Saturday, February 03, 2007

خواطر تهيسية

-متوقفة عن الكتابة لاسباب لا اعلمها
...يا رب متجننش-
.
لا اعلم لماذا تطير الافكار مني داخل عقلي
...بتطير ازاي معرفش
.
تتخبط يمينا ويسار ولا تستقر ف جهة
...بتخبط ازاي انا معرفش-
.

متوقفة عن الكتابة لاسباب لا اعلمها
...شكلي هتجنن-
.
اسباب ليس لها علاقة بحالتي
...انا عملت جراحة بسيطة ف رجلي اكيد مش هي السبب
.
اسباب ليس لها علاقة بعقلي
...انا ركبي حديد والاهلي حديد و عقلي شديد
.
ولكنها بالتاكيد اسباب لا اعلمها
...شكلي اتجننت
.
ماذا اكتب ؟؟
...اكتب اللي اكتبه
.
سؤال يتردد ف ذهني
...بيتردد رايح جاي
.
ااكتب عني؟ عن عائلتي؟ عن اصدقائي؟ عن بلدي؟
...شكلي هخنق نفسي ف الاخر
.
اردت ان اكتب شئيا فوق العادة ولكنه هرب مني كالعادة
... يا سلام عليا
.
بل وازدادت صعوبة حالتي باني قررت الاستستلام
...الاستسلام لايه معرفش
.
ولكن يدي امسكت ورقة وقلم ورسمت اشياء تذكرني بطفولتي
...طفولة سعيدة ومشردة جدا
.
ولكني الياس الذي ف عقلي ناداني قائلا
...معرفش ناداني ازاي بس ناداني
.
انها مجرد محاولة لتذكر الاشياء الجميلة ولكنها لن تدوم
...حالتي باظت خالص
.
وقررت التحدي
... هتحدى مين معرفش
.
ورسمت المزيد والمزيد اشياء كثيرة جميلة ملونة
...يا سلام عليا لما ابقى فايقة
.
وها انا منتظرة لعلي استطيع الكتابة
...مش عارفة هفضل مستنية كتير
.
ولكني نجحت ف تذكر الاشياء الجميلة
...اخيرا فلحت ف حاجة
.
متوقفة عن الكتابة لاسباب لا اعلمها
...خواطر تهيسية من اثر البنج ابن الفقرية
.
انتهى

21 comments:

Anonymous said...

حلوة المدونه
خصوصا اخر مقال
هههههههههههههه
vetrinary2000.jeeran
دى مدونتى
ابقى بصى عليها يمكن تعجبك
انا بردو بهيس زيك كده
وكان عنيكى شوارع
وكانى شوارعى
دكتور محمد عمران

Hany Barakat said...

:-) w ktbty 7aga fel a7'er!

Nice post!

محمد فوزي آل ربيع said...

يا حماعة حد يلحق ينادي العربية اللي بتودي ع السراية الصفرا

عندنا واحدة محتاجة تاخد لها يومين استجمام في العباسية

يخرب عقلك دا شكله البنج مأثر جامد
أنا كنت خايف ليكون حشيش في الأول

عموما حمد الله عالسلامة

Dody said...

ايه ده يا بنتى هو انتى كنتى ناقصه بنج كمان ده انتى كنتى مهيسه خلقه
سلامتك يا جميل
وانا هابقى اكلمك اطمن عليكى

BaBaNesmA said...

الأجازة دى جاية بطريقة مختلفة خالص ، تحس كده إنها متنكرة ، تقريبا ملقيتش حد استريح فيها


ربنا يستر

مداح القمر said...

الف الف سلامه على العمليه
ومعلش فيه فتره كدا العقل فيها بيبقى زهقان ومش عايز يعمل حاجه من اللى كان بيعملها
لازم تغيرى جو ولو يوم قبل الدراسه..ودى مش نصيحة دكتور..دى نصيحة واحد مجرب
حلو اوى الاسلوب بتاعك
اسلوب جديد تهييس على جد...مش انتى اللى هتتجننى...انتى اللى هتجننينا...ههههه

MestKA said...

ربنا يشفيكي يا بنتي ما هو التهيس ده بقى مرض العصر ومتقلقيش انتي اللحصلك كلن من تاثير نقص سندوتشات البطاطس بتاعت ميدو خلاص كلها كام يوم ونرجع للهم تاني و التهيس اللي على حق واخيرا الفسلامة على رجلك انشاله اللي يكرهوكي

funnytweety said...

ايه البلوج الهايل ده انتي مبدعه والف سلامة على صوابعك ويا سلام عليكى فى الشراب الصوابع هتبقى مش ممكن

funnytweety said...

انا مش قادره اصدق انى كتبتلك كومينت انا خلاص عديت يابنتي ما حدش هيقدر يكلمنى دلوقتى صحيح مهندسه تسلملنا صوابعك الطويله اقصد الجميلة

funnytweety said...

على فكره انا عملت بلوج تانى عشان ما عرفتش الاقي الاول اسمه
pussy89-funnytweety
لى الله ما يرحش هوه كمان

ادم المصري said...

علي فكرة انتي بنت زي العسل

حتي في تهييسك زي العسل

والف سلامة علي رجلك يا عسل

wa3d-el3yoon said...

هههههههههههههههههههه
الامتحانات يا بنتى صدقينى
أنا مش عارف اعمل حاجه بقالى عشره ايام من يوم ما خلصت
حتى التلحين مش عارف ده بالاضافه للرسم اللى شكله مات عندى
ربنا يستر على التلحين هو كمان
بس الف سلامه على رجلك يارب تكونى سليمه

Dr. Tantawy said...

mmmm


rabena yeshfy :))

kol a3radek nfseya .. baseta .. bs el mohm ba2a .. 3mlty eh fe reglek .. robat saleby wala eh :D .. enty btl3aby kora ya handasa

مبرمج حر said...

هههههههههههه
حلوه أثر البنج أبن الفقريه

خواطرك حلوه
أكتبى يا بنتى أكتبى ده الكتابه
مش هتموتك لكن كتم الخواطر هو اللى هيتعبك

وعجبى

ههههههههههههه

ملحوظه
أبقى تعالى أعملى تيست
للمدونه وقولى لى اذا كانت لسه فى
مشكله فى الأنكود

Nouran said...

دكتور محمد عمران:
شكرا ليك يا فندم وحلو تهيسك جدا ع فكرة

هاني:
لا مكتنبتش حاجة ف الاخر :)
شكرا:)

محمد فوزي:
ايه يا عم ده انت شردتني عربية سراية صفرا قولنا من تاثير البنج بقى وحشيش ايه هو احنا بتوع الكلام ده ده كده طبيعي:) وعموما الله يسلمك

دودي:
اما الانتيخ بتاعتي بتقول كده الناس هتقول ايه :)

babanesma:
هي اجازة نص السنة كده مع اني بقالي سنتين مخدتهاش بس هي كده

الدكتور احمدباشا:
الله يسلمك يا دكتور
والعقل خصوصا عقلي هيطفش مني اصلا عارف لو قدرت امشي قبل الدراسة هغير جو بس انا محبوسة ف البيت اعااااااا اهئ اهئ
اصل عارف بتخنق كده فبحب اقلب التهيس بجد شفت العبقرية الطقة :) يعني كده ذنب اللي هيجننوا ف رقابتي :)


مستكة:
يا جامد يا جامد تحليل مظبوط ونسيتي جرعة الشاي البايظ بتاع كل يوم لو جيت بدري يعني ان شالله اللي يكرهوني يا رب هههههههه

بطتي حبيبتي تويتي :
ايه يا بنتي ده انت عارفة طبعا انا مبدعة من زمان بس محدش واخد باله :)
شكرا ع الفضايح ديه بكرة يخف والبس شراب صوابع انا دلوقتي اصلا حتى الشبشب مش بعرف البسه اهئ اهئ
عديتي جاااااااامد ههههههه
ايه يا بنتي لمي بلوجاتك الضايعة بس ع فكرة ابو لون اسود كان احلى حاولي تفتكري عملتي الباسورد ايه يا بطتي

ادم باشا:
حمدلله ع السلامة يا باشا
شفت تهيسيي وصل لحد ايه :)
الله يسلمك يا باشا

محمد باشا:
يا عم الامتحاانات بقالها 100 سنة خلصانة تفتكر لسه مأثرة عليا :(
ربنا يستر ع دماغنا اصلا ههههه
الله يسلمك وهي دلوقتي شبه سلمية مقضياها نط :)

د.طنطاوي:
امممممممممم بس انت ادعي ان ربنا يشفي
مين رباط صليبي ده بتاع الانبوبة :)
لا مش الرباط ده تقطيع صوابع هههه الناس بيقولك مش هعرف البس شراب صوابع علشان هيبقى شكله وحش :(
لا لا انت صدقت ولا ايه؟؟
انا مش بلعب كورة انا بلعب شطرنج :)

Nouran said...

مبرمج باشا حر:)
ع فكرة انت علقت وانا بعلق علشان كده مشفتكش
انا شيبتلك كومينت عندك والمدونة بقت فل الفل وميت عشرة كمان :)
والله الحاجة الوحيدة اللي بعملها دلوقتي الكتابة لاني محبوسة ف البيت :( بس بطلع دماغي ف البلوج وربنا يصبركوا ع اللي هتقروه :)

Epitaph said...

سلامتك يا نوران
بنج ايه بس

:)) بس اني سكر موووت ماشاء الله عليكي

Nouran said...

الله يسلمك يا ابي
بنج موضعي ههههههههه
والله انت اللي سكر:)

hummar said...

هلا وغلا باستاذه فن التهييص
اعتقد ان لو عملنا جايزه للتهييص هاتكسبيها
لكن اعتقد ان البنج مش هو السبب لانه اداكي بنج موضعي مش كلي البنج الكلي بيوريكي التهييص على حق والف سلامه ياشمعتنا
الشـــاكوش

Nouran said...

طب شكرا :)

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول