Monday, July 24, 2006

مش هكتب عنوان

طبعا مش بحب اكتب ف السياسة كتير علشان وجع الدماغ وارتفاع ضغط الدم واحمرار العينين وكل الاعراض اللي بتجيلي لما بسمع النشرة او بقرا الجرنان-انا عادة مش بقراه بس بشوف الصفحة الاولى وصفحة الرياضة وصفحة الحوادث والتحقيقات واخبار محلية علشان درجات الحرارة اصلا احنا مش بنجيب جرايد علشان مفيش حد بيقراها بس لما بابا يجي ممكن نجيبله الجرنان-شفتوا
المهم الكلام اللي هكتبه مظنش انه ليه علاقة بالسياسة بس فيه اسرائيل وممكن يكون ليه علاقة بالسياسة مش مشكلتنا
المهم النهاردة لا امبارح يوم الاحد يعني 23يوليو التاريخ ملوش علاقة باللي هقولوه الرغم انه يوم ثروة 23 يوليو بتاعة عبد الناصر اللي النهاردة روان بتسال ماما هما غايبين اغاني وطنية ليه ع كل القنوات قالتلها ده النهاردة الذكرى معرفش كام لثورة هيا كانت 52 ولا 56لا كانت 52 صح احتفلوا بالاغاني ما شاء الله :(
فضلت نايمه لحد الساعة سته بس صحيت صليت الظهر الساعة 3 ونمت تاني برضه مش مشكلتنا طبعا حلمت مليون حلم زي كل يوم بس حلم واحد علق ف دماغي كان معلق اول ما صحيت وبعدين علق دلوقتي خلاني ااجل كل اللي هكتبه
المهم حلمت ان رضوى ورشا معلش والله ده كان ف الحلم معرفش اشمعنى انتوا وكان عمو اسامة موجود برضوا ف اسرائيل معرفش ليه بعد كده كنت عايزه اكلم رشا بس خفت اكلمها قلت بعت مسج بعد كده سبحان الله بقيت هناك فين احنا فين احنا ف اسرائيل مع اننا كنا ف الحلم بس كنت خايفة اوي اوي اوي بمجرد سماع كلمة اسرائيل دي بصيت من بعيد لقيت زحمة كتير اتضح ان كل دول مصريين بس الغريب ان كل ده كان ف لصحرا ع الحدود-هوا احنا عندنا حدود مع اسائيل؟- بعد كده خير الله اجعله خير ان الاسرائليين ورانا واحنا مشيين مشيين بسرعة بنجري لحد ما وصلنا لمصريين اللي كانوا هناك واقفين ع الحدود معرفش اتخيلت ف الحلم طبعا ان الحدود دي عبارة عن بوابة مقولة والجنود قربوا قربوا اهم جايين علينا البوابة اتفتحت دخلنا احنا ف مصر يا حسيت برااحة غريبة حسيت بالامان يا ايه ده الواحد ميعرفش قيمة بلده غير لما يرح اسرائيل ويرجع لبلده ف الحلم
حسيت لما صحت اني فرحانة جدا ان حسني مرداش يحارب او يدخل ف الحرب وبقيت نفسي اشكره زي ما جدو عمل ف تدوينة بعد ما كنت هكتب بوست ع الريس بقول فيها انه صعبان عليا من اللي بيعمله بس برضه الواحد مينفعش يقول انه كويس علشان وفرنا الامن والاكل لا
بس حسيت بالانانية اني فرحانة ان معندناش حرب وغيري من العرب مفيش بيت يناموا فيه علشان الصواريخ الي دمرت بيتهم معرفش دي انانية ولا ايه بس الحمد لله ع نعمة االامن اللي احنا عايشين فيه لما نضرب من ولاد البلد احسن من لما نضرب من ولاد بلد غيربلدنا
يا ريت محدش يعلقلي ويقولي كنت متغطية كويس لان ده اليوم الوحيد اللي صحيت لقيت نفسب متغطيه ماشي

16 comments:

مـحـمـد مـفـيـد said...

فضفضه جميله والظاهر انك بتفكري في مليون حاجه مع بعض

daktara said...

اه ماهي ده المشكلة انك كنت متغطية
عارفة لو كنت نايمة مكشوفة كعادتك كنت حلمتي ان احنا بنحاربهم لأ وكسبناهم ورميناهم في البحر كمان

sherif gharib said...

جايز اللى كنت فية مش حلم يمكن امنية يمكن نكون نهاية الامنية مختلفة فى الحقيقة لكن واضح اننا فى القضيى دية ماعدش فاضل لينا غير الاحلام
تحياتى

إ بـ ر ا هـ يـ م said...

خلاص بلاش تقري اي حاجه في الجرنان و خليكي علي سبيس تون

Dody said...

لا حول ولا قوه الا بالله ايه يا بنتى اللى حصلك انا كنت سايباكى كويسه يا عينى عليكى وعلى راي ابراهيم بلاش جرايد وخليكى فى mbc3
عشان سبيس تون راحت عليها

محمود عزت said...

بابا حسني بيتعب يا جدعان
بيصحى الصبح يلعب إسكواش و يجري في نادى الجزيرة لحد ما نفسه يتقطع
ربنا يخليه لينا يارب
يا نوران
لو شفتي رشا و رضوى و عمو أساامة تاني في الحلم أو في تل أبيب سلميلي عليهم عشان بقالي كتير ماشفتهمش

Nouran said...

محمد مفيد:
فعلا فضفضة حلم وانزاح :)

daktara:
يا رايك كده يعني لو متغطيتش كل يوم هحلم احلام سعيدة وهرميهم كمان ف البحر ادعي الجو يبقى حر علشان متغطاش :)

sherif gharib:
يمكن بس انا متاكده اني كنت نايمه صح عندك حق مش ف ايدينا دلوقتي غير الاحلام

ابراهيم:
مش انت اللي قولتلي اعملي كبيرة وكمان انت مش بتتعلم قولنا سبيس تون راحت عليها يا دكتور دلوقتي ام بي سي 3 علشان تتفرج عليها بتجيب افلام حلوة بليل :) متقولش سبايس تون تاني ماشي

دودي:
شوفت يا بنتي كل ده علشان اتغطيت مشكلة انا كنت كويسة لحد ما اتفرجت ع الجزيرة وشفت الاهرام والهلاوس بدأت
انت كده كويسة خليني ف ام بي سي ثري والله بتجيب افلام حلوة بليل ومسلسلات كويسة وممكن شوية توم وجيري :)

محمود عزت:
انت اسمك محمود حسني يا دكتور ولا ايه ويا رب يخليه لينا يا رب يا مروقنا يا حسني يا مهنينا
طب لو شفتهم الجمعة اسلم عليهم ولا لازم ف تل ابيب
ويوصل سلامك ان شاء الله يا دكتور :)

m_elsewedy said...

كل ده فى قلبك وكنتى شايلاه وساكتة؟
يلا انا مستنى الحلم بتاع بكرة
:D

bosbos said...

والله انت سكر يا نوران

ضحكتيني وانا مليش نفس

soosa el-mafroosa said...

هاااي
يا بنتي احنا صحيح في أمان بس عاملين زي الفراخ في العشه...بما انك غاوية كارتون و كده شفتي
chicken run
بتاع ميل جيبسون..أهو احنا بقه زي الفراخ دي بالظبط مستنيين الدور علينا عشان نتعمل كفته

بابا حسني هيعملنا كفته يعني هيعملنا كفته ..وكل واحد مننا هياخد سيخ

rasha said...

عليه العوض ومنه العوض ايه اللي حصل و بعدين يا جبانه خايفه تكلميني و تبعتي مسدج علي العموم هفسرلك الحلم انتي في علقك الباطن عايزه تحاربي اسرائيل بس خايفه تروحي لوحدك فختيني انا و بابا و رضوي وبعدين اكتشفتي ان احنا مش هنقدر نحاربهم فقررتي انك ترجعي لمصر تاني .... بس يانادله ما خدتناش ليه معاكي علي مصر و لا ايه مصرنا سبتينا فين ؟؟؟

Nouran said...

سويدي:
شفت كنت شايله كتير من ايام الثانوية العامة
وانا كمان مستنياه يا ترى هروح فين تاني :)

بسبس:
والله انت اللي عسل وسكر واضجكي يا بنتي محدش واخد منها حاجة

سوسة المفروسة:
اهلا بيك عندي اول مرة صح:)
امان بس زي الفراخ ع رايك احنا مستنين دورنا بس انا مشفتش الكارتون ده قولت لبابا يجيبهولي بس نسي وهنتعمل كفته فراخ كده بقى بس يا ريت بابا حسني يدي لكل واحد مصري سيخ ميعماش تفرقة عنصرية بينا ماشي

رشا:
ليه يا ينتي انا عملت ايه والله مكنش قصدي واكيد اخاف اكلمك لحسن التليفون يكون متراقب اتاخد انا كمان احمدي ربنا اني فكرت اعبرك بمسج اصلا وبعدين ما انا جتلكوا ومتخفيش يا ستي رجعتوا معايا تاني مسبتكوش هناك
انت سبتي العمارة ودخلتي ف تفسير الاحلام بس اقولك انا ختكوا ليه علشان عمو هو اللي بتاع سياسة ورضوى بتاعة مظاهرات وانت علشان بحبك :)

BeeBee said...

I find ur blog "addictive"... I love reading ur posts and I love reading the comments u get... I'm an Arab... Born in Lebanon, originnaly from Palestine and my name is beirut. I'm ashamed to say that I type in English cause I can't type in Arabic at all... Yet, I write poetry in both languages!!
U seem to be very well involved in what's going on... And as mohammad said, u seem to have a million thoughts running through ur head... And again, I am proud of u, as an Arab.

أجدع واحد في الشارع said...

ههههههههههههههههه
والله انتى مشكله

Nouran said...

ابن الشارع :
انا مشكلة طب الله يسامحك :))

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول