Wednesday, August 16, 2006

امممممم

اممممممم بسم الله الرحمن الرحيم - ببص حواليا دلوقتي وع البلكونه لتكون متراقبه الحمد لله مفيش حاجة اكمل كلامي اقصد كتابتي-بسم الله الرحمن الرحيم وبه نستعين احمممممم احممممممم
بسسسم -خلاص هيا قصه- نخش ف الموضوع
لقد تم تعيني وزيرة دفاع من قبل رئيس الوزراء انجولا يووه قصدي زنجولا - معرفش اختاروني ف وقت ببقى فيه ف منتهى الغباء ف الاجازة- وطلب منا نحن الوزراء كل ف مدونته بتوضيح نشاطاته وانا جاية اوضحها بعد ما قبضوا ع ريستنا كلبوزة ف حلمها وبعد ما بابا سوسه قفشها ما هي وزيرة الاعلام شكل بابايا هيعمل زي باباها بس انا هعمل اللي يمليه عليه ضميري الوزاري- قال يعني- المهم احنا هنتكلم بصيغة السيكو سيكو - طبعا مش بتاع ادم - علشان حكومتنا المصون متعرفش -قال هيا هتقرا اللي انا كتباه والله انا هتكلم واللي يحصل يحصل - ايه السخافة دي كل دي مقدمة -

________________________

نخش ف الموضوع
طبعا هعمل جيش رهيب باسلحة رهيبة عايزة اسلحه محددش عرفها قبل كده هيتكون من اربع حجات

طبعا انا لازم اكون الجيش بتاع التف ع اسرائيل انا قريت ف الرحيق المختوم ان الجيش زمان بيتكون من ايه باين خمس حاجات ومعرفش دلوقتي بيتكون من ايه بحريه وجويه ومشاه ودبابات وحجات غريبة اما الجيش بتاعنا هيتكون من حاجة غير خالص هنعمله منتخب قومي كبير القائد ولد معرفش اسمه قريت عنه ف جريدة عين من كام اسبوع انه كسب مسابقة اطول تفافه ف العالم مهو مصري بقى كان ف المانيا هخلي هو المدرب هجيبه من تحت طقاتيق الارض يدرب الجيش ده القائد بعد كده هلم كل لعيبه الكوره طبعا دي شغلانتهم الاساسية بعد لعب الكورة واثناء الماتش كده عندنا هجوم قوي بعد كده هلم كل اولاد الشوارع -ولادي زي ما رضوى مسمياهم- اهي البلد تنظف برضه يبقى كده كونا مقدمة الجيش

..............................................................................
تاني حاجة هيبقى جيش من علماء مصر كلهم هنعمل مشروع كبير لحمض الكبريتيد - رائحته البيض الفاسد- وهنعمل منه قنبلة جديده كبيرة بدل النوويه والذرية تبقى قنبله البيض الفاسد دي لو اضربت ع العدو هيموت من الريحه فالهدف من الموضوع نموتهم باقل الاسعار علشان اساعد وزارة الاقتصاد ماشي نخلي القنبله ف السكرته لحسن حد يسرق اختراعي ويعمله
....................................................................
تالت حاجة طبعا انتوا عارفين ان مفيش عندنا اكتر من الزباله فاحنا هنلم كل الزبالين عندنا ع الحدود ونرمي الزباله هنعمل غطاء زبالي جديد هيلم ذباب مصر كله عليهم ويا ريت يبقى التسي تسي علشان اللي يتقرص منه ينام ما يقمش والناموس يا ريت يبقى ملوث علشان يجيلهم حساسيه ونخلص منهم ومراوح كبيرة

........................................................................

رابع حاجة قنبلة من تصميمي كنت مصمماها ف حصة الانجليزي ف ظهر الكشكول والله فضلت ادور عليها علشان احطهالكوا ع البوست ملقتهاش المهم هيا شكل السمكة تخدع كل اللي يشوفها مزوده بجهاز دقيق يلم كل الغبار من الجو الدخان - انا كنت عامله الاختراع ده علشان يلم الرطوبة ويحولها مايه ساقعةلبابا لحسن كل شوية اقوم اجيب مايه بس غيرت الاختراع هبقى احكيلكوا ع اختراعاتي مرة تانيه- المهم الدخان ده بمجرد ما نشغل القنبله او الجهاز هيلم كل الدخان عندنا والعوادم
............................................................................................
كده تكوين الجيش اما تشغيله فهو
هنرمي القنبلة بتاعه الغبار ع العدو هتقوم تعميهم لمده مش قليله بنخلي الجيش بتاع التفافة يشتغل وف الاثناء دي الزباله جاهزة ع الحدود هنجيب مراوح كبيرة نطير بيها الذباب عليهم لازم التسي تسي والناموس الملوث وبعد كده هنرمي قنابل صغيرة من الكبريتيد توزع عليهم الرائحة العطرة ونسيبهم شويه لحد ما يهدوا نعمل هدنه يوم بعد كده هنرمي القنبلة بتاعة الغبار تاني هيبقوا بيحسبونا هنعمل نفس السيناريو بس ع مين هنجيب قنبلة الكبريتيد الكبيرة وطراخ عليهم بوووووووووووووووم ماتوا كلهم من الريحه واللي مجتلوش الريحه هيتقرص من الناموس او الذباب التسي تسي والحمد لله رب العالمين

.
.

شفتوا استغليت كل ما هو سئ ف مصلحتنا
عملت اللي عليا وكتبت الخطة الدفاعية وشكلهم هيعزلوني من المنصب وربنا يستر ع امن وسلامة الدوله


سلااااااااااااام

36 comments:

m_elsewedy said...

ههههههههههههههه
3-1
لية

فى ايه يا وزيرة انا بطنى وجعتنى
اتقى الله فى العدو يا شيخة
:D

Nouran said...

انت لسة جاي من الشغل ولا لسة هتروح
لا يا عم لازم اعذبهم النشرة البوست الجاي ليك فيها التهنئة فزت بالمركز الاول هههههه

sahar said...

انتي دمك زي العسل

مـحـمـد مـفـيـد said...

والله علي اخر الزمن قبلتي الوزاره

Sampateek said...

سيادة الوزيرة
اهنئك
افكار مفتكسة لتكوين جيش باقل الامكانيات
و خاصة ان مواد تكوين الجيش متوفرة و حنعمل لها اعادة استخدام بس في اغراض حربية
و عجبني قوي موضوع القنبلة
لازم تخدي بيها براءة اختراع
عسولة يا باشمهندسة
ربنا يحميكي
خالص تحياتي
امووووه

Dody said...

ايه ده بقيتى وزيره الدفاع من ورايه طب مش تقولى

Dody said...

شكلنا كده هنخرج فى الدراسه يالا ما علينا .ما اتكلميلنا الرئيس بتاعكم يشوفلى اى مركز عندكم

Dr. Tantawy said...

وزيرة الدفاع العزيزه

خافي على نفسك يا بنتي .. السي أي إيه .. بتدور على الكفاءات العسكريه اللي زيك و تورد اساميهم للبنتاجون علشان يستوردهم .. اصل امريكا واسرائيل عقبال املتك لقوا ان الحل الوحيد للانتصار على حزب الله انهم يستوردوا خبراء عسكريين عرب علشان يعرفوا يولفوا على بعض .. و بما انك وزيره دفاع مستقله .. فأكيد هيدورا عليكيي و يفاوضوكي .. اوعي ترضي بأقل من 20 جنيه في العمليه دي .. الحياه مواقف ولازم تستغليها ههههههه

wa3d el3yoon said...

شوفتى وصلنا لفين .
بس فكره كويسه أهو نقرفهم وأهى أى وسيله نرتاح منه للأبد بقى..

ادم المصري said...

لا والله جادعة

خطة ما يعرفش يحطها اللي متخرجين م الجامعة ... تصدقي تنفع
انصحك تسجليها باسمك عشان تضمني حق الاستغلال

لحسن اليومين دول بقي في سرقة في الملكيات الفكرية
هههههههه

تحياتي ليكي يا عسل
ادم المصري
اول دكتور احه

hummar said...

