Wednesday, July 04, 2007

النشره رقم 6 بعد غيااااب

اللي بكاب بيمبى ده تيمي ترنر واللي بشعر بمبى واندا وكوزمو اللي بشعر اخضر
تحدييييييييييث
ع فكرة انا عندي ذكاء خااارق نسيت اكتب لعربي كل سنه وهو طيب اينعم عيد ميلاده من شهرين بس برضه عيب عليا كان 26 مايو كل سنة وانت طيب يا باشا
وكماااااااااااااان مبرووووووووووووك لدودي حبيبتي ع الجيد جداا ه المفروض امتياز بس فرقت نص درجه تتعوض ان شاء الله ومبروك لكل صحابها وعقبااالنا :) ياااااااااااارب

النشرة السادسة بس جايه متاخرة اوي اوي طبعا الظروف القاهرية بتاعة الامتحانات والحجات ديه يعني والاجازة والكسل وكده يعني بس اديني جيت وهعمل نشره جامدة جدا
بصوا انا هنصحكوا نصيحه لوجه الله النشره 5 اجزاء علشان الحسد يعني فلو معندكش وقت خش خمس مرات كل يوم مره اقرا جزء وهي اجزاء منفصله علشان محدش يقولي طويله وكتيره والحوارات ديه اللهم بلغت اللهم فاشهد :)


....................................................................


وهستضيف النهاردة تيمي ترنر واللي ميعرفش مين تيمي ترنر انا اقولكوا هو
ايه يا نوران انت هتتكلمي كتير مش انا الضيف ولا ايه
ازيك يا تيمي انا مش مصدقة نفسي انت بذات نفسك معانا ومعاك كوزمو و
وانداكمان ياااه انا سعيده جداا جداا :)
اهلا يا جماعه انا تيمي ترنر وللي مش عارفني انا بطل الكارتون بتاع فيرلي اودد بيرنتس ولليميعرفوش ده كارتون

جميل اوي بيجي ع ام بي سي ثري :) ولو مش عارفين كل ده انا ممكن اقولكم انا ولد صغنن بابايا ومامتي منفضني

وعندي مربيه شريرة اسمها فيكي بس عندي احلى حاجه ف الدنيا عندي كوزمو وواندا ودول بابايا ومامتي السحريين

بيحققولي اي حاجه انا بتمناها واحب اقدملكوا كوووزمو وواندا بلم بلم بلم -ده كلام كتير ملوش لازمه-
-

ايه اللي ورطني اني استضيف الشخصيه ديه هي نشره وهتعدي-
بتقولي حاجه يا نوران
لا لا طبعا يا بشمهندس تيمي
اه انا سمعت عن النشره ديه وحبيت اجي فيها
شكرا يا تيمي
اتمنى ان نوران تسكت ومتكلمش غير لما انا ابقى عايزها تتكلم
ايه ده انا مش عارفه اتكلم حسبي الله ونعم الوكيل - كل ده ف سري طبعا-
طيب دلوقتي اتمنى اعرف كل العيدميلادات والتهنئات وخلي نوران تقولهم
انا وبابتسامه صفرا عريضه ع وشي
طبعا طبعا -ما انا كنت بعمل النشره لوحدي لازم استضيف حد مره بكار ومره تيمي مع اني بحب تيمي ده بس يا رب تعدي ع خير-
طبعا كان عندنا عيد ميلادات كتيييرة جدا كل ما اخش ع بلوج الاقي عيد ميلاد فكل سنه وكل الناس ديه طيبه منهم

ف شهر 5 عبدالله باشا - علي باشا الالفي - بطتي
ف شهر سته انا و سويدي باشا وضوء القمر يمكن انا معلقتلهاش بس بلوجها جامد بجد
اما بقى اللي بلوجهم تم سنه برضه كتيييير بجد مبروووك انا بحبكم اوي وبلوجاتكم فعلا جميلله جداا ويا رب عقبال مليون سنه تدوين
جوجي - جدو - محمد مفيد- كلبوزه السمباتيك-سوسه المفروسه-مكسوفة-
وعندنا مناسبه هاااامه جدااا جدااا ان سمراء النيل اتخطبت لواحد من الناس مبررروووووووك ولونها متااااخره كتيييييييير بس ظروف بقى انتوا عارفين
وطبعااا حمدلله ع سلامه جدو العزيز
وطنط مكسوفه وربنا ميجبش شر تاااني خااالص
ومبرووك لمحمد فوزي ع النجاح ونهديله اغنيه الناجح يرفع ايده
ومبروك لبتوع الثانويه العامه انهم خلصوا الحمدلله ويارب النتيجه تطلع ع خير




وطبعااااااااااااااااا مبرررررررررررروك للاهلييييييييييييييييي والاهلي لونه احمر وانا دمي لونه احمرررررر وهارد لك للزمالك يعني لعبوا ماتش حلو
. :)
امممم ياااه يا نوران كل ديه تهاني ربنا يزيد ويبارك طيب قوليلي قصه
انا : لا مش فاضيه دلوقتي
تيمي : لو سمحتي
انا : لا يعني لا
تيمي : طيب كوزمو واندا اتمنى نوران تقولي قصه

بووووف
انا : لازم يعني تتمنى ما انا كده كده هقول ده انت غريب اوي :(
القصه التحفة بتاعتي :


ها قد عادت من جديد عادت بقوه عن ذي قبل لم اعرفها ازدادت قسوه ومع قسوتها ازدادت جمالا لا اعلم ماذا افعل هل ا
ذهب اليها مصافحا اياها مطالبا بحبها من جديد .. وجدت نفسي اقترب اليها وانظر اليها عندما نظرت لعينها سرت
قشعريره ف جسدي لا اعلم مصدرها اهو جمال عينها ام قسوه قلبها ام حبي لها لا اعلم مرت لحظات عديده ووجدتها
هي من تاتي نحوي بعد ما ابتعدت عنها ابتسمت لي ومع ابتسامتها ازداد قلبي بالخفقان اقتربت اكثر واكثر لم استطع
التحرك كاني مثبت ف هذه الارض دقت الساعه معلنه ان الوقت قد أزف للرحيل رحلت ولم اتكلم معها نعم تجاهلتها
تجاهلت نظراتها تجاهلت ابتسامتها رحلت وحسرتي داخلي وقلبي ينزف من الالم صعدت للقطار جلست بجانب النافذه
اخذت ادير بنظراتي ف ارجاء المحطه لعل عيني تقع عليها ولكني لم اجدها شعرت باحد يقترب مني وجلس احدهم
بجانبي لم اعبأ به ولكني شعرت باحدهم يضع يده ع كتفي انها لمسه يديها هل تكون هي تاكدت انها هي عندما سمعت
صوتها عذبا كما كان دائما تقول لي : لماذا تركتني اول مره وتتركني ثانيا
نظرت اليها طويلا كم اشتقت اليها امسكت يدها وقبلتهما قائلا انا احبك هل تتزوجيني ؟؟ وقفت واتسعت عينها ولمعت
نزلت دمعاتها ع خديها و اشاحت بوجهها عني ولم تنطق شيئا وجدت ف يدها شيئا يلمع ثم الفت اليه انها دبله ف يدها
اليمين لماذا لماذا ظهرت ثانيا لقد كانت ذكرى بالنسبه الي بالرغم من كونها ذكرى مؤرقه ومؤلمه ولكني تعايشت معها
وظهرت ثانيه .. قطع حبل افكاري صوت ياتي من خلفنا حبيبتي جلست ف المقعد الخاطئ ها هو مقعدنا واشار الى
مقعدين بجانبي امسك يدها واخذت انظر اليها كثيرا وتنظر لي ولكني اشحت بوجهي عنها لا لاني كرهتها لا اني احبها
ولكن لانها ليست لي وانما لغيري
..............................................................................

تيمي: يااااه يا نوران اخيرا خلصت ده انا بحسبها مش هتخلص
انا : انت مش بتفهم فن القصص الجديده بتاعتي ديه يا ابني
تيمي : طيب طيب كفايه رغي انا عايز حاجه ظريفه ف النشره ديه
فضل تيمي يبصلي كده كتير وبعد كده لقيته ضحك ضحكه خبيثة استر ياللي بتستر يا رب ميتمناش حاجه تودينا ف داهيه يا رب
تيمي : تحبي تبقى مذيعه
انا : لا يا خويا انا عايزه ابقى مهندسه
تيمي : ليه تنفعي مذيعه او مراسله كده يعني
انا : رايك
تيمي : طيب جربي كده
انا : ماانا بجرب ف النشره ديه بس مذيعه بالكتابه
تيمي : قصدك صحفيه ع فكره انت رغايه اوي
انا : حاجه مش جديده قول غيرها
تيمي : انا عملك مفاااجاااة كوزمو واندا اتمنى نروح مستشفى مجانين وهميه ونوران تبقى مذيعه وهميه و بتعمل حوار مع مجانين وهمميين بووووووف
يااااااانهاااااااااار اببببيدد -لسه مكملتش الكلمه ولقتني ف المكان العجيب ده وبقول كلاام اعجب من المكان

..........................................................-
من هذا المكان ف مصر المحروسه زي ما احنا شايفين مستشفى وهميه جداا كلها لونها اصفر نسبه الى السرايه الصفرا يعني وفقرتنا المعتاده من مصر والى مصر ونورت مصر تقدمها لكم انا طبعا :)
انا : اهلا يا فندم ايه اللي جابك هنا
المجنون رقم 1 : ايه السؤال ده الزحمه طبعاااا حراااام زحمه زحمه حتى هنا زحمه
انا : طيب براحه يا فندم زحمه ايه
رقم 1: ايه الاسئله ديه كل حاجه زحمه الشارع زحمه البيت زحمه الاستاد زحمه الكليه زحمه المدارس زحمه ده حتي السما زحمه
انا : طيب مش تفكر ف اي حل علشان الزحمه ديه
رقم 1 : ما انا فكرت ورحت لوزرا وظباط ومجلس شعب وكل حاجه عملتها وف الاخر قالوا عليا مجنون مجنون مجنون قلت هيودوني مكان مش زحمه جبوني هنا لقيت جوه -ف المستشفى - ازحم من بره
انا: طيب ايه الاقتراحات اللي قلتها
رقم 1: انا قلتلهم ف الشارع نعمل قانون الصبح العربيات اللي لونها احمر واصفر وابيض والميكروباصات تمشي من الصبح بدري لحد العصر كده وبقيه اليوم تمشي بقيه الالوان والتاكسيات اللي اخرها رقم زوجي تمشي الصبح واللي اخرها رقم فردي تمشي بعد العصر انا غلطاان وقلتلهم ع المدارس يودوهم بالطول وبالوزن و ....
سيبتوا يتكلم ولقيت واحده بتشد ف شعرها

.
انا : وحضرتك ايه اللي جايبك هنا
المجنونة رقم 2 : يقطع الحب وسنينه اشد ف شعري اشد ف شعري
انا : هدي اعصابك ما انت بتشدي ف شعرك اهو
هي : انت هتعرفي اكتر مني اصلك مجربتيش الحب ونار الحب و قسوه الحب وضرب الحبيب زي اكل الزبيب يقطع الحب وسنينه
انا : ايه ده محدش بيراعي شعور حد خاالص مش المفروض تتكلمي حلو وتراعي شعور اللي قدامك
هي : اصلكوا كلكوا كده
انا : هو انا عملتك حاجه يا انسه
هي : هو انت تقدري بس انا عرفاكي
انا : ايه يا ستي
هي : انت اللي كنت بتسلطي ميشو عليا ولما فرقعت ميشو علشان كان بيضايقني ميزو جه وداوى جرحي بس معجبنيش رحت رايحه لحماده ده واد ايه بقى جدع جدع بس كان عامل سي السيد عليا هو يقربلي ايه ده حياله البوي فريند بتاعي هو ايه علشان بيزعقلي لما بروح الساعه 4 بليل ده ابويا معملهاش يعني هو انا ببقى مع حد غريب ببقى مع اخوات ميشو وميزو اصل حماده ده غيور اوي زي احمد السكا ف تنور وشفيكه و .....

طبعا سبتها تتكلم ومشيت لقيت ولد كده شكله مجتهد ده مش مجنون ابدا رحت اشوف ايه حكايته
.

انا : صباح الخير يا فندم شكلك انت العاقل الوحيد هنا
ادور وشفته كان ماسك ورقه وقلم وكتاب واله حاسبه
الولد المجتهد: اصل انا جيت هنا بعد ازمه عصبيه حاده
انا : ليه ايه اللي حصل خييير
الولد المجتهد: خيير طبعا اصلي ف كليه ربنا ما يبتليكي بيها كليه الهلوسه وفنون التهييس
انا : ديه تبع جامعه ايه ديه
الولد المجتهد : تبع جامعه العباسيه الصفرااا ها هاه اهاهاهاههي
واطلق ضحكه شيطانيه وطلع برجل من جيبه وطلع يجري ورايا
انا : اهدي يا بني انت ايه
الولد المجتهد : انا المجنون رقم 3 يهيهيهيهيه
وانابجري لقيت احد عجيب غريب لابس فنله الاهلي
.


المجنون رقم اربعه : اهلي اهلي هووووه هووووه
بيبو وبشير بيبو والجون
خدوا سته رايح خدوا اربعه جاااي
انا : لو مكنتش قطعت حضرتك ممكن اتعرف
المجنون : لا لا ابدا الاول انت اهلاويه ولا زملكاويه
انا : اهلاويه طبعا – هو لابس فانله الاهلي وصابغ شعره احمر-
المجنون : وبتقوليها ف وشي ليه حراااااااااام حرااااااام يعني الدوري يضيع مااااشي
لكن الكاس كمان وف الشوط الرابع الرحمه يا رب
انا : بس شهاده الحق الزمالك لعب كويس بس الاهلي عمهم وحابس دمهم
المجنون : طيب يا بشمهنددددددددز تعالى
والواد ابو برجل ظهر تاااني وفضل يجري ورايا
.

انا : يااااااماااااااميييييي الحقينيييييي ببص ورايا لمحت واحده جنبها طشت ايه ده زوغت من ابو برجل تاني مره

ورحت ع البنت ام طشت ولقتها بتقولي

مفيش مشكله انك تركبي حمام سباحه عندنا من ايه ماك مفيش مشكله قال مفيش مشكله ف مصر غير ازاي يركبوا
حمام السباحه ف الجونينه بتاعه الفيلا سابوا كل المشاكل وماسكين ف مشكله حمام السباحه مالوه الطشت مالها الترعه
انا : هدي اعصابك مش كده
هي : لا حراااااااام بجدددددددد
انا : انا اعصابي انهارت تيمي ارجوووووووووووك
.
تيمي : هيهيهيهيه اتمنى نرجع مكان ما كنا
بس كان شكلك حلو اوي وانت بتجري والولد وراكي بالبرجل هيهيه
انا: شكرا -مع ابتسامه صفرا-
تيمي: اه يا نوران نفسي اسمع اغنيه
انا:من غير ما تتمنى هسمعلك اغنيه يا باااي

ع قد ما شفت وعشت وايه ايه - محسسني انك عندك 180 سنه يا ابني انت لسه صغنن- جربت اكتر من اللي نفسي فيه - يا ربي طب ربنا سترك استر انت كمان ع نفسك مش بتقولها لكل الناس كده - جيتي انت بسرعي يا بنت الايه - اه انا كنت دايما بكسب ف سباقات الجري بس ايه يا بنت الايه ديه هو انا مليش اسم ولا ايه ده يبقى ابويا - ببساطه قلبي كده قدرتي عليه -اصل قلبك بطئ جدا وانا سريعه موووت-
بحبك اه بحبك - احرجتني والله- ودايب فيكي اه اه-مين المذاب ومين المذيب ؟؟ وبتقول اه اه ليه انت عيان - وبحلف من الليله ديه هاعيش انا ليكي - طيب خليك فاكر علشان لو رجعت ف كلامك لازم تصوم 3 ايام-
كفايه اوي الكوبليه الاول لحسن مرمت الاغنيه
.
تيمي: اه يا نوران هههههههههه ضحكت اوي :)
انا : يا سلام اي خدمات تانيه
تيمي : اه قوليلي نكته
انا هو اللي جابه لنفسه :)
مره واحد رخم قال لواحد رخم ماتيجي نرخم ع حد قاله لا قاله ليه قاله رخامه هيهيهيهيه
تيمي : هلهاهاهااهاها ديه حلوه اوي
انا يا نهار ابيض ديه عجبته لازم واحده تانيه
مره اتنين واحد حرامي وواحد ندل كل واحد اتفق يعلم التاني اصول الصنعه بتاعته الحرامي بيدي الندل اول درس ف
النشل اول ما نشل الراجل الندل زعق وقاااال حرااااااااامي وقاله ده اول درس ف النداله J.
انا:تيمي كفايه نكت كده انت مش هتمشي
تيمي: لا مش همشي
انا : طب انت بتعرف تقرا
تيمي: اه طبعا
انا طب خد اقرا ديه
تيمي : انت كاتبه اتمنى اروح بيتنا ومجيش هنا تاااني ابدااا
كوزمو : تحت امرك يا تيمي
واندا : ماشي يا تيمي يا حبيبي :)
بووووف
تيمي: مااااااااشي يا نوران ماااااااااااشي
انا : باي كوزمو باي واندا هيهيهيهيه باااي تيمي
الحمدلله كل نشره وانتوا طيبين
;)

