يالا بقى هنشطب وهاخد اجازة وهذاكر وهظبط مواعيدي ومش هنام كتير ومش هكتب بوست عن الفلانتين وحالتي النفسية متدهورة ده انا حتى مش بتفرج ع الكارتون ولا باور رينجيز شفتوا التدهور وكل اللي بعمله ف حياتي بناااااااااام والنبي قولولي حل ع النوم ده يا جماعة وجه الدكتور بتاع التكامل اللي معرفش اسمه ايه زود الطين بله راجل فضل يحبطنا ويحبطنا وياريته بيعرف يشرح
ان الله لا يغير بقوم حتي يغيروا ما بانفسهم"
والمشكلة اني مش عارفة اغير من نفسي عارفين لما تبقوا عارفين حاجة غلط ومش عارفين تغيروها وجواكوا حاجة مش عارفين تعملوها
ع فكرة المفروض يبقى فيه نشرة بس بصراحة مش قادرة اكتب نشرة واهيس وكده واحط قصص تشل ونكت تجيب الضغط والفقرة الجديدة ونورت مصر والف اغنية ع الاغنية وكده بس برضه مش قادرة افوت تهاني كتيرة
اولهم لدولي اللي رجعتلنا من تاني والبركة ف الحاجة ابي وكنت ناوية احطلها والله نشرة جامدة بس صدقيني هتبقى ف اول النشرة
عندنا عيد ميلاد البشمهندس محمد ما شاء الله 19 سنة عقبال 119 سنة يا باشا
عندنا البشمهندس الدكتور زنجولا ومع الناجح يرفع ايده وجيد جدا مع انه حسب كلامه كان منتظر الامتياز بس احسن من مفيش رئيس الوزرا بتاعنا بقى معاه البكالريوس وهنبعتله الشيك ع الميل علشان يتمنظر بيه :)
وبمناسبة الناجحين برضه منن اختي عقبالكوا كده نجحت ف الابتدائية 98 ف الميه طالعة متفوقة زي بس ع فكرة انا كنت اشطر لكن دلوقتي مش متاكدة من موضوع الشطارة ده :(
وصحبتي برضه بس هي مش بتخش ع البلوج بس برضه اعدادي طب اسنان جيد جدا شفتوا التفوق
حلاص فيه تهاني تانية انا مختش بالي منها ؟؟
15 comments:
هيييييه انا اول كومنت ....علي فكره "ان الله لايغير ما بقوم حتي يغيروا ما بأنفسهم "
اما موضوع الاكتئاب فده هيبقي ادمان بعد كده ولما تلاقي نفسك مش مكتئبه ها تقلقي
اما باور رينجيرز فمن زمان وانا مابحبهمش توم اند جيري الذ القديمه تحلي بقي
هههههههههههههه
عندك مشكله فى كتر النوم
وأنا عندى مشكله فى قلته طب أدينى شويه نوم اللى عندك
وميرسى بجد وكل سنه وانت طيبه
فكك خالص من دكتور التكامل بس أهتمى بالتكامل عشان اساس السنين الجايه فى أغلب المواد
سلام
معترض معاكي في حاجة
انك هتاخدي الاجازة و تنامي قليل
ده انا واخد الاجازة و تقريبا بنام 23 ساعة في اليوم و اصحى انجز اموري بسرعة و اكمل نوم
ايه يابنتى الاكتئاب ده كله ده انتى هتخلينى اعيط
ياستى فكك من دكتور التكامل ده كل الدكاتره خنقه كده
ومبروووووووك لكل الناجحين دول وعقبالنا
أنا نفسي أفهم بس هوا كل دكاترة الجامعة كدة؟؟؟؟
كل أما أشوف واحد أكبر من بسنة ولا اتنين و ف جامعة يشكيلي من الدكاترة
لا بجد هوا في حالة نفسية منتشرة وسطيهم و لا إية؟؟؟؟
و الله العظيم بتخوفوني
بس مش مهم
أي حاجة في التكامل أنا موجود
لسة مخلصينه من أسبوع و الأستاذ بتاعنا جامد و فاهم و محسسني إنه مش مدرس ثانوي أبدا
دا كل يوم في الفسحة تلاقيه قاعد في صفنا و بيحل مسائل و يذاكر من مراجع و بتاع
فعلا ناس بتوع علم مش منظرة
تانيا كتر النوم ما هوش مشكلة إذا بتركزي بقية اليوم و بتعملي الواجبات ( المتحتمة) عليكي
و سيبك من الكارتون تقدري تجيبي كرتونة علب السجاير و تتفرجي عليها
عادي يعني
أما الإكتئاب فالمفروض تسألي مين ما عندوش اكتئاب؟؟؟
و الإجابة عندكو
انت سكرة يا نوران
وعلشان رقتك دى واحساسك بكل اللى حواليكى
هادعيلك
وهادعى على دكتور التفاضل
تعرفى انى مرة عدى على ترم كامل ما شفتش فيه دكتور الميكانيكا
وشفته صدفة فى نادى الكلية ماعرفتوش غير لما قالولى
اوعى تعملى زيى
التزمى يابنوتة
حل النوم أنك تلاقى حاجة تُلهب أنفاسك وتُثير عقلك زى مثلا كتاب لذيذ أووى أو موقع ألذ أو رسم هندسى
أو فيلم رهــــــــيب أو أنك تكبرى دماغك عن ده كله وتنامى برضوه و عموما النوم تقاويه نوم وأن كان على التكامل فدى ضريبة الهندسة معلش .. مادة تلاقى الدكتور بتاعها أسطورة و مادة يبقى واقف فى وشها بومة من طريقة شرح الدكتور اللى تقرف .. قضيها بقى شرح سكاشن و وورق كورسات عيشيها .. وبالنسبة للتغير والله دورى على مناطق القوة جواكى و ركزى عليها على فكرة فى تدوينة حلوة أوى عند ذو النون المصرى بتتكلم عن كده .. يالا سلام
لا لا لا دى مش نوران...دا انا حتى كل مره بدخل التدوينه واشوف الصوره اللى حاطاها بضحك وبحس انك كدا انما المره دى مش شايف الصوره من وسط الكلام...نوم ايه النوم الكتير هروب من الواقع ومش حلو لان بيتعب نفسيا....ثانيا جربى تطبقى يومين كدا وشوفى التهييس بتاعك هيبقى عامل ازاى...وكمان فلانطاين ايه صحيح اللى انت كاتباه عند دودى دا؟ دا عيد جديد؟هههههههههه
بيجيبوا لبعض فيه هدايا ضباضيب بقى وكدا..هههههههه
يلا يا نوران مستنى النشره الجايه ومش عايز اسمع سيره عن موضوع المذاكره قصدى النوم والاكتئاب والمذاكره برضه..هههههههههه..ربنا يوفقك
ايه يا شمووعة نسيتي كلامك بتاع اجازة نص السنة وان انا لازم نذاكر ونجيب تقدير ونلعب على الفوز مش التعادل والحورات دي عموما ماتألئيش دي عين وصبيتك اصل انا بقيت بعتقد في الحجات دي زيادة شوية زي مانتي عارفة
في حاجة تانية بالنسبة للنوم اصل تأثير دكتور التكامل كان جامد واي حد يبصله يحس انه عايز ينام دا حتى سيد لاحظ ان عنيه مفتوحة بالعافية وممكن ينام في اي لحظة من المحاضرة و اوئكدلك انك لسه مصابه بنقص سندوتشات البطاطس ماشي يا جميل
فكيها .. ان الاكتئاب لا يصنع اي شيء كويس .. هكذا قال المشمشاني
بالنسبه لدكاتره الكليه :)) ف سيبك منهم .. والله لا بيقدموا ولا بيأخروا .. اخرتهم يكسروا المقاديف و خلاص
اخيرا ..مش عارف استشكرك ازاي على الخبر الحلو بتاع النتيجه :)) بس ياريت الشيك بقه يوصل على الميل علشان مفيش حاجه وصلت .. و مش عارف اشتري برووووفر جديد .. الجو شكله هيسقع تاني بعد ما كنت صيفت ههههه
بانتظار الاموال و التحويلات و الفلوس و النقديه
السلام عليوا
انا اسف للتاخير
لعاشر مره
لان انا عارف ان انتا اتاخرت كتير اوى
انا بكرر اسفى
وان شاء الله تكون فى مواضيع جايه
وانتى ذى ماانتى مواضيعك كلها نابعه من قلبك
اللى جواكى بتكتبى بطريقتك
وبشكل بسيط يدخل القلب
بجد ربنا يوفقك
أيههههههههههههههه فى أيهههههههههههههههه
؟؟؟؟؟؟؟؟؟؟؟؟؟؟؟؟
مالك يا نور أتاخرت ليه كده أنت فين طب ردى حتى على الكومينتات
بلاش تأخير
مالك يابنتى كلنا لها مش انتى لوحدك احمدى بنا انك لسه بعقلك في ناس ابراج عقلها كلها طارت
ازيك يا نوران
كيف حالك ؟
انا جيت يا جماعة بصوا بقى انا هرد عليكم بس مش دلوقتي لحسن انا طولت وعايزة اذاكر اوكش بس بجد شكرا للي قالولي ع حلول وصبروني شكرا ليكوا
Post a Comment