Sunday, January 01, 2006

انا اكيد مجنونة

احب اعرفكوابنفسي اسمي نوران اشرف عندي 16 سنة في ثالثة ثانوي علم رياضة جبت السنة اللي فاتت 98.5% وماما وبابا كانو عايزين يدخلوني علم علوم بس انا مرضتش علشان انا نفسي اخش هندسة اصل وانا صغيرة نفسي اطلع مهندسة ديكور وبما اني فاشلة في الرسم وهسقط في امتحانات القدرات اصل انا في الاعدادية نقصت 7 درجات في الرسم وكل الناس كانوا متوقعين ان اجيب مجموع كبير بس الرسم ع العموم الحمد لله انا متكلمتش ع العنوان بتاع الكتابة ده انا اكيد مجنونة ليه انا بحس من جوايا اني مش متظبطة دماغي طقا طبعا الاخطاء اللغوية عندي بالهبل بس سيبك من الموضوه ده خلينا في الجنون اللي عندي انا بس اللي شايفة كده اما اصحابي مش شايفين كده كانو مسميني في ابتدائي نوران عبقرينو وفي اعدادي فيلسوفة عصرها اما في ثانوي بقيت شمعة شمعة تحترق من اجل الاخرين على راي مستر الكيميا بتاعي .
السنة الجديدة جت ومعاها بدات البلوج اصل انا بحب الكتابة اوي وبدل ما اكتب في الاجندة ومحدش يشوف اكتب ع النت والكل يشوف مش هخسر حاجة ع فكرة انا عرفت الموضوع ده(البلوج) من بنت عمي هيا عاملة واحد اسمه وهكذا انا (رضوى اسامة)خطيبة عمروعزت اصل احنا كلنا طاقين بس الطققان بتاعي مش بيظهر غيربيني وبين نفسي وانا قررت اظهلاه علني بس رضوى طبعا انتو عارفينها مش محتاجة تعريف.
انا نفسي احقق حجات كتيرة السنة دي بس خليها في سري دلوقتي المهم انتوا ادعولي علشان اطلع من ال300 الاوائل ع الجمهورية علشان ده بقيت حلمي انا معلقاه قدامي ع المكتب.
طلب اخير لو سمحتوا تدعوا لجدتي ماما ممتي ربنا يشفيها ويطول في عمرها.
نوران الشهيرة بشمعة

7 comments:

Nightlegend said...

بداية احب أرحب بيكى فى عالم البلوجات

على فكرة انت مش طاقة ولا حاجة,انتى واضح انك عفوية,بسيطة وتلقائية جدا وعندك أفكار كتير وكلام كتير عايزة تتكلمى عنه,أهم حاجة بس انك متهمليش مذاكرتك,وأكيد هيبقى فيه مواضيع كتير خاصة بالثانوية العامة والمذاكرة وكدة تكلمينا عنها,ربنا يوفقك

radwa osama said...

هايل يا نور ..برافو انا لسه واخذه بالى انك عاملة بلوج ..برافو والله وكده يمكن تبقى اصغر مدونة على البلوج..اوعى ما تذاكريش وتخلى البلوج ده حجة ..بس انت بت جادعة

عمرو عزت said...

أهلا أهلا

Anonymous said...

انتى كتابتك حلوة بس حسيت انك مغرورة شوية
بس متزعليش منى
بس ربنا بوفقك

elkamhawi said...

هههههههههههههههه
انا سعيد على فكرة التعليق ده يوم 2/5/2007
اتاخرت قوى
هههههههههههههههههههههههههههه
شوفى بقى هتشوفية امتة

Nouran said...

شوفته يوم 8 خمسة شفت السرعة هنشوف هتشوف ردي ده امتى ههههههههه ؟؟

**************كاتب النجوم ************* said...

أنا حاسس إني عايز أكلمك والله بكلم بجد . عالعموم لو مهتمة
abdallah.ramadan@yahoo.com