20 comments:

Mongey said...

هاي ايه الاخبار
علي فكرة تيمي ترنر ده جامد جدا انا
باحب البتاع ده اوي
بس انت فكرتيني بماتش الزمالك وانا
قدرت اتخطاه بس اتقايضت اوي

Anonymous said...

تحفة اوى البوست بتاعك وبما انى من محبى الكارتون ياريت المره الجاية تستضيفى سيتو كايبا او كونان ماشى
بس انا ليا عتاب عليك كده تعملى كده فى بتوع الهندسة وتحطى الكاريكتير ده فى البلوجر بتاعك اخرتها

DoOoOoOdY said...

هههههههههههههه ايه ده هو انا غلط ودخلت بلوج سبيس تون ولا mbc3
بس جامد يا نور

الســـاحر said...

بصى انا بعشق الشخصيات دى جدا جدا
بقعد اتفرج عليها على mbc3
وعلى فكره جااااامد الحوار ده
ههههه
وفى النهايه سلامى وربنا يوفقك
واحنا مستنيين البوست
ال7 بعد الغياب

شاب نفسة يحقق حلمة said...

برافوو
بس اوحش حاجه في البوست انك فكرتيني بالذي مضي
انتي عارفه اني زمالكاوي
ليه كده
انا مصدقت انسي
يبقي لا دوري ولا كاس ولا افرقيا ولا عرب
ناقص ايه
ننظم بطوله ونجيب مراكز شباب علشان تلاعبنا ونكسبها ولا ايه
تحياتي
وشكرا علي تعليقك اللي منور المدونه عندي

عمرو غريب said...

الف مبروك للنادي الاهلي

MAKSOFA said...

متشكره علي التهنئه وكل سنه وانت كمان طيبه ياقطتي الحلوة

بيجاسوس المصرى said...

امال فين شلبى سلوفان و مار وشوشنى

و لا أقولك
انا بحب تيمون و بومبا اكتر

بوست زى العسل و الله انا فضلت اضحك
و كل سنة وانتى طيبة

elkamhawi said...

الحمدلله كل نشره وانتوا طيبين

rana 3amra said...

يا جامد
تيمى ترنر دة عشقى اساسا
ياااااااااااه مكنتش بفطر فرمضان الا وانا بشوفه اياااااااااام بقى
اوحش حاجة انه مبقاش ييجى كتييييير زى زمان يلا مش اشكال :)))))

mohamed alhaddad said...

a3taqed ine me7tag wa2t tawel shewaya 3ashan a2ra el bost el gamel dah ana msta3gel delwa2ty 3ashan keda 2arah be mazag

عازفة الكمان said...

لا بجد جامده قوي بس يا ريت المره اللي جايه تستضيفي بكار او حد من والتدزني عشان وحشوني قوي .... آه صحيح اخبار حمام السباحه بتاعكم ايه مش كلمتي اي ماك ده هيخلصوه في21يوم يعني قبل ما باباكو يجي من السفر!!!!!!؟

Tschuss said...

msh 3arf f aeh bs ana lawl mra a2ra alpost kaml mn awl mra..bgd nice post w gamd dgn..3gbny awy alwad abo brgl dh..3aiz at3rf 3leh 3shan kolit alhlosa de 2reba mn asm kolia ana fiha whngry wra b3d balmstra al T 2reb

tweety said...

7lwa gdn lsa feky 2ml bs 7sa 2ny shoft el 7agat de 2bl kda

See You said...

انا بموت في حاجه اسمها فيرلي أود بيرنس :)

ابقي زوري البلوج بتاعتي

cu.ueuo.com

zordeak said...

اقولك على سر


:)


انا بموووت فى تيمى تيرنر


انا مبسيبش كارتون الا واتابعه مع انى كبير وكده بس مبيفرقش معايا

بقعد مع اخواتى الصغيرين ونتفرج عالكارتون سواا


حلوة نشراتك يا نوراان

:)


على فكرة

i tagged u

mariamagdolen new said...

دمك خفيف اوى بجد اسلوبك عسول اوى

خيرالدين said...

ممكن تستضيفى شخصيات مصريه

Nouran said...

اخيرااا هرد ع التعليقات والنحس يتفك :)
مونجي باشا:
ايه الاخبار انت شكلك زملكاوي هنشوف ايه اللي هيحصل ف السوبر :)
بس اهم حاجة انك بتحب ترنر هو ده المهم

هند:
شكرا يا فندم من ذوقك والله فكرة حلوة انتظروا المرة القادمة كونان :)
اصل انا متعذبه من الهندسة وانا لسه ف اعدادي فقلت لازم احط الكاركاتير ده بيعبر عني اوي :)

دودي:
ايون واضح انه جامد ;)

الساحر:
حمدلله ع السلامة يا باشا
شطور انك بتحب الكارتون :)
كويس ان الحوار عجبك
انا كنت خايفة لحسن محدش يعرف مين ترنر ده بس لقيت كتير عارفينه

شاب نفسه يحقق حلمه:
شكرا :)
بس انسى بقى الماتش اما نشوف ايه اللي هيحصل ف السوبر :)

عمرو غريب:
الله يبارك فيك :)

طنط مكسوفة:
وحضرتك طيبة وعقبال 10 سنة تدوين

بيجاسوس المصري:
النشرات الجايه كتيير
وشكرا يا باشا ع ذوقك

عيلاء باشا القمحاوي:
الحمدلله ع كل حاجة وكل نشرة وانت طيب

رنا:
صح مبقاش يجي زي زمان انا بحبه اوي كنت بسيب المذاكره واتفرج عليه :)

محمد باشا:
اعتقد انك محتاج 5 ايام علشان تقراه وقت قليل جدااا

روشا:
بكار كان المرة اللي فاتت
وكمان انا مش بحب بكااار الرحمة بجد
حمام سباحة ايه احنا هنهزر يعني انا بتريق ع بتوع حمام السباحه تيجي تقوليلي ع الملا يا جماعة مفيش حمامات سباحةعندنا رشا بتهزر
ايه ده الكمبيوتر اتصلح لولولولللييي

تشوس باااشا:
لا معجزة قريته كااامل لولولولللييي
وعجبك كمان لا لا مش معقول :)
مش عارفه هو يمكن قصده كليه الهندسة بس ديه كليه جميله جداا واللي فيها كلهم هاديين ولا بيهيسوا ولا بيتجننوا ولا بيجروا ورا بعض بالمستره هو هيتبلى علينا :)

تويتي:
فيه امل الحمدلله وعمر وناس تانية كتيير ;)

سي يو:
ان شاء الله

زورديك باشا :
حمدلله ع السلامة
ترنر ده جاااامد جداا انا بحبه اوووي انت شطور يا دكتور انا بحب كل الكارتونات اوووي
شكرا يا باشا اخجلتم تواضعنا
علم وسينفذ جاااالييي تااااج لولولولي

mariam:
شكرا من ذوقك :)

Nouran said...

e7na:
اقولك حاجة بصراحه معرفش استضيف شخصيات مصريه هي فكرة حلوة بس انا بفضل اتريق هجيب شخصية مصريه عظيمة اتريق عليها مثلا او معاها وكمان انا مش هعرف بس ممكن ف مرحلة متقدمة اعمل الموضوع ده بس بصراحة فكرة حلوة
تحياتي :)