Thursday, September 06, 2007

بجد كلنا ليلى؟ سؤال



كتبت الكلام ده امبارح وكسلت انشره ونشرته النهارده


انا قاعده ف العربية كده وبفكر اكتب ايه ع البلوج افكار كتيرة وطبعا حاجة محضراها ف دماغي وقلت هروح اكتبها الاقي البلوجر كله
ا

بيكتب عن قضية واحدة زي كلنا ليلى السنة اللي فاتت معرفش ليه جتلي الفكرة ديه اول ما روحت وبتفصح البلوجات لقيت كلنا ليليى 2
ويلكم باك:)
بس السؤال اللي جالي لما لقت البوست بتاع ليلى يعني ليه مكتبوش من سنة ولا عايزين يعملوه يوم معين ؟
مش مشكلة المهم يعني انا قررت اشارك ف الموضوع وما زلت عند رأي ان مش كلنا ليلى زي ما قلت السنة اللي فاتت

بعض الاسئلة اللي موجوده ف البوست الرئيسي بتاع الموضوع

هل انت سعيدة كفتاة ؟

الى حد كبير الحمدلله يعني مفيش حاجة حصلت تخليني اضايق اني بنت بس اكيد ف غيري كتير مضايقين من انهم بنات والموضوع ده بسبب الاهل نوعا ما علشان ف بعض الاهالي مش بيدوا بنتهم الثقة او الحرية ف الاختيار او التعبير عن رايها وده موجود وبيحصل فالاهل هما العامل الاساسي ف موضوع السعاده كفتاه ده

هل تعرفين دورك في الحياة أم تتسابقين وتلعبين أدوارا مرسومة وفقط؟
الحمدلله عارف ومقتنعة تماما انه دور مهم سواء ف الحياة الاسرية او الحياة العملية وخطط اهدافي مش مجرد ادوار مرسومة وانا بمشي عليها بس ده حاجة انا اللي عايزاها وانا اللي حطلها الخطط ديه

.
هل مستعدة أن تدافعي عن وجهة نظرك عموما أم تجبنين عند المواجهة؟وهل ترين جبنك سمة شخصية أم يغذيها من حولك؟
الموضوع ده يرجع للشخصية مش للنوع يعني ف بنات ممكنن تجبن عند المواجهة زي ما بتقولي بس ده راجع لشخصيتهم مش انهم مضايقين او منبوذين ع انهم بنات وف بيبقوا مجبروين ع امرهم
وبرضه حسب الاهل هما اللي ممكن يدوكي الثقة ف المواجهة او يزودوا من حالة الجبن
.
ليلى والمجتمع
ما مشاكل ليلى الملحة في المجتمع من وجهة نظرك؟ ما مصدرها؟ هل يمكن حلها؟ وهل عندك موقف شخصى من واقع الحياة؟
ممكن مشكلة ناتجه عن مشكلة تانية ناتجة عن مشكلة تالتة يعني مجموعة مشاكل ف بعض
الامان : اظن ان البنت بقت مفتقده للامان فا الشارع انا عن نفسي اوقات كتيرة ببقى ماشية عايزة اتلفت حواليا مين جاي عليا مين ماشي جنبي بيبقى عندي هواجس الحمدلله محصليش اي موقف وحش بس اللي بنسمعه ونشوفه يخلي
يخلي الواحد خايف من اي حاجة
المشكلة ديه ناتجه عن ايه ؟؟
ف رائي عن حجات كتيرة منها انعدام الاخلاق والعنوسة عند الجنسين بنت او ولد يعني هيبص ليه بره ؟؟علشان هو اصلا معندوش جوا وده يجبنا للمشكلة التانية لليلى العنوسة
شبح العنوسة يبدأ يطارد البنت من اول ما تتخرج من كليتها يصبر عليها الشبح بيبقى لسه بيبي مش باينله حاجة اول ما البنت تخرج من 25 سنة خلاص الشبح يكبر ويكبر
.
ليلى والرجل:
البنت زي الولد مهيش كمالة عدد

هل ترى المرأة أقل من الرجل في أي مستوى من المستويات؟ و إن كان فعلا، فما هي هذه المستويات؟
يعني مش بالمعنى ده بالظبط بس طبعا ف حجات الرجل ممكن يعملها ليلى متقدرش وفيه العكس علشان ربنا خلق لكل واحد فيهم طبيعة معينة كل واحد المفروض يرضى بيها
مش معنى ان الرجل هو المورد المالي للاسرة انه يبقى الاعلى ف المستوى مش لازم ننسى دور ليلى ف البيت وبرضه ف المورد المالي ف بعض الاحيان
.
ما رايك فى دور الاعلام فى ترسيخ صورة نمطية عن المرأة؟ ومعالجات قضايا المرأة؟ وتأثيره؟
ستوووووووب كده هنخش ف الغلط مرة كنت بسمع لاف ان 100 .6 ولقيت يسرا بتتكلم وبتقول
من حقك تمارسي الرياضة من حقك تعملي مش عارف ايه وايه وايه وايه انا مكنتش فاهمة بالظبط فيه ايه اكتشفت ان ف يوم عاملاه سوزان مبارك للمرأة ليه بالظبط مش فاكرة علشان تتفسح ولا علشان ايه بالظبط مش عارفه
يعني ايه حقها تمارس رياضة يعني يعني هي واخده كل حقوقها علشان تدور ع الرياضة اللي تمارسها
وكمان الاعلام ده هو اللي بيخلي مصر بره عبارة عن شارع الهرم - مع احترامي للشارع مش قصدي اي اساءة اكيد فاهمين قصدي يعني- واللي بيبصوا للبنت المصرية ع انها زي روبي نهضه المستقبل بتاعه مصر
ولما بيناقش قضية بينقشها بركاكة وسخافة فظيعة زي مسلسل حارة العوانس بتاع السنة اللي فاتت مش عارفه حسيت انه مسلسل جارح اكتر من انه بيعالج قضية

اما بقى بالنسبة ليوم كلنا ليلى فانا بصراحه محستش باي حاجة وزي ما قلت ف اول البوست ان انا كنت مستغربة توقف الحركة رغم اني مكنتش مأيداها بس برضه يعني

وف الاخر برضه بكرر كلامي ان كلنا ليلى ومش ليلى كل واحده عندها ليلى من ناحية خاصة غير التانية واسعدتني مشاركتي ف الموضوع


ليلى هنا
اللي عايز يعمل بوست عنده ويجاوب ع الاسئلة
يعمله

11 comments:

MestKA said...

اهلا يا ست ليلى
انا عن نفسي بالرغم اني مكتوبه ف البطاقه انثى بس مبحبش ابدا التفكير ف حقوق المراه والحجات دي يعني بحس ب رضا كامل عن وضعي كا بنت

tweety said...

wlahy ya 25ty 2l modo3 da s3b 2wy 27na 2sln mlnash 72 f bld de

kholoud said...
This comment has been removed by the author.
rOshe said...

el mwdo3 3gbny gdn gamd mooot
leh tweeety bt2ol enna asln mlnash 72 fel bld de....
eza kna mlnash 72 fel bld de f da 3shan m7dsh b2a leh 72 msh 3shan e7na bnat l2 tb3n ...
msh 3rfa tftkry ya shamo3a fe bnat f3ln btfkr awe kda f shb7 el 3nosa tb 3shan 7'yfa enha t3ns wala 3shan 3wza ragl y2f m3aha dymn ...

rOshe said...

f3ln ana zyk kda f mwdo3 el shar3..
3rfa fe w7da s7bty men kam yom kant bt2oly 3wzen ykon m3ana 7aga 3shan lw 7d geh
koltlha zi aeh: kaltly mayt nar
koltlha: 7aram 3leki htshwhehm
kaltly: a7sn 3shan y7rmo
koltlha: tb mngeb 7aga t7'lehm myshfosh
kaltly: y3ny enty 7'yfa tshwhehm f ht3mehm
koltlha: ana asdy zi el aflam msh bersho 7aga tnymhmm aw t7'lehm myshfosh ..
mknsh asdy 3ma tb3n asln 2lby msh hyst7ml wala hsam7 nfsy...

rasha said...

عندك حق في حكايه ان كل واحده ليلي ومش ليلي كل واحده عندها ليلي جواها بس حجمها بيختلف من واحده لواحده

زى الهوا said...

ليلى , انا برده زى مستكة حاسة برضا تام عن وضعى , بوست حلو ياليلى

Tschuss said...

rbna yshlkm..la walahy rbna yshlkm w yhdekm w ydekm kol aly nfskm feh....

elkamhawi said...

قشطة

Ahmed Essawy said...

ما شاء الله ... كلام كويس .
انا قريت الكلام دا لكذا بنت كانو مجمعين علي ان البنت مش واخده حقها ....
اول مرة اشوف بنت اتكلمت عن ليليو بتقول كلمه حق .

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول