Sunday, September 02, 2007

اوقات


اوقات ببقى عارفة انا عايزة ايه واوقات مش ببقى عارفة خاالص
اوقات ببقى عايزة اخلي احلامي حقيقة واوقات مش بيبقى عندي احلام اصلا

اوقات ببقى عايزة اطير لفووووق واطير واطير واوقات ببقى مش عارفة ازاي امشي ع الارض اصلا
اوقات بحس ان انا اكتر واحدة مبسوطة ف الدنيا واوقات بحس ان محدش مضايق زي

اوقات ببقى عايزة اعمل حجات كتيرة كويسة واوقات ببقى مش عايزة اعمل حاجة غير اني انام
اوقات ببقى عايزة اغير حجات كتير مضايقاني فنفسي واوقات بتبقى نفسي عجباني كده ومحدش ليه دعوة بيا
اوقات بتطلع للاحسن واوقات مش ببص غير للقليل

اوقات بجري وبتنطط وبضحك واوقات ببقى عايزة اعيط واعيط
اوقات برغي وبرغي واوقات مفيش كلمة بتطلع مني ده يمكن ابو الهول يتكلم وانا لأ
اوقات بحلم وبحلم وببقى حاسه ان احلامي هتتحقق واوقات مصدقش ان فيه حاجة اسمها حلم يتحقق واتوقع الاسوأ دايما
اوقات بملى الجو فرح وضحك واوقات بملاه كآبة وارف

اوقات ببقى طيبة واوقات ببقى شريرة
اوقات ببقى شمعة واوقات ببقى نوران واوقات ببقى حد تالت بيجمع بين الاتنين نوران وشمعة وده الغالب
اوقات ببقى عايزة اكتب علشان الناس تقرا وتضحك وتبقى مبسوطة وهي بتقراه واوقات ببقى عايزة اكتب وخلاص ف الحالتين بكتب اللي جوايا بس الطريقة بتكون مختلفة ف الحالتين
اوقات وسعات ودقايق وثواني وحجات كتيييرة جوايا مختلفة
متناقضات كتيرة بتبقى موجودة ف حياتي وكل واحدة عكس التانية خالص مفيش وسط
مش عارفة ليه ؟

10 comments:

yasmine said...

نوران
بجد حاسه انى انا اللى كابتة الكلام ده
لان نفس التناقضات دى موجودة عندى ومتهيالى فى كل الناس
عموما اما بزهق من التفكير بنام وخلاص
ههههههههههههههه

wa3d-el3yoon said...

اوقات يا دنيا معاك بعيش وسعات مابفهمكيش
أعتقد ان ده طبيعى الانسان جواه تناقضات كتير بطبيعته وأعتقد ان الانسان متناقض عشان المواقف اللى بيقع فيها بتفرض عليه نوع معين من التصرفات وجوانب مختلفه من شخصيته
لكن فى العادى بيبقى مود معين مسيطر وخلاص قفلت على كده

sahr said...

الحال واحد
انا كمان كده وممكن اكتر من كده

MestKA said...

سعات سعات ببقى عايزه اعلقلك وسعات مببقاش عشان مش بتكوني كاتبه بوست جديد
هههههههههههههههه
ميزه مش عيب ان يكون عند تغيير ف حالتك النفسويه عشان الملل
بالاضافه انك اصلا برج الجوزاء يعني الازدواجيه دي شئ طبيعي

tweety said...

bma 2nna the same borg f de 7aga 3dea bnsbaly 3ady y3ny 27na 2l m3zbon f 2l 2rd

rOshe said...

awl 7aga ezyk 3mla a w7shany gdn bslm 3leeeky kteeer w msh 3rfa eza kan babaky geh wala ...
mtkolesh enk aw2at btb2y 3wza ttklmy l2nk 3ltooooooool bttklmy w b2k msh by2fl 7'als males...
ama b7'sos en el nas t2ra w td7k 3leky leh bt2oly kda e7na bn7b ktabatk mfesh 7aga esmha nd7k 3ly ktbah...
ama enk bt7sy enk mbsota shwya w z3lana shwya f da 3ade ya noooooor hya el 7ayah kda nfr7 yom w nz3l 10 ...
mfesh 7d byz3l 3ltooool w mfesh 7d byfr7 3ltooool...
w a7lamk htt722 en sha2 allla bs el wa7d lazm ykon 3ndo hdf fel 7ayah w ana aftkr enk 3ndk... b7bk

مـحـمـد مـفـيـد said...

ازيك يا نوران
ده مش حالك ده حال معظم الناس وهي عيشه التناقض
ده بسبب الصراعات الحيايتيه اليوميه المتلاحقه
ولكنها فتره ولابد أن تزول

Mohamed A. Ghaffar said...

مرحله سنيه

rasha said...

هو الانسان ايه غير شويه تناقضات فوق بعضها

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول