Tuesday, July 10, 2007

تاااااااااج

71%How Addicted to Blogging Are You?

العنوان مش راضي يتكتب ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تاااااااااااااااااااج



Mingle2 - Online Dating




انا مطلعتش مدمنة هروين ااقصد تدوين 71 % بس انا محصلتش جيد جدا اهئ اهئ مش مشكلة ابقى اشوف الموضوع ده كمان سنة :)

اما التاج التاني بقى
احب شخص لقلبك ف الدنيا ؟
سيدنا محمد عليه الصلاة والسلام بعد كده سيدنا عمر
انسان مستعد تضحي بحياتك -ركز ف كلمة حياتك - عشانه؟
بجد مش عارفة :(
انسان كرهته لدرجه الجنون وتمنيت لو تمسك سكينه وتنقض عليه وتغرزها ف قلبه تقتله وتقف تبص لجثته وتشفي غليل قلبك؟
مش للدرجه دي يعني بس بجد ف بنت معانا ف الكليه مش بطيقها بجد ممكن اعمل معاها كده عرفها يا تشوس ;)
.
ما هو اجمل كتاب كراته لبشر ومحتفظ به حتى الان ؟ انت متعلق بيه وبتقراه كل فتره؟
الكتاب اسمه صور من حياة الصحابة للدكتور عبدالرحمن رافت الباشا
.
اهم جهاز منزلي انت متعلق بيه او بتستخدمه كتير؟
الكمبيوتر- التليفزيون- الخلاط
.
شئ تحس بالراحه النفسيه لما تنظر اليه ؟
الشروق من عند البحر يااااه تحفة
.
مكان تحس فيه بالحنين الى شئ لا تدري ما هو وذكريات جارفة الى لا شئ؟
ممكن السعودية لما بنسافر لبابا
.
اجمل مدينه زرتها داخل مصر؟
انا اخري اسكندرية مرحتش حتى تانية
.
اجمل مكان طبيعي رايته داخل مصر؟
هتصدقوا لو قلتلكوا مشفتش او مش فاكرة
.
شخصية كارتونية بتحبها؟
انت قلت شخصية واحده ليه كده انا عندي شخصياااااات كتيييير بس حاليا تيمي ترنر :)
.
نوع هاتفك المحمول ؟
نوكيا 3250 ومتفكرونيش لحسن الميموري اتكسرت هتقولولي ازاي وهي قد عقلة الاصبع هعيط اهئ اهئ قاعدة من غير ميموري هتشل هتقولولي هاتي واحده هقولكوا مستنية ابويا لما يجي هتقولولي هيجوا امتى هقولكوا متفكرونيش هتقولولي ليه ... هو السؤال كان ايه ؟؟
.
سرعة بروسيسور جهازك؟
الله اعلم هبقى اسال بابا
.
حجم ذاكرة هارد جهازك؟
بااين كده والله اعلم 80
.
المساحة التي تشغلها المواد الاسلامية ع جهازك؟
اصلا الهااارد فاااضي ليه علشان انا بحب الجهاز خفيف من غير حاجة
.
؟ نفس المساحة السالف ذكرها ف قلبك-الاجابة لنفسك علشان الرياء يا اخوانا؟
انا قلت الهارد فاضي واكيد قلبي مش فاضي وانت قلت احتفظ للاجابة لنفسك بتسال ليه ؟؟
.
اهم هدف انت حاطه لحياتك دلوقتي؟
اني انتصر ع الكليه ديه اصل اانا حاسه اني ف حرب ولازم اكسبها علشان انا مش متعودة اخسر :)
.
مواصفات فتى احلامك؟
طبعا شحيبر غني عن التعريف :)
بصوا لازم يبقى ليه مواصفات خاصه لانه هيبقى مع واحده مجنونة -انا يعني- فلازم يبقى طيب قوي الشكيمة صبور يستحمل السخافة الازلية بتاعتي ويستحمل الرغي الغير منقطع النظير بتاعي يا سلام بقى لو يبقى عقله يوزن بلد ومش مشكله لو رخم شوية او تنك بس مش عليا وعايزاه يراعي اهله ايوه اهله كويس علشان اللي ملوش خير ف اهله ملوش خير ف حد :)
اه وعايزاه يوديني الاستاد ف الماتشات المهمة ويوديني مرة السينما حفلة 3 الفجر ويكون اهلاوي طبعا
صف ما ياتي
شعورك لما تسمع لمة مصر؟
حسب الموقف لما كنت ف السعودية بتوحشني اوي لما ف ماتش بحس بحماس ف حاجة تنكد بزعل عليها اوي
لما تسمع كلام عن اليهود؟
حسب الموقف اليهود ولا الصهاينه ؟؟
لما تشوف ظابط شرطة ؟
برضه حسب الموقف هو زي ما في الوحش فيه الحلو
.
لون البطانية اللي بتتغطى بيها ف الشتا؟
مرسوم ع ميكي ماااوس والخلفية زرقا وفيها بازل
.
لون الجورب او الشراب المفضل لديك؟
الابيض اتعودت عليه من المدرسة مش بتفرق معايا يعني
.
احساسك اذا داست رجلك ع مخلفات حيوانات- ولا مؤاخذة-؟
مؤاخذتك معاك يععععععععععع يععععععععععع القرف بس اصلا انا وانا ماشيه ف الشارع لازم ابقى واخدة بالي اوي يعني بالذات من ااموضوع ده
.
افكارك تجاه شاب ماشي ف الطريق لابس جلابية بيضاء قصيرة وعمامة وله لحية وبجيبه سواك وف ايده مصحف؟
عادي يعني كل واحد حر وكمان الواحد ميخدش بالمظاهر والدين ف القلب
.
احساس يراودك ف اشارة مرور مغلقة بسبب مسئول كبير ؟
حاجة واحده بتيجي ف بالي حسبي الله ونعم الوكيل وربنا يديله ع قد نيته
.
التاج التالت :
مين اكتر ست اشخاص بتحبهم؟
غير بابا وماما واخواتي الاتنين وجدتي وجدتي
وبوبا وسوكا وولاد خالاتي وولاد عمي وصحاابي ف حد تاني ؟؟
.
هل انت سعيد؟
انا مبسووووووووووطة هو انا بحالات انا عارفة
.
لو اجتمعت انت وحسني مبارك ف مكان واحد هتعمل ايه؟
هكتبله ورقة واديهالوه مكتوب فيها انت بجد راضي عن نفسك وضميرك مستريح ؟؟
.
لو معايا مليون ونص هتعمل ايه؟
مش هحطهم ف البنك لاني مقتنعة ان مال البنك ده مش رزق الشخص هسرف النص ف اي حاجة انا عايزاها وهشغل المليون
.
بتحب مصر ؟
موش عارفة :(
.
انت مسلم؟
الحمدلله
.
ليه؟
اتولدت لقيت نفسي مسلمة زي الناس كلها بس الواحد لما بيكبر بيفهم وان الدين عند الله الاسلام والحمدلله اننا بجد مسلمين فعلا الواحد لما بيقرا في الدين بيحس قد ايه هو دين عظيم وجميل وسلس
.
مين اكتر شخصية متقدرش تستغنى عنها ؟
بابا وماما
.
ايه اكتر موقف محرج؟
اما كنت بتسئل شفوي ف المدرسة يااه ع الاحراج بكره الموقف ده
.
الامنية اللي تتمنى تحققيها؟
بصوا هما اماني كتير
دنيويا ان الاسلام يبقى زي زمان وبلدنا تبقى زي زمان
اما بقى للاخرة بجد نفسي انا واللي بحبهم كلهم نخش الجنة يا رب
.
التاج يتمرر لمين ؟
ايه ده ده خلص ااقول بقى بسم الله الرحمن الرحيم
شلة الانس- الدكتور احمد- البشمهندس محمدوعد العيون-عربي ومنجي-محمد فوزي -نورهان مفيد-
واي حد عايز يعمله يعمله :)
.
وعندك واحد شاي وصلحه انتهى التاااج لولولوللليييي

9 comments:

MestKA said...

تاج جامد جدا ومتنوع بس اجباتك دبلوماسيه اوي ويا شيخه حرام عليكي مبتحبيش مصر لأ انا مش مصدقه

wa3d-el3yoon said...

كنت فرحان فيك طول البوست وأنت بتجوى لاغايه ماعرفت انى وقعت فى الحفره ليه بس كده
ده انا غلبااااااااااااااااااااااااان

أولا أنا مش مستوعب موضوع 71فى الميه ده ياريت توضحى ليا

ثانيا أنا خلاص اقتنعت أنى وليا الفخر والعتزاز وحاجات كتير كده أن شخصيتى قريبه من لحد كبير ده باين عن طريق كتاباتك ودى اتقالتلى قبل كده من أحمد-مداح القمر-أنا برده متقلب زيك كده وأهلاوى بس مش بحب الكرتون فى حد لسه بيحب الكرتون لييييييييييه
تقريبا ده تأثير كليات هندسه فى الطلبه بتوعها بيقلبوا حالهم من اللحظه للتانيه يعنى مسأله ميكانيكا تبقى مبسوطه وأنت بتحليها وتانيه تخليكى حتتجننى
أنا مره أتخنقت مع البيت كله والناس اللى عارفهم بس دايره منيله بنيله كنت بلحمها
اجاباتك جميله أوى ولذيذه وبجد كنت
بضحك على اجابات معينه
وخصوصا أكتر موقف محرج وبتاع فتى احلامك

دبستينى فى التاج على رأى كتكوت مرسى جدا هى المسافه مش بعيده

3rby said...

اه يا ثوثة

3rby said...

بتحسي بالحنين في السعودية
:)
حلوة قوي الشكيمة ديه
روحي اتجوزي عنترة ابن شداد
:D
اقولك اتجوزي ميزان
او فكرة احس
اتجوزي واحد اسمه عنتر ويكون خضري
معلش بقي يا نوران هي طالبة معايا تهييس اصلي فرحان اوي دلوقتي

شكلها هاتطلب بالش
بتحسي بحماس
طيب ليه مابتحسيش بفتح ولا فتح بنت البطة السودا يعني

هو انتي خرسا ولا ايه ماتقوليهالو في وشه

اوعي تكوني زعلتي من الرخامةوالرزالة والتباتة ديه تباتة ديه هبالة
احنا برضو شباب زي بعض وعارفين الترخيم ده مهم ازاي للانسان


بي اس:انا عملت التاج قبل كده بس مسحتو علشان مودي كان زبالة وكنت مبهدل فيه حد ماكنش يستاهل كل البهدلة دجيه فمسحته وهاعملو عشان خاطرك يا كبير

tweety said...

eza can 3la sh7aber el donia maliana bnas r5ma we r3"aia don"t worry fe 2ml we 3omr

Nouran said...

مستكة :
ياااا سلااام بس انا مقلتش اني مش بحب مصر انا قلت موش عارفة

محمد باشا:
شفت ازاي متفرحش ف حد تاني :)
موضوع ال71 ف الميه ده اني مدمنة تدوين عبارة عن اسئلة بتسئلها وف الاخر بشوف نسبة الادمنان والزق الكود بتاعها البوست وتطلع كده
ثانيا:
ده انا اللي ليا الشرف يا باشا :)
ده ف اجماع ع كده بس الكارتون ده جميل اوي حرام عليك مش بتحبه ليه ؟؟
ايوه احنا كلية المهيسين
ليه يا بني كده علشان دايرة بس فعلا بتبقى حاجة رخمة لو مش عارفة اعمل حاجة شكرا يا باشا:)

عربي:
انا ثوثة :)
ايوه مين عنتر ابن شداد ده ؟؟
ليه ميزان وخضري ايه يا عم الحجات ديه انت مهيس اووفر :)
مش بحس بفتح علشان التفرقة العنصرية :)
مش هقولوه ليه علشان مش بحب ارغي مع ناس مش عارفاهم اعبر عن راي بالكتابة :)
متقلقش مزعلتش التهيس ده العلاج للي ف سننا فهلا التهيس احسن حاجة ف الوجود :)

تويتي :
الدنيا مليانة شحيبرز :) كتيييييييييير
انت هتقوليلي :)انا عارفة ان فيه امل وعمر وناس تانية كتير

Tschuss said...

ana amshy tgebo f serty b2a wkman ana msh 3arf asdk 3la men???l2 3arf..l2 msh 3arf..3arf..msh 3arf..3arf..msh 3arf..ma 3lena..bs d bt7bk ya nouran

Nouran said...

سوري يا باشا احنا نقدر نجيب ف سيرتك!!
ياااه الرحمة ما اللي بيغظني انها بتحبني :(

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول