Sunday, July 09, 2006

ايه السبب اللي ممكن ميخلنيش اكتب

كتبت يجي 6 بوستات وكان مصيرهم الموت مش الموت اوي تقدر تقول التاجيل شكلي
لما اتريقت ع موضوع الصفر بتاع ابراهيم يظهر عفاريت البوست زعلت وحطتني في
دماغها وخلتني معرفش اكتب حاجة
ابراهيم والنبي خليهم يبعدوا عني خلاص والله حرمت
مقدرش افضل كل ده مش بكتب كفاية ايام المدرسة بس ممكن ميكونش سبب العفاريت
ممكن يكون سبب داخلي حالة خوف داخلي مش ظاهر برة خالص علشان اللي يشوفني مش
هيقول واحدة مستنية نتيجتها بصراحة بحب ابان باردة ومش هممني بس
من جوة ببقى خايفة جدا جدا او ممكن ميكنش السبب ده برضه اكيد بسبب تشويش
لذهن اللي بعاني منه من غير معرف سببه متسالونيش ازاي بس هو كده وخلاص
اوممكن يكون بسبب كتر الافكار بس كتر الافكار نابع من تشويش الذهن و ممكن يكون
بسبب انه مفيش رغبة بالكتابة بس ازاي مظنش برضه يكون هو السبب اني مش عارفة
اكتب الموضوع بالصورة المرضية بالنسبة ليا او ممكن يكون ان الورقة والقلم وحشوني
وعايزة اكتب بيهم مش على الكمبيوتر بس برضوا مظنش انه سبب كفاية مش
عارفةاممكن لو بعدت شوية اكتب حلو لا مش فكرة كويسة هي اكيد حالة وهتعدي
يلا محدش واخد منها حاجة افرفش علشان احنا في اجازة ومفيش مشكلة لو خرجت مع
صحابي كل الخروجات بتتفركش هنحاول نبني خروجة كويسة يالا نأسف للازعاج وللدوشة :)
تلات حاجات عايزة اقولها
اول حاجة : مبروووووووووووك يا دكتور ابراهيم ع النجاح والله انا فرحتلك يا دكتور
كاني انا اللي نجحت
تاني حاجة: مبرووووووووووووك لالمانيا عالمركز التالت اينعم مشفتش الماتش علشان كنت بره بس اكيد
كان لو وكويس ان المانيا نالت من الحب جانب
تالت حاجة:محدش عنده واسطه يجيبلي النتيجة علشان اتخنقت "انا بهزر"
بيقولوا النتيجة هتطلع يوم السبت في المدرسة والجمعة بليل ع النت :)
تحديث:
ايطاليا خدت كاس العالم الماتش كان جامد خصوصا الشوط التاني بس الفرنسيين صعبوا عليا والله كانوا بيلعبوا حلو بس زيدان اتطرد ممكن يكون ده سبب تضيع ضربة جزاء لا لا ملوش علاقة بالموضوع :)
النتيجة معرفش هتطلع امتى بالظبط اظن ان الاشاعات انها هتطلع السبت بس الاكيد انها هتطلع الاسبوع الجاي ان شاء الله

10 comments:

إ بـ ر ا هـ يـ م said...

صعب تكتبي و انتي متوتره و فيه حاجه شاغله دماغك خدي اجازه من التدوين و مش تقلقي نفسك بموضوع النتيجه حاولي تهدي و تسترخي ( شويه ثقه في نفسك يا باشمهندسه )يلا بقي هنستناكي يوم الجمعه بالليل خالص او ممكن يوم الخميس نلاقي مكالمه من مكتب سيادة الوزير مين يعرف !! علي فكره شكرا جدا علي مبروك ام 11 واو دي مردوده قريب ان شاء الله

rasha said...

معلش يا بنتي معاكي حق اذا كان انا لما سمعت ان نتيجه قسم تاني في الكليه مش فسمي طلعت بدأت بالتوتر ما بال نتيجتي اناو لا نتيجه الثانويه بتاعتك مش عارفه عندي رغبه قويه اني اجبهالك زي ما جبتها لي قبل كده ..

Ahmad El-Saeed said...

انا ليلة نتيجة الثانوية العامة كنت قاعد بلعب فيفا على الكمبيوتر ... و ماما كانت بتشد شعرها بدالى

تفتكرى ليه يا نوران ؟

:P

مـحـمـد مـفـيـد said...

اتمني لكي النجاح اولا
اكتبي بعد النتيجه لانك مشتته التفكير الان ولا تكتبي وانتي بالك مشغول
واحييكي علي اهتمامك بالكره

pharoinlove said...

البى عندك واللة انشاء اله تنجحى وتجيبى مجموع حلو.والقلق والتوتر دا شىء طبيعى ببساطة الانى دا مستقبلك.اما بصوص المونديال فمبروك لايطاليا مع انى كان نفسى فرنسا هى الى تاخذ البطولة .الحاجة الوحيدة الى زعلتنى اوى هى طرد زيدان.يقول لتريزجى هون عليك مع انك ضيعتزكلة جراء كان ممكن تكسبك الكاس.


سؤال شخصى ا نوران هو انتى عايزة تدخلى كلية ايه

كمانجه said...

أخيرا لاقيتك أنت كنتى ضايعه منى فين؟.

انا على فكره دخلت عندك مره وعلقت وبعدين قعدت أدور على اللنك بتاعك حتى مل البحث وأخيرا أشوفك بالصدفه البحته
دا شئ ولا فى الأحلام
اللى شدنى فى المدونه دى النضوج اللى باين عليكى على الرغم من صغر سنك
بجد انا مبسوط جدا جدا علشان لاقيتك

Nouran said...

ابراهيم:
صعب فعلا بس انا بشخبط في الورق بطلع اللي جوايا وممكن لو لقيت حاجة صالحة للكتابة بعد كده ابقى اكتبها ومش هكتب حاجة تانية الا يوم النتيجة الصبح اعيطلوكوا شوية واقولكم اني خايفة وادعولي الكلام ده الصبح وان شاء الله لما اجيبها اخش واقولكوا باركولي :)
اي خدمة ع ال11 واو بس لو سمحت اانا عايزة عدد الواوات يبقى كتير اكتر من 11 ماشي الكلام ولا ايه يا دكتور :)

رشا:
طبعا معايا حق ده انا ثانوية عامة يا عالم والامتحانات جاية وحشة بس والنبي يا شيخة بلاش تجيبيلي النتيجة زي ما عملت فيكي وبلاش يسهلهالك ماشي ولا ايه احنا ولاد عم برضه :)

ahmad el saeed:
ممكن علشان كنت بتخسر في الماتش اللي بتلعبه :)

محمد مفيد:
يا رب انجح وهحاول مكتبش غير ساعة النتيجة
لو كنت تعرفني في اعدادي مش هتصدق كنت حافظة ارقام فانلات اللعيبة بتوع كل حاجة بس نعمل ايه ثانوية عامة بقى
يعني انا كروية قديمة جدا

pharoinlove:
ادعولي بس ونسيب الباقي ع ربنا :)
بصراحة فرنسا لعبت حلو الشوط التاني بس كان حظهم وحش بس انا كنت بشجع ايطاليا
ياااا رب اخش كليه الهندسة :)

كمانجة:
واالله انا موجودة بس اختفيت شوية ايام الامتحانات والمذاكرة حضرتك عارف ثانوية عامة وانا مبسوطة علشان حضرتك لقيتني والله بفرح لما حد يقولي كنت ضايعة ولقيناك اينعم بحس اني طفل تايه بس مش مشكلة
بس هو بجد باين النضوج عليا اوي كده؟

pharoinlove said...

ربنا يوفقك وتخشى الكلية الى انتى عايزاها اميييييييييييييييين

Nouran said...

امين يا رب

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول