Sunday, September 03, 2006

هيه هيه هيه تاااااج

الحمد لله ولله الحمد العقدة انفكت والباشمهندس جه وعال العال والذكاء الخارق بتاعي خااارق جداا والله النسخة بتاعة الويندوز عربي نسيت اقولوه يحولها وطبعا هفضل متازمة كده علشان لو حطيت واحد تاني النت هيضيع يعني هفضل صابرة ع نسخة العربي دي كتير انا جاالي تخلف منها واالله يا ماما بس انظر للجانب المشرق اني ف البيت وع الكمبيوتر مش ع السايبر مع انه كان وشه حلو عليا واالله المهم اتبعتلي تاااج حلو جدا من عند محمد- وعد العيون ولازم اعمله دلوقتي والفترة للي جاية البوستات هتبقى كتييير جداااااااااااا نخش ف التاج
هل انت عقلاني اكتر ام عاطفي؟؟
تصدق اظن اني عقلاني اقصد عقلانية يعني تقدر تقول بحسب حجات كتير بالورقة والقلم كله بحسابه يا بيه اما عاطفي دي مظنش خاالص
.
صف شخصيتك ف خمس كلمات؟
سؤال صعب ف حد يقدر يوصف نفسه هحاول
مش عارفة
خلاص هقول والنبي يا رضوى صححيلي لو ف حاجة غلط ماشي
طيبة- سميعه شديدة للناس مش للاغاني -بوصل للي انا عايزاها غالبا وبمشيئة الله - سخيفة احيانا كتيرة-مجنونة ف اغلب الاوقات هو كده وصف للشخصية
ه
.
اذا كان لكل انسان شبيه من الحيوانات اي حيوان يشبهك؟
مظنش ان ف حيوان يشبهني ايه السؤال ده اعترض وبشده واندد- اصل انا عربية نفس الكلام -هو كان السؤال ايه
.
ما هو لونك المفضل؟
الاصفر ويا ريت يبقى فسفوري -فاكراه يا رضوى لون العربية اللي شوفناها هو ده ههههههههههه-لا الاصفر هو اللون المفضل
.
هل انت اجتماعي اكثر ام منعزل؟
احيانا احيانا يعني اوقات واوقات بص يعني هو كده فهمت
.
ماذا يشكل اصدقائك بالنسبة لك؟
زي اخواتي
.
هل انت مرتبط بعائلتك؟
جداااا جداا الحمد لله دي نعمة من ربنا - مش اغنية مصطفى كامل اكيد-واقصد العائلة مش الاسرة
.
هل انت عصبي اكتر ام هادئ؟
مظنش هادئ ابدا ولا حتى هادئة اظن عصبي وعندي الهسهس والسمبثاوي كمان بس واالله بحاول ابقى هادئة ادعولي ربنا يهديني
.
هل تفضل الصيف ام الشتا؟
الشتااااااااا من هنا للصبح الشتا دفا لما نشغل الدفايه واشرب الكاكوا والكابتشينو وفيه ف الشتا الدراسة طبعا وانا بحب الدراسة والمذاكرة امسكوا الخشب بسرعة
.
متى اخر مرة بكيت فيها ؟ ولماذا؟
مش فاكرة بس تقدر تقول اني عيوطة يعني بعيط كتير عيلة بقي يعني اختي تاخد الموبيل ماما روني خدت الموبيل بتاااعي هبل يعني -اكيد مش كل الكلام ده جد- بس اخر مرة ساعة عبد الوهاب لما اتوفى بس مش اوي لكن اللي عيط كتير ساعة النتيجة بعيد عنكوا كنت بعيط علشان نقصت جبت 98.4 بدل 98.5 شفتوا الهبل ههههههههههههههههههههه لا بجد عيط ساعة النتيجة علشان بابا كان قايلي 97.2 مصيبة مش كده
.
بجد التاااج ده حلو جددا شكرا يا محمد انك بعتهولي واجاباتي مشعشة علشان انا فرحانة علشان العقدة انفكت
امرر الدور للي عليه الدور :
يا رب مكنش نسيت حد - ده مش اسم بلوج ده انا اللي بقول-
اه حاجة اخيرة
متنسوش تقولولي ع الاستفتاء ده اللي فات يعني اللي ف البوست اللي فات ماشي الكلام

14 comments:

عازفة الكمان said...

مبروووووووووووووووووك علي الكمبيوتر و النت وحمدلله علي السلامه

NoOR said...

مش عارفه تعرفي كارت الي اس ال وداخله هندسه شكلك هاتفضحينا من اولها


مبروك الكومبيوتر الجديد يا باشا وعقبال الاب توب

اما موضوع التاج ده هيبقي كمان اسبوع علي ما اخلص كورس شغال فيه ومعذبني

Polka Dotted said...

الهسهس والسمبثاوي

mataklish la samak wala beid ;)
nice answers dear

noran said...

noran
نوران انتي دايقتيني جدا بالكومنت اللي كتبتيه عندي
طيب والله والله ماكنت اقصدك خالص ولا اقصد حد بعينه هي ممكن تقولي انها عقده عندي من زمان اني اتعامل علي اني عيله او اي حد سنه صغير وان ما فيش موضوعيه خالص
وبعدين انا مش عيله للدرجه هو صحيح14 شكله يدي علي عيالي اوي بس انا مش عيله للدرجه دي
وبالنسبه للتاج ده هو فعلا اسالته مميزه وانتي اجاباتك لذيذه

توهة said...

يكفينا شر المجانين والمتعفرتين ... أوعى تفتكرى الكلام عليك كفالله الشر

بالنسبه للإستفتاء
خلى الأغنيه سبعة ايام لأنى نفسى أحفظها وأغنيها فى الأفراح والليالى الملاح

والقصه خليها وأهى تبقى بدايه ليكى



فانتازيااااااااااااااااااااا

فانتازيااااااااااااااااااا

NoOR said...

تاتي ارحموني الشتا بيجبلي اكتئاب انا مش ناقص

كلبوزة لكن سمباتيك said...

اموه اموه
ليكي وحشة كبيرة ابقي تعالي خديها
اخبارك اية؟
انا متشكرة لدعوتك علي التاج
بس اديني فرصة افوق من حالة الملل و اعمله فورم
قبلاتشي

Gid-Do - جدو said...

نور
متشكرين على التدبيس
وانا باذن الله نويت انزل مقدمة اولا
وبعدين اجاوب على التاج
ربنا يدينا ويديكى طولت العمر
ويوشف البحث دة النور
دة تاج ياماما محتاج كتب
ومراجع تتقرى قبل الاجابة

msafa said...

انتى لذيذه اتمنى تزورى مدونتى
انا جانى نفس التاج

sherif gharib said...

احترم جدا صراحتك فى الاجابات
و خصوصا فى الامور الخاصه بشخصيتك
و معلش هوه النت كده دايما بيهيس
تحياتى

admelmasry said...

انا فاتكر اني كنت سايب تعليق

يادي المصيبة

كل مرة اسيب تعليق لواحد في مدونة واحد تاني

طب احل المشكلة دي ازاي ؟

بصي ابقي دوري بقي في المدونات التانية علي تعليق ليكي
هههههههههه


اصل انا شوفت التاج ده يوم ما عملتيه
هههههههههههه

بس شكر ا ع السلطانية التانية هو انا كنت قلعت الاولانية عشان البس تانية

يا شيخة حرام عليكي

DoOoOoOdY said...

هيييييييييييييييييييه الكمبيوتر اتصلح اعلقلك بقى شوفى يا ستى فى موضوع الصفات عندك حق وطبعاعربيتك المستقبليه البيجو الفوسفورى عشان انا اتشل ومركبش معاكى تانى بس تاج لذيذ يا هندسه الله عليكى

saso said...

يا بنتي انتي اعصار مبلحقش اركز القاكي نقلتي
الاعصار دة جوزائي طبعا
ولو اني باعمل بيات شتوي طول الشتا .. وماليش في الضلمة ولو صحيت لقيتها مغيمة بنام تاني بس الباقي كلة انا متخيلاكي فية .

Nouran said...

ناسف للتاخير اصلي مكنتش ف البيت وجاية ساعتين وماشية تاني بتفسح ههههههه

دكتور ابراهيم باشا:
الضمائر بايظة لاني نقلاها من عند محمد فلازم تبقى مذكر وكمان ف الامتحانات بيجي اكمل واكتب الاجابة الصحيحة وكده يعني
هو انا بقيت كارت محرووق ولا ايه بس كويس ان كلامي مبين شخصيتي علشان كنت شاكة ان نوران مش هيا شمعة
لاشكر ع تاج يا دكتور

رشااا:
هيه هيه هيه النت اتصلح

نووور:
لا كان ف مشكلة وانا مكنتش عارفة اعملها متقلقش مش هفضحكوا اوي :)
يا رب اللاب توب يجي بالسلامة ف رمضان ادعولي :)

ابيتاف هانم
انا جيت نورت البيت ااقصد البلوجر
بجد اجابات برج الجوزاء انا رايحو اشوف اجابات برج الجدي :)

بطابيط:
بجد بس ع ضمانتك ماشي الكلام

البشمهندس بتاعنا الاستاذ محمد:
شكلك اتعديت مني ده اكيد التهيث ده مش غريب عليا ههههههه
بصرة يا عم وهحاول مغبش تاني

نوران:
والله مكنش اقصدي بس انا فرحت جدا لما كانوا يقولوا عليا اني صغيرة بس والله كنت بهزر معاكي بجد واكيد العقدة دي سببها انك اخر العنقود مثلا ؟؟
واصلا من اول ثانوي مش بنبقى عيال اوي ومتزعليش مني كمان مرة مكنش قصدي بجد صافي يا لبن
وشكرا ع رايك ف التاج يا نوران

فانتازيا هانم:
متاكده ان الكلام ده مش عليا
ماشي هاخد استفتائك ف عين الاعتبار هههههه

تاتي:
الحمد لله بجد انا اتخنقت من الصيف حررر جدااااا يا رب الشتا تيجي بقى

نوور:
يا عم انت اصلا شكلك مكتئب علطول متزعلش مني بص يا سيدي لما تيجي حالة الاكتئاب بتاعة الشتا حسس نفسك انك ف الصيف ايه الهبل اللي انا بكتبه ده ناسف ونعتذر دي من اثار ذكريات الثانوية العامة

كلبوزتي:
والله وانت كمان واحشاني اوي انا كويسة ورايحة اقضي الويك اند ف مارينا تيجي معايا
مستنياه ماشي

جدو:
ولا يهم حضرتك يا جدو هو التاج ده صعب اوي ولا ايه :)

مسافة:
شكرا ليكي

ميدو:
بجد والله مكنتش اعرف وشكرا يا عم ع الكلام الكبير ده ف حقي

شريف غريب:
عاش من شافك يا شيخ
شكرا يا كابتن لازم نبقى صرريحين مع الناس علشان ده اساس الصراحة مع النفس

ادم المصري:
اكيد المصيف اثر عليك صح ركز يا بشمهندس وهفضل ادور خلاص انا متنازلة يا سيدي
يعني مبعتلكش سلاطين تانية ولا ايه ؟؟

دودي:
دلسة كنت عندك هههههههههه سوطل والله
طبعا عندي حق تقدري تقولي حاجة غير كده هههههههههه
خلاص هغير لونها علشان تركبي جنبي

احمد باشا:
مين الندل بالظبط ان ان اان
مطرقعة ربنا يكرمك يا دكتور
معرفش موضوع اللون الاصفر ده اكيد كدااب وانا كمان اعترض ع الكلام ده ميصحش خاالص ع موضوع اللون الاصفر وموضوع الحيوانات ده
لا اقصدي بسمع الناس كتير هواية نعمل ايه بس برضه بسمع الاغاني بس مش ادمان برضه
تعرف انا كنت عارفة التنوية قبل ما تقولوه سبحان الله ههههههه

ساسو:
بجد هو انا بجري ف كتابتي
اعصاار مرة واحدة ههههه جوزائي ميه ف الميه صح احسم حاجة البيات الشتوي ده جميل