح اعملي بلوج تاني مايعرفوش حد وسميه شخابيط فكره
المهم تقدري تشخبطي في البلوج ده زي ماسعادتك عايزهوحتى لما تطلع النتيجه ممكن تكتبي رائيك في الدكاتره واهو ماحدش عارف مين شخبوطه اللي بتشخبط شخابيط صح انا النهارده قمه التهييسسسسسس

See You said...

السلام عليكم

ازيك يا نوران

مدونتك حلوة اوي

انا احمد زميلك في الكلية

ابقي زوري مدونتي

cu.ueuo.com

ابراهيم عز الدين said...

الله يكون في عونك
ان اصلي جربت الفيزياء في الثانوية العامة
وعارف يعني ايه فيزياء

يساري مصري said...

انت في اعدادي هندسة القاهره
و بتشتري ملازم من الكشك اللي عند الجنينه

بلاش تاكلي سندوتشات من حورس بقى عشان مش حلو ميدو احسن ههههه


انا المُنَجِم بتاع المدونين
نياهاهاهاهاهاها نياهاهاهاهاهاها

و بما انك اخدتي الاجازه يبقى نزلى الاتاري من على الدولاب و طلعي العجله


هههههههه

تحياتي

مدونة كسبان said...

مبروك

ديناميكا واستاتيكا
وجبر وهندسه فراغيه
وحساب مثلثات

دولت اللى انا فاكرهم

اما انا كنت متعقد من الرياضه دى تعقيد
والفيزياء كمان كنت بكرها مووت

ده الإقتصاد كمان والأحصاء كانوا رخمين
اوى

والعربى والفرنساوى والإنجليزى يخخخ


ادينى خلصنا ثانوى وخلصنا كليه
ومنتظرين الفرج

.:.-=- ELGaZaLy-=-.:. said...

هندسة لية كدة يا بنتى بس

لية تعلى فى نفسك كدة

اعداداى صح

بصى لا تفقدى املك فى الله وهاتكلى

مبروك الاجازة...

AbdElRaHmaN Ayyash said...

جميل ان الواحد ياخد الاجازه
خصوصا لو كان في اعدادي
اعتقد يعني انك في اعدادي
انا بتدرب في شركة شبكات :@
فظيعه :@
بس عادي
بتحصل في احسن العائلات
المهم اشغلي نفسك في الاجازه وخلاص
سلام

wa3d-el3yoon said...

بالزمه حد يسيب مذاكره فزيا ويصور بطريك على التكيف دى مش حمامه ملا طائر عادى بطريك ده ولا ايه؟.
المهم تكونى حليتى كويس فى امتحان الفزيا ده .
والميكانيكا حد يسيبها ويقعد يصور الورق عموما حتبقى ذكرى حلو لأيام العزاب بتاعت الامتحانات
ربنا يوفقك فى النتيجه
وأدعيلى لحسن الأمتحانات كان لونها أسود دوكو
سلام

MestKA said...

ماشي ماشي يا نوران كده متقوليش ان انا اللي صورت الصور بتاعت المحاضره دا انا مكنتش عارفه ان انا بعرف اصور حلو كده
وبعدين ياستي اكتبي اللي انتي عايزه وفكك من الاكتئاب ده واعرفي ان في اقدار اقوى مننا وحاولي تستمتعي بالاجازه الجامده دي واوعك اني هكتب حاجه جديده انا بس كنت مستنيه حد يكتب الاول من شله الانس عشان اتشجع وانز اللي مسيفاه

NoOR said...

نوران بين قوصين شمعه ممكن أسأل سؤال

.
.
.
.
.

هي فين الترجمه؟؟؟؟؟
:)c

كمانجه said...

أهم حاجه الأجازه
على فكره الصوره اللى على مكتبك رجعتنى لأيام المذاكره والسواد الأسود
يلا ربنا يكون فى عونك المهم كدا تنجحى وتجيبى مجموع كبير حكم أن كل حاجه فى البلد دى بالمجموع
حتى ال......بالمجموع برده

وبعدين ايه الشخبطه دى كلها كدا هتبقى ذى حماده
إحنا عايزينك زى حلا
مفهوم
وشكرا لحسن استماعكم
كمانجه

زى الهوا said...

مش عارفة ليه حاسة بزحمة فى مدونتك , بس انتى عثولة ومدونة جامدة

مادو said...

خايفة من الحمامة
ههههههههههههههههههه
شخبطي براحتك

صاحب البوابــة said...

الف مبروك على الاجازة

وسننتظر أن نقرأ شخابيطك

تحياتي

rasha said...

كويس انا بقول برده العيله كلها لاسعه وماله يا حبيبتي اكتبي اللي انتي عايزاه ولا يهمك.....بس

rana 3amra said...

هههههههههههه

الصور عبقرية
فكرتنى باغنية يا حمام زغلول

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول