Wednesday, July 19, 2006

تساؤلات

تساؤلات نطت في دماغي لما شفت امبارح قناة الجزيرة ومكتوب في الشريط اليوم السابع للقذف ع لبنان- طبعا انا مليش ف اي حاجة من دي- بس الكبار كانوا بيتفرجوا واقعدت اتفرج معاهم ونطت ف دماغي حجات كتيرة اوي
العرب عاملين
بمبدأ من خاف سلم
.ولا بمبدأ رحم الله امرء عرف قدر نفسه
ولا بمبدأ عيش ندل تموت مستور
ولا بمبدا الجبن سيد الاخلاق .
ولا بمبدأ انا واخويا ع ابن عمي وانا وابن عمي ع الغريب
.
ربطت المقولات دي بالوضع الراهن في لبنان ولقيت ان العرب بيعملو بالمبدأ الاول والتالت والرابع طبعا
من خاف سلم والجبن سيد الاخلاق من المبادئ اللي الحكام العرب بيحبوا جدا لانها بتخلصهم من المشاكل سواء ف فلسطين او ف لبنان حاليا
اما عيش ندل تموت مستور ده اهم واحد علشامن لو قرروا يحاربوا مظنش ان في جيش فهيتفضحوا ف هيندلوا مع لبنان ونيتهم صافية انهم بيعملوا الصح
اما المبدا التاني: "رحم الله امرء عرف قدر نفسه" فده ممكن يكون استبن عندهم ع اساس ان امريكا بتساعد اسرائيل
ام اخر مبدأ وهو انا واخويا ع ابن عمي وان وابن عمي ع الغريب مظنش انهم يعرفوا او عارفينه ومطنشين او ممكن بيحسبوا اسرائيل هي اللي بنت عمهم ولبنان الغريب :)
تساؤل اخير : هو في في الدول العربية جيش " انا عارفة ان كان في زمان عندنا جيش هو لسة موجود" حد يجاوبني لو سمحتوا

10 comments:

مـحـمـد مـفـيـد said...

والله انتي جمعتي بعض الصفات ومش كلها وبالنسبه للجيش فخلاص عليه العوض الرجاله ماتو في الحرب

marktwain said...

السياسة تعرفيها ؟
هي السبب في ده كله مش ولا مبدأ من المبادئ دول ثم تعرفي الحرب عارفة يعني ايه اسالي باباكي كده عنها و الا لو رحتي لمد القناة اسألى الناس العواجيز عنها
قرار الحرب أو التدخل في الحرب مش قرار بيتاخد من على القهوة انتى عشان تخشي حرب لازم يكون عندك مخزون استراتيجي عارفة عني ايه مخزون استراتيجي ؟
يعيني اكل , وعلاج , وبترول , وسلاح و ذخيرة , و...,.. ألخ
اما بخصوص الجيش فتبعا لأخر الإحصائيات فأن البحرية المصرية هي اقو من البحرية اللإسرائيلية مايربو 3 اضعاف
احنا عندنا جيش و مدرب كويس بس مش لازم كل حاجة تتعلن و مش لازم الشعب يعرف كل حاجة , يعنى مثلا تعرفي دلوقت ايه هي التحركات اللي بتحصل داخل اروقة احدى قيادات الدولة .
اذن ماتقوليش مافيش جيش و ان الرجاة ماتوا في الحرب اصل اللي يقول كدة اكيد مابحسبش نفسه من الرجالة ده كلام المقصود بيه اننا نهد عزيمتنا و نفقد الامل
بتهئ لي ان بعد النكسة كانت الدنيا ضلمة لكنهم ماسأسوش و قالو الرجاله ماتو في النكسة
مش كده و الا ايه

مهندس مصري said...

جيش استغفر الله العظيم بصي يا نوران احنا والحمد لله اخترنا السلام وده في فكر الحكام العرب لايحتاج لجيش بينما يحتاج لذل وقمع وانهيار في كل المؤسسات

layal said...

أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
وبأي لغة نستطيع نشرها
بالإنجليزية
We are with Lebanon and Palestine against Israel and occupiers
والفرنسية
Nous sommes avec tous le Liban et la Palestine contre l’Israel et les occupants
والألمانية
Wir sind zusammen mit dem Libanon und Palästina gegen Israel und Besatzer
والإسبانية
Somos todos con Líbano y Palestina contra Israel e inquilinos
والصينية
我们都是同黎巴嫩和巴勒斯坦对以色列占领者
واليابانية
私達はイスラエル共和国および占有者に対してレバノンおよ
びパレスチナとのすべてである
تحياتي للجميع

إ بـ ر ا هـ يـ م said...

بصي مش هينفع نحارب حسب التقارير العسكريه اللي عندي من شويه عساكر و ظباط كده مش هينفع نحارب عشان العربيات و الدبابات اللي في مصر من ايام جدو احمس الله يبشبش الطوبه اللي تحت موميته

حاجه بعيده شويه عن الموضوع يا بنتي انتي ليه عايشه دور العيله اوي كده انتي كبيره كبرتي خلاص ك ب ي ر ه انتي بتقولي : طبعا انا مليش ف اي حاجة من دي- بس الكبار كانوا بيتفرجوا واقعدت اتفرج معاهم
امال عايزه تتفرجي علي سبيس تون مثلا يعني؟

Nouran said...

محمد:
اكيد محدش هيعرف يجمع صفاتهم انت بتهرج ولا ايه دي صفات كتير

مارك توين:
انا اسمع عن السياسة دي طشاش كده
بس ممكن تكون المبادئ دي متخلخلة ف السياسة وانا مكلمتش عن الحرب اصله مش قرار يتاخد ع القهوة ذي ما قولت بس شكلنا معندناش مخزون استراتيجي ولا ايه وانا مقلتش ان مفيش رجالة انا كنت بسأل عن وجود جيش او عدمه

المهندس المصري:
استغفر الله العظيم سامحني يا رب والحمد لله ع السلام اللي عندنا

layal:
ان شاء الله

ابراهيم:
انا مش عايزة الحرب خلينا ف السلام ع راي المهندس المصري السلام حلو واظن ان احنا مش هنحارب او نتحتح غير لما يجي لحد عندنا غير كده احنا متفرجين

كمان صح مع الكبار كانوا بابا ومااما وخالو وطنط وطنط وكذا طنط يعني كبار انا جنبهم بنتهم يبقى صغيرة :)
وكمان ع فكرة شكلك مش بتتفرج ع سبايس تون من فترة خلاص راحت عليها ياد كتور
انت بقالك كتير مش بتتفرج عليها يادكتور انصحك تتفرج ع mbc3بقت احسن الفترة اللي فاتت دي شكلك بقيت قديم اوي يا دكتور لازم تواكب العصر :)

upsidedownworld said...

ah, tab3an fee army, beyroo7 kowat 7efz salam fe bosnia, we ye7areb fel iraq (ninties), we beye3mel 7afalat ta7'arog kaman beyekteb feeha esm mubarak belgonod.

rasha said...

لا طبعا محدش قال ان احنا نحارب لوحدنا اكيد هننهزم و نتبهدل بس في حاجه اسمها دول عربيه كتيره المفروض تساعد بعض زي ما عملوا في 73 و انتصرنا علي اسرائيل و لا ايه...؟

BeeBee said...

There was an Arab Army... Now it's Americanized!! Just like everyuthing else in our lives!

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول