Thursday, August 24, 2006

النشرة مرة تانية

تحدددددددددددددددددددددددددددددددددددددددددددديث
ياااااااااااااااااااه غيبة طويلة فعلا
نأسف للتأخير كنا بنصيف جه الموضوع ع غافلة ملحتقش اقولكم يا سلام ما اجمل الاجازة القصيرة دي ايه كل يوم بحر وركوب عجل بس ف حاجة محيراني ليه ناس كتيرة بتروح ومش بتنزل البحر خلاص ميروحوش عندهم النيل اه يروحوا يقعدوا عليه واللي يقولي علشان مسمرش طب ايه اللي يثبت انك صيفت الحمد لله اظن اني مش هبقى ابان ف الظلمة - مش اوي كده-ده هو الاحساس الجميل ان لونك يتغير يا سلاااااااااام وايه المرسيديس بتاعتي كانت وحشاني اوي وعلطول محيراني اركنها واربطها جنب اي عمود وماشية بالمفاتيح علطول عندي مرسيدس قد الدنيا -العجلة بتاعتي ياااه اخر جمال
المهم نخش ف النشرة طبعا فاكرين النشرة الاولانية ولا لحقتوا تنسوها- انا اظن الاخبار بايتة بس انا كنت عايزه اعمل حجات وعملتها قبل النشرة مش مشكلة
ابدأ بالاخبار حسب القديم:
.
12\8 كان عندنا فرح يا كان حته فرح تحفة فرح ابن خالتي بعد عذاب دام كتير المهم احينا الفرح وف اغنية غريبة عاملة غزو للافراح اسمها العنب اغنية بيئة من اللي قلبك بيحبها
كلنا راجعين البيت مقتولين المهم مبرروك لمحمد وخطيبته يوه مبقتش خطيبته وعقبال البكاري
.
13\8:
مبروووووووووووووووووووووووووووك يا رشا بجد فرحتلك ولو اني زعلانة منك هبقى اقولك ليه بعدين بس الحمد لله انك نجحتي وريحتينا يا ستي مبرووووووووك مرة تانية
.
.
سويدي انا اخدت التورته من عندك ماشي ولا انت قفلت المحل دلوقتي :) .
17\8:
عندنا اتنين مناسبة عيد ميلاد اختي الصغننة اخر العنقود بقى طبعا لازم تدلع بس بصراحة البنت جدعة وكانت حطاني ف عنيها الاتنين ايام المذاكرة وتعملي كابتشينو وكاكاو وسحل وكورن فليكس وتنزل تجيبلي شكولاتة وبيببس ولب - شفتوا كل ده ساعة المذاكرة صيف وشتا حاجة صعبة - المهم بقت عندها 11 سمة شفتوا اخر العنقود بتاعنا كبر كل سنة وانت طيبة يا منوشة
المناسبة التانية كل سنة وعمو احمد شقير وبلوجه الجامد طيبين كده مرت سنة وكام يوم ع البلوج كل سنة وحضرتك وبلوج حضرتك طيبين وعقبال سنين تانية كتير
.
من17 الى 23 \8 طلع يوم عشرين متوسك بين اليومين مش عارفة امتى بالظبط كل سنة ودكتور ابراهيم طيب كل سنة وانت طيب وهابي بيرز تو يو مرة كمان - اتكتبتلك اتنين تهنئة ف النشرة شفت يا عم-
.
تحدددددديث:
مبرووووووووووووووووك يا سوسة نزلها موضوع ع جرنان العربي قولت لازم تهنئة واجبة مبروووووووووووووووووووووك هنوزع الشرباااات وهنقطع تورتة سويدي بس كان نفسي تبقى بلاك فورست مش مشكلة المرة الجاية :):)
تهنئة اسبيشيل مني لسويدي باشا فاز بالمركز الاول ف المسابقة اللي انا وهو عملنها 3 ف 1 علق تلات مرات اول واحد وورا بعض وخلاص يا فندم تذاكر شرم الشيخ ع طيارة مطروح الجاية من جده هتوصلك ع بلوجك بس معنديش صلصة ينفع كاتشب :))
..
لو حد عنده تهنئة مش هتأخر
.
جه معاد النط اللي عايز ينط ينط :)
القصة الفاشلة :
- ع فكرة كل قصاصي كانت مكتوبة ساعة الامتحانات والمذاكرة يعني اكيد عارفين السبب اللي مخليها بالجمال ده :)-
تنظر ف المراة قالت ف نفسها لماذا لا افعل مثلهن يقفن امام المرآة لمده سنة اقصد ساعة يضعن هذا فوق عيونهم وهذا هنا وهنا لا اعلم كيف يستطيعون النظر ف المراة كل هذا الوقت ولكنني قلت ف نفسي يجب ان اضعع مساحيق الغسيل تلك أأقصد مساحيق التجميل لقد قد اصبحت ناضجة ولكن طرأ سؤال الى ذهني لماذا يربط الانسان بين الجمال والنضج وبين تللك المساحيق لا اعلم نظرت الى المرآ لابدأ بوضع هذه البودرة ع وجهي لم اجد ايا منها لست مضطرة لذلك الان
استيقظت من هذا الحلم العجيب ونظرت الى تسريحتي ووجدت هذا الكم من مساحيق التجميل لا اعلم كيف افعل هذا بنفسي لقد كنت اشبه بالمهرج لابد من ان اقلل منها وان اكون طبيعية اكثر فتحت شرفتي وجدت السماء صافية بلونها الطبيعي اه تذكرت لم اضع عدساتي الزرقاء التي تجعل يومي كلونها ولكن لماذا كل هذا اه اظنني اعلم انه مرض يسمى التشبه بنانسي عجرم
.
- ع فكرة انا مش بحط حاجة ع وشي لحسن حد يحسب البنت دي انا بلاش سوء الفهم ده - :)
.
النكت السخيفة :
حمار بيقول لحمارة : يا حمارة يا حمارة تتجوزيني بصتله كده وقالتله لما تعدل لسانك الاول :))
- ع فكرة اختي اللي قلتهالي مش من عندي دي-
.
اه والنبي سؤالين ع الماشي كده
لو حد سمع اغنية العنب بصوا بتقول ايه - العنب العنب العنب هو ايه يطلع ف شتا او صيف العنب احمر ودمه خفيف العنب اخضر ولونه ظريف العنب قطفلي حبه من ا ليى استوى ول بسته حرير ف حرير العنب- المهم اللحن بتاعها جامد واغنية بيئة موت بس قلبت الفرح كله حد عارف مين بيغنيها؟؟ عارفين لو لقتلها لينك هحطها عندي واسمعهلكوا :)
السؤال التاني :
ف اسكندرية مليانه خروب كليه الطب هو ليه بتاع كلية الطب مش المفروض يكون كليه الزراعة ولا اسمه كده وبس وملوش علاقة بالكلية ؟؟

27 comments:

Gid-Do - جدو said...

نور
حمدالله على السلامة ـ لما اختفيتى قلت يمكن تكون بتصيف قبل دخول الجامعة وصدق تخمينى ـ متنسيش ان الشوكلاتة رغم لونها البنى الا انها بيضرب بيها المثل على الطعم اللذيذ ـ دودى اختفت كمان

Gid-Do - جدو said...

نور

توجهى فورا الى مدونته

باب مردود

خدى معاكى ناس كتير

Lasto-adri *Blue* said...

حمد لله على السلامة

انا كمان بتغاظ من اللى يقول لى مش نازل البحر عشان ماسمرش

وبشتغله لحد ما يبقى فحمة

(عملتها فى كام حد المصيف دة)


بس ايه.. العنب ديه اساسا مالية كل الافراح السنة دى وكل الميكروباصات كمان

بكرة تتأقلمى على سماعها

يلا حمد لله على السلامة تانى مرة

مـحـمـد مـفـيـد said...

عودا حميدا واتمني ان تكوني احسن حال
وعوده للدوشه بتاعتك

Captain L.J.Silver said...

ya salam EL3ENAB ....howa ana 7`alleft 3`ir el 3enab ....3awda ela zaman el3`ena2 el gameel we el tarab el aseel we elshay el te2eel ...ya salam !! sa7ee7 ..."yetla3 fe elsheta aw fe el saif " ...
ana m3rafsh meen elmobde3 elly bey3`aneeha ...bas heya 3andy 3la pc la2et-ha 3la el network men 2 weeks ...law maznoo2a feeha awiiii ab3thalek ....we ba3dain da el fan fe el awwel we el a7`er RESALA !

admelmasry said...

طب الحمد لله انك بخير
انا بقي مسافر الاسبوع الجاي
هههههههههه
مصيف برده

DoOoOoOdY said...

نورتينا يا شمعتى ومبروك لمودى وكل سنه ومنن طيبه ويارب يكتر افراحك
خبر جامد
ريهام عرفت انك رجعتى من المصيف حضرى الاسلحه واهم سلاح هو سلاح الزوغان

NoOR said...

حمد الله عالسلامه .......علي فكره هو بيقول قطفلي حبه اللي استوي

متلغبطوش في الغناء الراقي ده فن مش لعبه يا جدعان

BackBone said...

انا كمان مش عارف ايه الاغنيه ديه انا رجعت من هولندا علي مرسي مطروح لقتها مغرقه الدنيا هناك في كل الدي جي و الكوفي شوبس و الشواطئ لدرجة اني حفظطها في اول 3 ايام.ـ

و لاما رجعت الشغل لقيت الناس كلها عرفاها و كل البنات بترقص عليها رقص يجنن بصراحه.

في اغنيه كمان اسمها "كعبو"ـ
انا عملتلك ابلود للاغنيه عشان تحتيها عندك علي البلوج

http://www.filelodge.com/files/room32/884778/el%203enab.mp3

;)

واي خدمه ياجميل
انت تشاور بس وحنا نخلص
اخوكي الصغير ميمو
:D

حائر في دنيا الله said...

العنب
دنا صدع دماغي من الاغنية دي
ع الموقف
وفي اي نت كافيه
والتاكسي
والشارع
وحتى بقيت بحلم بالأحمر ودمه خفيف والأخضر ولونه ظريف
!!!

توهة said...

حمدالله ع السلامه سلامه
نور كان قاطع وجه لما جيتى "شويه بكش عجنب كده"

والاغنيه بتاعت العنب دى كتا بنغنيها للأطفال فى مستشفى الأورام وأنا اللى إفتكرتها أغنيه من التراث
يالله بس عجبت الاطفال

فانتازيااااااا

NoOR said...

نوران
اجابات الاسئلة :

صاحب اغنية العنب المطرب الفنان العالمى المرموق
عمااااااااااااد بعرور
:D


أما موضوع الخروب
فا هو ان صاحب المحلات دى كان عنده عربية خروب فا ابنه نجح ودخل كلية الطب فا راح نقل عربية الخروب ادام الكلية وسمى العربية خروب كلية الطب

بى اس

المصدر: الموسوعة البريطانية للعلوم
:P

Nouran said...

جدو:
برافو يا جدو تخمين حضرتك صح وحلو موضوع الشيكولاتة ده رضوى رجعت الحمد لله
هخش حاضر

لست ادري:
الله يسلمك انا بتغاظ منهم اوي لازم نبقى فحمة علشان نثبت اننا كنا بنصيف
العنب دي تحفة بس انا لسة مش بركب ميكروبسات علشان بابا لسة هنا نقضينها ملاكي
والله يسلمك مرة تانية


ابيتاف هانم:
انت مسمعتيهاش مش معقولة هحطهالك لمدة اسبوع علشان تسمعيها ةحلوة اوي اغنية هتجوز ديحلوة القصة محدش عبرني وقالي رايه ايه المرة دي ف النكت والقصة هتحبطوني وتخلوني ابطل اكتب قصص هندي هههههه لا بس ابدا هكتبها برضه وانت طيبة هعملك تهنئة ساعة عيد ميلادك يا انسة جوجي

محمد المصري:
الله يبارك فيك

البشمهندس عمرو : مش عمرو برضه
لا مرسي ع واجب ده واجبنا تجاه اخ بلوجري جديد اصل البلوجرز كلهم اخواتي :)
العنب دي جميلة جداا انا معرفتش مين عماد بعرور لحد ما اختي قالتلي ده غنه اغنية الواو اغنية بيئة تانية كده بس لا تطاق العنب تغلبها :)
بجد عجبك البلوج وانت كمان شكل بلوجك هيبقى حلو قدام حطيت صورة بوو دي البلوج هيعمل فرقعة صدقني :)

محمد مفيد:
عودا حميدا ليه والحمد لله بقيت ف احسن حاال بعد ما ركبت المرسيدس بتاعتي وسمعت اغنية العنب
بس ايه موضوع الدوشة ده هو انا بعمل صداع ولا ايه هوذع بنادول ع كل للي بيخشولي يه رايك :)

كابتن سيلفر المهندس شيفو:
انت خلفته امتى مش كنت قلتلي عملتلك تهنئة :)
شكرا يا سيدي خلاص محمد ربنا يكرمه قالي اللينك وشكرا مرة تانية :)

ادم باشا: معرفش مش بقولك دكتور ليه هههههههه:
الحمد لله اجازة سعيدة وانزل البحر بلاش تبقى من انصار التمشية ع البلاج بس :))

ابراهيم:
ايه يا بني بتكلمني رسمي اوي كانك داخل ع وزير الدفاع ههههه وانت طيب اصل- النشرة دي معمولة علشان التهاني كلها اي حد اعرف انه عنده مناسبة سعيدة هعمله نشرة
انت شكلك اليومين دول قرفااان معرفش ليه

دودي:
بنورك يا بنتي الله يبارك فيكي وعقبال تاتو وحمادة
خبر قدييم انا اتقفشت بس زوغت لاني كنت مروح البيت فقفلت بسرعة - حلو الاخبار بتاعتنا اللي ع النت دي - وحرام عليكي قولتيلها ليه

نوور باشا عندنا يا مرحبا نورتنا يا فندم وناسف ع الخطا ف الطرب الاصيل ده يا فندم والله اتي اللي كانت بتمليني وهصلحها حالا وشكرا ع ملاحظتك دي انا غلطت ف اغنية العنب يا جدعااان

باك بون البشمهندس محمد باشا:
اغنية عملت غزو ف المنطقة انا بصراحة بالف ف الكلام محفظتهاش اوي انت هتقولي ع الرقص ده ليها قصة خاصة جدااا كعبو دي بصراحة بشعة مش بحبها العنب احلى بكتير
شكرا يا باشا هحطها ف اقر وقت اكون فاضية فيه حلوة اخوكي الصغير دي ع اساس اني عندي 37 سنة انت عرفت الحقيقة منين ههههههه

حائر ف دنيا الله:
العنب هو فيه زي العنب يا سلام لو يعملوا اغنية لمانجة يا سلام
وبصراحة احلى حته بتاعة الالوان دي شفت ثقافة المصريين :)

فانتازيا هانم:
الله يسلمك والله الحمد لله انه جه - حلو البكش ده -
حلو اوي موضوع التراث ده تصدقي انا كنت بحسبها حاجة شبه كده انها من التراث الشعبي طلعت بتاع الاخ بعرور

نوور:
انت مفرد اسمي سبحان الله
هو وصل للعالمية
بس بجد موضوع الخروب ده ولا انت بتهزر انا بصدق اي حاجة بسرعة
ياااه وجايبلي المرجع الموسوعة البريطانية للعلوم كويس يبقى كده بجد ههههه

توهة said...

اوووووووووه نسيت أعلقلك ع القصه
هى حلوه بس لو دخل عليها أى حد من اللى فى بالى حيحبطك بس ولا يهمك مدام أنا بقول حلوه يبقى إنسى الدنيا
أصلهم ياما أحبطونى بس أنا ولا بيهمنى

وبطلى تقفى قدام المريا كتير المرايا إشتكت
وحلو لقب الهانميه اللى انتى إدتهونى ده مقبوله منك

فانتازياااااااااااا هانم ههههه

Ahmed Shokeir said...

والله النشرة بتاعتك دي يانوران دمها خفيف ع القلب اصل الجزيرة هرتنا نشرات تقطع القلب لكن عندك النشرة كلها أفراح وحفلات ومناسبات
ده كفاية اني طالع في النشرة عندك
اما القصة بصراحة فهي برده زي ماقلت قبل كده تنتمي إلى ننوع جديد من القصص تنفعي تكوني رائدة فيه
النوع ده اسمه قصة ع الماشي

وهانغفر لاختك النكتة عشان بس اللي بتعمله معاكي

أما بالنسبة لاغنية العنب فبصراحة الأغنية زي مابتقولي بيئة جدا
وهي ل عماد بعرور
لو عايزة تنزليها إم بي ثري
http://filecities.com/files/1257/enab.mp3
بس الفايل 8 ميجا عشان الاغنية 8 دقايق
وممكن تجربي برده اللينك ده على الريال بلاير جايز يشتغل
http://www.uploading.com/?get=7NGM368M

NoOR said...

نوران كده ابقي انا وانتي تلات انوار :) لا بس موضوع الخروب بجد صدقي وانتي مطمنه


اما عماد باشا بعرور فوصل للعالميه من زمان ده حتي قرب يرجع من هناك

هوميروس said...

صباح الخير يانوران حلوة اوي حكاية النشرة دي
في حد مبيحبش اغنية العنب؟
حتي دي طعمها حلو
كل نشرة وانتي طيبة

فيها حاجة حلوة said...

الف مبروك علي كل المناسبات السعيدة
وغلي فكرة اغنية العنب ديه اغنية وحشة موووووووووت اما بالنسبة للخروب يعني هيه جت علي ديه

sherif gharib said...

حمدالله على السلامه على فكره انتى شكلك كده جايبه نفس المرسيدس بتاعتى لان عندك نفس المشكله فى الركنه
انت روحك دايما فى المصيف
تحياتى

حائر في دنيا الله said...

والله نشرة ظريفة جداً
والمهم الحمار عدل لسانه ولا لسه مصر

Ahmad El-Saeed said...

نوران ... ألف مبروك على نتيجة الثانوية العامة (معلش انا عارف إنها متأخرة شوية) بس النتيجة طلعت و انا فى معسكر التدريب فى الجيش ... و انا حاليا فى الوحدة الأساسية و قدامنا لسه سنة كمان

شدى حيلك بقى فى الكلية يا نوران , الكلية بتاعتنا دى مش بتاعة رعب و لا كلكعة و لا حاجة ,, إنما حاولى تفهمى و تبذلى جهد على قد ما تقدرى و ربنا هيكرمك إن شاء الله

لما إن شاء الله كده تقررى القسم , إبقى إدينى خبر عشان معيدين قسم إتصالات دول كلهم حبايبنا و على فكرة إحنا برده لينا معارف كتير فى إعدادى .. فلو إحتجتى حاجة إبقى قولى و متتكسفيش

ربنا يكرمك يا نوران ... و إدعولى معاكو كلكم يا جماعة

أحمد السعيد

Ahmad El-Saeed said...

نوران ... ألف مبروك على نتيجة الثانوية العامة (معلش انا عارف إنها متأخرة شوية) بس النتيجة طلعت و انا فى معسكر التدريب فى الجيش ... و انا حاليا فى الوحدة الأساسية و قدامنا لسه سنة كمان

شدى حيلك بقى فى الكلية يا نوران , الكلية بتاعتنا دى مش بتاعة رعب و لا كلكعة و لا حاجة ,, إنما حاولى تفهمى و تبذلى جهد على قد ما تقدرى و ربنا هيكرمك إن شاء الله

لما إن شاء الله كده تقررى القسم , إبقى إدينى خبر عشان معيدين قسم إتصالات دول كلهم حبايبنا و على فكرة إحنا برده لينا معارف كتير فى إعدادى .. فلو إحتجتى حاجة إبقى قولى و متتكسفيش

ربنا يكرمك يا نوران ... و إدعولى معاكو كلكم يا جماعة

أحمد السعيد

zakawi said...

alf mabrook for the wedding ..

عازفة الكمان said...

مبرووووك لقيتلك العنب اكيد مش في
السوق لا علي النت هكتبلك اللينك

http://www.rogepost.com/fgdn/lo9x/

m_elsewedy said...

حمد الله بسا يا نورا
ومبروك لمحمد وخطيبته اصدى مراته وعقبال البكارى
:D
وبالنسبة للتورتة انا لسة ما قفلتش التورتة وصاحب التورتة فى خدمة الباشمهندسة

NoOR said...

نوران انا عاملك بوسط مخصوص ليكي يارب يعجبك

Nouran said...

انااااااااااااا جيييييييييييييييييت
فانتازيا هانم:
يعني رايك اكمل ف القصص الجميلة بتاعتي دي يا عيني شكلهم احبطوكي اوي
بس ع فكرة انا مش بقف قدام المرايا كتير بحس اني هتجنن لو فضلت ابص ف المرايا كتتير
واي خدمي يا هانم :)

عمو احمد شقير:
شكرا جداا والله الواحد مش بيطيق يشوف الجزيرة دي من كتر تقطيع القلب
وف اقرب مناسبة عند حضرتك تاني هفصل نشر مخصوص
راي حضرتك اسميها قصة ع الماشي حلو اوي
هيا اللي اصرت ع النكته
هيا العنب وصلت السعودية ولا حضرتك نزلت مصر انا ان شاء الله هنزلها بعد تجارب هعملها وشكرا ع اللينك

نووور:
حلوة تلاته نور دي يا نور ولا تلات انوار اللي انت تختاره
انت مصدر موثوق فيه لازم اصدق
انا مستنية بعرور بيه لما يرجع :)

هوميروس :
انت مكنتش هنا ايام النشرة الاولانية بس دي عملت ضجه اكتر ههههههه وانت طيب وعقبال ما تتكتب فيها يا رب :)

ام المريلة الكحلي:
حبيبتي بتجري ليه كنت سلفتك المرسيدس بتاعتي ربنا يكتر الافراح بس اغنيه العنب دي جاامدة جدااا فعلا
اسمه عماد بعرور ده طلع مشهور وانا معرفش :)

المدير خطب مبررروك بس شكلها جاية متاخرة كتير مبروووووووووووووك :)

ندا:
الله يسلمك اتاخرت ف الرد هاجي عندك لما اخلص التعليق
تعرفي اتخضيت لما قريت انا ونوران قلت انا معملتش حاجة بس استدركت الامر اناا جاي فرافيرو

البشمهندس محمد:
الله يسلمك انا برضه رضيت متاخر
تصدق ممكن نغيرها واكتب حدث اليوم حلوة واللله
اغنيه غريبة فعلا وجامدة وبيئة وكل الناس بتحبها معرفش ليه ههههه

ابيتاف:
كده المحشي هيبقى بايت مش صابح هاجي بعد 6 ايام انا هعيط
سمعتي الاغنية صحيح ؟؟
تلاقي دودي سبقتني انا جاية اهوه

سليما:
ايه الاسم ده يا هندزة
الله يبارك فيك عقبال ما اكتبلك مناسبة سعيدة يا رب
ليه كده بتقول عليها وحشة ليه دي مكسرة الدنيا يا راجل هههه
احنا خلاص عرفنا اصل الخروب من البشمهندس نور باشا

شريف غريب:
بس والله مرسيدس بتاعتي دي اخر شياكة سرعات ومفتاح شيك حاطاه ف ميداليه دبدوب واخر حلاوة :)

حائر فدنيا الله:
تصدق وانا كمان مستظرفه النشرة دي
هخلي اختي تساله علشان هيا اللي قالت النكته :)

البشمهندس محمد:
اناااا جيت اهوه شكرا ع السؤال

بسبس هانم:
حمدلله ع السلامة انت كمان
حلووة اوي الاغنية وشغليها ف الفرح وابقى اعزمينا ف البلوج وانزلهالك تهنئة :)
لما الواحد بيقعد ف الشمس بحس اني بلتهب مش بسمر احلى حاجة ف المصيف التلزيق والرملة والبحر

ابراهيم:
انا اهوه مش غطسانة ولا حاجة
انت حاسبهم عليا انا جيت اهوه

احمد السعيد:
حمدلله ع السلامة اخبار الجيش ايه
الله يبارك فيك يا بشمهندس ويا رب يعدي سنة الجيش دي ع خير
انت الوحيد اللي قولتلي كلام حلو عليها والله يا احمد الباقي كرهوني فيها
شكرراا جداا لو احتجت حاجة هاجي عندك اقولك
ربنا يكرمك وينولك اللي ف بالك

بحب مصر:
انا جاية اهوه

zakawi:
الله يبارك فيك

رشااا:
الله يبارك فيكي انت لقيتيه امتى ده ان شاء الله هعمله قريب

سويدي باشا:
الله يسلمك انت كنت فين يا عم من ساعة ما خت التذاكر خلعت حلوة الرحلة بتاعه شرم الشيخ هنعمل مسابقة تانية ان شاء الله
الله يبارك فيك وعقبالك
والنبي عايزاها المرة الجاية بلاك فورست :)

نوور:
شكرااا جدا ليك انا شفته حرام عليك والله يا نور بس ربنا يكرمك وانت عملت اللي عليك وعداك العيب يا بني :)