عزيزتي وزيره الدفاع
اعتقد انه من الافضل لكي ان تستقيلي لانك نسيتي مصادر كتيره ممكنه لعمل قنابل جديده منها عمل القنابل العنقوديه والمكونه من عناقيد العنب وطبعا عناقيد العنب لما تقع عليهم هايقعوا في ورطه كبيره ياكلو العنب ولا يتزحلقوا ولا يشربوا نبيذ ويسكروا وبرضه نخلص منهم
كذلك نسيتي قنبله مهمه جدا وهي قنبله الدوووووود وهي قنبله فعاله جدا مع قنبله الذباب والناموس
بس انا شايف مافيش داعي للعنف مع العدو لانه معاكي هايسلم من اول طلقه وعلشان كده اقترح عليكي تغيري الموقع الوزاري بتاعك وتبقي وزيره السلام
طبعا السلام احسن بكتير من الحرب ووجع القلب

توهة said...

ياخوفى يكونوا لابسين أفنعه ضد الرائحه وتفشل القنبله الكبريتيد ولابسين رداء ضد لسع الناموس ونضارات ضد الغبار .... مافيش فايده .. مافيش فايده على رأى هانى رمزى فى مسرحيه وجهه نظر

فانتازيا

إ بـ ر ا هـ يـ م said...

يا لهوي ... غاز الكبريتيد ده ممكن نجيبه بالطريقه الاتيه .. نجيب شويه مصرين من اياهم .. و نعشيهم كرنب و قرنبيط و نحبسهم في اوضه و نوصل انابيب بمؤخره كل واحد فيهم و بكده نبقي وفرناه بسعر رخيص جدا

soosa el-mafroosa said...

تهنئة حارة من القلب أيها الوزيرة الزميلة على بدء نشاط وزارتك..بس انت مش شامة ريحة غريبة في الموضوع ده..مش قصدي ريحة الكبريتيد..انا أقصد سيدة فخامة رئيس الوزرا بتاعنا..الأول يعينا و بعدين يخوفنا..ولا يهمك يا بنتي لا سي آي ايه و لا يحزنون ..وزترة الإعلام كلها وراكي ماتخافيش

بس الخوف في خطتك دي انهم يقلبوا كل اللي قلتي عليه ده و يشربوه ..ماهم أصلا مقرفين

تابعي العمل الجاد ..الكلابيز كلهم يدعموكي بالروح و الدم و الفتة

m_elsewedy said...

الساعة تمانية الصبح هاكون جاى من الشغل ازاى لسة رايح طبعا
:D

Nouran said...

استغفر الله العظيم - مسحت التعليق كله من غير ما اقصد - نبدأ من الاول

سحر:
شكرا يا فندم ربنا يخليكي نورتيني ويا ريت متقطعيش الزيارات :)

محمد مفيد:
شفت التواضع قبلت الوزارة ده انا واحدة ليها تاريخ مشرف المفروض يحمدوا ربنا اني قبلت -باخد البرستيج بتاعي -

سيادة فخامة الرئيسة كلبوزة هانم لكن سمباتيك :
نشكركم لموافقتكم ع اختراع واراء سيادتنا المفتكسة ولازم اعمل تسجيل الاختراع ده انا لقيت النهاردة واحد من سنغافورة ع البلوج هههههه
ومتقلقيش ميزانية الحرب مدروسة مش هنتكلف ان شاءالله

دودي:
شفتي بقيت وزيرة يا سلام طبعا انت عارفة الهبل بتاعي نسيت اقولك انا اسفة يا ستي حقك عليا - انا اديتك برستيجك لو زوتي هبعتلك قنبلة كبريتيد وانت شمتيها ف المعمل حصة الكميا ف تانية ثانوي- اه منمكن تكلمي رئيس الوزرا زنجولا ولو مرديش علشان انت اهلاوية وهو زملكاوي روحي ع الراس الكبيرة كلبوزة هانم لكن سمباتيك :)

زنجولا بيه:
يعني انت تدبسني انا وسوسة وتخلع باباها يقفشها وبابا يقولي هيسرقوا افكارك ويورطوكي ف تنظيم ارهابي وتروحي السجن ومش هاخدك معايا علشان الانتربول هيجيبك كان لزمته ايه كل ده ياأما تقيل الوزارة يأما تعمل بوست انت كمان علشان نبقى كلنا ف الهوا سوا :)
بص ينفع ازود التسعيرة متبقاش 20جنية عايزاها 25 جنية ف طرحة عجباني ب 25 جنية نفسي اجبها ومكسلة انزل اشتريها فهجبها بالفلوس اللي هيدوهالي :)

باشمهندس محمد:
شوفت حاجة تقرف فعلا ويا ريت ينفع معاهم الكلام ده

ادم المصري:
شفت جادعة جدااا خطة محكمة كله من تاثير الثانوية وفرحة النتيجة
تعرف انا خايفة حد ياخد افكاري علشان كده مش راضية انشر افكار اختراعاتي لحسن تتنفذ قولي بيتعمل فين براءة الاختراع واروح اعمله :)

الشاكوش بيه:
ايه الغيبة الطويلة دي يا باشا
حرام عليك استقيل من اول خطة خماسية ف الوزارة وكمان الافكار مش كلها ع بعض لازم اديهم هدنة وهحط القنبلة العنقودية والدودية ف حساب القنابل
بس السلام ده مش تبعي ده تبع الريس :)
كفايه لتمسك امن دوله هههههههه

فانتازيا:
اهلا بيكي يا جميل منوراني
عارفة لو عملوا كده يبقى كله راااااح
لازم اشوف حاجة بديلة بسرعة هفكر واقولكوا ف بوست تاني ويا رب يكون فيه فايدة

ابراهيم:
يععععع يا لهوي حرام عليك التعذيب اللي هتعذبهلهم ده انا كنت مخلياها ف سري يا دكتور بس ممكن يكون ده تخصص لوزارة الصحة شوية ولا ايه


سيادة وزيرةالاعلام سوسة المفروسة:
شكرااا جدا يا زمل تصدقي بحسب الريحة تلعط ع البلوج بس الحمد لله كله تمام
معرفش صحيح هو والريسة بايعنا ع الاخر دي حاجة صعبة
بصي انا عايزة حملة اعلامية نبقى نتفق عليها انا وانتي ف بوست تاني مثلا شيل زبالتك للحدود لتساعد ف عمل الجدار الذبابي حاجة مقرفة كده فهماني
تصدقي ماما قالتلي كده لما قريت البوست قالتلي لحسن هما اللي يعملوا كده فينا يا نوور انا هتابع بس بلاش تبوعوني ماشي

سويدي:
لا اتنين تعليق مش هقدر كده
لا والله انا عارفة بس كلام ف سرك بستهبل ههههههههههه فضلك ساعتين وتروح الشغل ربنا معاك يا بني

m_elsewedy said...

انا نازل عايزة حاجة؟
هههههههههههههههههههههههههههه

Nouran said...

لا شكراا
هههههههههههههه

mai said...

يا بنتي اهم حاجة الشعب ميعرفش الحكومة بتدير خطتها ازاي.. انتي كدة متنفعيش وزيرة لان الحكومة بتشتغل بطريقة واستعينو على قضاء حوائجكم بالسر والكتمان.. واللى يجيب سيرة الجيش بيروح في داهية تقومي انتى رصالنا الجيش ولا كانه شطرنج على لوحه .. عامة انتى فعلا استغليتي كل المساويء استغلال جيد.. عايزة رايي؟ حولي وزارة الدفاع لوزارة ميليشيا سرية صغننه كدة ومتقوليش لحد عليها.. هو ده اللى ماشي دلوقتي "ع الموضة"

حائر في دنيا الله said...

ههههه على فكرة دا هيكون الجيش الذي لا يقهر بجد
وإيه رأيك لو أضفتي عندك كمان الفسيخ والبصل وشوية شرابات من بتوع العيال اللي في اعدادي
بس على فكرة الجيش مش هينفع ضد الناس النضيفة أما توجهيه السودان او الصومال او الحتت العيانة دي
والله ولا هتفرق معاهم

marktwain said...

حلوه الخطة بس بالمناسبة دى هجومية مش دفاعية و الا انتى من انصار الجوهرى

أجدع واحد في الشارع said...

هههههههههههههههه
والله انتى دماك زى العسل
عسل ابيض مش العسل الاسود

el_assel said...

هاي نوران
بجد انتي مهارتك السياسية عالية قوي
انا شايف ان اتي لو نفذتي الخطة دي في الوزارة بتاعتك انتي مش حتقضي عليهم بس انتي حتقضي علي كل البشر
hope 2 visit my blog

مداح القمر said...

تصدقى بالله؟ وانا صغير ولحد دلوقت كنت بتمنى احارب ومن صغرى بقول نفسى يكون معايا طاقية الاخفاء عشان اروح افجر قادة اسرائيل واحد واحد فى سريره..دلوقت لا عايز احارب ولا عايز طاقية الاخفاء..متشكر اوى...بس انا عندى حاجات تكلفك اقل؟...بالنسبه لاتش تو اس ممكن بداله نجيب صعايده واكلين بيض..بس البيض اصبح غالى للاسف..خلاص خلاص ..خلينا فى اتش تو اس...انا بطنى وجعتنى بجد بس من كتر الضحك...وعشان ماانساش الصوره بتاعتك رهيبه وزى السكر بس مش احلى مش شمعه نفسها اكيد

islamventura said...

بس انتى نسيتى الشتيمة اللى ممكن جيب عيال صغيرة تشتم و تحدف طوب من الناحية التانية

مهندس مصري said...

ازيك ايه اخبارك كان نفسي اعمل التاج بس يدي مجزوعة بعد ما صدمتني سيارة فاول ما ها قدر اكتب هاعمل التاج وشدي حيلك علشان ميعادبداية الكلية اقتربت

Ensan said...

فى الاول اهنء سيادتكم على ثقة القيادة السياسية - روحتو فى داهية رسمى -
وبعدين برشح ليكى مجموعة من اكفأ المخططين والمصممين للاسلحة فى مصر
1- عبدة بتاع الطعمية , احسن واحد يكون قنابل من البتنجان
2- شعبان المعفن , احسن اسلحة بيولوجية مخبئة فى السندويتشات
3- مندور الطرشجى , طبعا غنى عن التعريف
وياريت لو فيه وظائف شاغرة كروئساء اركان تاخديهم فيها
ودمتم

rasha said...

حلو قوي الافكار دي بس يا ريت تمسكيني منصب مساعد وزير الدفاع يعني ممكن تعملي بعد البيض الفاسد قنبله من الاسمنت سريع الشك يتحط في مدافع زي بتاعه البحر رشاش الميه بس بدل الميه نحط اسمنت اول ما يترش ينشف علي وشهم ما يشفوش حاجه يبقي ولا ريحه ولارؤيه

Sampateek said...

فينك يا جميلة
كنت عايزة اسلم عليكي قبل ما امشي
اشوف بلوجك بخير

Epitaph said...

هههههههههههههههه
نوران ماشاء الله عليكي
انا وقعت من الضحك
ههههه

روحي يا شيخة ربنا يديكي كل الاختراعات الجوية و البحرية

Nouran said...

نأسف للتأخير يا جماعة اصل انا خطفت يومين ع الاسكندرية مش يومين هما ست ايام بس مش مشكلة انااا جيت :)

مي:
والله انا قلت اسيب الشعب يفرح مرة من نفسه
تصدقي بابا قالي انتي هتتاخدي يا نوران علشان الجيش اللي انت عاملاه ةوزي ما مارك توين قالي دي خطة هجومية بس لكن الدفاعية ف طريقها للنور بس كده ممكن اكتم عليها لحسن يغيروا هجومهم علينا
بس عايزة اسالك حاجة ايه وزارة ميليشيا دي ؟؟ ينفع اسميها حاجة تانية ؟؟

حائر ف دنيا الله:
ياااه دول مش هيستحملوا جولة واحدة وهيسلموا وبالذات الفسيخ والشرابات دي مأساة ولازم نضرب العالم اللي بيقدر النظافة ذي ما قلت بالظبط :)

مارك توين :
شوفت خطة جامدة بس برافو انك اخدت باللك الدفاع جااااي متقلقش ع الجيش بتاعنا يا هندزة
بس انا من انصار حسن شحاته مع انه زملكاوي :))

ابن الشارع:
ايه الغيبة الطويلة دي يا عم عسل ابيض عسل اسود الاتنين عسل وخلاااص :)

الاصيل:
لا انا مش عايزة اقضي ع كل البشر كفاية هما بس

احمد باشا :
لا اله الا الله
هو كلنا كده عايزين نحارب اضمك للجيش بتاعنا ولا ايه يا باشا
عارف انا فضلت افكر ايه اتش تو اس لحد ما فهمت انه الغاز بتاع القنبلة بس خلينا ف اتش تو اس ده احسن بلاش الصعايدة وانا كمان مش بعرف اكلم صعيدي فلغة الحوار هتبقى مفقودة بينا ومش هينفع :)

islamventura:
بس الشتيمة مش بتلزق ومش هيفهموها بس الطوب يا عيني الفلسطنين ايديهم وجعتهم من كتر التحديف عارف ممكن ابدل الطوب بالبمب والصواريخ احسن ايه رايك ؟؟

الباشمهندس المصري:
انا كويسة واخباري شوفت يا باشا بقيت وزيرة دفاع قد الدنيا
الف سلامة عليك والله محدش قالي ربنا يخففك بالسلامة وتكتب التاج علطول ماشي يا هندزة :)

انسان:
حرام عليك اول مرة تعلقلي ترعبني انا خلاص هسافر مع بابايا واسيب البلد بس المشلكة ف الباسبور لسه معملتش واحد لوحدي يعني ممكن اروح ف داهية بجد
بس انت واثق من الناس دي ولا هتخذلنا ادام العدو لو واثق اتفق معاهم بالنيابة عني لو هيودونا ف داهية نقفل ع الموضوع قبل ما يوسع ماشي:)

رشاااا:
بصراحة هشوف بس ممكن يقولوه علشان قرايب مسكتك المنصب وربنا افكارك وبعد كوافقة الريسة بتاعتنا هديكي المنصب
بس حلوة فكرة القنبلة الاسمنتية دي مجتش ع بالي خاالص تصدقي :)

كلبوزة هانم لكن سمباتيك:
والله انا كنت مسافرة
ربنا يرجعك لينا بالسلامة انا كمان بابايا مسافر خلاص
بس ان شاء الله متقطعيش البوستات وربنا يجعل بلوجك عمران ببوستاتك الجميلة يا رب :)

ابيتاااف :
انا كنت مسافرة ولما جيت عرفت ان عندك ف النت مشكلة بس الحمد لله اتصلحت الحمد لله
المهم قمتي سليمة من الوقعة لحسن تطالبيني بحاجة وانا طبعا هديهالك علطول :)
يااا رب و يزود اختراعاتي كمان وكمان

Sampateek said...

حمدا لله علي السلامة
انا سيبالك حبل فاضي علي السطح
انشري مدونة جديدة و صفريلي اطلع اشوفها
امووووووووه

shreef said...

انتي فعلا تستحقي تبقي وزيرة للدفاع عن الوطن بس ده هيبقى انهي وطن اللي شكله مش ولابد وهل ممكن اضيف استخدام اخر للزبالة ممكن نعمل الحائط الزبالي اقتضاء بالحائط الترابي
و الله انت ذي العسل انا مبطلتش ضحك و متنسيش تضميني للجيش ..

مـحـمـد مـفـيـد said...

ايتها المذيعه الفاشله
اين انتي من الاحداث الملتهبه المحيطه بنا الدنيا مولعه وانتي نايمه

Nouran said...

كلبوزة الجميلة:
انت تؤموري واحنا ننشر

شريف:
شكرا جدا وهناخد رايك ف الاعتبار وهذا الحائط ماشي الكلام

محمد مفيد:
اخبار ايه اعذروني كان عندي عطل فني بس ايه بجد الاخبار؟؟

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول