Wednesday, March 07, 2007

شبح المرض

انه اكثر شئ يخيفني بعد الموت المرض كالموت البطئ يتسلل اليك دون ان تدري فجاة تراه امامك تنهار امامه لا تستطيع ان تفعل شئ وعندما يقترب منك اكثر لا تقترب اليك سوى افكار الموت اظن ان المرض قاتلا للامل قاتلا للاحلام يتسلل اليك دون ان تدري لا يهزم كثيرا وان هزم فبمشيئة الله وبالارادة.
.
..............فتح الباب دخل عليها وهي نائمة اخترق جسدها استيقظت من نومها ليست كما كانت قبل ان تنام تغيرت نظرت لوجهها ف المرآة لاحظت عليه التعب والارهاق قالت لنفسها لا داعي للقلق مجرد ارهاق وسينتهي انشغلت باعمالها ومشاغلها ولم تعر الموضوع اهتماما مرت اياما وايام لم تعد قادرة ع الاحتمال ذهبت للطبيب وهنا جاءت الصدمة لقد تسلل المرض اليه دون ان تدري حل عليها الصمت للحظات لم تتوقع ذلك لم تتوقع ان تخونها الحياة تخونها امالها تخونها احلامها لم تتوقع كل هذاولكنه قضاء الله تمالكت نفسها وعادت الى منزلها تفكر هل ستعود كما كانت ام لا يوجد امل ف ذلك نظرت عبر النافذة لتجد آناس يسيرون يعبروا الطريق يضحكوا ويبكوا لا يعبئوا لها خشت ان تنام حتى لا يتمكن منها المرض ع غير علمها اخذت مستيقظة اياما واياما لقد حطمت نفسها بنفسها واستسلمت لشبح المرض حتى اخذها معه ف دنيا غير الدنيا مكثت معه ليس بالقليل وليس بالكثير ثم جاء اليها الموت لم تقدر ع ردعه فهو الوحيد الذي لا يقدر احد ع ردعه اخذها بعيدا واخذت تنظر مرة اخرى ع الطريق وع الناس ف هذا الطريق فهي ستراهم لاخر مرة ولكن ما فائدة النظر اليهم فهم اولا واخيرا لايعبئوا بها ... انتهى
.
معرفش جه الكلام ده ف بالي ليه ؟
كنت كاتباه من سنة و10 ايام بالظبط ف الاجندة وكنت هنشره بس مكتبتوش وانا بقلب ف الاجندة لقيته وقلت هكتبه بس معرفش ليه الكابة دي يمكن علشان البلد بقت مليانة عيانيين بامراض وحشه وكلها امراض تؤدي للتهلكه وفيه ناس منهم مش بتهتم انه يتمسك بالامل ونفسيته بتدمر و يموت من الياس مش المرض مش عارفة بس اللي انا عارفه ان الحالة بقت صعبة اوي وربنا يشفي العيانين و ويعافيهم ويحمينا من المرض وشبحه
كلنا ياااا رب

16 comments:

أحمد said...

ربنا يبعد الخوف من المرض من قلوب كل الناس يا نوران

:)

Anonymous said...

أنا أول كومينت

يا حالولي

خلاص المشاريب البوست دة على حسابي

ع فكرة أنا لسة مقريتوش بس من الفرحة و الله
أديني بقراه أهه

بصراحه عندك حق

البلد بقى فيها شبح فيروس الكبد

Anonymous said...

إية دة؟
دا أنا خدت مقلب

مبرمج حر باعت في نفس التوقيت 7:48

وسع كدة يا جدع دا كان مكاني

Abd El Rahman Magdy said...

صدقت
من أصعب الأشياء على الإنسان المرض
المرض سكين تقطع جسدك قطعة قطعة دون أي اعتبار لتوسلاتك
في رأيي الموت أفضل من المرض
على العموم البوست مكتوب بأسلوب جميل بس مش عارف حاسس إنه كان عايز يطول شوية
........................
شرفيني بالزيارة
mesharef.blogspot.com

DoOoOoOdY said...

اللللللللللله يا نورا بوست جااااااااااااااامد جدااااااااااا
وربنا يعافينا كلنا ويشفى كل مرضى المسلمين

مـحـمـد مـفـيـد said...

السلام عليكم
ازيك يا نوران
المرض من اعظم نعم الله علي العبد اذ يبتلي العبد بالمرض ليعرض قدر صبره وايمانه ويكون المرض اما تكفير للذنوب واما علو في الدرجات وفي كلتا الحالتين في صالح العبد
انما نتستلم للمرض ونجلس ننتظر الموت فهذا هو اكبر خطأ لابد من ان نعلم ان
الموت مالهوش وقت
الموت في كل وقت

علي فكره برضه انا بحب اكتب كتيير بس مش بحب انزله علي البلوج ويمكن الكتابه خارج البلوج فقي اوقات معينه تكون رائعه و اسف للاطاله

في حفظ الله

سلطان الخواطر said...

ربنا يشفى كل مريض
اقولى امين
تاثير المرض بيختلف من انسان
الى انسان
فى ناس المرض يقتلهم
وفى ناس المرض يبنيهم
طبعا بتستغربى
وبتقولى ايه الهبل ده
اقولك انا
فى ناس بتمرض
وتعرف انى ده من
عند ربنا فتصبر وتتحمل
وتفتكر الحاجات الوحشه اللى بتعملها
ولما ربنا يشفيهم
يحمدو ربنا ويبدئو يغيرو الحاجات
ديه ويبدئو الحياه بروح
جديده
وبكده المرض بدايه وليس نهايه
ولو ربنا لم يشفيه
بيصبر وانشاء الله
يدخل الجنه



اسف جده على الطول ده كله

مستنى زيارتك
على البلوج بتاعى

وشكرا

admelmasry said...

ربنا يشفي مرضانا يارب

كلماتك مؤثرة قوي يا نور

لكي تحياتي

أحمد العربي said...

أحيانا قد يعجز اللسان أن ينطق بما يصرخ به القلب من الداخل واحسب ان هذا المرض اللغين قد اصابني الان ...لا استطيع ان انطق ببنت كلمة بعدما قراتة وفقك الله لما انتي ماضية فيه ...عزيزتي بغد ان قرات مدونتك (التي يعلم الله ان الصدفة وحدها ما اوقعتني فيها)ان اضيفها الي قائمة مدوناتي المفضلة في مدونتي الجديدة واذا سمحتي هذه ايميلاتي يسعدني ان اتعرف عليكي اكثر
arabynow@yahoo.com
a_araby06@hotmail.com

mohamed alhaddad said...

فعلا المرض هو موت بطئ لا يقدر على احد أن يبعده عنه مهما كان .
كل ما نستطيع عمله ان نعمل تحسبا لمثل ذلك يوما من الايام وندعى الله -سبحانه وتعالى-أن يحفظنا من الامراض الخبيثه ياااااارب

tweety said...

عندك حق الواحد اول ما بيحس انه مريض بيستسلم للمرض كانه هو الوحيد المريض في الدنيا وبيحسان الدنيا اسودت واصبح وحيد فى عالم المرض
حتى الاصحاء لو حد قال لهم ياه وشك اصفر ولا لونك مخطوف تلاقى الوساوس اشتغلت وجري على الدكاتره مع ان فى راي ان اول رحله للمرض هى الدكاتره والادويه

مداح القمر said...

ربنا يشفى كل مريض يا نوران ويحفظنا...المرض شىء صعب وربنا بس هو اللى بيشفى..اسلوبك مؤر اوى اوى...بس لو كان بدل الست دى تبقى راجل كانت تليق اكتر على اساس الراجل هو اللى ممكن يهمل شويه ويشتغل اكتر..انما الستات ما بيصدقوا يروحوا للدكتور واهو رزق الهبل على المجانين...بس بجد الوبك حلو اوى وحلتينى احس انى شايفها واقفه فى اوضه ادام مرايه وبعدها اتحركت ناحية شباك ومن ورا الستاره وقفت تفكر وبعدين...لا الموضوع كبير...برافو عليكى بجد

مداح القمر said...

بالنسبه للكود مش عارف انزله خالص...كل شويه يقوللى ايرور فى الاتش تى ام ال...محدش فاهم حاجه...مش عارف اعمل ايه

Mr vamPire said...

leh el k2aba deh bs ya nouran.
bs klamk s7 f3lan 2l wa7d mmkn ykon mrdo 7'fyf bs hoa 2ly bys3bo bl 7'of wel whm.we fe nas btb2a mreda bl whm.

بين الأمل و اليأس said...

اللهم احفظنا واحفظ امة المسلمين اجمعين
وايه اللي فكرك بيه دلوقت
على فكرة انا عندي حالة بهذا الشكل ومن افضل الناس اللتي عرفتها
هي قريبتي
بس ربنا يرحمها من هذا العذاب
انا منتظر خبر عنها قريبا
باقي لها اسبيع وليس شهر حتى
ربنا يرحمها اسالك الدعاء لها
وربنا يسترها

Nouran said...

مبرمج حر:
يا رب يا احمد يا رب

محمد فوزي باشا:
يا عم خلاص متتخنقش يا سيدي اعتبر نفسك اول كومينت متزعلش نفسك

عبوووود:
حلو اللي انت كاتبه ده وشكرا ع رايك ده وانا برضه كنت حاسه انه عايز يطول بس المهم يكون وصل اللي انا كنت عايزة اوصله

دودي:
يااااااا رب

محمد مفيد:
وعليكم السلام
انا الحمدلله كويسة
انا معاك ان المرض من اعظم نعم الله اذا ابتلي به بس الاعظم ان ربنا يديله الصبر ع كده يعني فيه ناس مش بتتحمل وبتستسلم وتفوق بس بعد فوات الاوان والموت ملوش معاد يعني مممكن واحد سليم يموت قبل واحد خلاص ملوش امل ف العلاج او الحياة بس النقطة المهمة هي الصبر
انا اوقات بكتب بره وانشره برضه بس فيه حجات ببقى نفسي انشرها بس مش بلاقي وقت او مناسبة :)
سلملي ع عبدالله :)

سلطان الخواطر:
امين
الله ينور عليك جبت المفيد وانا معاك جدا ف ان المرض اوقات بيبني ناس ويكون بدايه لهم مش نهاية

ادم باشا المصري:
شكرا يا ادم وربنا يشفي مرضانا ياااا رب

احمد العربي:
شكرا جدا ليك

محمد باشا:
يا رب احفظنا واشفي مرضانا وامهلهم الصبر يا رب

تويتي:
عندك حق يا نور

احمد باشا:
يا رب بس انا معرفش مجتش ف دماغي ساعتها اني اعمله راجل يمكن علشان كانت الحالة المرضيه اللي عندنا واحدة معرفش والله يا احمد
شكرا يا دكتور -يالا ما انت هتبقى دكتور يا عم :)-وكمان مصائب قوم عند قوم فوائده :)
شكرا ع اهتمامك وانا لو عرفت اجيبه هبقى ادهولك ماشي

حسين:
انا قلت بدل التهيس اللي مالي البلوج نقلب حاجة جد شوية
صح فيه ناس بيبقوا عايزين يبقوا عاينين وخلاص

بين الامل والياس:
ياا رب اشفيها يا رب واشفي مرضانا ومرضى المسلمين يا رب
وربنا يسترها :)