Monday, March 19, 2007

مشغووووووووووووووووول

عاملين ايه ازيكم ايه البداية الغريبة ديه ههههههه عادي ما بعد كل نكد او اكتئاب لازم يجي تهيييس وانا استاذة ف التهيس المهم فاكرين الدوارية اللي عمالة اذاكر فيها بقالي اسبوعين ديه ومش راضية تخلص ويا انا يا هي وف الغالب هتطلع هي طبعا عااادي خااالص لقينا ان احنا عندنا كويز فيها يا سلاام ايه ده يا ربي لقتها وهي طايرة علشان كده كنت بذاكرها-بصراحة شوشو الدكتورة يعني شهوار اللهم احفظنا قالتلنا من زمان وانا قلت اذاكر واخلصها بس ايه بقى مش راضية تخلص - المهم الكويز يوم الاتنين وعندي تسليم ريبورت كمبيوتر الاسبوع الجاي وباين كده فيه كويز كيميا الاسبوع الجاي او اللي بعده هعرف يوم الخميس يعني انا امشغول وحياتك مشغول ولاخر الاسبوع مشغول اغنية عبدالحليم اللي انا معرفهاش
واصلا انا النهاردة الصبح ف محاضرة الكيميا اللي كنت هتشل فيها ديه -دكتور شلل وربنا شاكي كانت ارحم منه هبقى اقولكوا ع الحوار ده بعدين وقاعد يتكلم ع التلوث لحد ما لوثلنا الحبة الكويسين اللي ف دماغنا ع فكرة كل ديه جملة اعتراضية -كنت بقول ايه اه ف محاضرة الكيميا الصبح بقول لمستكة انا عايزة اكتب عن عيد الام والرحلة واليوم اللي روني اختي يعني جت فيه الكلية وعن العصفورة -اصل كان فيه عصفورة دخلت النهاردة المحاضرة وفضلت اتفرج عليها ولما خرجت اصلها اتعذبت عقبال ما خرجت ف كنت هصقفلها اكتشفت ان انا ف المحاضرة وممكن اترد برة لو صقفتلها بس هو ده اللي كنت هكتبه عن العصفورة وميستكة تقولي ده هدهد شكل الهسهس عمل عمايله معاها هههههه المهم انا قولت اقول لماما كل سنة وانت طيبة مش لازم ع البلوج وكل الامهات طيبين ويعتبروا ان فيه بوست اتكتب وهيبقى بالنص من درس رسالة الي امي بتاع تالتة ابتدائي من ابنتك سميرة ع حد ما افتكر بس نشيل سميرة ونحط نوران
والرحلة هكتب عنها ف يوم هي واليوم اللي روني كانت فيه اصلها بدعت ف الكلية وحضرت محاضرتين مش وقته دلوقتي
الهدف وراه البوست ان انا عندي كويز قلت اخش اطمنكوا عليا =قال يعني سيبوني اخد برستيجي ف المنطقة =قبل ما اجري ف الدوارية والخطين والتيكامل اه فيه يااء بعد التااء ها يا مستكة هههههههه متخدوش في بالكوا اه وكمان باين كده بعد الكويز فيه النتيجة يعني الصدمة الكبرى ان ان ان -ديه موسيقى تصويرية ارجوكوا افهموها -0ام هند ااقصد المهم انا هيست جااامد اوووي
البوست الجاي هيكون ان شاء الله يا اما عن النتيجة او عن الرحلة بس انا لازم اكتب بوست عن صحابي والرحلة
الاتنين مع بعض يعني يوووه انا لخبطكوا معايا بس ربنا يصبركوا يالا كفاية كده عليكوا :)
سلاااااااااااااااااام

13 comments:

admelmasry said...

الاول بالمثل .. كما انتي هناك
ههههههههههه

التهيييييس سا جميل احلي شيء في الدنيا بعد محاضرة خنيقة او سكشن شلل

تلاقي نفسك بتضحكي .. تضحكي قوي
تضحكي من قلبك
وجااااااامد

وكانك في حياتك عمرك ما كنتي بتضحكي

وعلي اي شيء بتضحكي

واللي يقع تحت ايدك ساعتها يبقي يا ويله

امه اكيد مش دعياله

مش هيخلص تريقة

ولا هيخلص ضحك


ههههههههههههه

فكرتيني بالذي يمضي

تحياتي

والسلااااااام

Unknown said...

علي فكرة... الدكتور ده اسمه د.نبيل عبد المنعم.... بيدينا في تانية كيميا..خدي بالك انه بيحب الطالب المنظم ...متقلقيش من الكيمياء لأنها من أحلى المواد في اعدادي ومادة تقديروالاساتذة اللي ماسكينها بيظبطوا النمر في الاخر

الأرمـوطــي said...

احييكى على اسلوبك الجميل التلقائى وبيتى وبينك مفيش احسن من التهييس محنا لو مهيسناش هنتجنن ....سلام

soosa el-mafroosa said...

و الله يا شمعتي و لا ليكي عليا حلفان

بكرة تندمي على كل محاضرة رخمه أو سيكشن شلل و تقوللي ولا يوم من أيامهم

هو انا مالي بقيت عاملة زي العواجيز كده ليه؟

المهم حاولي تستمتعي بكل دقيقة و حتى حالات الإكتئاب عيشيها بمزاج كده

ده كلام واحدة خدت 9 أنواع كيميا في الكلية و جالها شلل أطفال و بله مغولي من كتر مذاكرتهم

بس و الله أرحم بكتير من دلوقت

تحياتي

MestKA said...

مفيش فايده فيكي انتي عامله ذي اللي عمال يقول انا ساكت انااهه ساكت مانا ساكت اهه بس انتي بقى عماله تكتبي وتقولي مش هكتب انا مش فاضيه
اوعي تزعلي دي رخامه عاديه جدا
وعلى فكره انا قلتلك في الاخر ان البتاع ده مش هدهد ولا حاجه دا طائر بس مش عصفور دا كمان دخل تاني المدرج فالمحاضره بتاعت عبده اللي انتي مبتحضريهاش وطبعا عبده ده شخصيه ظريفه جدا وقال تعليق فظيع عليه
يعني ربنا ستر اني متشلتش
المهم التنيجه قادمه في خطى ثابته وكله هيظهر ويبان على حقيقته
بس بلاش التوقعات المرئيه بتاعتك ديه علشان ربنا يكرمنا

Dr. Tantawy said...

1 .. 2 .. 3

ايوه ايوه

تجربه .. اول مره

الى المهندسه المهيسه في عالم لا يقبل غير المهيسين

شدي حيلك و ذاكري كويس
و خدي بالك لحسن الدايره توسع منك و عقبال ما تخلصيها تلاقي السنه خلصت و كل عام و انتم بخير هههه

لو عايزه اي مساعده قولي .. انا ممكن اوصي عليكي عم حسن .. مش عارف هوه بيشتغل ايه عندكو بس اهه ينفع برضه هههههه

أحمد said...

I tagged you

david santos said...

Hello, nouran!
have good day

مداح القمر said...

تهييس على اعلى مستوى....ايوا كدا ومستنى تحكى حواديتك...على فكره انا كاتب كومينت ع البوست اللى فات والله بس معرفش راح فين...اهىء اهىء اهىء

Tschuss said...

aih altheeees al3ali d..bs mstwa alr5ama f an7da mstmr bfkr a3ml coursat liki w l tweety w course mkthf lnono 3shan ya 3eni albnt mlhash f alr5ama 5als..almhm f quiz dynamics nsetih..yala ai 5d3a

Anonymous said...

إية دة يا بنتي

يا رب ما أتجننش

Anonymous said...

ههههههههه

ح نستناكي


وكل سنة و مامتك بخير و سعادة

وبلاش سيرة النتيجة من فضلك
:((

hummar said...

شمعه انا شايف كل البلوج والتعليقات على اجه اسمها التهييس بس مش عارف ايه هيه ممكن لو سمحتي من فضلك تشرحيلي المعنى العام والخاص للكلمه لان يظهر ان اجنا لازم نعمل معجم جديد للغه وانا ممكن اتبناه واصرف عليه ونعرضه على مجمع اللغه العربيه
الشاكوش