Monday, February 26, 2007

انا جيت

بصوا انا جيت سريعا سريعا ورايا حجات كتير اسفة ع التاخير واتبعتلي تاج هجاوبه دلوقتي بس قبل كده احب اقول لجدو كل سنة وهو طيب وعقبال سنين تانية كتير وعقبال ما يشوف احفاد ياسمين وشريف :) واوعدكم هنزل نشرة ع اخر الاسبوع ده اوا اول الاسبوع اللي جاي اوك الكلام نتكلم بقى عن التاج اللي اتبعتلي البشمهندس المبرمج الحر بعتلي تاج لولولولي :)
.
اسم مدونتك ايه؟
شاماعاةا -شيل الالف بعد كل حرف وهتعرف اسم المدونة او اقولك طريقة سهلة بصوا ع المدونة من فوق هتلاقوا الاسم منوررر
لماذا اخترته ماذا تقصد به؟
بص يا سيدي زي ما قلت ف اول تدوينة من 100سنة كده لما كنت ف 2ثانوي ف درس الكيميا كنا بنحب المستر اوي وكان كل ما يسالني ع اسمي اكون جايبة درجة وحشة مرة 16 من 20 ةالتانية 17.5 مع العلم ان المرتين دول بس اللي نقصت فيهم مش مشكلتنا المهم قالي انت نوران انت انت كبيرك شمعة ومن هنا كل الناس عرفتني بالاسم ده كنت مشهورة بيه اوي ف المدرسة بس تقدر تقول بحب الاسم ده :)
هل فكرت ف اغلاق المدونة والسبب:
الاجابة نعم
السبب : كنت ساعة النتيجة السنة اللي فاتت قلت لو جبت مجموع وحش هعاقب نفسي وارمي البلوج يعني هحرم نفسي من حاجة بحبها نوع من انواع العقاب يعني بس اكتشفت اني مش هقدر اعيش من غير تدوين بتاتا -حلوة بتاتا دي صح -:)
.
صورتك ف المدونة رمزيتها؟
انها نوع من انواع الحنين الي الطفولة وافلام الكارتون الذي يتمثل ف ستوووووووووب ايه الهبل ده بصوا انا بحب الكارتون بتاع كرتي البعبع ده اوي شركة المرعبين المحبوبة ههههه والبنت عسولة وبحس انها بتعبر عني من جوه طفلة بس مش بقطتين بضفرتين :)
.
طبيعة كتابتك ف المدونة بشكل عام سياسة قصة عبث كلام فاضي؟
اولا اعترض ع كلمة كلام فاضي بذمتك بيبقى فيه حاجة اسمها كلام فاضي فيه كوباية فاضية طبق فاضي هههههههههه
انا اللي يجي ف دماغي بكتبه مش حاجة معينة تهيس ع قصص قصيرة بتاعتي ع7 خواطر ع رياضة ع مذكرات ع مواقف ع كل حاجة كده يعني
.
لماذا تدون اصلا؟
اصلا واساسا حاجة بعبر بيها عن نفسي وبطلع فيها افكاري تعرفوا انا بعبر عن نفسي حلو بالكتابة اوي لكن لو اتكلمت يالهوي ع اللي هيحصل ههههههه بس بجد التدوين ده بقى شئ مهم جدا بالنسبة ليا بعرف اخبار الدنيا بتواصل مع ناس كتير بعرض افكاري وتهيسي وقصصي ونكتي الرخمة وخواطري وكل حاجة انا عايزاها يا بجد شئ جمييل
.
احلى جملة قيلت لك ف وصف مدونتك؟
هي مش احلى جملة ولا حاجة بس انا فرحت لما اتكتبت ف الجرنال زمااان كده وقعدوا يقولوا اصغر مدونة تاخذك لعالم مش عارف ايه بتلقائية وليست سذاجة ومش عارف ايه واصلا واساسا معرفش حد وصف مدونتي قبل كده او ممكن يكون سابلي ف كومينت حاجة والله معرفشي ممكن حد يوصفهالي واختار احلى وصف ههههههههه بس الجميع مجمعين انها مدونةن عيلة كبيرة وده بيبسطني :)
.
التعليقات بالنسبة ليك اهميتها؟
ياااه ده شئ مهم جدا جدا بالنسبة ليا انتوا متشفونيش بعد ما اكتب البوست وكل شوية اشوف مين عبرني وعلقلي يااه ولما كان بيوصل التعليقات 10تعليقات ياه كنت بعمل فرح
.
احلى بوست كتبته ضع لينك واذكر السبب؟
اصلا كل بوستاتي حلوة ههههه بس البوست اللي انا بحبه بتمنى معرفش بس كنت حاسه بيه اوي ساعة رمضان
.
اافضل مدونة قراتها ؟
ايه ده انا مش بحبكده بص هجاوب اجابة كويسةاستنى استنى اه اي مدونة دخلت عليها وسيبت تعليق فيها تبقى الفضلى بالنسبة ليا حلوة الفضلى ديه :)
.
افضل بوست قراته؟
ايه يا عم كله افضل افضل مفيش نص نص او اسوأ ع العموم الاجابة موجودة فوق :P
.
هل خسرت صديقا بسبب الكتابة هنا؟
لا بس شكلي هخسر علشان انا هكتب تدوينة ايه بس اصبروا عليا لحسن الصديق حاله ينصلح وكمان ده انت جرار شكل اوي اوي يعني انت عايزني اخسرك :)
.
حد قل ادبه ف تعليق عندك وايه ردة فعلك؟
لا مظنش اصل معظم مواضيعي مينفعش حد يقل ادبه ف تعليق بس والله مش عارفة هعمل ايه لو حد عمل كده بس مش هرد عليه وهرمي التعليق
.
اسوأ مدونة الاجابة اجبارية يمكن اختيار عدة مدونات..هما كتير اصلا؟
انا اللي قلت مفيش اسوأ استاهل ههههه ومين قالك انهم كتير يعني ما ممكن انت تشوف مدونة وحشة وحد يشوفها حلوة بس المدونات اللي بتعدي جامد ف الحدود المعقولة يعني فيه حجات مش هعرف اقولها يعني بصواعادة المدونة الوحشة او السيئة مش لو صادف ودخلتها مش هخشها تاني فهنسى اسمها ايه رايك؟
.
اسوأ بوست؟
انا اللي جبته لنفسي ماااشي مش بقراه الحجات الوحشة وحاجة وحشه هفتكرها ليه اه تعبتني يا شيخ :)
.
اسؤا مدون مهو هتجاوب هتجاوب؟
ايه التاج اللي بصيغة افعل ده كانت حاجة ف العربي :)
مفيش سؤال اختياري ههههه كله اجباري طب بص اسؤا مدون واحد اكيد بيدون وحش ايه السؤال اللي اجابته تافهة ده :)
نباصي لمين التاج ده بصوا بقى اللي عايز يعمله يعمله بصراحة مليش مزاج اباصي

12 comments:

admelmasry said...

نورتينا بصراحه
بس ما تغيبيش

tweety said...

حمدالله على السلامه يا منورانا كنتى عمللنا فراغ ده انا كنت هزغرط لما لقيت بوست جديد

voice of love said...

تصدقى انك لما بترجعى بتعملى دوشة
بس بتنورى والله
وحشتينى يا صغننونة

مداح القمر said...

شمعه رجعت يا رجاااااااااااااااله
والله بتوحشينا م البوست للبوست
الواحد كان مفتقد جو العفرته والشقاوه
ايوه ياعم اسمك طلع فى الجورنال بس تصدقى انه وصف مثالى جدا للمدونه بتاعتك؟
اجاباتك كانت دبلوماسيه اوى بس عندك حق الاسئله كلها تفزع...زى ما يكون التاج دا عايز يوقعك ف الناس

أحمد said...

تلقائيتك حلوة أوى فى الأجابة على الأسئلة يا نوران
ربنا يعزك يا رب

DoOoOoOdY said...

هههههههههههههههههههه
جامده كالعاده
تاج حلو يا نور

mohamed alhaddad said...

سالمه يا سلامه روحتى وجيتى بالسلامه
أخيرا رجعتى يا بنتى
حمد لله على السلامه


عجبانى موضوع باتاتا ده لأ حلوه

أيه الاجابات الجميله دى أنت مش عايزه تزعلى حد
صح؟
قول الصراحه
أه

Anonymous said...

لأ مش ممكن

أنا حسيت و أنا بقرأ التاج إني بقرأ جواب رئاسي أو خطاب جمهوري

إية الديبلوماسية دي كلها
كنتي لزقتي طابع سياسة و اقتصاد في ورقة التنسيق يا شيخة

دا البلد كدة خسرت سياسي عظيم
ههههههههههههه

Gid-Do - جدو said...

نوران

الف شكر على التهنئة وان شاء الله نهنيكى بالتوفيق دايما فى كل خطوات حياتك ـ على فكرة انا عارف انك مطحونة دراسة وعلشان كدة سايبك للصيف لما تبقى فاضية ـ تحياتى

عازفة الكمان said...

حلو التاج وممكن اعمله اصلي بقالي كتيييييير قوي معملتش تيجان بس علي فكره انتي وحشاني قوي مش عارفه ليه

MestKA said...

جامد التاج كالعاده بيوضح شخصيتك الدبلوماسية ذي ما بيقولوا
وهقولك مفاجأه : كتبت اول بوست في بلوجي
ايه رايك مفاجأه صح
طبعا عايزاكي تكوني اول كومنت
اوك يا شمووعه

Nouran said...

ادم باشا:
بنورك يا هندزة

تويتي:
زعرطي يا بنتي متخليش ف نفسك حاجة

دولي:
يا سلام عملت دوشة انت حمدلله ع السلامة وكمان انت اللي منورانا مش انا

الدكتور احمد باشا:
انا جيت نورت البلوجر هههه ياه انا خلاص خت مقلب ف نفسي شفت بقىى انا كنت مشهورة والله صح التاج عايز يوقع الناس ف بعضها بس انا خت بالي وجبت الدرجة النهائية فيه

مبرمج حر:
شكرا يا هندزة وربنا يعزنا كلنا يا رب

دودي:
طبعا يا بنتي ده انا نوران هههه

البشمهندس محمد باشا:
الله يسلمك حمدلله ع سلامتي صح حلوة بتاتا ديه :)
بس انا مش عايزة ازعل حد بس هي ديه بجد اجاباتي يعني اجابة سؤالك اه ولا :)

محمد فوزي:
ايه يا عم انت عايز توقعنا ف الغلط ولا ايه ؟؟
صدقني لزقته الرغبة الثامنة علشان السابعة اعلام واول سته هندسة وحاسبات هههههه البلد خسرت سياسي
عظيم وكسبت مهندس اعظم ههههههه

جدو يا جدو:
كل سنة وحضرتك طيب والله انا عارفة يا جدو ونفسي الصيف يجي وارجع تاني زي ما كنت :)

روشا:
يا حمدلله ع السلامة يا بنتي وايه مش عارفة ليه ديه ع فكرة انا مش هاجي الجمعة الجاية طالعة رحلة دريم بارك :) يعني كده هتوحشيني اوي وانا هوحشك اوي اعمليه يا بنتي

مستكة :
لولولولوللولوللولولي اساتني انا شخصيتي دبلوماسيه ههههههه طيب
بس كويس انك كتبتي حاجة اروح اشوف بقى :)