Monday, June 25, 2007

خاااص

دول اصدقاااءسعداااااااء جدااااااااا جدااااااااا باستثناء انهم كارتون
........................................
ده بوست استثنائي جدا طبعا المفروض نشرة والمفروض ارد ع الكومنتس الكتيرة ديه بس اعذروني يا جماعة

اول حاجة زماااااااان من 150 سنة فاتت كده يعني كنت كاتبه موضوع عن الصداقة وكده يعني علشان كان حصل معايا موقفين وحشين اوي اوي فكنت مش معقدة بس حريصة اوي يعني بس نقف دقيقة كده مع بعضينا ايه الصداقة ديه

اصلا ؟؟


تامر كان علقلي وقال


الصداقة والصديق المخلص كنز يجب الحفاظ علية

وغير مشروط ان يكون الاصدقاء الاوفياء ليا فى مرحلة سنية معينة

فالصديق هو الشقيق الذى لم تلدة امى

يفرح لفرحى

ويحزن لحزنى

يحبنى ويتقرب ليا كما اتقرب لةدون نظر الى مصالح او اهداف

الصديق من يقدم لى المساعدة دون ان اطلبها منة

لو تكلمنا عن الصداقة نحتاج الى المئات من المجلدات

ام من يبحثون عن المصالح لاندم على فراقهم

.


عجبني الرد ساعتها اوي وطبعا لسه عاجبني لحد دلوقتي بس انا ااقصد امتى الواحد يزعل من صاحبه -بصوا انا اقصد الصديق بس هكتبها صاحب ماشي- امتى بالظبط انا ازعل من صحبتي يعني عمال ع بطال ازعل من اي كلمة تقولها ولا انا المفروض ان ديه صحبتي وبتحبني واكتر واحدة خايفة عليا ولو لقتني بغرق وانا مش حسا لازم تنقذني حتى لوغصب عني صح ولا انا غلطانة

الصديق من وجهة نظري لازم يبقى مرايه لصديقة يشوف نفسه جواها يعني انا لو مش شايفة حاجة ف نفسي صحبتي

تورهالي سواء صح او غلط يعني لو انا شايفة نفسي وحشة وانا اصلا حلوة جدا من جوه لازم صحبتي تورني كده ولو انا بضايق صحابي من حاجة لازم اغيرها او ع الاقل احاول اغيرها


نخش بقى ف الموضوع

دلووقتي اتنين صحابي زعلانين مش هتفرق مني او من غيري المهم انهم زعلانين وانا بحبهم بس هما مش قادرين

يفهموا كده سواء عليا او ع بقية صحابنا

.

بصي ايوه انت ها انت عارفة نفسك انا لما بحب حد اووي مش بستحمل اشوفه يعمل حاجة غلط او ع الاقل غلط من

وجهة نظري اقنعيني انها مش غلط وانا هسيبك ف حالك ومينفعش الصحاب يسيبوا بعض كده ويضايقوا من بعض اينعم الضغوط حواليكي كتيرة بس فكري ولو لمرة واحدة بتفكير انت عايزة تفكري بيه واعملي اللي انت شايفاه بجد صح

ليكي ومناسب وطظ ف الناس كلها وحاجة تانية حبي تفكيرك ايوه حبيه وبرضه حاجة اخيرة صحابك بيحبوكي ومش

عايزين يخنوقوكي واظن انت كبيرة وتقدري تقرري انت عايزة تعملي ايه وتبقى مسئولة ادام ربنا قبل نفسك وقبل كل الناس عن القرار اللي انت هتخديه

.


التانية انت عارفة نفسك برضه :

هقولك تلات اربع خمس ست سطور كده :)لازم ارخم مش هقدر


بجد بجد حاولي تفهمي اللي قدامك ومتقوليش انا فاهمة وانا عارفة والخ الخ الخ افهمي اللي قدامك عايز ايه ومش

هقولك اعملي اللي عايزه اعملي اللي انت عايزاه بس بطريقته فاهمة

يا بنتي متنكديش ع نفسك كل شوية الحل بسيط وف ايديك افهمي اللي قداااماك حتى لو مش فاهماه كبري دماغك ومتقوليش انا كده علشان مفيش حد كده لو فيه حاجة مضايقة صحابي كلهم هحاول ابطلها يعني انا مثلا كل شوية اتكلم 100 كلمة ف الدقيقة زي ما البشمهندس بيقول بقيت احاول متكلمش اينعم محاولات فاشلة بس برضه

هاتي نفسك كده واقعدي معاها قعدة صفا ونقاء كده وكلميها ايوه كلميها وخليها ترد عليكي بس اعملي كده بعيد عن

اخوك ليحسبك مجنونة ولا حاجة وانا عارفة وكلنا عارفين ان نفسك كويسة وهتسمع الكلام وف قرارة قرارة نفسك انت مضايقة من ايه انا بقى معرفشي وبجد بجد يعني خلي بالك من نفسك

ويا بنتي كبري دماغك علشان تقدري تعيش ومتزعليش لما بنقولك يا ... ها ااحنا هنشوف بعض ليه ف التدريب مش هينفع كده :)

.


اخر حاجة بقى ليكوا مش ليهم

.

اكتشفت اكتشافات كتيرة اول حاجة

.

ان لو مفيش عند الواحد صاحب بجد ممكن يضيع

.

ان الانسان بيدور ع اي حاجة ينكد بيها ع نفسه

.

ان الواحد ممكن يتبسط وهو قاعد مع صحابه وخلاص حتى لو بيتخانقوا ويا سلام لو يرخم عليهم قمة السعادة فعلا

ع فكرة انا حاطه الاغنية ديه علشانكم انتوا الاتنين بتحبوها ها :)

15 comments:

Dody said...

ياسلاام اول كومينت

طبعا يا نور ده اهميه الاصحاب
لو مش الاصحاب اللى هيفوقوا بعض مين اللى هيعمل كده؟؟؟

بوست جامد يا نور

محمد فوزي آل ربيع said...

أيون ، أنا تاني كومينت بعد فترة من التدهور و الإنحدار إلى المستوى السابع عشر
دا أنا ما دخلتش حتى دور الستاشر

طبعا بما إن الموضوع خاص ، شكلي ما ليش فيه

بس حبيت أقول إن الصداقة مش عشان نعد نهزر مع بعض و لا نضحك ع نكت و لا نخرج سوا مثلا

الصداقة زي أي علاقة يترتب عليها التزامات كتيرة ، بس خلاص عشان أنا هأعيط كدة

مفيش حاجة تفرح؟
دي تالت مدونة أدخلها أعيط

MestKA said...

مفيش كلمه تتقال بعد كده انا طبعا بضم صوتي لصوتك
وهقولك كلمه سر برافو ماانتي طلعتي شطره (:

Sharm said...

نور

الاصحاب القريببين من بعض اوي بيفهموا بعض من مجرد النظرة

Tschuss said...

l2 bgd princess..tb3n ana lia f 7waly ns almshakl aly alatnen aly anty katba 3nhm by3ano mnha..msh mhm..almhm alklam 7lo awy almrady bs wad7 awy awy brdo..ma 3lena ..nice post..ana m3aky f 2a5r 7aga bs f nas 32lhm aad . byz3lo f sa3tha..7aga tzh2

tweety said...

s7 klamk s7 mafesh b3d kda we b3den 7d yz3al mn nouran 2olely men dol we ana 2bhdlhomlek

علي الألفي said...

يووووووووووووووووه
بردو الاصدقاء
تصدقي رغم انهم هم الصداع الازلى اللي في حياتنا و مصدر الازعاج لكنه ازعاج قريب قوي من قلوبنا و ما نعرفش نعيش من غيرهم
و اتطمنى هايتصالحوا هايتصالحوا
بس ربنا يبعد اولاد الحرام و الحلال كمان عنكم لانهم هم اللي بيولعوا الدنيا

wahed said...

انا تهت في قراءه البوست ,يا ريت يكون سردك واضح شويه ,لكن اللي أقدر اقوله أنا أصحابي بالدنيا كلها

~ Bato0ot ~ said...

tab3an ya nuran de lazmet el so7ab .. "sadekak man sadakak " rbna yekhliko l b3d

rasha said...

ليه يا بنتي كده كنتي بعتلهم الكلام ده في الايميل بدل ما همه علي البلوج انا مفهمتش حاجه خالص غير ان الصديق مهم فعلا............... بصي اكيد الصديق مهم بس مش اي صديق اكيد انتي في البوست دهموضحه اي صديق يطلق عليه الاسم ده

صاحب البوابــة said...

بوست جميل

وفكرة رائعة

تحياتي اختاة

شاب نفسه يحقق حلمه said...

هما دول الاصحاب
وطبعا عمر ما الواحد هيعيش من غير اصحاب
تحياتي وانتظر زيارتك

العابره said...

من اسلوبك واضح انك شخصيه عسوله اوى

ronnata said...

بوست حلو اوى يا نور
كلام منطقى و سليم
بسسسسسسس
المشكلة فى اختيار الصديق
ازاى تعرفى ان دة هو الصديق الصدوق (على راى تيمون(
وازاى تتاكدى ان هودة صديقك اللى بيخاف عليكى و بيحبك كصديق
بس من كلامك باين ان فى اشكالية جامدة بين اتنين اصصحاب و بالتالى لازم الاتنين يفكروا كويس و يحكموا عقلهم بدل ما يخسروا بعض على لحظة هبل

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول