Tuesday, February 06, 2007

اتنين ف واحد

اولا:
انا : بطتتي
هي: وزتي وحشتيني
انا : وانت كمان والله بس ايه الحظيرة اللي واقعين فيها ديه
كل يوم من ده لما نشوف بعض ف الكلية الصبح بطتتي ديه صحبتي نورهان كانت معايا ف المدرسة وف درس الرياضة بس بقينا صحاب ف الكلية بجد بحبها جدا بحب تلقائيتها وطيبتها وبساطتها وهبلها ف احيان كتير انا وهي بنمثل ثنائي هبل وعبط يجنن :) بجد انا معرفتهاش غير لما دخلت الكلية المهم انها عملت بلوج شفتوا ازاي ومستكة برضوه ف طريقها انها تكتب حاجة ف بلوجها اللي مش معمول لسه بس بتقولي ف الاجازة المهم بطتتي عملت بلوج فني تويتي وضيعته وعملته تاني عادي يعني المهم يعني -ايه حكاية المهم معايا ديه-انا فرحانه انها عملت بلوج وعقبال مستكة اهوه لينك لبطتتي:) هو لسه البلوج مش متنظم بس هيحلو صدقوني
.
يا سلام اتبعتلي تاج شكرا ع التدبيسة يا دودي ويا بشمهندس محمد:)
.
ايه اللي هيحصل لاميلك لما تموت؟
سلام قول من رب رحيم قول ايه اللي هيحصلك لما تموت مش لايميلك يحصله اي حاجة هو انا هبقى فايقة له كفاية اللي هبقى انا فيه
.
اديت الباسورد بتاعك لحد قبل كده؟
اه يعني هو الايميل فيه اسراري البلوجيه يعني
.
لو اه كانت طبيعة العلاقة بيه ايه؟
بابا يعني علشان هو اللي كان عملي الايميل ايام ما كنت عيلة ولما غيرته ادتهولوه علشان يفضيهولي لما اكون مش بخش عليه وكمان مصر كلها عارفة الباسورد بتاعي يعني لو عايزة رضوى تعملي حاجة هدهولها اذا كانت مش عارفاه يعني :)
.
اسمك؟
يااااه سؤال صعب جدا ع العموم ممكن تقولولي نور اس اتنين او مثنى نور زي ما انتوا عايزين
نوراااااااااااااااان -بس هي الف واحدة ف النص-
.
اسم الدلع المشهور بيه وسط اصحابك؟
مش اسم واحد كل واحد حسب الغزالة فيه نونو و نور ونورا وحاليا شموعة ووزتي :)
.
عمرك؟
17 سنة ونص -انا اكبر من دودي بشهر و 10 ايام0-
برجك؟
بيقولوه الجوزاء بس انا معرفش ايه علاقة الابراج بالموضوع وكمان انا معرفش عنه اي حاجة :)
.
مجال دراستك؟
والعياذ بالله هندزززززززززززة-بس لسه بحبها برضه-
.
شخصيتك نوعها ايه؟
اتنين ف واحد برت بلاس ههههههههه
انتوا اللي جبتوه لنفسكوا انا هتكلم سبوني اتكلم طيب خلاص انا هكتب :)
زي ما فهمت من السطر اللي قبل ده فتقدر تقول رخمة من الطراز الاول للي ميعرفنيش واللي يعرفني برضه عادي يعني يااااه ده انا بعذب الناس اوي وممكن تقول تنكة بس ديه حسب المزاج بس ف الاساس للي ميعرفنيش يعني هخلي الناس تتعود عليا كده لازم حبة تناكة ولما يعرفوني يقولولي كنا بنحسبك تنكة
ممكن نقول صفات حلوة شوية عاقلة بس بحالات برضه مستمعة للناس طيبة والله العظيم مش بجامل نفسي يعني عيوطة فماما بتقول عليا حساسة الحساسية ليها علاقة بالعياط والله معرفش كفاية كده بقى اصلا مش بعرف اوصف نفسي :)
.
المود بتاعي:
زجزاج مش زجاج علشان محدش يفهم غلط
.
وقت فراغك بتعمل فيه ايه؟
ياااه حجات كتيرة بنام وبنام وبنام وباكل وممكن اقرا وممكن اعمل كيكة يعني كل 120سنة مرة والعب بلاي استيشن واتفرج ع الكارتون والتلفزيون كفاية كده كلها حجات بتضيع الوقت شفتوا وقت فراغي كبير ازاي -ع فكرة ف حجات اساسية مش هعملها ف وقت الفراغ علشان ليها وقت اصلا-
.
الاكلة المفضلة؟ انا هغير صيغة السؤال هخليه الاكل المفضل قال اكلة واحدة قال
المهم المحشي والبطاطس ف الصينية مش الحمرا البيضة والمحشي تاني والخرشوف واكل كتير تاني متعدش -ده انا بقت اكيلة اوي من بعد ما دخلت الكلية حاجة صعبة-
.
الصفات اللي اختها من ماما ومن بابا؟
صدقوني مش هعرف اجاوب ع السؤال ده اني شخصيا معرفش :)
.
اكتر 6 حجات بتكرهها؟
القطط
الكدب والعالم السوسة
الميكروبسات
التلفزيون المصري
السياسة
بكار ابو كف رقيق وصغنن
.
اكتر 6 حجات بحبها؟
بصوا بقى ف حجات هنطلعها من ال6 حجات علشان مينفعش نقول عليها حجات يعني ربنا ورسولنا وبلدنا وبابانا ومامتنا واخواتنا وقرايبنا وصحابنا
نيجي بقى لل6 حجات:)
الكارتون
البلاي استيشن
الرياضة والفيزيا بالرغم اني مبقتش اعرف احلهم ومعذبني
الرسم والقراية
الشيكولاتة
الكورة
.
الشغل بالنسبة ليك؟
هو حلم وتجربة خايفة من المرور بيها وممكن اكون مش ضامنة الحصول عليها
.
الكمبيوتر بالنسبة لك ايه؟
زي اخويا هههههههه
.................................................................................
التاج التاني:
ع فكرة انا اكتشفت ان السؤال التاني ده تاج لوحده يا سلام انا جالي تاج 2 ف 1
الخمس الحجات اللي محدش يعرفها عنك؟
اولا:
ها نور
لا لسة
نور
لا لسه
ماما بخااااااار بخاااااااااار
حد فهم حاجة طبعا لا المهم انا وروان ومنن اخواتي كنا بنلعب ف الرسيفير علشان كان معلق ونشيل الفيشة ونحط الفيشة لحد ما طلع دخان وانا بهبلي ااقول بخار قال بخار قال هههههه المهم ان احنا بوظنا الرسيفير طبعا 3بنات زي الشربات مش بيعملوا اي حاجة عادي خالص وخلينا بابا يجيبلنا واحد تاني ف نفس اليوم علشان كان فيه الحلقة الاخيرة من مسلسل متابعينوه بقالنا شهر :)
.
ثانيا:
بصي انا بعرف اولع الكبريت اوريكي
لا يا محمود هتوريني هنا لحسن نولع ف الشقة ولا حاجة
لا انا هسيطر ع الموقف
الموقف ده حصل وانا وابن خالتي عندنا 5 سنين والبيت كله نايم وطبعا سيطرنا ع الموقف بعد ما الورق المتولع وقع ع الارضض وحته من السجادة كانت هتولع وطلعت اجري اجيب مايه علشان نطفي الحريقة
ع فكرة محدش يعرف خالص لحد دلوقتي :)
.
كفاية فضايح ونخش ف حجات قسيرة -اه بالسين بقى-
ثالثا: لما بحب حد مش بعرف ابين اني بحبه
.
رابعا:بيبقى نفسي اعامل الناس اللي معرفهاش كويس بس بيغلب عليا طبع التناكة والرخامة بس والله مش بيبقى قصدي يعني لما جي اروح اشتري حاجة لازم اسمع الجملة ديه هو فيه حد مزعلك ولا ايه وربنا مش ببقى عاملة حاجة تدل اني زعلانة انا كده اصلا بتغاظ اوي من الحكاية ديه
.
خامسا:وانا صغيرة كان نفسي اطلع صحفية مهندسة مخترعة اه 3 ف واحد وعندي لحد دلوقتي حجات كتبتها زمااان ومحدش شافها غير واحدة صحبتي ومبقتش صحبتي ها يا دودي كنت معتبرة الاجندة ديه نفسي ولما اديتهالها تقراها قالتلي عادية يعني ايه اللي فيها اتغاظت اوي بجد اما عن الاختراعات فاسالوا رضوى وهكتب عنها بوست ان شاء الله
.
كده خلصنا التاج اللي ف زمتنا وهندبس فيه الناس الحلوين ديه ع فكرة دول تاجين يعني فيه
ناس عملت الاول وانا هدبسها ف التاني حد فهم حاجة :)
سويدي
عربي ومنجي
الدكتور احمد باشا
محمد مفيد
ادم باشا
مبرمج حر التاج التاني علشان عمل الاولاني :)
البشمهندس نور باشا
بطتي

18 comments:

مبرمج حر said...

:))
التاج التانى ده مش عايز يسبنى خالص
مع انى جاوبت عليه من أسبوع يا نوران

Epitaph said...

هههههه

عشان حضرتك برج الجوزاء يا قطة

بس ولعتي في الورق يا نوران؟؟
و حرقتي السجادة؟؟
هههههه

ومسلسل ايه ده اللي كنتي متبعاه


بس انا زعلانة منك

حد يكره بكار برضه
ابو كف رقيق و صغير

عاااااااااا

مـحـمـد مـفـيـد said...

السلام عليكم
ازيك يا نوران اخبارك ايه؟
الف سلامه عليكي واتمني ان تكوني بخير دلوقتي
ياستي شكرا جدا علي التاج اللي بعتاه
وبعدين عبد الله زعل وقالي مش بعتت تاج ليا ليه؟
علي العموم انا في مرحله بيات شتوي مع البلوج لانشغالي في اعمال كثيره واول ما افضي هعمله ان شاء الله
ومانجلكيش في تاج ابدا

:))

Dody said...

هههههههههههههههه
مجنونه كالعاده
تاج جامد يا نور
ومستنيه بوست الاختراعات ده هيبقى جااااااااااااامد بس حطى الرسومات اللى رسمتيها

Human said...

الصراحه يا نوران عكس كلامك ده الطفله اللي جواك ...أفلام كارتون وبلاي ستيشن وكوره .,,,,طفله فعلا ........وشقية كمان بس مش معاك الصراحة في كرهك للقطط وبكار

Sharm said...

كل تاج وانتي طيبة

wa3d-el3yoon said...

هههههههههههههه شخصيه من زجاج ههه لأ جامده عادى كانت ممكن تبقى متأرجحه أو متردده بلاش زجزاج دى بس جامده والله

تصدقى لسه مش عارف اسمك لغبطينى

بتحبى الرياضه والفزياء زيى أنا بحبهم جدا الرياضه الحمد لله ديما جيد جدا والفزياء مقبول. بس أنا مش مقياس انشاء الله الاتنين امتياز.وعملت أيه فى الامتحانات.
سلامه الرسيفر يا بشمهندسه هلال هلا

محمد فوزي آل ربيع said...

ههههههههههههه
توحفة
مش قادر أبطل ضحك على مثنى نور
ولا نور أي اتنين
يخرب عقلك
ولا مجال الدراسة
قال هندزة و العياذ بالله
إية يا بنتي بتطفشي الناس بس لية؟

Nouran said...

مبرمج حر:
ماشي يا باشا التاج الجاي وعليك خير


ابيتاف هانم:
ههههه يا سلام ايه علاقة برج الجوزاء بكده يعني
والله ما انا اللي ولعت فيه ده محمود والسجادة مولعتش ربنا سطر وسيطرنا ع الموقف ههههههه كان مسلسل الحقيقة والسراب لا والنبي بلاش بكاار ده يع بكره فعلااا

محمد مفيد:
الحمدلله كويسه انت اللي مختفي بس قدام بيات شتوي شغلي مش مشكلة لا شكر ع تاج واعتذر لعبدالله باشا بالنيابة عني وهبعتله المرة الجاية

دودي:
اديكي قلتي كالعادة
بس الرسومات بتاعة الاختراعات ضاعت اهئ اهئ والله كانت رسومات هايلة ممكن اعملها اعادة تصميم:))

human:
والله انا برضه بقول كده بس اللي قلتهولكوا ده الانطباع الاول بتاع الناس اللي بيعاملوني وجه لوجه بس انا مش كده خالص انا زي ما انت قلت بس القطط ديه انا معقدة منها من زمااااان وبكار ده رخم اوي كفاية انه عامل فيها ابو العريف :)

sharm:
وانت طيب

محمد باشا:
شفت لازم افتكس زجزاج حلوة والله بس كده مش عارف اسمي بص هو نور +نور يبقى ايه ؟ :)
انا بحبهم اه بس اجيب تقدير بالذات النص ده مظنش ادعيلي ربنا يوفقني النص التاني بقى ماشي يا هندزة :)


محمد فوزي باشا :
توحفة ههههههه لا حلوة
انا قلتلك بلاش هندزة من اولها ذاكر لتفادي الميكانيكس مهما تذاكر مش هتحل ههههه شعر والله ده ولا ايه :)

www.blogs4arab.com said...


يسعدنا تشريفك
www.blogs4arab.com

ذو النون المصري said...

الف مبروك انا شفت صور حفل الزفاف
الف مبروك كمان مره

voice of love said...

الباشمهندس نور باشا
صباح التهييس
وحشتينى

كل القصايد said...

ربنا يخليكو لبعض وتفضلو على طوول اصحاب

بين الأمل و اليأس said...

بجد زي العسل
شكلك شكل بووووووو
انتي واسرارك دي
وربنا يسترها

NoOR said...

مثني نور .كده يبقي انتي باتنين مني ماشي

وربنا يسهل واعمل التاج ده قبل ما الدي اس ال يفصل اصل الشركه اللي مشترك معاها بتهيس

Nouran said...

ذو النون المصري:
الله يبارك فيك

دولي :
حمدلله ع السلامة والله كنت بعدي عليكي الاقي المحل قافل ربنا يخليلنا ابي اللي خليتك تفتحيه :)

فلسطينية اصيلة:
يا رب

بين الامل والياس:
شكرا ليك يا باشا وربنا يسترها

نوووووووور:
شفت اتنين منك الشركة برضه اللي مهيسة :)

Wahid_Maahour said...

بجد يا نوران انا بحيي اللي عمل فكرة التيجان التلاته دي ..مش هتكلم على جمال التعبيرات والتلقائية فيه ،بس بجد التيجان دي عرفتنا على شخصيات براءة مفيش زي كده او انا شايف كده لدرجة اني بلف على البلوغات اتابع التيجان قبل اي حاجه.

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول