Saturday, March 03, 2007

النشرة رقم خمسة

بصوا البوست هيبقى بصيغة بكار مع اني مش بحبه بس مش مشكلة تغيير
بكاار:هوي اصحابي شفتوا الشهر ده حوصل ايه ؟؟
كان عندنا ناجحين كتير اوي من ابتدائي لغاية الجامعة
.
منن اختي نجحت ف الابتدائية لولولولي عقبالكم كلكم وجابت 98% شفتوا الاتفوق
زنجولا باشا جاب جيد جدا وناقصله سنة الامتياز ويبقى دكتور رسمي اينعم بقى دكتور بس برضه
وعندي واحدة صحبتي طب اسنان جابت جيد جدا
واخر االناجحين دودي حبيبتي جابت جيد جدا لولوللولولولي
مبروك لكل الناجحين وهتلاقوا الشربات نازل مجانا مع كل تعليق
.
نيجي لاعياد الميلاد
كان اول الشهر عيد ميلاد البشمهندس محمد باشا كل سنة وهو طيب
.
وبعد كده برضه ف اول الشهر عيد ميلاد زميلي العزيز tschuss:)
فيه اوملاوت ع اليو المهم انا هخليه يخش يقرا كل سنة وانت طيب يا اباشا ورخمبس ع اسس وقواعد ههههه كالعادة والسنة الجاية تاخد ال120جنية من الكلية ومحدش يقول الكلمة اللي بتزعلك (....)ماشي وايه تاني اه ومتتخنقش انت وحسين بتاتا علشان بتبقوا رخمين وانتوا متخنقين :)
.
وبعد كده عيد ميلاد جدو بتاعنا كلنا كل سنة وحضرتك طيب وبالف صحة وسلامة
.
وكل سنة وهبة وهدير اخوات جوجي بخير وف حب تعرفي يا جوجي البوست اللي انت كتبتيه عليهم فعلا جميل جدا ومؤثر ربنا يخليكوا لبعض يا رب
.
بكااار:بعد كده نوران حكت القصة الرائعة ومشرط الشرير كان بيجري وراها وملحقتش تخلص القصة :
ااحببتها لدرجة العشق ضحيت لاجلها بالكثير والكثير ولكنها تركتني ولكني لا اعلم ان كانت هي من تركتني ام انا تركتها ظللت امشي وحيدا ف طريقي كانت مرشدي وصحبتي ف طريقي تركتني ف منتصف الطريق مشيت وحيدا مشيت وكدت ان اصل استدرت اليها ونظرت لعينيها ولكني اكملت الطريق تقافزت افكار داخل ذهني هل فعلت الصواب هل تركي لها وانصرافي عنها كان صحيحا ام كان كرها مني ولكني احبها ولا اعلم لماذا فعلت ذلك ولكن الذي اعلمه اني دائما ع صواب لا اخطأ ارسلت لي لطمه قويا مع الرياح كانها تقول لي لا احد ع صواب دائما تناقضات كثيرة داخل عقلي فانه يدور ويدور لا يتوقف ولكنه تعب وانهك من التفكير لقد حان الان الوقت حان تحديد مصيره هل يستمر بالتفكير وحده دون استشارة قلبه ام يعملا معا العقل والقلب ويبدا قلبه ف العمل ويدق بسرعه واستدار لكي يرجع اليها ولكن للاسف تاخر الوقت ولم يجدها ...انتهى
.
بكار:ووانا ماشي ع النيل برضه سمعت نوران بعد ما هربت من مشرط الشرير بتتكلم مع بوبا ولقيتها بتقوله:
"حوار حدث بالفعل" من فقرة انا والنجوم ومصر من هنالك برنامج من مصر وعن مصر يقدمه لكم انا طبعا
طبعا انتوا شفتوا المرة اللي فاتت عبده اش اش كان هيعمل فيا ايه فمش هعمل حوار معاه المرة دي هعمله مع ابن خالي حبيبي بوبا الجميل
طبعا بما اننا كنا ف شهر فبراير شهر الحب فلازم نتكلم عن الفلانتين
انا: ايه رايك يا بوبا ف الافلانتين داي
بوبا: تعالي العبي معايا جي تي ايه او باور رينجير او تعالي نلعب بينك بانثر
انا :ف سري اكيد ما سمعنيش اعيد السؤال: ايه رايك يا بوبا ف الفلانتين داي
بوبا: ايه ده يا نورانا حاجة حلوة ؟
انا :لا يا بوبا ده يوم الناس بتجيب لبعض فيه قلوب حمرا ةوهدايا وبيبقوا لابسين احمر كان فيه ماتش للاهلي
بوبا:ايه ده ده حاجة حلوة اوي حد جابلك يا نورانا
اناف سري الواد جه ع الجرح: لا يا بوبا
بوبا: تعالي بقا نلعب
انا: استنى يا بوبا انت لماتكبر هتجيب لمين قلب احمر-عايزة اوقعه واعرف اسم صحبته اللي ف كي جي وان-هه
بوبا: اقولك هجيب لمين وبيبصلي نظرة خبيثة
انا : صمت
بوبا: هجبلك انت
انا ف سري برضه يا سلام اخيرا حد هيعبرني : ايه يا بوبا الجمال ده هتجيبهولي يا حبيبي
بوبا:يالله بقى تعالي نلعب
انا : طيب
بوبا: يووه نسيت ده االكمبيوتر بايظ يالله نتفرج ع ام بي ثري او سبايس تون
طبعا رحت اتفرج معاه مش هيجيبلي هديه وقعدت احسب هتجيلي اول هديه بعد كام سنه اكتشفت انها بعد مش اقل من 12 سنة جاتنا نيله ف حظنا الهباب كان معكم محاوركم ناقلا لكم افكار الجيل الجديد نوران ونورت مصر
.
وبكار: وانا معدي برضه لقيت نوران بتالف اغنية بس انا كنت سمعت الاغنيه ديه قبل كده فين يا ترى فين
وماله لو ليله تهنا بعيد وسبنا كل الناس
-يا لهوي ماله طبعا انت عايز تفضحني وهنسيب الناس نروح فيندي مصر كلها زحمة ولو تهنا مش هنعرف نرجع تاني
-انا يا حبيبي حاسس بحب جديد ماليني ده الاحساس-
انت بتحب عليا ولا ايه وكمان بتقولي يا بجحتك اتاريك عايز تتوهني وترجعلها يا سونة يا خاين
-وانا هنا جنبي اغلى الناس جنبي احلى النااس
-ايوه كده اعدل كلامك ده انت كنت بتعك اوي-
كفاية كده عليكوا :)
.
الحمدلله بس انا متاكد اني سمعت الاغنية ديه قبل كده
نيجي بقى للنكته اللي انا عايز اقولهالكوا-ع فكره ده بكار اللي هيقولها مش انا-
غبي راح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان.
.
واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لمامى هقولك أنت
بكار:اشوفكوا النشرة الجاية ع خير
مشرط الشرير: ديه نوران بتحبك اوي ومش هتجيبك النشرة الجاية ودلتني ع مكانك علشان اخدك انت بقى بكااار ابو كف رقيق وصغنن
انا : يا سلام اخيرا هرتاح من بكار ومشرط الشرير يا سلااام ههههههههههه

18 comments:

tweety said...

اسم الله عليه انا اول كومينت صباح الرخامه المركزه اوى من ارخم شله فيكى يا هندسه

DoOoOoOdY said...

نشره جميله يا نورا
بس والنبى والنبى كفايه نكت رخمه بقى
هههههههههههه

admelmasry said...

والله النشرات بتاعتك يا نوران في غاية الروعه والجمال

وخصوصا النكت بتاعتك عجبتني جدا وعشان كدا انا جاي اقولك نكته

ههههههههههه
انا باضحك الاول قبل النكته ياعني احطياطي
هههههههههههههه

مرة واحد
ههههههههه
اصلها نكته جامده بصراحه وبتضحكني
هههههههه
خلاص بقي
مرة واحد بلطجي طحن
وقف تحت بيتهم وعمال ينادي علي ابن عمه
يا محمااااااااد
يا محمااااااااد
انزل وهات معاك السكاكين والمطاوي والشوم عشان هنتخانق
فرد عليه ابن عمه وقالوا ما تطلع تاخدهم انت
قالوا لا .. عشان في قطه ع السلم
هههههههههههههههههههههه


.
.
هشلك بعد كد بالنكت
يلا سلام

MestKA said...

ايه يا بنتي ده ليه بتدبسي بكار في الرخامه دي كلها وهو لو كان رخم اوي كده كان لازم ينضم للشله بتاعتنا شله الرخامه المحدوده داحنا المفروض نستفيد من الطاقه دي ونحولها لطاقه كهربيه مثلا - بشمهندسين بقى - المهم احلى حاجه في النشرة كانت القصه مش عارفه المواهب دي بتخبيها فين
عموما رخمي ياستي براحتك واحنا هنستحمل
و كل نشرة وانتي طيبه

Mr vamPire said...

2h ya nouran dah el r7ma we nby msh 2nty we 7anafy.3mtn 27na lazm nt7sn dd el r7'am deh we b3ln 3n twfr msl dd el r7'ama sla7ya 3 years 2w 50 nkta by7'a 2yhma 22rb.we mkan el el be3 3nd el swimming pool.mbna r3ayt el shbab.

Nouran said...

لتويتي :
ايه يا بت يعني انت مش من الشله الرخمة ديه ولا ايه وكمان ده كان عيد ميلاد ارخم الشله وعملتله تهنئة هههههه
وكمان بكار هو اللي عامل النشرة مش انا ههههههه

دودي:
يا بنتي ده بكرا اللي قايلها مش انا

ادم المصري:
لا حلوة يا ادمز ف الجون عجبتني اوي النكتة ديه اصل فيه قطه هو انا كنت البلطجي ده ولا حاجة

مستكة:
ايه يا بنتي يا انا يا بكار ف الشلة واوعي تقولي بكاار ههههه
بس شفتي المواهب الدفينة ديه بس حلو موضوع الطاقة ده

يا حسين يا حسين :
حرام عليك يعني انا هرخم ع مين والنبي هههههه وكمان انت جيت ومسكت ف الحاجة الوحشة وبكار هو اللي قايلها مش انا هههههه طب بص للقصة للاغنية لبوبا للتهاني يااه انصفني يا اخي بس انا مسمحاك وكفاية حنفي عليك ههههه

مـحـمـد مـفـيـد said...

haaaaaaa
فاكره قولات لك ايه علي النشره؟
:))))
سلميلي علي بكار

Abd El Rahman Magdy said...

النشرة دي جميلة جدا
أنا قريت النشرات اللي قبل كده لكن دي عجبتني أكتر
على العموم تهانينا للناجحين اللي عندهم أعياد ميلاد
وادعي ربنا يمكن الفالانتاين الجاي حد يجيبلك قلب أحمر
.............
وشرفيني بزيارتك مدونتي
mesharef.blogspot.com

Anonymous said...

ههههههههههه طب انا عجبتني النكت المرادي

يعني مش قلتي نطوا القصة المرادي؟ هههههههه

زي السكر يا جميلة
و ميرسي يا جميلة ع التهنئة بعيدك ميلاد اخواتي.. ربنا يخليكي يا احلي بنوتة

و يلا يا عم
بوبا ح يجيبلك هدية الفلانتين
وغاليا ح تكون مصاصة
ههههههههه

تحياتي

ومبرووووووووك يا دودي
عقبالك يا نوران
وعقبالنا
ياااااااااارب

أجدع واحد في الشارع said...

بكار ,.... بكار

هو انتى تعرفى انو قلبه صغير

ومش يستحمل كل ده ؟

Gid-Do - جدو said...

شمعة

اشكرك على التهنئة بعيد ميلادى وكمان على النشرة ـ انا بحب بكار والسبب ان حفيدتى ياسمين بتموت فية وكانت الفضائية المصرية بتجيب حلقاتة وكانت زوجتى بتسجلها على شريط ونرسلها لياسمين

النكت كانت حلوة خاصة ان جدو مبيسمعش نكت هنا ـ منتظر الصيف يجى علشان يكون عندك وقت وتسعدينا كما وكمان ـ تحياتى

مداح القمر said...

نشره ناااااااااار...دمها خفيف جدا...حلوه بجد يانوران...ومبروك لكل الناس اللى فرحناه وعقبال اللى مش فرحانه زغرطى ياللى مانتيش غرمانه...وكدا برضه تعملى فى بكار العمايل دى؟ انا زعلان منك..دا اولاد اختى واخويا لو عرفوا هييجوا ويعلنوا الحرب عليكى....القصه حلوه جدا ومش عايز اقول عجبتنى ليه انما نفسى اعرف الفكره دى جاتلك ازاى...فكرتها فى الجووون...النكت جامده جدا وبوبا دا زى العسل عمال زى ابن اختى مدمن نينجا وباور رنجرز وكارتون كدا اسمه الجاسوسات...كارتون قليل الادب كدا مش عارف الصايع دا بيتفرج عليه ليه؟؟المهم ما علينا ناا طولت عليكى
نشرتك المره دى فوق الوصف حقيقى يا نوران...سلام

Nouran said...

محمد مفيد:
هههههه اه فاكرة .. بس بكار دلوقتي مع مشرط الشرير مش هقدر اروحله هناك :)

عبوووود:
شكرا ليك يا عبوود تهانينا للناجحين وعقبالنا يا رب وانا هدعي يمكن حد يعبرني ويجيبلي قلب احمر او حتى مصاصة حمرا ههههههه


ابيتاف:
والله نكت حلوة معرفش ايه الاوشاعاة اللي قالت انها وحشه :)
بس يا جوجي حرام عليكي ديه القصة حلوة المرة ديه نطيتها ولا ايه اهئ اهئ
واي خدمي يا عم بس بجد انا حبيت اخواتك اوي من البوست وكل سنة وهما طيبين مرة تانية :)
شوفتي الحمدلله حد هيعبرني ويجيبلي هدية وهتبقى مصاصا ف الاخر انا راضيه ههههه

اجدع واحد ف الشارع:
عاش من شافك يا كابتن
بكار ده يا بوي عليه ابو كف رقيق وصغنن صوح ع فكرة انا مش بحب بكار يا جمااااعة حرااااااااام :)

جدو يا جدو:
حضرتك بتحب بكار طيب ماشي انا مش هقول عليه حاجة علشان ياسمين وحضرتك متزعلوش :)
يااه شكر يا جدو والحمدلله ان النكت عجبت حضرتك ويا رب الصيف يجي ويخلصنا من اللي احنا فيه ده:)

الدكتور احمد باشا:
ايه ده كل ده وعقبالنا يا رب حلوة زغرطي ديه لولوللولي :)
لا حرام كل الناس بتحب بكار هو انا الوحيدة اللي شريرة هنا وبعتله مشرط الشرير هههههه
ليه يا عم كده هيعلنوا الحرب عليا طب انا هسحب كلامي اه وانا اقدر يتعلن عليا حرب من قبل الاطفال الصغننين دول يسحقوني :)
ليه يا عم مكنت تقول ارفع معنويتنا ومواهبنا الدفينة ديه طلعت ساعة الامتحانات بس القصة ديه مخصوص انا كنت كاتباها ف ساعة صفا ع اساس انها خواطر وكنت هكتبها لوحدها بس عملتلها تعديلات وخلتها صالحة للنشر مع النشرة :)
والله كل العيال الصغيرة ادمان الكارتون ده حتى بوبا بيتفرج ع الجاسوسات ومش عايزة اقولك مين كمان :) بس والله حلو الجاسوسات ده هههههه شكرا والله يا احمد دايما رافع معنوياتي

Anonymous said...

مش ممكن
حرام عليكي تقولي على بكار كدة
دا عشق طفولتي من و أنا صغييييير
بعدين بكار دا اللي مش عاجبك طلعت من تحت إيديه أجيال
بوقكار متزعيلش نوفسك واصل آني هانكون موعاك طوالي يا صاحبي

على فكرة فين الشربات؟
بيقولوا بينزل مع التعليق و أنا عطشااااااان
أنا قايم أشرب

mohamed alhaddad said...

ميرسى يا نور والله
أنا عيد ميلادى خلاص فات عليه كتير فكرتينى بيه وكأنه لسه انهارده
حلوه اوى النشره مش بس عشان بصيه بكار اللى أنا مش بفترج عليه لأ ولأن صيغه مش ممله لذيذه وسلسه
حلوه سلسه دى صح

أُكتب بالرصاص said...

يا مرحب يا شمعة
إزيك يا بنتي
من زمااااان
ماسمعتش حاجة عنك

الظاهر ان سمعي تقل

Nouran said...

محمد فوزي:
يا شيخ بعد اللي انت قلته بكار هيكره نفسه لا بجد بكار ده رخم اوي هههههه الشربات نزل انت مدقتوش ولا ايه؟؟

محمد باشا:
يا عم لا مرسيه ع واجب :)
ايون كده انت مش بتتفرج ع بكار شطوور :)

اكتب بالرصاص:
انا هووه والله ممشتش :)
يا مرحب بيك

Tschuss said...

wanti taiba ya nouran.ana ymkn gt mni mt25ra bs l7d mftkrt al password w3rft ash3'l al blog d.yala kol t25era w fiha 5era.bs aih alnkt algamda d?? 3'ariba gbteha mnen wm2oltlish?? a7na hnr5m mn wra b3d wala aih??
w7kait nt5an2 ana w 7sen d s3ba w3shan kda zi manti 3arfa lsa dabeen 5na2a ambar7.