Tuesday, February 05, 2008

لازم اكتب بقى


يعني بقالي مليون سنة واخده الاجازة ومكتبتش حاجة جديدة طبعا مشكله النت مكنتش هي السبب علشان انا واخده الاجازة قبل الازمة باسبوع:D

وبرضه مش الافكار القليله لان انا الافكار عندي مش بتخلص ده انا كاتبه 5 بوستات ف الدرافت!!!!! ومش عايزة انزل ولا واحد فيهم

كنت عايزة اعمل نشرة بس الظروف لا تسمح بعمل نشرة وانا شكلي مش هعمل نشرات تاني اصلا عايزة اكتب عن حجات كتير ومش عارفه اكتب عن حاجه كان فيه مقاله ف الدستور عايز اكتب عليها بل ف الواقع كنت عايزة اكتب عن كذا حاجه ف الدستور اصلا بس الكلام ده من اسبوعين!!!! عايزة اكتب عن المنتخب والبطولة وان الماتش الوحيد اللي اتفرجت عليه بتاع زامبيا اللي اتعادلوا فيه ولعبوا وحش جدا وخايفه اتفرج ع ماتشات تانيه ييلعبوا كدا برضه:)

عايزة اكتب عن معرض الكتاب واني روحت لاول مرة من 4 سنين:) كل ده وركبت الطفطف اهم حاجه حتى اهم من الكتب اللي جبتها: ) وملحقتش الف فيه حلو يعني معرفتش اجيب الكتب كلها اللي انا عايزاها كان نفسي اجيب كتاب برايد وكتاب غاده وكتاب رحاب:( مش عرفت اوصل لدار الشروق اصلا وكمان انا كنت رايحه متاخر بس انا انشاء الله هبقى اخلي رضوى
تجيبهملي اقراهم ف اقرب وقت

اكتب عن الاجازة اللي احنا فيها عن النت اللي اتقطع وعذبنا

واكتب عن السواقه اللي انا بقيت اسوقها ديه عايزلها بلوج بحااااله اصلا

واكتب عن النتيجة لولولولولوولولولولولوولولولولولللللللللي

النتيجة طلعت يا بشرررررررررررررررررر

انا والحمدلله نجحححححححححححت

لولولولولوللوولولولللللللللي اه النتيجه طلعت بسرعه جدا ما هو انا النظام الجديد اتصالات اوبشن ااقصد الساعات المعتمده بتاعه كلية الهندسه وده موضوع تاني كنت عايزة اكتب فيه يعني فيه افكار بس النفس اللي تكتب

المهم اني نجحت الحمدلله وبابا فرح الحمدلله وجبت ف الماده اللي حكتلوكوا عليها ديه جيد:) شوفتوا الهنا اللي انا فيه الحمدلله

المهم يعني انا هرجع الكليه ع 17 فبراير كدا لسه قدامي شويه يمكن الحق اكتب بقى يلا كفايه كدا النهارده سلام:)

8 comments:

wa3d-el3yoon said...

مبرووووووووووووك يا بشمهندسه عقبال باقى البشمهندسين
انا مريح نفسى عارف ان النتيجه مش حتطلع الا فى شهر 3 معلش احنا هندسه الكترونيه بس بنشتغل بالديل اب تقريبا ومافيش موبيلات من الاساس
ههههههههههههه
ربنا يستر بس فال حلو انك نجحت
انت فى قسم ايه صحيح؟؟

انا شايف انك كتبت كل الموضوعات الممكن انك تكتبيها خلاص كده عندك موضيع كتير تكتبيها
وبعدين ايه موضوع الدراسه يوم 17 انا الدراسه يوم 10 ليه 17 عندكم ؟؟؟

MestKA said...

انا كمان مش عارفه اعلقلك على انهي
موضوع بس برده لازم اعلق
طبعا مبرووووووووووووووووووك ده الاول
وبعد كده شوية حقد عشان الاجازه بتاعتك اطول مننا كلنا باسبووووووووووووووووووع بحاله
واخيرا ياريت تتحفينا بنشرة جديده وبلاش تتقلي علينا كده

rasha said...

مبروووووك بجد وحشتيني قوي وعايزه اشوفك ونخرج قبل الاجازه ما تخلص قصدي قبل ما اجازتي تخلص مش هقر عليكي ولا حاجه انا جيه عند تيته يوم الجمعه عشان عيد ميلاد ساره

زكرياء said...

مبروك يا زميلتي العزيزة

NoOR said...

النتيجه طلعت.........ده تهريج والله ناقص كمان تقولي ان نسبة النجاح اكتر مت تلاتين في الميه

وكمان جيد
اكيد انتي بتحكي عن كليه خرافيه مش كليه هندسه

مبروك يا جميل وعقبالي :)

Dr.TANTAWY said...

أأأأأأأأأأأأألف مبروك يا باشا :)) وعقبال ما تخلصى بقه على خير .. لحسن مش فاضل غيرك في الكليه الناس كلها خلصت ههههههه

Nouran said...

البشمهندس محمد:
الله يبارك فيك ما نتيجة الكلية كلها بتطلع ف شهر تلاته بس احنا لا علشان احنا بتوع الساعات المعتمدة:)
انا دخلت مدني والحمدلله:)
وكمان انا هبدأ متاخر علشان نفس السبب احنا بتوع الساعات المعتمدة :)


مستكة هانم:
علقي ع اللي يعجبك يا بشمهندسة:)
الله يبارك فيكي وبلاش حقد علشان انت عارفه اني هنزلكم الاسبوع ده فبلاش حقد لو سمحتي:)
يا رب اعمل نشرة يا رب

روشاااااااا:)
والله وحشتيني اووووي والله يبارك فيكي وعقبالك يا رب

زكرياء"
الله يبارك ف حضرتك:)

نوور باشا:
يا هلا بيك يا فندم والله ده احنا بس اللي طلعت بتوع الساعات المعتمدة بس لكن الكلية ماشيه ع العهد معاكم:)
وجيد ده بس كدا يعني تفاريح :) ويا رب المرة اللي جاية امتياز قول يا رب
:P وعقبالك يا رب

طنطاااااوي:
الله يبارك فيك يا باشا ويا رب اخلص بقى هانت كلها تلات سنين ونص انشاء الله:)

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول