Saturday, February 25, 2006

معرفش

معرفش بحبها ولا لأ طبعا هتقولوا ايه هيا هقولكوا مصر انا زمان كنت بقول انا اصلا مش مصرية اصل مفيش حاجة ادتهالنا علشان ابقى مصرية مش هقول كلام الانشا شربت من نيلها وقلت اغنيلها زي نانسي عجرم
مهم لوثوا النيل سواء بالاشاعات بتاعة انفلونزا الطيور اللي طلعت او بورد النيل مش اسمه كده برضة انا وانا صغيرة في السعودية كان في ماتش بين مصر والسعودية وبما ان روح الانتماء عندنا مش بتظهر غير في المتشات الا اني كنت بشجع السعودية وبابا وعمي كان هاين عليهم يضربوني اينعم مكنتش لسه عديت 5 سنين بس برضة وقعدت اعيط علشان مصر كسبت ولسه فاكرة الموضوع ده لحد دلوقتي طبعا هاقول كنت صغيرةبس الحمد لله بقيت اشجع مصر
لكن لحد ما كان عندي 12 سنة وانا مش بحب مصر يمكن علشان مكانش ليا صحاب واصحابي هناك اسئلوا رشا ورضوى كنت بعمل ايهكنت طفلة عدوانية جدااااا بس اخر مرة سافرنا فيها كنت عايزة ارجع مصر بس مش عشان بلدي علشان اهلي واقعد اقول لبابا احنا نجبهم هنا ومنروحش مصر تاني بس كانت وحشاني بس اول ما خرجنا من بابا المطار اعوذ بالله قولت يا ريتني ماجيت
بس بصراحة بلد الخير يعني بلد غيرها لو فضلت تتسرق طول عمرها كده الا فترات قليله كانت اتمسحت من ع الخريطة لكن مصر جنة الله في الارض ع راي نص كان عندنا السنة اللي فاتت مش فاكرة اسمه
ومش عارفة محدش عنده انتماء ليهده حتى تحيه العلم مش بنحييه اصلا اخر مرة حييت العلم كنت في رابعة ابتدائي دلوقتي ساعة تحية العلم بنكون بناكل بنرغي عادي خالص
الحكومة اللي مخلتناش نفرح حتى بالمنتخب ونكدت علينا بوضوع الفراخ اللي هو اصلا متألف بابا كان لسه قاعد يقولي قبل ما يسافر انت مسمعتيش عن حاجة بتتقال ده الفراخ جالها فرة قالي هيا دي انفلونزا الطيور هما عملين عليه هوليله كبيرة زي جنون البقر والبطيخ المسمم وبعد كده هيقولولنا السمك احول
او ممكن علشان الحكومة مبتعملش اي حاجة غير السرقة لما بذاكر اقتصاد بقول دي الدولة حلوة اوي لكن لما اخلص بشوف الحقيقة المرة لا ولا حكومتنا المصون معملتش اي حاجة في موضوع الدنمارك ده ماشاء الله كتر من التنفيض لازم نكبر علشان نعيش-قولوا الله اكبر-
بس اعمل ايه بلدي حبها فطرة زي حب الام
ارحمني يا ربي نكدددددددددددددددددد حاجة صعبه
شكلي هتمسك امن دوله يالا مرة من نفسي افضفض

6 comments:

ayman_elgendy said...

مصر...طظظظظظظظظظظظظظظظظظظ

radwa osama said...

يعنى ايه مصر؟
ومن هما مصر ؟ انا وانتى وانت وعمك وابوك وخالك وامك وجدك ..حد يكره مصر ؟

Nouran said...

اقولك حاجة يا رضوى انا مش قصدي مصر اللي هيا اصلا المفروض تبقى مصر انا قصدي مصر الحكومة هيا الممثل الاكبر لمصر مش انا ولا انت ولا عمي ولا خالي واصلا مصر لازم احبها طبيعي يعني حب الوطن وبضايق لما بيحصل فيها كل اللي انا قلته ده وهحاول لما اكبر اعملها حاجة

hummar said...

اهلا بشمعتنا المنوره النور بيشع من وشك
موضوع مصر بتحبيها ولا لا انا متاكد انك بتحبيها لان كل واحد فعلا على ارض مصر بيحبها حتى الاجانب والعرب لما بيجوا مصر مره واحده بيحبوا يرجعولها تاني مش زي اي بلد المهم كلام الانشاء ده اساسه حقيقي لان مصر فعلا 7000سنه وناسها همه همه والحاكم نفسه بالرغم من تغيير العمم والعبايات المهم انك لما تضايقي لو لقيتي حد بيتكلم عن مصر وحش اعرفي انك بتحبيها بس الحب يلزمه الاجتهاد من كل واحد فينا حتى الحكومه اللي كتير من الشعب بيكرها ليها دور تخليكي تحبي مصر اكتر عند فيها الشاكوش

عازفة الكمان said...

انا مش عاجبني ان الشباب بتوع البلد يكونوا وافين بيتفرجوا و مستنين محمد علي او جمال عبد الناصر او السادات حتي لا لازم هم اللي يعملوا مش يعتمدوا علي حد بس للاسف احنا كلنا جيل اعتمادي بس انا مش بقول كلام خطب او شعارات بس مش حلوا ان احنا نكون هزامين قمي كده

فيها حاجة حلوة said...

بصي اعتقد ان حب الوطن ما هو الا حاسة من ضمن الحواس فاذا ضاعت هذه الحاسة لا يمكن ان ترجع مرة اخري ولن تحسي بهذه الحاسة الا في حالة فقدانها وان شاء الله ما تضيعيش منك وتفضلي معاكي عالطول