Wednesday, July 11, 2007

بضحك ع نفسي


دي مواقف او حجات حصلتلي وانا لما بفتكرها بضحك عليها مش كلها ايام المذاكرة قلت اكتبها هنا علشان منسهاش خااالص واضحكوا شوية اكيد مش عليا ع المواقف ديه

.


مرة وانا صغيرة ف اسكندرية نازلين من بيتزا هت ماشي الكلام ف مول كده ف في محل لعب جنب الباب اوكيه ف دباديب وحجات كده المهم ان فيه كرسي ومحطوط عليه قطة جميل اوي مشمشي كده وكبيرة انا طبعا عايزة اقعد ع الكرسي فالقطة لعبة ماشي بقرب ع القطة الاقيها بتلعب شنبها اقول تهيات ااقرب تاني الاقيها بتحرك ديلها ديه لعبة انا خايفة من ايه المهم قربت تاني وخلاص همسكها نطت ف وشئ عااااااااااااااااااااا يا باااااااااااااااااباااااااااااااااااا ديه قطة حقيقية اهئ اهئ

.



.



بكلم مستكة ف التليفون ايام الامتحانات

انا : الو ممكن اكلم مستكة

اختها : لا مش موجودة

انا : طيب لما تيجي نقولها ايه ههههههههههههههههههههههههههههه-ديه الضحكة بتاعتي -طبعا ايام امتحانات وانا مش واخدة بالي وشي احمر واصفر وجاب الوان والبنت قعدت تضحك عليا اكيد قالت مين المسطولة اللي اختي مصحباها ديه

:)

.

.



برضه بتكلم ف التليفون مع تويتي

انا : بصي يا بنتي المربع ده بعيد ازاي

تويتي : فين ده

انا : اهوه تحت

هي : يا بنتي ده ع اليمين

انا : يا بنتي انت اتحولتي بكره الامتحان ركزي معايا يا نووور

هي: نوران انت فاتحة صفحة كام ؟؟

انا : 9 وانت

هي: 10 يا مسطولة مين اللي يركز

وتاني يوم كان الامتحان ماشاء االله

:)

.

.


من يومين وانا ف المطبخ بغسل المواعين ويجي صوت ينااادي يا نوراااااااان

انا : نعععععععععععععم

الصوت : قولي لعمرو يجي يكلم

انا ف سري عمرو مين ده اااااه ديه جارتنا بتنادي ع بنتها- اصغر مني بس نفس الاسم -وهااااااااتك يا ضحك الغريب انها ردت عليا


برضه حاجه غريبة


.

.

امبارح انا رايحة عند خالي الشقة التانية بدل ما بفتح الباب علشان اخرج بخبط عليه :)ههههه


.

.

السنة اللي فاتت ف المدرسة انا كنت الامينة المساعدة فالاخصائية داخلة وبتقولي فين نوران اشرف

انا : لا ديه غايبة -انا سمعتها رنا اشرف-اصلا مش بتيجي بقالها يومين

الفصل : ايه يا نوران ديه بتنادي عليكي

انا: لا انا موجودة اهوه

الاخصائية: وقال بيقولوا عليكوا متفوقييين ؟؟؟

انا : هههههههههه

16 comments:

MestKA said...

يخرب عاقل يا بت اي ده كل ده كتماه ف قلبك بس بجد مواقف مضحكه جدا انا اصلا لما اختي حكتلي ع اللي انتي فولتيهولها مكنتش قادره امسك نفسي من الضحك بس عادي دي كانت تخاريف امتحانات

حــلم said...

انت سكرة والله يا نوران
بس المذاكرة تعمل اكتر من كدة
:)

Dody said...

هههههههههههههه
عسل يا نوووووووور

anawafkary said...

لووووووووووول
بوست دمه خفيف جدا جدا جدا
:)

hummar said...

هههههههه
شمعه كان نفسي اشوف القطه وهي بتجري وراكي
هههههههههههههههههههههه
بس اكيد كانت ريحتك بيتزا علشان كده القطه لعبت شنباتها
بس بصراحه مواقف كوميديه جدا

Abdou Basha said...

:D
Nice post

voice of love said...

يخرب عقلك
ده أنا كنت هاموت من كتر الضحك
طيب اقولك بقى موقف مماثل
وأنا فى الصيدلية دخلت بنت صغيرة وادتنى جنيه وقالت لى عايزة بلاستر
قمت أنا بمنتهى النشاط وجبت لها زيت شعر
!!!!
مش عارفة انا ليه سمعتها كده
بس يعنى
أكتر من كده وربك بيزيح
ربنا يعدى مدتك أقصد يعديكى من كليتك على خير
وتخلصى وانتى محتفظة بقواكى العقلية
سلام

صاحب البوابــة said...

ذكريات جميلة للغاية

تحياتي

زى الهوا said...

عسولة يانوران بجد يخربيت عقلك

مداح القمر said...

ههههههههههههه
والله اتخيلت كل موقف
وقعت م الضحك
وخصوصا موضوع القطه دى..عارفه ليه؟؟
عشان طبعا يهلك م الضحك
وعشان انتى ماكبرتيش من ساعة موضوع القطه دا...بدليل بقيت المواقف اللى بتدل انك لسه زى ما انتى
ههههههههههههه

اسكندراني اوي said...

ههههههههههههههههههههه
كل ده
لا انتي لازمك كورس تركيز

على فكره احيانا كتير بيكون الفصلان هو الحل


تحياتي على البلوج ككل
والبوست دا

safa7_karmooz said...

هههههههههههههههههههههههههههههههههههه

صباح السطل بجد

طب انتى بتخبطى عالباب عشان تخرجى

غيرك بيقول الو بدل مين :D

Nouran said...

:مستكة
شوفتي كل ده كاتماه ف قلبي ايون تخاريف امتحانات :)

حلم :
شكرا ليكي يا قمر
المذاكرة بتطير الدماغ

دودي:
ثانك يو انت عرفاني :)

anawafkary:
شكرا يا فندم من ذوقك :)

الشاكوش باشا:
لا منظري كان رائع ممكن بس ايه القطة اللي عايزة تاكل بيتزا ديه :)

abdou basha:
منور يا باشا
وشكار :)

دولي:
عاملة ايه يا دكتورة :)
ههههههههه زيت شعر ايه العلاقة صحيح بس هو فيه زيت شعر بجنية :)
الحر يا بنتي بيعمل كده واكتر من كده
يا رب اخلص الكلية ديه ع خير يا رب :)

صاحب البوابة :
احلى حاجة الذكريات :)

زي الهوا:
مرسي يا موحة :)

الدكتور احمد باشا:
ههههههههه يا سلام موضوع القطة ده عملي عقدة بكره القطط اصلا اعااااااا
مش عارفة والله ساعات بحس اني لسه البنت الصغيرة بتاعه القطة واوقات مش بعرف نفسي والله يا احمد :(
بس انا لسه انا :)

اسكندراني اوي:
ههههههه
كورس تركيز هو الحل مش الفصلان ف حالتي ديه :)
شكرا يا فندم

سفاح باشا:
صباح السطل يا باشا
ههههههه اه بخبط عليه :)

Tschuss said...

aeh alms5ra dy

Nouran said...

انا مسخرة يا حنفي حرام عليك اهئ اهئ :)

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول