Friday, February 08, 2008

لولولولوللولولولولولللللللللي:)

والحمدلله فوزناااااااااااا والله ديه دعوات ال80 مليون مصري الحمدلله كان فيه ناس كتير بتقول واحنا هنكسب كوت ديفوار دول مش هيسبونا ف حالنا علشان خدنا منهم الكاس المرة اللي فاتت وهنطلع بفضيحة اهم هما اللي طلعوا بفيضحة المرة دي اربع اجوان زي الفل بجد ماتش جامد اوي بس لعيبة المنتخب بتوعنا اضرببوا ضرب يا عيني كل شوية يضرببوا بس عملوا شغل جامد اوي والحكم يحسب لكوت ديفوار تقريبا كدا كان بيدي الاحكام بالعكس بس الحمدلله اننا كسبنا مش بجون ولا اتنين ولا تلاته لأ اربعه والخامس كان جاي بس زيدان
ضيعه مش مشكلة احنا هنطمع بس الحمدلله وياااااااااااا رب استرها معانا الماتش اللي جااااااي يااااااااااااارب
بس بجد بجد انا بستغرب اننا كسبنا اصل كل واحد من بتوع كوت ديفوار اد 5 من عندنا هما بس بيدولهم بالكوع وتلاقي يا عيني الاعب بتاع منتخبنااترمى ع الارض ده حتى عمرو ذكي كان واحد قصير كدا وقعه طرراااااااخ والمفروض ان عمرو زكي هو التلاجه اللي عندنا بس سيبكوا انتوا اللعيبة بتوعنا طلعوا رجاله بجد الشوط الاول كنت حاسه اننا بنلعب احسن بالرغم ان الشوط التاني هو اللي فيه 3 اجوان بس كوت ديفوار هي اللي كانت بتهاجم وتضغط واحنا الكام هجمة اللي عملناهم جبنا بيهم اجوان الشوط التاني والله بجد اكيد الفوز ده بركة دعاء المصريين اللي بيبقوا عايزين يفرحوا باي حاجة دووول يا رب بقى فرحنا كمان الماتش اللي جاي ياااااا رب

9 comments:

أحمد منتصر said...

يا رب :)

أبوشنب said...

ربنا يفرحنا

مدونة كل العرب said...

عقبال ما نشوف الكاس فى مصر

MestKA said...

مبروك لكي يا نورا ولكل المصرين وعقبال النهائي ان شاء الله

Ahmed Essawy said...

مبروك النهائي :)

elkamhawi said...

مبروووووووووووووووووك

زى الهوا said...

امين يارب , مبرووك لينا كلنا , كنا عايزين نفرح بأى شكل

maha zein said...

احساس رائع ملا الكل...انتماء وولاء...سويط علي اعلي مستوي طلع الكبت من جوا قلوب البشر...مصر كلها اتلككت عشان تفرح...زتحيا مصر.
فى دوكة الفرحة والهيصة دي اوعي تنسي تطلى عندي فى المدونة

NoOR said...

يا بنتي مصر خدت الكاس واحتفلوا بيهم والحضري راح سويسرا ورجع


ايه وقفتي عند قبل النهائي و خلاص
انتي فين