Wednesday, June 06, 2007

كل سنة وانا طيبة



مبدئيا البوست طويل اللي هيزهق يخش يقعد ع جنب وياخد البلالين وينفخها عقبال ما التورتة توصل من الفندق :) ديلفري وعقبال ما نجيب البيبسي من عمو عبده وطبعا ممنوع الدخول من غير هدايا ده شئ بديهي يالا هتلاقو الطراطير ع جنب وجمبها البلالين يلا شدوا حلكوا :)
.
ف مثل هذا اليوم من 18 سنة- ياااه كتير اوي - وف احدى مستشفيات القاهرة فتحت عنيا ع الدنيا يا سلاام ف
عز الامتحانات توقيت عجيب ان حد يتولد فيه يوم 6 -6 يوم الساعة 6 لحظة رومانتيكية خالص كان يوم تلات طبعا انا فاكرة من اول ما نزلت من بطن ماما وشفت الدكتورة وضربتني معرفش ايه الافترا ده بعد كده غبت عن الوعي لحدما
كده حسيت خير اللهم اجعله خير ان الممرضة لبستني لبس عجيب وبرمتني ف كفرته بيبيهات بمبى صغننة وخدتني بعيد
عن مامتي وانا ساكته واقول هتوديني لماما دلوقتي المهم ودتني غرفة الاطفال ياااه كل دول عيال قدي اما اجي نبض
العيال ديه كده واتعرف ع حد فيهم يمكن الاقي شحيبر ولا حاجة المهم بدأت :واء واء لازم ابقى رقيقة ف الاول علشان
الانطباع الاول ملقتش حد عبرني طيب نحاول تاني وااء وااء محدش عبرني برضه طب نجرب نبره اعلى
واااااء وااااء ياااه ع التنفيضة طب انا هوريهم مين نوران بقى واااااااء واااااااااء واااااء
سمعت صوت من بعيد بيرد عليا واااااااء واااااء وبعد كده صوت تاني غير الاولاني وااااااااااء ده منفعل اوي رحت رده
عليهم التحيه واااااااا كح كح اتخضيت لقيت الممرضة داخلة علينا وشايفة حفل التعارف ده كل واحد بالوااء بتاعته
وبصتلي بصة معرفتش معناها ساعتها ولقيتها قربت ليه هتعمل ايه المجنونة ديه ده انا بيبي عندي يا دوبك كاام ساعة
اما ازعق فيها واااااااء واااااااء لقتها شالتني وخدتني بعيد عن العيال ده انا خلاص كنت قربت الاقي شحيبر يا
مفتريةالمهم فرحت جدا لما شوفت باب الاوضة ديه اوضة مامتي ياااه ع الفرحة فتحت الباب وانا ملاك وديع سكت طبعا
بس سمعت كلام عليا قال ايه ان كل الاطفال هاديين وانا اول ما دخلت الاوضة صحتهم بعياطي انا ياللعار بس مصلحة
تقول عليا اللي تقوله بس انا رحت عند مامتي هاهاهاهاي
يا سلاام ع التمييز من صغري وانا مميزة كده طبعا
كان لازم اقول المقدمة ديه قبل ما اخش ف المفيد علشان تعرفوا مدى التفاهم مع المجتمع منذ الصغر بل ومنذ الساعات
الاولى

.
ياااه 18 سنة ف الدنيا كتير اوي ما شاء الله 18 سنة اتخبط فيهم 18 سنة اتعلمت فيهم كل حاجة عرفاها من اول الكلاام-وااااااء- لحد الكتابة ع الكمبيوتر شفتوا التطور اوقات بقول الحمدلله ان الطفلة الزنانة والرغاية كبرت وبقت بنوتة كبيرة اينعم رغاية برضه بس مش ببشاعة الصغر بس اوقات بفتقد رخامتي وسخافتي وانا صغيرة يااه ده انا كنت طفلة غريبة الحمدلله اني كبرت
.
من سن كام شهر الى سنة وماما هرياني اغنية صباح
البنت نونا تكبر وتروح المدرسة ويقولها عليها شاطرة ودماغها كويسة تكبر ف عنيا نورا من الصبح للمسا ويقولوا البت نورا راح تبقى مهندسة يا اخواااااتي يا اخوااااتي يا اخواتي بحبها وحبيبة امها لحد ما بقيت مهندسة وربنا يكمل
الهندسة ديه ع خير :)
.
من سن 4 الى 7 اظن انها المرجلة الاغرب ف حياتي بالرغم من كل الذكريات الجميلة فيها بس حساها مرحلة غريبة

من اني كنت ف عزلة ف السعودية مع بابا وماما واخواتي القطاقيط وصحابي اللي مش كتير لمصر اللي فيها ولاد خالتي وولاد عمي ونااس كتير طبعا حسيت بغربة وانا مش بتعود ع الناس بسرعة قول قرايبي هتعود عليهم لكن ف

المدرسة كل ما اصاحب حد لازم الصحوبية تتفركش بس ف الفترة ديه احلى الذكريات اللي ف السعودية واصحابي

وكارتون عم دهب وصفاء ابو السعود واغنية عندي صابونة مروشة بتزفلطلي ايديا اصحابي وصحباتي هنا ومحلك

سر :) وكان ف شريط حسن زعبولا ماشي بيتسلى ومعلق الجاكته ومعاه 100فلة و

اغنية ست البنات الامورة الاصل

احلى من الصورة سالتها الحلوة منين قالت انا من المنصورة المنصورة يا ست البناااات ياااه ع الاغاني من التراث يا اخوانا
وميس روز وواجب الماث الاضافي اللي كنت بحله بهمة ونشاط غير طبيعي وماما دنيا كنت بحبها اوي برضه ف

المدرسة ومي واحمد وايمان وريهام واحمد وبودي صحابي وانا صغننة ياااه ع الذكريات وكراسة الرسم بتاعتي

وبرنامج كيف وليش ع الايل بي سي وفقرة الرسم بتاعته والقطر اللعبة بتاعي الطويل ده والمطبخ ولوسي العروسة الجميلة اللي ماما رمتها وانا ف المدرسة قال ايه علشان بااظت وجابولي بدالها كرنبة كبيرة بقى بالذمة لوسي ولا

كرنبة؟؟ لوسي طبعا والكاسيت الاحمر السوني بتاعي اللي فيه مايك اصفر ف ازرق وفضلت ورا شريط ساعة وشوية

بتكلم وبسجل ف الميكرفون وعاملة مذيعة ولا مذيعات ماسيبرو ف اوانهم ومعذبة روان واقولها نحب نتعرف بيكي زي المذيعات وهما ييتكلمموا والبنت يا حرام عندها سنتين ونص ومش عارفة تتكلم اصلا وانا نازلة فيها اسئلة ياااه ع

ذكريات الطفولة المشردة
.

من 7 الى 14 سنة خلاص بدات اتاقلم بس لسة غبية برضه عجيبة اوي
كونت صداقات وفشلت والمرحلة ديه اللي خت فيها خبرات كتيرة سواء مني او من اللي حواليا فدي المرحلة الاكثر صدمة لي ف العالم يعني
.
اما من 14 ل 17 فخلاص تكونت ملامح الشخصية النهائية بتاعتي وبقيت اكتر معرفة بالتعامل مع البشر والكارتون واللعب والكمبيوتر
.
من 17 الى 18 ديه بقى سنه بحالها عرفت حجات كتير فيها عرفت صحابي اللي بحبهم وبضايق من كل واحد فيهم ف حاجة بس ف نفس الوقت بحب الحاجة ديه فيها المرحلة اللي اعدت اكتشاف نفسي فيها من اول وجديد المرحلة اللي
اول مرة ادوق فيها طعم الفشل من ساعت ما ميس روز بتديني الهوم ورك الاضافي بتاع الماث لحد امتحان الميكانيكا
بتاع تالتة ثانوي بتاع الرياضة السنة اللي فاتت مدقتش طعم الفشل الا السنة ديه
اهم من كده اني اكتسبت خبرات من تجارب الاخريين خبرات كتيرة خلتني اشوف الحياة لونها فوشيا مش بمبى السنة
ديه ضحكت فيها كتير هيست فيها اكتر من اي سنة و عيطت اوي

مكنتش مع رضوى طول السنة وده خلاني افتقد شخص بحب اوي اوي ومكنتش معايا يوم بيوم زي السنة اللي فاتت
بس ف نفس الوقت اكتسبت صحاب جمال جدا السنة ديه فعلا بحبهم كله
م
.
وكمان مننساش البلوجراوية الميه ميه اللي بقالي سنة ونص معاهم وهما كانوا معايا ف
تهيسي وفرحي و زعلي ولما دخلت الكلية والنصايح اللي انا عملت بيها وفشلت برضه فعلا الفة بلوجية جميلة صعب نلاقي زيها ف العالم الواقعي
.
ع فكرة انا اخدكوا ف الكلام كتير وانا اصلا عندي امتحان كيمياء
لأ لأ متخافش جبت تورتة وبيبسي هتلاقوهم ع يمينكوا
ويلا نقفل النور ونغني مع بعضينا

.
كل شوية نكبر نكبر قد الحبة والسنة اللي جاية هنزود شمعايا ع راس التورتاية
يالا حالا بالا حيوا ابو الفصاد هيه هيكون عيد ميلاد الليلة اجمل الاعياد فليحيا ابو الفصاااد

.

كل سنة وانااااااااا طيبة
.

الهدايا ع اليمين لو سمحتوا

ويا ريت دعوتين ع الماشي

ربنا ينجحني ويهديني

:)

22 comments:

مـحـمـد مـفـيـد said...

كل سنه وانتي طيبه يا نوران وان تحققي كل ما تسعي اليه في حياتك وتستمر في حصد اهدافك

hummar said...

اهلين بشمعتنا المنوره كان نفسي يكون اول تعليق بس محمد مفيد سبقني فيه الخير المهم النهارده هاشتريلك 18 شمعه علشان نحطهم في التورتايه مش كان نفسك في تورتايه طولها متر هاهاهاهاهاهاهاها وشكلها ميمي وميكي صح ولا كان نفسك تعملي تورتايه وتحطي صورتك وصور اصحابي هاي يااصحابي المعزه بتاعتي هاتيجي تاكل معاكي التورته المهم انا بقولك كل سنه وانتي طيبه وعقبال مائه وثمانتاشرسنه ونشوفك كده دكتوره ذره قد الدنيا وتهزمي دكاتره الرياضيات كلهم ولا اقولك تلاقي شحيبر وتتجوزي احسن من الهندسه انا مستعد اتبرع واساعد شحيبر ده وزي عضه نلم الدور لحسن شكلي هابوظ الدنيا باي ياشمعه وكل سنه وانتي طيبه

Ensan said...

معلش يا باشمهندسة , الهدية مش معايا بس انا طلبتها دليفرى و هتوصلك قبل التورتة ,
والدوعوتين اتقالو خلاص و ربنا يتقبلهم

لكن الممرضة اللى كلفتتك , اخد اللبس بعد كده ولا سابتهولك

كمنجاتي said...

ياااااااااااه
أنا فكرت التدوينه دى مش هاتخلص
ماعلش يانوران اصل أنا كنت بأقرأتدوينه كتباها واحده أعوذ بالله
طويله قوى
وقال خير اللهم ماجعله خير أنا فاكر فى أول التدوينه أنها بتقول ان التدوينه دى طويله قوى وانا ذى ال....ماأخذتش بالى المهم الحمد لله عدت على خير اللى بس انا زعلان عليه الغدا اللى طار معاده والماتش والمسلسل والفيلم اللى على الأكشنmbc
ومضطر انى أنزل الشغل بعد ماضيعت النهار فى قراية التدوينه إياها
المهم ماعلش يانوران الموضوع دا نسانى أقولك لك سنه وأنت طيبه والهديه فى الحفظ والصون هبعتهالك فى أقرب حنطور
المهم دلوقتى أنا عايز الحق الشغل قبل ما أترفد
ربنا يستر ومالقيش صحبتنا إياها كاتبه تدوينه من اللهم ما أحفظنا

على فكره يانوران انت مالكيش علاقه بصحبتنا دى خالص أنت حاجه وهى حاجه
أنت طولى ذى مانت عايزه
أخرى زى مانت عايزه هو أحنا عندنا كام نوران

كمانجه

NoOR said...

كل سنه وانتي لسه بعقلك

ربنا يستر :)c

كمانجه said...
This comment has been removed by the author.
هراءات منطقية said...

كل سنة و انتى طيبة و عقبال ميت سنة

DoOoOoOdY said...

كل سنه وانتى طيبه يا نور وعقبال 198.5 سنه كفايه عليكى ههههههههههههه
وميرسيه على التورته والبيبسى
وهديتك عندى يا جميل
وربنا معاكى فى الامتحانات ومعايا انا كماااااااااان

Reemo said...

كل سنه وانتى طيبه يا نوران يا قمر
وعقبال يا رب مليون سنه
وربنا يهديكى وينجحك ويكرمك فى حياتك يا رب
وتسعدى على طول
محبتى يا قمر

هيما said...

كل سنة وانتي طيبة وعقبال مليون سنة
ومعلس معنديش هدية اكتر من التعليق

عازفة الكمان said...

كل سنه وانت طيبه يا احلي نوران في الدنيا بس مقولتيش ليه اننا كنا بنحب بعض قوييييييييييييييييي واحنا صغيرين اول ما رجعتي من السعوديه ولا ايه؟

soosa el-mafroosa said...

كل سنة و انتي طيبة يا ست الباشمهندسات

و عقبال كده السنة الجاية لما...لما تكملي 19 سنة طبعا أمال افتكرتي ايه؟

:)))
تحياتي

tweety said...

كل سنه وانتى طيبه يا وزتى عقبال 10000000000 year
واشوفك باش مهندزه اد الدنيا ونلاقى شحيبر بقه محدش عنده دم ولا ايه مافيش ولا شحيبر فى البلد يخلصنا بقه

عمرو غريب said...

كل سنة وانتي طيبة

Gid-Do - جدو said...

نوران

مبروك والسنة الجاية تبقى 18 واللى بعدها واللى بعدها برضة 18 تبتى على الرقم دة باديكى وسنانك

هوميروس said...

كل سنه وانتي طيبه وعقبال 118 سنه يلا كل سنه بتعدي بتدينا حاجات وبتاخد حاجات بس يارب تديكي حاجات احلي واحلي
كل سنه وانتي طيبه ونزود شمعه نونو في التورته

Dr. Tantawy said...

الف مبروك و عقبال مليوووون سنه يا هندسه :) انا هحاول اعملك هديه و ابعتهالك .. معلش متأخره بس المهم النيه .. صح :))) انتظري هديتي قريبا ان شاء الله :) مع تحياااااااااااتي

Dr. Tantawy said...

دي هديتي :) ان شاء الله تعجبك

http://img471.imageshack.us/img471/959/nourangj6.jpg

Anonymous said...

سبقتيني ع التمنتاشر يا جبانة
ماشي
ملحوقة ف شهر عشرة الجاي

أهو أكون دخلت جامعة ع الأقل

أنا عارف و الله إني مقصر معاكي
بس أعمل إيه؟
ثانوية بقى

عشان ميبقاش حرام عليا بس

أنا بقولك إني خدت من التورتة و مسبتش هدية

بس و الله ما أنا اللي وقعت العصير ع السجادة

تحياتي

نورهان مفيد said...

كل سنة وانتي طيبة يانوران
ويارب كده كل سنة تعدي تكوني محققة فيها ولو جزء بسيط صغنن كده من احلامك

ويارب تنولي كل اللي نفسك فيه
وعقبال مليون سنة ياشمعة النت كله

manosha said...

كل سنه وانتي طيبه اينعم جت متأخره وعقبال مليون الف ومايه وتمانتاشر سنه

3rby said...

كل سنة وانتي طيبة
علي كده انا اكبر منك
انا مواليد 26-5
مش مهم السنين السنين بتعدي بسرعة
:)