Saturday, September 02, 2006

ع اخرالزمن

ع اخر الزمن اخش سايبر يا نهار ابيض اقولكوا الحكاية منذ البداية
هيه بابا جابلي كمبيوتر جديد خير وبركة يا سلام ما احلى الابهات لما يعملوا حاجة حلوة كده المهم فضلنا سايبينه ف كارتونه الى معاد سفر الوالد وقلنا نشغله ولله الحمد معرفناش نسطب وصلة الدي زقت ال والمودم بابايا العزيز قالي نسيبه للباش مهندز يجي يعمله ولله الحمد البشمهندز بقاله اسبوع واعدنا يجي وضربها طنااااش اه جالي ترالالي اسبوع معرفش اخش ولا اعرف اخبار الشعب البلوجي ولا اعرف اي حاجة عن اي حد ولكننا نعدكم لما الباش مهندز يجي هعمل بوستات مكثفة ف مليون حاجة عايزة اكتبها وهرد ع التعليقات لما اكون ع كمبيوتر معززة مكرمة وهخش عن كل واحد اعلق ع اللي فاتني من الكتابات ده وعد وع اخر الزمن لازم اخد راجل معايا السايبر فخت بودى ابن خالتي 12سنة ونص ولله الحمد
استفتاء والنبي ع الماشي:
اغمية العنب هحطها كام يوم اختارو من 1 الى 7 طبعا مش اكتر كده علشان االخوة رواد البلوج ميطفشوش
بالنسبة للقصة الفاشلة ف النشرة اخليها ولا الغيها وذلك حسب رغبات سيادتكم واحيطونا علما بذلك اوكش
تعذية واجبة:
ربنا يرحم محمد عبد الوهاب الشهير بهوبا ف مدرستنا ربنا يرحمه ويغفر له ويدخله الجنة ويصبر اهله
حاجة اخييرة:
ادعولي الباشمهندزيجي والعقدة تنفك

11 comments:

Gid-Do - جدو said...

وانا عمال اقول البت راحت فين بطلت تعلق وهى فبل كدة كانت منتشرة فى الابعاد التلاتة ؟
اخرتها قلت يمكن بابا فى مصر وقرب يسافر وانت لزقة جوا جيبة او ان الجامعة فتحت لكن طلع كل دة تخمين غلط ـ ماشى على الاقل ارتحت وعرفت انك عندك عطل فنى ـ منتظرين معاكى الى ان يزول العطل الفنى

إ بـ ر ا هـ يـ م said...

الحمد لله انك لسه عايشه و شكرا انك طمنتينا عليكي مستنين تعليقاتك و بوستاتك اللذيذه

soosa el-mafroosa said...

يالا يا شمعتي يعالي نورلنا من جديد الدنيا مضلمة

Nouran said...

انا جيت نورت البيت اقصد البلوجر:
جدو العزيز:
انا منتشرة ف الابعاد التلاته ايه الكلام الحلو ده يا جدو ربنا يخليك
والله من اول بابا ما سافر والموضوع ده ابتدى حاجة غريبة فعلا والعطل زال ولله الحمد

ابراهيم باشا:
الحمد لله لسه عايشة وبتنفس هوا وبشرب مايه وباكل مانجه وبلح احمر كمان :)
انا رجعت خلاص الحمد لله

سوسة المفروسة:
مبروك الصورة الشياكة دي انا جيت النور جه :)

Epitaph said...

نورااااااااااان
وحشاني

اعملك محشي يمكن تيجي طيب؟؟
:))))

Nouran said...

انا هنا بتفصح اروح عندك اكل محشي بقالي كام يوم باكل اكل غريب يا بنتي انا جايه

rasha said...

انا بقول كفايه يوم او نص لان الاغنيه تجيب العصبي واخرها يغنوها بتوع العنب وهمه بيبيعوا ........... اما القصه فخليها

BaTaBeeT said...

a7mar...a7'dar....asfar (te7esee eno bey3'ani l eshara!!
bas el song gamda .. m3 en galy sadma w tana7a awel masme3taha... dana 7ata lesa kont basama3ha l epitaph mn shwia
but still...i'm one of ba3ror's biggest fans !!

مـحـمـد مـفـيـد said...

كنت هجيبب ميكروفون وادور عليكي بركه انك عايشه

العميل 33 said...

اسلوبك عجبنى جدا يا ريت تستمرى العميل 33 يا ريت تبقى تزورينى فى البلوج بتاعى

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول