Sunday, July 16, 2006

الحمد لله

من الثانوية للكلية والمجموع قرب ع الماية-مقربش اوي يعني - و
الناجح يرفع ايده ويقول ويقول دايما ناجحين ع طول دايما ونجاحنا يطول دايما دايما ع
طول دايما دايما علطوووووووووووووووووووووووول دايما دايما دايما دايما دايما دايما
مع اني يعني قليت السنة دي كتير بس حاسة وكان حمل انزاح من ع قلبي والحمد لله المستوى الرفيع هو اللي خلى المجموع شكله حلو من غيره كنت اتشحورت طبعا نقصت ف كل مادة 2 درجة ما عادا الاقتصاد والاحصا قفلتها والعربي نقصت 2ونص
طبعا مظلومة ف الانجليزي لاني حلاه كله صح بالترجمة وفي الفيزيا برضه بس الرياضة كويس كده بالنسبة للامتحانات اللي كانت جاية والحمد لله ع قد كده
بس الملحوظ ان المجاميع كلها قلت للعلمي بس واالادبي في ارتفاع ملحوظ والتقارير اللي
اعددتها انا ورضوى تشير الى ذلك
النت كان يحرق الدم ويفور الاعصاب والنتيجة جاتلي من السعودية بابا اتصل وجبهالي فضلت اعيييييييييييييييييييييييييييييييط لحد ما عرفت الدرجات
ابن خالتي جابهالي من سايبر حتينا واقعد يحكيلي ع اللي حصل في السايبر
محمود:
يا بنتي مشفتيش اول ما جت عملوا ايه
انا: عملوا ايه يعني
محمود:طبعا كلهم تماتنمينات وسبعينات وحاجة صعبة اول ما اسمك ظهر ع الشاشة الراجل مسك الكمبيوتر وقال نوران اشرف طب قلتيله طب ايه انت مش شايفها رياضة واقعدوا يقولوا ايه البت الدحيحة دي
انا : كدة ودحيحة يا ربي الحمد لله
بعد كده النت اتكرم عليا وظهرلي النتيجة بعد ما عرفتها من مصادر متعددة
والحاجات اللي لفتت انتباهي ان في واحد قربنا قدي طول عمرنا انا اجيب اعلى منه الترم الاول وهو يكتسحني الترم التاني وحصل بجدارة كان جايب النص الاول 98 والتاني جاب 100 والله فرحتلوه اوي علشان عايز يخش طب وهو كمان ما شاء الله شاطر اوي وطيب وبيعذبني دايما مش مشكلة
مبرررررررررررررررررررررررررررررررررررررررررررررررروك
عليا و ع كل صحباتي
وانا فرحانة وقلبي سعيد ماما جابتلي نونو جديد-ملهاش علاقة بالنجاح بس قولت اكتبها
علشان انا فرحانة" منعا للفهم الخاطئ الاغنية دي كده بمناسبة النجاح "
اوك- :)

25 comments:

المزاجنجي said...

الف الف الف مليون مبروك ولو اني ما اعرفكيش بس فرحت لك من كل قلبي والله ولو عاوزة واسطة في طب القاهرة أأمري وورقك وحاجتك تخلص وانت في البيت بس جربي ومالكيش دعوة ويارب نشوفك دكتورة قد الدنيا وتبقى تكشفي علينا ببلاش بقى واحلى بوسة بقى للنونو الجميل وربنا يبارك لكم فيه وارق تحياتي للاسرة جميعا

ام المريله الكحلى said...

الف مبروووووووووك
مبروك يانورانا وعقبال لما نشوفك دكتوره كده ولا مجدى يعقوب
النجاح دايما طعمه حلو اوى
بس فين الشيكولاتايه بتاعتى
والسبوع بتاع النونو
دانتى كده بخيله قوى
الف مبرروووووووك

إ بـ ر ا هـ يـ م said...

مبروك مره تانيه يا نوران و كويس انك فرحانه و مبسوطه انتي البلوج بتاعك هيبقي لذيذ اوي الفتره الجايه فتره لزق الرغبات - شكلك هتعمليها من علي النت و خلاص - و بعد كده اول يوم في الجامعه و احساسك بنظام الحياه الجديده هنستني ده كله منك
و في الجامعه مش عايزين اقل من ال 10 الاوائل خالص و ربنا معاكي
بالمناسبه انتيختك عملت ايه ؟

rasha said...

مبروك علي الطب ..؟؟؟ هو انت حولت علوم من وراي ظهري ولا ايه ايه حكايه الطب دي يوم الجمعه كنت عايزه هندسه ايه مستخصره المجموع ولا ايه .....ى

Dody said...

مبرووووووووووووووووووووك يا نورا ومن تفوق لتفوق دايما يا رب

m_elsewedy said...

ما شاء الله
الف الف مبرووووووووك
وعقبال الدكتوراه
بس جديدة علمى رياضة ويدخل طب دى
والله مش بعيدة على التعليم المصرى الرائع اللى مريح الطلبة كلهم

يلا عليكى وعلى هندسة او حاسبات ومعلومات
هو فى حاجة احسن؟
لحسن انا اخرى تجارة - الكليات العالية دى اعرفها طشاش كدة
:D

Ahmed Shokeir said...

مبروووووووووووك يانوران

أخيرا خبر حلو

Nouran said...

من زمااااان:
الله يبارك فيك وشكرا ع الواسطة اصلي نسيت ادخل امتحان الاحياءو دخلت رياضة

ام المريلة الكحلي:
الله يبارك فيك ابعتيلي عنوانك وابعتلك الحاجة الساقعة والسبوع يا ستي هبعتلك كانز كمان مش زجاجة علشان متقوليش عليا بخيلة
انا لو دخلت طب مجدي يعقوب هيقعد في البيت فعلشان كده قلت اخش هندسة يا مسهل يا رب :)

ابراهيم:
الله يبارك فيك يا دكتور والله كنت هخش الصبح علشان اقولك انهم بعتولي الرقم السري بتاع التنسيق علشان اعمله من النت اضيقت جدا والصبح البنات قالولي انه بقى استيكر رضوى قالتلي يا بنتي هاتي ب50قرش طوابع ولزقيهم شكلي هعمل كده
بس موضوع التنسيق من ع النت احسن بدل بهدلة التنسيق ولا مجربتش؟؟

رشا:
لا بس انا فضلت افكر طب ولا هندسة وعملت قرعة رسيت ع هندسة- ع فكرة الكلام ده السنة اللي فاتت بعد النتيجة- يعني كان اختياري نوعا ما او بمعنى اصح اختياري ومفيش كلام وهبقى احتفظ بباقي المجموع اللي هيفيض لحد من الاجيال القادمة وديهلهم لحسن فشلة كلهم

رضووووووى:
الله يبارك فيك يا بنتي حلوة مبروك ع البلوجات دي تصدقي ممكن نقضيها كده

Nouran said...

سويدي:
الله يبارك فيك والله مرضتش اخش طب كنت هتبهدل بابا قالي اجبلك واسطة وتخشيها خسارة المجموع :)
لا ان شاء الله هندسة يا رب وكمان يا سيدي تجارة اجدع ناس

ahmed shokeir:
الله يبارك في حضرتك والحمد لله ان في اخبار كويسة اليومين دول

darine said...

wallahi ata3ty albi ...enty akeed mate3rafeesh 7ad f handasa.....la2enik hatakhdy akbar MA2LAB f 7ayatik...anyways..mabroooooook...'n remember u've got friends in halwasa(ME)

bosbos said...

الف مبروك يا نوران
بفرح قوي لما بسمع المجاميع الجميله دي

بس انت كده هتتحسدي
اتبخري بقى

pharoinlove said...

my best congratulation nouran
مليون مبروك ومبروك عليكى الطب يا نوران واتمنى لكى التوفيق فى المرحلة القادمة

معلهش هى متاخرة لانى انا كنت مشغول
مببببببببببببببببببببببببببببببروك

pharoinlove said...

دلوقتى ممكن تحدثى البروفيل
تكتبى فى كلية الطب بدل من فى ثانوية عامة

Gid-Do - جدو said...

نوران ـ شمعة
مبروك انت كدة دستة شمع

Mamdouh Dorrah said...

الف مبروك يا عسل

مـحـمـد مـفـيـد said...

الف الف مبروك والله الواحد من اللي شافه يوم النتيجه خلا الواحد يكره نفسي اللي ناجح واللي ساقط وفي الاخر كله محصل بعضه
اخيرا الف مبروك واوعي تنسي الحاجه الساقعه

مهندس مصري said...

مبروك جت متاخرة انا عارف
هندسة بهدلة فعلا بس اكتر حاجة بحبها في الدنيا اكتر من الشيكولاته

marktwain said...

الف مبروك عقبال الشهادة الكبيرة

هوميروس said...

الف مليون مبروك يانوران ويارب تبقي مهندسة هايلة

Nouran said...

darine:
سلامة قلبك اول مرة تعلقيلي وقلبك يتقطع
لا والله اعرف ناس في هندسة وانا
عايزاها بكامل قوايا العقلية :)
والف مبروك

bosbos:
الله يبارك فيكي والحمد لله اننا فرحناكي
اروح اشتري بخور بسرعة :)

pharoinlove:
الله يبارك فيك بس هيا مش طب علشان انا كنت علم رياضة فطب طارت :)
وولا يهمك يا باشا
انا حدثتواوكتبت "من الثانوية للكلية والمجموع قرب ع الميه" حلوة صح

جدو:
الله يبارك في حضرتك وعقبال ياسمين وميحرمهاش ولا يحرمنا من حضرتك
لو النور اتقطع هنور جامد بالدستة دي شكرا يا جدو :)

cortex:
الله يبارك فيك

محمد مفيد:
الله يبارك فيك
ع رايك كله محصل بعضه ف الاخر كله هيتخرج ومش هيشتغل:)
اعتبر الحاجة الساقعة وصلت بتحبها نوعها ايه ولا اي حاجة ابعتها:)

مهندس مصري:
عاش من شافك يا بشمهندس و الله يبارك فيك انا حاسة اني هخش اتبهدل هناك من حكاوي الاخوة المهندسين اخش واجرب حظي :) وبجد بتحبها اكتر من الشيكولاتة دي تبقى حلوة وهننسى البهدلة اللي هنتبهدلها :)

marktwain:
الله يبارك فيك يا بشمندس

هوميروس:
الله يبارك فيك ويا رب اكون مهندسة كويسة زي ما بتقول يا رب

عمرو عزت said...

مبروك يا باشمهندسة نوران

Nouran said...

اللله يبارك فيك

man said...

مبروك يا سياده وزيره الاسكان (بس يا ريت يكون اسكان اقتصادى عشان الشباب اللى مش عارفين يلاقوا شقه 40 متر يتجوزوا فيها) وربنا يكرمك
اشكرك على كلمتك الموجوده فى مدونتى و يا ريت تعدى تانى عشان انا وضحت بعض النقط و يا ريت اشوف تعليقك على المدونه المتواضعه بتاعتى

daktara said...

الف الف مبروك وعقبال البكالوريا

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول